"INSONMIZ"
O‘tkinchidir asli bu hayot,
Kimga yaxshi kimga yomonmiz.
Alloh o‘zi berarkan najot,
Qismatgacha balki omonmiz.
Omad kular balki bir kuni,
Hayotimiz to‘la gumonmiz.
Xato qilsak eslashar shuni,
Yaxshilikni bilmas zamonmiz.
Kim telbadir, kimdur telbaroq,
Kimlar raqib, bazilar o‘rtoq,
Do‘st-u, dushman, yaqin va yiroq.
Diydor istab borar karvonmiz.
Birni ko‘rib qilmasmiz fikr,
Dunyo bo‘lib shavqatsiz o‘tkir.
Qachon dildan qilarmiz shukur,
Doim aytar so‘zi nolonmiz.
So‘z tinglamas qulog‘imiz kar,
Nasihatni ilg‘amas o‘jar.
Toshga tegsa boshimiz agar,
Qilar ishi faqat pushmonmiz.
Ko‘cha ko‘yda yursak beamal,
Boshimiz bor, miyyamizdur kal.
Vaqti bevaqt olsagar ajal,
Izsiz ketgan changu to‘zonmiz.
Shayton suvin ichsak kun bakun,
Sarhush bo‘lib ko‘cha kezsak tun.
Rozg‘oz deya, uy-bola uchun,
Hech o‘ylamas asli nodonmiz.
Ota-ona qadrin bilmasak,
Aytar so‘zin qalbga ilmasak.
Ular uchun xizmat qilmasak,
Oxirati kuyar vayronmiz.
Ayolimiz kunda xo‘rlasak,
Urib yiqib bedod zo‘rlasak,
Yomon ishga orsiz chorlasak,
Do‘zax sari borar shaytonmiz.
Farzandimiz qilsagar hazar,
Yo‘q desagar otam, alhazar.
Budan ko‘ra ichaylik zahar,
So‘zsiz rihlat sari gumrohmiz.
Do‘st-u, yordan bebahra qolsak,
Kim ne bersa indamay olsak.
Qalbga quruq qabohat solsak,
Boshdan oyoq to‘la gunohmiz.
Qo‘lda qurol, otamiz inson,
To‘lsin deya qurigan hamyon.
Bilar ishi, ur-yiqit, vayron,
Azroilga misli hamrohmiz.
Alloh hukmi "kun"ga qaralmish,
O‘n sakkizming olam yaralmish.
Moziylardan ziyo taralmish,
Ziyo bilmas so‘qir hayronmiz.
Odam ato yaralib shu on,
Talvasaga tusharkan shayton.
Inson bo‘ldi podshoh-u, xoqon,
Shaytonga xon bo‘lgan sultonmiz.
Keling Razolatdan qochaylik,
Ziyo nurin dilga yoqaylik.
Iymon uchun eshik ochaylik,
Biz ham asli nasli insonmiz.
Alloh nomin aytib takror bot,
Jannat uyin qilaylik obod.
Qur‘on ila chiqarib savod,
Muhammadni bilar insonmiz.
Solih amal, bo‘l solih farzand,
Suyukli bo‘l, oqil bir dilband.
Bahrom aytar nasihat-u, pand,
Asli biz ham buyuk insonmiz.
02.02.2020 12:12
✍
@BahromQabulov
#Insonmiz #Инсонмиз
#BahromQabulov
#BahromRustamovich
#nazm #sherim #sherlar #sher
Telegram.me/BahromQabulov
Instagram.com/BahromQabulov
Facebook.com/BahromQabulov
👇👇👇👇👇👇👇👇👇👇👇
👉
https://t.me/BahromMaestro 👈