ادبیات سئونلر

اوشاق ادبیاتی گؤز نعمتیندن محروم اولماق، ایپک خانیمین باشاریلارینا مانع اولماییب. چوخلاری کیمی، اونون دا بعضن گئجه‌لر یوخوسو گلمیر و بیر یئنی بسته اونون بئینینده رژه گئدیر. ایپک او حالدا یاتاغیندان قالخیب و بئینینده تزه‌جه یارانمیش بسته‌نی، دویمه‌لر اوستونه کؤچوروب، سونرا میشیل- میشیل یاتیر. https://t.me/Adabiyyatsevanlar

اوشاق ادبیاتی اوشاق ادبیاتی بختیار_واهابزاده گوللر اوسته اوچان، قاچان، بیر قایغیسیز کپنک‌دین. چیچکلرین اوره‌یینده، سن ان شیرین بیر دیلَک‌دین. سوراغینی گول-چیچکدن، آلینجا من، گؤردوم یوخسان. قاچدیم سنین دالینجا من، گؤردوم یوخسان. گؤردوم یوخسان. نغمه دئییر سنه گوللر، یئل اسدیکجه نارین-نارین. هر چیچکدن بیر رنگ آلیر، قیزیل-قیزیل قانادلارین. هانسی گولو اوخشادین‌سا، لچه‌یینده ایزین قالدی. سنی توتدوم، اوچوب گئتدین، اللریمده توزون قالدی. https://t.me/Adabiyyatsevanlar

اوشاق ادبیاتی رضوان حاجی قاسملی"جانای" هاوا سرینله‌میشدی، آنام توخودوغو گؤزل شالیمی سالمیشدیم چینیمه، باغچادا همرسین ییغیردیم. آنام اونلاردان چای دمله‌یه‌جکدی. هردن یئل گلیردی، شالیمی اوینادیردی. بیر گؤزل کپه‌نک سولغون یارپاقلار اوسته اوتوروب، اوچوردو. چوخ گؤزلیدی. ها قاچدیم توتانمادیم. بیر ایکی یول الیمه تیکان ایلیشدی. سونوندا توتوب، گتیریب کوره‌یینه سانجاق سانجیب، تاخدیم دووارا. آنام دووارا آغ چکمیشدی. قیرمیزی خاللی کپه‌نک چوخ گؤزل گؤرونوردو. آنام گلنده همرسینلری گؤرجک یاشا قاداسی آللاه سنی ساخلاسین جانیم دئییب، کئچدی ایچه‌ری. سونرا دوواردا کپه‌نه‌یی گؤروب، دوداغین بوزوب دئدی: - آی بالام بو نه ایشدی؟ بو قیزی نییه بوردا چارمیخا چکیبسن؟ - چوخ گؤزلیدی، دئدیم بئله‌سی قیش بیته‌نه کیمی اوتوروب، باخاریق! - خوش ایش دئییل قاداسی! سن اونون جانینا قییبسان. کئچدیم سانجاغی چیخاردام، آنام دئدی دا او دونیاسین دییشیب قیزیم، اؤنجه گرک بونو دوشونوردون! اؤزومدن آجیغیم گلدی. سانیردیم من مهریبانام، آما کپه‌نه‌یه قیمیشدیم. اونون یادین عزیز ساخلاییم دئیه، آنامین توخونما میللرین گؤتوردوم، ایستیردیم کپه‌نک توخویام. دوغروسو نئجه توخوماغی بیلمیردیم، اوتانیردیم او پیس ایشدن سونرا آنامدان یول یولاجاق سوروشام! آنام بیلدی سانکی ایستیرم نه ایش گؤروم. گلیب اوتوردو، میللری آلیب، ایلمک سالماغی اؤیردیب، وئردی الیمه، باشلادیم توخوماغا. آنام همرسین چایی تؤکوب گلیب اوتوردو. منه باخیب، دئدی: ایللر اؤنجه گوزل بیر قیز واریمیش، چوخ یئته‌نکلی. گؤزل ده توخونما توخویارمیش.  