.

Abdulla Oripov oltin qalamiga mansub ijod namunalaridan @tosh_oyna

Chiqindilarni ko'chaga tashlayotganingizda shu ayolni mehnati ko'z oldingizda tursin. Bu ayolning aybi, oilasi va farzandlarini halol boqaman degani! @tosh_oyna

To'ylar masalasi o'zbekning boshiga bitgan birinchi balo bo'lsa, ko'z-ko'z uchun yashash ikkinchi balodir! Fikrlaringizni muhokamada qoldiring! @Tosh_oyna

Шавкат Мирзиёев: «Энг катта хавф - кадрлар савияси». Дарҳақиқат, яхши кадрлар тайёрлаш ҳар қандай жамият келажаги учун энг муҳим омил хисобланади. Фарзандларимизни билимли бўлишлари учун боримизни беришимиз керак. @tosh_oyna

Бир аёл 20 динор пулини йўқотиб қўйиб, кўчага қуйидагича эълон илиб қўйди: «Мен 20 динор пулимни йўқотиб қўйдим. Ким уни топиб олса, фалон манзилдаги фалон хонадонга қайтарсин, чунки маошим оз бўлгани учун пулга жуда муҳтожман. Ҳозир ейишга ноним ҳам йўқ». Бир киши «Мен ўша пулни топиб олдим» деб, ҳамёнидан 20 динор пулни чиқариб, ўша хотин яшайдиган манзилга борди. Пулни олган хотин йиғлаб юбориб, «Ўғлим, сен ўша пулни топиб олдим деб келган ўн иккинчи кишисан», деди. Пулни олиб келган одам бир табассум қилди-да, лифт томон юрди. Шу пайт ҳалиги хотин йиғидан тўхтаб, шундай деди: «Болам! Сен бориб ўша эълонни йиртиб ташла. Уни мен ёзмаганман, ўзи ёзишни билмайман ҳам. Шунча одамнинг менга қилган ғамхўрлигидан ҳаётга яна умидим уйғонди, дунё кўзимга гўзал кўриниб кетяпти». Азизлар, ўзингиз неъматга ғарқ бўлган ҳолда муҳтожларни ташлаб қўйманг. Садақа улашинг, чунки кафаннинг чўнтаги йўқ! @tosh_oyna

Ispaniya Poytaxtida buyuk O'zbek olimi - Al-Xorazmiyga yodgorlik o'rnatildi. Madrid Shahridagi Complutense universiteti fizika fanlari fakultetini binosi oldida harbiy-dengiz Ligasi va O'zbekiston hukumati tashabbusi bilan zamonaviy Algebraning Otasi - Muhammad ibn Muso Al-Xorazmiy haykali o'rnatildi, bronzadan ishlangan ushbu betakror sanʼat asari xorazmlik yosh isteʼdodli O'zbek haykaltarosh Jasvand Annazarov ijodi mahsuli. Yodgorlikning rasmiy ochilish marosimi yil ohiriga universitet raxbariyati, harbiy-dengiz ligasi va O'zbekiston hukumati ishtirokida o'tkaziladi. © Facebookdan

Islom Karimov nomidagi Toshkent xalqaro aeroportida 4 dona o'z-o'zini ro'yhatdan o'tkazish (Self check-in) kioskalari o'rnatilibdi. So'nggi vaqtlardagi ko'plab parvozlar bekor qilinganligi tufayli hozircha "Turkish Airlines" kompaniyasi xizmatidan foydalanayotganlar uchun amal qilar ekan. Ijobiy o'zgarishlar ham talaygina! Rosti, xursand bo'ldim! https://t.me/joinchat/AAAAAE1pjZjXLCGjGWdaCg

Қорабайир зотдор отларидан ташкил топган кичик карвон Қашқадарёдан Тошкентга қараб йўл олди Шаҳрисабз шаҳрининг “Оқсарой” мажмуасидан Тошкент шаҳрининг Амир Темур хиёбонигача давом этадиган ушбу парадда 12та зотдор отлар иштирок этмоқда. Отлар марафонида вилоят ҳокими Зойир Мирзаев ҳам қатнашяпти. Фото манбалари: 1, 2 👉 @xushnudbek 👈

