Асланов билан футбол
Журналист Қаҳрамон Аслановнинг футбол мавзусидаги фикрлари, қарашлари, қизиқарли факт ва маълумотлар. Тижорий ҳамкорлик учун: @Muhammadsalah7
Ko'proq ko'rsatish- Kanalning o'sishi
- Post qamrovi
- ER - jalb qilish nisbati
Ma'lumot yuklanmoqda...
Ma'lumot yuklanmoqda...
Энди Италия чемпионатида «Аталанта» «Болонья» ёки «Ювентус»ни қувиб ўтмаслиги керак. Гап шундаки, Европа лигасини ютгач, бергамоликлар келаси мавсум Чемпионлар Лигаси йўлланмасини қўлга киритди. ЕЧЛ регламентига кўра, ушбу мавсумда еврокубокларда энг яхши қатнашган иккита лигага (Италия ва Германия) қўшимча йўлланма берилади. Бу йўлланма ўша лигаларда ЕЧЛ йўлланмасини қўлга кирита олмаган энг яхши кўрсаткичли жамоаларга берилади. Агар «Аталанта» 4-ўринни қўлга киритса, уларда ЕЧЛ йўлланмаси 2 та бўлиб, биттаси куйиб кетади. «Болонья» ёки «Ювентус» 5-ўрин сифатида ЕЧЛдаги қўшимча ўринга эга бўлади. Агар «Аталанта» 5-ўринни олса, дастлабки 5 жамоа шундоғам ЕЧЛ йўлланмасини қўлга киритган, қўшимча ўрин «Рома»га насиб қилади. Италиядан 6 жамоа Чемпионлар Лигасида қатнашади. Худди шундай имконият Германияда 6-ўринни олган «Айнтрахт»да ҳам бор. Агар Бундеслиганинг 5-жамоаси «Боруссия» финалда ютиб, уёқдан ЕЧЛ йўлланмасини қўлга киритса. @aslanov_futbol
Бугун Туркия чемпионати охирги турида қизиқ ўйин бор: Коньяспор - Галатасарай. «Галатасарай» ўтган ўйинда «Фенербахче»га ютқазиб қўйди ва орадаги фарқ 3 очко бўлиб қолди. Энди Коньяда жамоа камида дуранг ўйнаши керак. Ютқазса, «Фенербахче» ўз ўйинини ютиб, чемпионга айланиши мумкин. «Коньяспор»га ҳам дуранг зарур. Шундагина лигада ўз ўрнини сақлаб қолади. Агар ютқазадиган бўлса, орқадагилар қувиб ўтиши мумкин. Демак, ҳар икки жамоани ҳам дуранг тўлиқ қаноатлантиради. Шунинг учун барчанинг кўзи ушбу учрашувга қаратилган. @aslanov_futbol
Дунёдаги энг қимматбаҳо ғалаба қайси деб ўйлайсиз? Агар фақат молиявий фойда томонидан ўлчасак? ЕЧЛ финалими? Ёки Жаҳон Чемпионини аниқлайдиган ўйинми? Йўқ. Энг қиммат ўйин ҳозиргина «Уэмбли»да, Брентфорд ва Фулҳэм ўртасида бошланди. Бу баҳсда келаси йилда АПЛ да қатнашадиган учинчи жамоа номи маълум бўлади. АПЛ улкан телешартномалар туфайли, ҳар бир иштирокчисига бир мавсум учун қарийб 100 миллион фунт беради. Мабодо, бугунги ғолиб келаси мавсумда қайтиб Чемпионшипга тушиб кетган тақдирдаям, «парашют» тўлови бор - яъни АПЛга чиқиб, масалан, катта маош шартномаларини тузиб, аммо пастки лигага тушиб кетгач, банкрот бўлмаслиги учун берилади. Бу суммаям уч йилда тахминан 50-60 миллион фунтни ташкил қилади. Демак, бугун АПЛ га чиқадиган жамоа кейинги уч йилда камида 150 миллион фунтга эга бўлар экан. Мабодо омади келиб, АПЛ да яна бир йил қоладиган бўлса, кейинги икки йилда 200 миллион фунт, учинчи мавсумдаги «парашют» билан 250 миллион бўлиб кетади. Даҳшат, тўғрими? Ўша ЕЧЛ финалида ютган клуб ҳам бунча…