بئله گؤزل گوللر توخویاردی سانکی دوغرودان دوغرویا گولدو. قاپی قونشو حئیران قالاردیلار او گوللره، سوروشاندا آی قیز بو گوللری هاردا گؤروبسن؟ بس بیز نییه توخویانمیریق دئینده، دئیردی: من گئجه‌لر یوخودا گؤرورم باغلارا ساری اوچورام. بونلاری دا ائله یوخودا گؤرموشم. اونلاردی دا یادیمدا ساخلاییب، توخویورام. بئله لیک‌له قیز گونده بیر گؤزل ایش اوزه چیخاردارمیش. گونلرین بیرینده یامان داریخما توتار بو قیز. توخونماسی الینده یوخلایار. یوخودا گؤرر بیر سس دئییر ایکی آیاغینا بیر تای جوراب توخو! یوخودان آییلب، قالار ایلاهی بو نه یوخوسویدو من گؤردوم! دئیر یاخشیسی بو ائله دورام جورابی توخویام گؤرم باشیما نه گلیر! دورار هر نه ایپی_ساپی واریدی ییغیب، گتیرر، باشلار جورابی توخوماغا. گون باتان چاغی گؤرر جوراب دیزه کیمی اولار منیم جورابیم آز قالا باشیمدان یوخاری اولوب! دوشونور من کی داریخیرام، یاخیشیسی بو کی ائله قالام بو جورابین ایچینده! جورابین باشین ایچه‌ریدن بوغوب، قالار. نئچه گون کئچر. قاپی قونشو دئیرلر آی بالا بو قیزا نه گلیب؟ هارا گئدیب؟ بو باشی باغلی ندی قالیب بوردا؟ آما کیمسه بیلمیردی نه باش وئریب. نئچه گون کئچندن سونرا قیز او جورابی ایچدن یاریب، چیخار ائشیگه. او قیز گؤزل کپه‌نک اولموشدو.          https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

چوخ محتشم،تبریزیزیمیزه یاراشان بیر شاهکار!!! اوخویور:امیر سپهری

آذربايجان ادبياتيندا بير بيلگين استاد اولاراق اؤزونه لاييق دوارانيشي ايله هاميلارين حؤرمتيني قازانيب.  استاد سورگون عؤمرونون چوخ پاييني آذربايجان ادبيات،‌ مدنيت و فولكلورونا بخش ائديب و بويولدا دورمادان قلم چالميشدير. اونون هر شعري، هر يازيسي آذربايجانين معين بير موضوعسونا باغلي اولوب. يازيلاريني سئوديگي خالقي‌نين كولتورونه حصر ائديب، خالقين يادداشتلاريندان سيلينن سؤزلري، عادت دبلري و ... يئني‌دن جانلانديرماغا جان آتيب و بو قونويا عايد نئچه جلد اثري ايشيق اوزون گؤروب، او جمله‌دن «سولدوز بولگه‌سي فولكلور خزينه‌سي (قاراپاپاق فولكلورو) آدلي اثريني خالقيمزين يازيلي شفاهي ادبيات خزينه‌سينه آرتيريب. يازيچي بو دگرلي آماجينا يئتيشمك اوچون اؤز آنا ديلينده يازماقدان باشقا بير آيري ديلي سئچه بيلمزدي. او آذربايجان ديلينده يازماغي بوينوندا بير گؤرَو سانيب و بو يولدا بير آتديم دا بئله گئري قالماييب. استادين بئله دوشونجه‌ده اولدوغونو اونون يازيلاريندا آيندينجا گؤرمك اولار.  