Қашқадарёда юзга яқин уй-жой мулкдорлари ширкатлари тугатилмоқда. Агар ҳаракат қилинмаса, юкламаси банкларга бўлиши тайин. Афсуски ширкатлар билдирилган ушбу ишончни оқлай олишмади, дейилади вилоят уй-жой коммунал хизмат кўрсатиш бошқармаси хабарида. Кўп квартирали уйларни том қисми, ертўла қисми, коммуникация тизимлари, болалар майдончалари ва унга туташ ҳудудлар ширкатлар томонидан узоқ йиллардан буён таъмирланмаганлиги натижасида жуда оғир аҳволга тушиб қолгани сабаб 88 та ширкат тугатилиб 10 та Бошқарув сервис компанияси ташкил этилармуш. Шу ўринда табиий саволлар туғилади? 1. Ширкатларга ҳокимият босими билан берилган бир неча миллиардлик кредитлар тақдири нима бўлади? Еган еди, ҳазм бўлди, қозонлар ёпиқ қолаверадими? Талаб шуки, токи ширкатлар банклар олдидаги кредитларини сўндирмагунча тугатилмаслиги керак. Ҳокимлар ширкатларни тугатмоқчи бўлса, аввал, марҳамат қилиб, уларнинг кредитини ёпиб қўйишларини ўйласин. 2. Ширкатларнинг тугатилиши қонунчилик нормаларига амал қилинаяптими? Чунки қанақадир ҳоким ёки уй-жой коммунал хизмат кўрсатиш бошқармасини рўйхат тузиб ширкатларн тугатиб юборишга асло ҳаққи йўқ. Кўп қаватли уй-жойларда яшовчилар, билинг, сизнинг қарорингизсиз ширкатларни тугатишга ҳеч кимнинг ҳаққи йўқ. Ўрнига мажбурлаб Бошқарув компанияси тузиб у билан шартнома туздиришга ҳам. 3. Янгитдан тузилаётгани айтилаётган 10 та бошқарув сервис компанияларининг ортида кимлар турипти? Уларнинг ҳокимларнинг янги чап чўнтакларими? Йиллар давомида ширкатлар билан шерикликда миллиардларни ўзлаштирган ҳокимлар Бошқарув компаниялари билан пул ўзлаштирмайди, деб ким айтади? Кимдир улар бўйича танлов ўтказдими ёки уй-жой эгалари уларни ўзлари танладими? Ва энг асосийси: уларнинг пул маблағлари борми ўзи? Ёки яна тижорат банклари босим остида Бошқарув компанияларига ҳам триллионлаб кредит берадими? Ҳокимлар аралашган, қўли теккан иқтисодиётнинг қайси соҳаси борки, албатта якуни шундай бўлади - бу ширкат бўладими, экспорт бўладими ёки қишлоқ хўжалигими. Қачондир шуни тушуниб етилмас экан, миллиардлар янги ва янги "ислоҳотлар" баҳонаси билан ўзлаштиришда ўғирланишда давом этаверади. Шу ўринда тижорат банкларига мурожаат: Коммунал соҳасидаги бошқарув компанияларига кредит ажратилмаслиги борасидаги талабларни 2021 йил учун Кредит сиёсатига қўшиб, тасдиқлаб олинглар. @the_bakiroo

