نكت مشي حالك 😂💔✌️

وتظن أنك نجوت وتخلصت من هموم رمضان ومصاريف رمضان وهموم العيدين وكسوة الجهال فتبدأ مدرسة جهالك تسسسلخك سلخ فتسير تسجلهم وانت فارح وبتضحك من الاذن للاذن لكن ضحكتك ماتطولش .. حتى لو كنت موظف..وارث..او حتى سارق الموضوع اعمق من هكذا الموضوع محتاج انك تعطس زلط ماشي عتودف .. تسير تسجل عيالك وتدفع اول قسط وتقول يو والحلا تخارجت وعادك مقعي ماقد بصمتش بعد الجمله الا وتبسر جهالك قبالك اشتي رسوم كتب اشتي رسوم زي اشتي رسوم باص تديها ودموعك اربع اربع وتقول يله بكم اتخارج مقلع وماقد غلقتش فمك مرة ثانية وقد ابنك تجاهك يشتوا دفاتر بس قالت الاستاذة ابو جهاز انذار عاسب لااحد سرق منه حرف يصيح ويشتوا بدلات رياضيه وكيييذا ويشتوا بوتي من اللي يطير عاسب لاوقع شي ولاشي يقدروا يهربوا يشتوا مقلميه من اللي توالف الاقلام لنفسها لايضيعين ويشتوا الوان ابو وجهين ساع مرة خالي واقلام ابو لماع ومساحه اللي شمها فراوله وكراسه مرسوم فيها مصطفى المومري تكمل هولا كلهن وتحب يدك وش وبينما تشتي تحبها قفى يجي صاحب الباص يشتي زلط مرة ثانية وورقة مطالبه بقسط المدرسة الجديد ومعانا رحله ادفع سبعتعشر الف نسير نطحطس لك الجهال ونرسم للاستادات فراشه في وجيههن حرام هن ضابحات معاهن ازواج من حق الجن ونأكلهن بطاط وغسوس وعسكريم وغزل البنات وعشرة كيلو بروست (حق الاستاذات ماهوش بالنفر يجي بالكيلو عاسب يشبعين) تتم الرحله ويجي ابنك يقلك انا فااااارح شاطيييييير مالك ياابني جيت الاول مع كرموك ع حسن السلوك مع فزتوا ف مسابقة المتفوقين مععععع يخ كييف مابتفهموونيششششش الاستاذة سعديه طلعت واحمه وعنفعل لها غطوة حفلة عاسب نخورها قالوا كل طالب يدي معه حاجه صاحبي مدرك عيدي وايت مرق وانا قالوا عليا الهريش وسعدان عيذبح تبعي عاسب نفعل لها لحمه محشوشه قد نفسها عتنكع عليها هي والاستاذة سوسن والاستاذة دغريد تتم تفعل له الهريش ذيك وترسله مع ابنك للمدرسه في خلاط من حق السمنت عاسب يكفي الاستاذات المعيفات كلهن وتقول الحمدلله حين قد تمها الله على خير مايجي بعد يومين الا وقد الاستاذة سعديه اسقطت وعيفعلوا الطلاب صبوح جماعي عاسب تلم عظامها وقد تقاسموا المعصوبه والكبدة والدقه ولحم الصغار وابنك عليه دبه عسل بلدي هو حالي لها الصدق ..ماعاد الا هي تسقط وماتدولهاش عسل بلدي ياخزا البلا يوه يوه يوه تقمبر مفتجع لاعاد توحم الاستادة سعديه مرة ثانيه اكثر من زوجها في ذمة الخسارة .. وعادك بعد هذا كله يله كملت السنه يقلك ابنك اشتي هدية ادي للاستاذة ساع صاحبي مضفوع ادالها وزيدت له خمستعشر درجة تقله ورب الكعبه ماادي حاجه تجي يوم ثاني وقد الدنيا عطل ابنك قد سرق من المدبخ قطمة رز وقارورة سمن وثنتين علب بزاليا وغلفهن للاستاذة في المكتبة بغلاف ابو قلوب حمر .. والله لو عليا مااعلم بنتي الا تقرا وتكتب وتعد زلط بس لان هذا اللي عيخارجها ف الحياة اما جا وجتا واوجد قيمة الصاد والله انه العلم الذي لاينفع الذي اعوذ بالله منه اسكه اقنعوني مافعلنا بهن ! انا عن نفسي مااستفدت من حرف الصاد الا اكتبه في كلمة اصصصاااه☺️. التعليم ف اليمن متطور لدرجة انك تحس انك سرت تطلب العلم ف الصين..نفففس التكاليف ماشاء الله وحتى نفس الجودة الحمدلله ع نعمة التطور والتوقودم ع قولة الدنبوع☺️🩵 احنا بنتعب. ودا احنا بنتهدل ياوعم بوش. بصوت الشنقيطي او مدري بشندي مدري باسمه والفقير ويييين يجي بروحه !!!! انا ماناش مقهور من ذيه كللله انا مقهور اننا وعاد بنتي صف اول جيت اذاكر لها للاختبار وسألتها من مرضعة الرسول قالت حليب السعوديه واين حليب سعوديه.واين يماني وحليمه السعدية مالها ي بنتي مافعلت بش او كانت تاعبه ورسلتهم يدو لها حليب من السوبر !!☺️ خيرة الله بس ✿ اتحفونا بأرائكم لهانا @ALFkamah ولـهذا البوت @ALFkamah2_bot