ياراديجي انسانلاردا الهام و سئوگي بيرلشمه‌سي او قدر يوكسك اولور، گنج ياشلاريندا ياراتديقلاري اورك سيغال‌لايان مصراع‌لار داملا- داملا روحا هوپور و سئوگي دنياسيندا انسانلارين گوونج قايناغي اولور. پريزاد جنابلارينين ايلك ايشيق اوزو گؤرن اثري «هجران داغي» آدلي شعر توپلوسودور. بو شاعرين ايلك تجربه‌سي اولاراق بوندان سونرا دوشونجه‌سي داها دا درينلشير و قلمي كسگينلشمه‌يه باشلايير. گئت- گئده اؤنملي اثرلر ياراتماق فيكرينه دوشور و گونو- گوندن اؤلمز اثرلر مئيدانا چيخارتماغا عؤمور- گون قويور. بو گئديش شاعيرين حياتي‌نين هر يؤنونده داوام ائدير و گئتديكجه ده درينله‌شير. شاعير ياشاييشي‌نين چئشيدلي يؤنلرينه دريندن تسلطي اولدوغو اوچون، كولتورده اولان ضديت‌لري دوزگون شكيلده درك ائديب، شعر و يازيلاريندا گونده‌ليك ياييشين ان عادي قونولاريندان توتدو گئنل مسئله‌لره قدر دقت ائديب، اؤز عدالت‌سئورليگيني، آزادليغا وورغون اولدوغونو، صداقت و صراحتله يازيلاريندا گتيرمه‌‌يي باجاريب.  سورگونون او مهربان و انسان سئور اورگي خالقي‌نين سعادت و آغ‌گونلوگو اوغروندو، انسانلاري جهل قارانليغي‌دان بيليك ايشيغينا ساري چكمك يولوندا چيرپينماقدادير. اوماريم بو دگرلي انسان هله- هله ياشاييب، ياراديجيليغنا دوام وئرسين، كسگين قلمي ايله قارانليقلاري ياريب، اوركلرده اومود قيغيلجيمي سپه‌رك، داها اؤلمز اثرلر ياراتماقدا يورولماسين. عؤمرو اوزون، طبعي آخار، جاني ساغ- سالامات اولسون، ائليميز،‌ ديليميز و آذربايجانيميز اوچون دورمادان يازيب ياراتسين.   استاد سورگونون خارجي سفرلرده اوغورلاري ۱۳۹۴_جو ايلين باهاریندا آذربایجان جمهوروسوندا بورچالی جمعیتی طرفیندن، دکتر هیئت آدینا کئچیریلمیش کنفرانسا قاتيليب. باکي‌دا دیپلم لوحو هابئله بیر مدال قازانيب. یازیچیلار بیرلیگی‌نین ۱۰ نومره‌لی فخری عضو کیمی قبول اولوب. عتبه‌الحقايق کتابی باکي‌نين ادبی - بدیعی نظامی موزه‌سینه تاپشیریلیب. هابئله یازیچیلار بیرلیگی و علملر آکادئمیاسینا دا چاتدیریليب. 1394-جو ايلين پاییزیندا ترکیه دونیا قاراپاپاقلار قورولتایی‌نین چاغریشی ایله او قورولتايدا شركت ائديب. بیر لوح و اؤز آدلارینا قازیلمیش بیر مدال وئریليب. دونیا قاراپاپاقلاری آغ ساققاللاری‌نین عالی شوراسی‌نین عضوو سئچیليب. لوح دا فخری دوکتورلوق و پروفسورلوق عنوانی یازیلمیشدیر. ۱۴۰۱_ جی ایلده، حقیقتلر هئیبه‌سی (عتبه الحقايق)، هیجران داغی، قاراپاپاق فولکلورو، آتالار سؤزونون انکشافی و اوغوزنامه کتابلاری، استانبولون (تورک و اسلام اثرلری موزه‌سی)نه تاپشیریلمیشدیر.  