Norin tuman hokimligi | rasmiy kanali

“Китоблар ва қаҳва – мукаммал уйғунлиги”га хуш келибсиз!

Мамлакатимиз мактабларини битирувчи ўғил-қизларимизга табрик — Поздравление выпускникам школ нашей страны Prezident.uz|Facebook|Instagram|YouTube|X

Байрам хавфсиз ўтиши учун Маълумки, шу кунларда умумтаълим мактабларида сўнгги қўнғироқ тадбирларини ўтказишга тайёргарлик кўрилмоқда. Ана шу муносабат билан туман ҳокими, сектор раҳбарлари, мактабгача ва мактаб таълими бўлими мутасаддилари иштирокида байрамни хавфсиз ўтиши масалаларига бағишланган йиғилиш бўлиб ўтди. Мактаб ўқувчилари билан боғлиқ ЙТҲларнинг олдини олиш, вояга етмаган, ҳайдовчилик гувоҳномасига эга бўлмаган шахсларни автомашина бошқаришига йўл қўймаслик, ўқувчиларнинг тадбирлар тугагач кўнгилочар жойларга боришларини назорат қилиш масалалари ҳақида сўз борди. Мактабларда битирувчи ёшларнинг яқинлари томонидан табриклаш маросимлари бўлмаслиги уқтирилди. Норин тумани ҳокимлиги Ахборот хизмати.

Қишлоқ хўжалиги масалалари танқидий таҳлил қилинди. Норин туманида қишлоқ хўжалиги соҳасида олиб борилаётган ишларни ўрганиш бўйича вилоят ишчи гуруҳи бугун туманда ўрганиш ишларини олиб бориб, туман ҳудудларида 2024 йил ҳосили учун экилган ғўза майдонларида агротехник тадбирларнинг ижросини ўрганиб, якунда фермер хўжаликлари раҳбарлари иштирокида таҳлилий йиғилиш ўтказилди. Вилоят ишчи гуруҳи, туман раҳбари бошчилигидаги сектор раҳбарлари, ММТП раислари, фермер хўжаликлари раҳбарлари иштирок этган йиғилишда йўл қўйилган хато ва камчиликлар кўрсатиб ўтилди. Шунингдек, бугунги об-ҳаво шароитидан келиб чиқиб, асосий агротехник тадбирларни тезкор бажариш, жумладан, қатор ораларни культивация орқали чуқур юмшатиш, ўғитлаш, ягоналаш, чопиқ қилиш, минерал ўғитлар билан озиқлантириш, касаллик ва зараркунандаларга қарши курашишда кимёвий ва биомаҳсулотларни самарали қўллаш, пилла терими каби бир қатор долзарб вазифалар муҳокама қилинди. Йиғилиш давомида ҳар бир агротехник тадбирни ўз вақтида сифатли амалга ошириш юзасидан аниқ муддатли вазифалар белгилаб берилди.

Норин туманида Маданий-маърифий ойлиги давомида Еттиқашқа маҳалласи ҳудудидаги 12-сонли мактабда туман ҳокимлиги, "Нуроний" жамғармаси туман бўлими ва Ўзбекистон маҳаллалари уюшмаси билан ҳамкорликда "Уч авлод учрашуви" ташкил этилди. 🏫Мактабда ўқувчиларга яратиб берилган қулай шароитлар ва имкониятлар ҳамда мактаб ҳаёти билан яқиндан танишилди. Бундан ташқари мактабда стол тенниси бўйича муобақа ўқазилиб, ғолиб бўлган ўқувчилар эсталик совғалари ва фаҳрий ёрлиқлар билан тақдирланди. 🕰Шундан сўнг шу мактабда таҳсил олган ватанимиз ҳимоячиси, сарҳадларимиз учун жойини фидо қилган ватандошимиз Йигиталиев ҳаёти ёд олиниб, унинг ҳаққига дуо фотиҳа қилинди.

Муборак Ҳаж зиёрати олдидан Бугун Норин туманидан 2024 йил Муборак Ҳаж зиёратига борувчи 100 нафар фуқаролар билан туман марказидаги "Роҳат" тантаналар мажмуасида бир пиёла чой ташкил қилинди. Учрашувда Норин тумани ҳокими Жўрабек Нурматов,  сектор раҳбарли, Нуронийлар, туман бош имом хатиби Камолиддин Ҳамроқуловлар томонидан илиқ фикрлар билдирилди. Норин туман ҳокимлиги Ахборот хизмати.

Норин туман 2-сектор раҳбари  А.А.Турғунов  бошчилигида "Бўритепа" маҳалласидаги ёшлар  билан  учрашув бўлиб ўтди. Очиқ ва самимий руҳда ўтган мулоқот давомида маҳаллада яшовчи ёшлар ўзларини қийнаб келаётган муаммолар билан мурожаат этишди. Учрашувда асосан "Маърифат" кўчасига тунги чироқлар ўрнатиш, субсидия, мактаб спорт зали учун воллейбой тўри олиш ҳамда бошка масалалар кўтарилди. Мазкур мурожаатларни ижобий ҳал этилиши юзасидан масъулларга топшириқлар берилди ва туман прокурори томонидан ижроси алоҳида назоратга олинди.

#Меҳрдан мунаввар олам" #китоб улаш лойиҳаси" Норин туманида 25-май сўнги қўнғироқ тадбири олдидан тумандаги умумтаълим мактабларида якка тартибда таълим олаётган бир гуруҳ ўқувчилар холидан хабар олинди. Бунда туман Маънавият ва маърифат маркази раҳбари М.Таджибаева ва туман мактабгача ва мактаб таълими бўлими бошлиғи Б.Гафуровлар томонидан ўқувчиларнинг яшаш хонадонларига бориб, улаларни таътил кунлари бўш вақтларини мазмунли ўтказишлари учун бадиий китоблар совға қилинди. Маълумот учун тумандаги умумтаълим мактабларида касаллиги сабабли якка тартибда жами 97 нафар ўқувчилар таълим олмоқда, уларга 312 нафар малакали педагоглар бириктирилган.