Энергетика вазири Алишер Султонов янги интервьюсида ташқи қарз масаласида Американи мисол келтирибди, “Американинг триллионлаб доллар ташқи қарзи бор, биласми шуни?”, деб. Дарҳақиқат, Американинг триллионлаб доллар ташқи қарзи бор, ҳатто одам афсус билан ўйланиб қолади — Американи чин кўнгилдан ёмон кўрадиганлар уни балки айнан мана шу катта ташқи қарзлари учун ёқтирмас, чунки Ўзбекистонга ўхшаган учинчи (ёки тўртинчи?) дунё мамлакатларининг ўтирган ўрнини 5—10 йиллаб совутмайдиган вазирчалари “Американинг триллионлаб доллар ташқи қарзи бор” деб, камбағал бир мамлакатни охири қашшоқ статусига туширади. “Американинг триллионлаб доллар қарзи бор” деган гап оғзининг бир чеккасидан чиқиб кетаверади, гўё биз ҳам шунга интилишимиз керакдек. Хўп, акаси, ташқи қарз бўйича яхши айтдингиз, энди, айтинг-чи, қарз-ҳаволага қуриладиган ҳалиги зорманда АЭСингиз қанчага тушади, деб сўрасанг, ҳатто тахминий рақамни айтишга ҳам қўрқади. “11 миллиард деб эшитувдим, Путинни помошниги Тошкентга келганида сизнинг ўрнингизга айтиб кетувди”, деб ўзинг аниқлаштирсанг, “ҳали ҳисоблаш керак, балки бундан кўп, балки кам бўлар”, дейди. “Американинг триллионлаб доллар қарзи бор” деганингдаги каби шартта айтсанг-чи, “ҳурматли совуқда қалтираб ўтирган аксарият ўзбекистонликлар, сизлар 2030 йилдан бошлаб дальше совуқда ўтирасизлар, лекин мен бошлиқ шу бир-икки йилда Россиядан олинадиган 20 миллиард долларча қарзни ҳам тўлайсизлар, бу ҳатто ташқи қарз ҳам эмас, баттар бўлинглар”, деб. Амалдорларимиз у ёки бу ҳолатда Американи мисол келтиришдан олдин, аввало, “бу йилги ноябрдагидек ҳолат аввал бўлмагани учун” масъулиятни тил учида эмас, ростмана зиммага олишни, без бўлиб “биз лавозимга тайинланган биринчи кунданоқ истеъфога тайёр бўлиб ишлаймиз” демасдан, “ўзбекистонликлар, мени кечиринглар, қиш кутилмаганда келиб қолганига, сизлар совуқда қолиб кетганларингга, роддомлар совуқ тунда чироқсиз, пневмонияга чалинган одамлар кислородсиз қолиб кетаётганига, кўп қаватли уйларда одамлар совуқда нима қиларини билмай, уч боласи билан бирга ис газидан заҳарланиб ўлиб кетаётганига мен ҳам айбдорман”, дейишни (ҳеч бўлмаса, дейишни – кейин истеъфо беришни ҳам ўрганишар) сал ўрганиш керак. Америка триллионлаб ташқи қарзи борлиги учун эмас, балки ҳокимият халқ олдида ҳисобдорлигини унутмагани, амалдор ўзини осмондан инъом этилган валинеъмат эмас, балки солиқ тўловчи, сайловчи, халқ томонидан шу халқ хизматини қилишга ёлланган оддий ишчи эканини ҳис қилгани учун Америкага айланган. Темирйўл компанияси аэропорт қураётган (булар қурган сув омборни эсласанг, эҳ), прокурори том ва ертўлаларнинг қишга тайёргарлигини (коррупцияга қарши қанчалик “сермаҳсул” курашаётган бўлса, шунчалик “самарали”) текшираётган ва ҳоказо шунга ўхшаш мантиқсизликлар кунда-шунда бўлиб турган вақтда ўзбек амалдори ташқи қарз масаласида Американи мисол қилиб келтириши мутлақо бўлмағур иш. Ўзимизга ўхшаган Замбияни мисол келтир, марҳамат, айт: “Қарз олиш керак, лекин Замбиянинг аҳволига тушгучалик эмас; Америкадек триллионлаб доллар қарз олиш учун бизда на сиёсий, на иқтисодий шароит бор”, деб. Американинг ҳам триллионлаб доллар қарзи бормиш. Ҳэ ўргилдим кўрсатган кароматингдан!