بیر نئچه ایل اول، هیجران داغی و آتالار سؤزو کتابلاری نخجوان دانشگاهیندا تانيميش شاعر علی‌اکبر صابر‌ين آدینا آچیلمیش موزه‌یه تقدیم اولوب و اورادا ساخلانيلير. چاپ اولان اثرلري هيجران داغي (شعر توپلوسو) قيرخ پله و قيرخ مكتوب (كوچورمه، ترجمه عرفان قونوسوندا) اوغوزنامه (آتارلار سؤز و ضرب‌المثل‌لر) آتالار سؤزونو انكشافي (ديوان‌لغات ترك‌دن 223 آتالار سؤزو و ضرب‌المثلين آچيقلاماسي) او سؤزلره گلمز (140 ناغيلجيق، اؤيودلو سؤزلر) حقيقت‌لر هيبيه‌سي (عتبه‌الحقايق/ ترجمه و شرح) سولدوز بؤلگه‌سي فولكلور خزينه‌سي‌دير. (قاراپاپاق فولكلورو) چاپا حاضر اولان اثرلري 1-سينه‌هاي بي دغدغه (فارسجا حضرت علي‌يه گؤره) 2- ايتيك (خاطره‌لر و ناغيل‌لار) 3- بيوگرافي ماكسيم گورگي (بعداز افشا اسناد گا.گ.ب) 4-خاطرات اسماعيل شمس (از روزنامه‌نگاران فرقه دمكرات آذربايجان) 5- سؤز داغارجيغي ( اویغورجا، تورکجه، فارسجا سوزلوک) 6- او سؤزلره گلمز (اؤيودلو سؤزلر/ ايكينجي جلد)                                                                       درين حؤرمتله: احد فرهمندي- تبريز 16/02/1402 قايناق: خداآفرين آيليق درگي، مسلسل شماره 226، 21-جي ايل، تير 1403، صص9-14 https://t.me/Adabiyyatsevanlar

آذربايجانيميزين يام- ياشيل دلبر گوشه‌سي اولان سولدوز تورپاغین‌دا بوی آتمیش پريزاد نسلی‌نین لیاقت‌لی داوام‌چی‌سی اولاراق فعالیت گؤستردیگی ایللر عرضین‌ده پئشه‌سینی اورکدن سئومه‌سی، شاگردلرله یارادیجی ایش آپارماسی اوچون سورگون معليم نمونه‌وی بیر تحصیل ایشچی‌سی کیمی تانیتمیش‌دیر. باشقا جور اولا دا بیلمزدی. بئله کی کیچیک یاشلاریندان رحمتليك آناسي‌‌نین لایلالاری، حکمتلي سؤزلري، بایاتیلاری، اوخشامالاری و... ايله بؤیویوب بویا- باشا چاتمیش‌دیر. سولدوز ائلی‌نین بوللور، آیناگؤزلو بولاقلارین‌دان، داغ هاوالارینین، صافلیغین‌دان قیدالانمیش‌دیر سورگون معلم.  استاد سورگون، معليم‌چيليك ايللرينده ائيتيم و بئجرمكله بيرگه شاگردلرينه هر زمان بير آتا اولوب، درس‌لرين قيراغيندا اونلارين، ياشام دردلرينه ده درمان ائتمه‌يي باجاران بير انسان‌دير. درس كلاس‌لاري باشلاديغي زمان بير دفتر آييريب، هر بير شاگردين خصوصي و عايله‌وي بيلگيلريني او دفترده ثبت ائديب و بئله‌ليكه هر شاگرد ايله اؤز خصوصيتلرينه گؤره داورانيب. گولر اوز هابئله شيرين دانيشيقلاري ايله شاگردي درس ايله مدرسه‌يه علاقه‌لي ائتمكده وار گوجو ايله چاليشيب. بو يولدا باشقا اؤيرتمنلره اؤرنك اولاراق، بول- بول عزيزله‌نيب، اودول‌لر آليب.  استاد اؤزو تعريفله‌ييردي. «بير دؤنه امتحاندا شاگردلريمين بيري قبول نمره آلا بيلمه‌ميشدي. من اونا قبول نمره وئرديم. مدرسه‌نين مديري طرفيندن امتحان ورقه‌لري كنترل ائديلديكده او شاگردين قبول نمره آلا بيلمه‌مه‌ديگيني باشا دوشوب، مني بو يانليش ايشيم اوچون اؤنجه مدرسه‌ده قيناديلار، سونرا آموزش پرورش اداره‌سينه گؤندرديلر. مني سوال سورغويا چكن مسئولا دئديم: منيم بو يانليش ايشيمين مطلق منه شخصي قازانجي يوخدور، اما امينم بير شاگردين مدرسه‌دن قاچماماسينا و گله‌جكده جامعه‌يه بير ساليم انسان اولماقدا چوخ فايداسي وار.  او مسئول دئدي: سن هارادان بئله آرخايينليقلا دانيشيرسان؟  دئديم: بو اوشاغين آتاسي اويدوروجو ماده‌يه آليشقلاندير (معتاد). ائولرينده مطلق دينجيليك و ساليم ياشاييش يوخدور. من اونو مدرسه‌دن قاچيتسام، گئديب آتاسينا تاي، جامعه‌ده بير انگل اولاجاق. اما مدرسه قاليب، سينيق- سالخاق درس اوخوماسي قات – قات معتاد اولماق دان اوستوندور.  بئله‌ليكه منيم تخلف پرونده‌م قاپاندي، بير داها من اصلاح ائدن امتحان ورقه‌لري كنترل آلتينا گئتمز‌دي.»  سورگون معلم، ايش يئرينده اؤز اؤيرتمنليك وظيفه‌سيندن باشقا، بير ائل آغ‌ساققالي كيمي همكارلارينين بير بيريله اختلافلاريني حل ائتمك‌ده، بعضي عايله‌لرين اؤيرتمنلرله اولان شكايتلرينه يئتيشمك‌ده و هر نه‌يي خوشلوق و گولوشله بيترمكده بؤيوك استعدادا مالك اولماسي چوخلارينا بللي‌دير. استاد بو ايشلري كؤنوللو اولاراق بوينونا گؤتوروب، همكارلارينا، شاگرلرينه، شاگردلرين عايله‌لرينه خدمت ائتمكدن بوللو لذت آپاران انسان‌دير. استادين چوخ آلچاق كونلولولكه بويوردوغو بير جمله‌ني بورادا گتيرمه‌يي يئرلي گؤردوم. بويوردولار: «من ايشيمدن تقاعد اولدوغوم زمان، حتي بير شاگرد مندن كوسولو آيريلمادي» بو استادين نه قدر شاگردلريله صميمي اولدوغونو و اونلاري اؤز اوشاقلاري سانديغيني آيدينجا گؤسترندي.   استاد سورگون ايللر اؤنجه رسمي اولاراق اؤيرتمنليكدن امكلي (تقاعد) اولسا دا، اؤيرتمنليك روحيه‌سي هئچ زمان اونلاردان قيراقدا قالماييب، يئري گلميشكن معليمليك گؤره‌وينه عمل ائتمكدن ذره قدر چكينمزلر.  آرزولاييرام؛8۰ ایللیک ضیالی عؤمرولري مایاق تک پارلایاراق هر كيمسه سورگون معلمي اؤرنک گؤتوروب هر بیر کسین یولونا شفق ساچ‌سین! سیمالارينداكي نورانی‌لیک، چؤهره‌لرينده‌کی گولوش چيچگي هئچ واخت سولماسین! دوستلار اولدوزلار کیمی‌دیر، اونلاری هر واخت گؤره بیلمزسینیز، اما سیزین اوچون وار اولدوقلارینی و سیزی دوشوندوکلرینی بیلن دوستلار اطرافین‌دا اولاسینیز همیشه. اومودلارین قانادین‌دا توکنمز آرزولارین‌دان سیچرایان خوش موشتولوقلار و ایشیقلی گله‌جه‌يه اولان بؤیوک اینام باهار طراوتلی پريزاد معليمين 80 ایللیک ضیاسی نور ساچان عؤمرونه جان ساغ‌لیغی و آرخا اولسون. قوی اوجا زیروه‌لرده سؤنمز بیر مایاغا چئوریلن قورورلو، ووقارلی ضیالی عؤمرونوز اطرافا یاییلان گونش ذره‌جیکلری کیمی یئنی نسلین یوللارینا نور ساچسین! ياراديجيليغي المدد آتام‌دير، فرنگيز آنام/ ناغادئي شهرلي سورگون آدلي‌يام قاراپاپاق ائللي، سولدوز ماحاللي/ يوردومو آراسان فرقوزادلي‌يام آتا- بابالاريميز دئييب، آغاج اؤز يئرينده كوك سالار. ائله استاد سورگون ده بير آغاج كيمي 1323-جي ايلده سولدوزدا المدد كيشي‌نين عايله‌سينده ايشيق دنيايا گؤز آچاندان بري، اؤز دوغما آنا يوردوندا كؤك سالاركن، بير قارپاپاق اولاراق هئچ زامان سولدوزدان آيريلماييب. هر يئره گئتسه‌ ده اؤز دوغولدوغو تورپاغا قاييديب، بوتون ياراتديغي اثر ائله بو شهرده اولوب.

قوناق سئور استاد سورگونون ائوينه واخت آشيري گئتديگيمده، هم دگرلي عايله‌سيله اؤزلليكه اوغلانلاري ايله هم ده استادين واسيطه‌سيله سولدوزون شاعر و يازارلاري ايله ياخنيندان تانيش اولدوم. هردن بير سولدوزون سلطان ياقوب پاركيندا ادبي ييغينجاقلاري اولاردي، استاد مني ده اورا آپاراردي. دكتر پرويزمحمدي و استاد يگانه و بير نئچه ادبياتچي شخصيت‌لرله اورادا تانيش اولدوم.  بو يازيدا قيساجا اولاراق استاد سورگون جنابلارينين حياتينا اوچ يؤندن باخماق ايسته‌يير.  1-عايله‌وي ياشاييش 2- معلم‌چيليك 3- ادبي ياراديجيليق. عايله‌وي ياشاييش بير چوخ اؤلكه‌لره تاي آذربايجاندا دا كوتله‌نين ان تمل داياغي و دگرلي بؤلومو عايله‌دي. عايله اوشاقلارين بئجرمك و يوكسلمك اوجاغي‌دير. ائليميزين دبلري و كولتوروندن قيدالانان عايله‌لرده بويا- باشا چاتان اوشاقلار، بؤيوكدوكده سوي- كؤكوموزو قورويوب ساخلاماقدا وار گوجلري ايله چاليشلارلار. بو آرادا آتا- آنالارين دگرلي رُل‌لاري دانيلمازدير. آتا- آنا عايله‌ اوجاغيندا، اؤز كؤكونو قوروياراق، اوشاقلارين بئجرمه‌سي هابئله ائيتيمينده، ياشليلارين آرخاسيندا اولماقدا و دبلري ايله رسميني يئرينه يئترمكده گؤرولي اولاراق، بويونلارينا دوشنلرينه لاييقينجه عمل ائتمه‌ليديلر. ائل قايدالارينا اويغون، اوغلان- قيز بئجرتمك، كوتله‌يه داياق بير ائولادلار بويا- باشا چاتديرماق، دگرلي، سوروملو آتا- آنالاردان باش وئره بيلير. عؤمرونون ان چوخ زامانيني اوشاقلارينا حصر ائدن آتا- آنالار نه قدر باش اوجا و سئوملي بير انسان گؤرونمكلري هامي‌يا آيديندير. عايله‌سينه و ايشلرينه ياخيندان تانيش اولدوغوم سورگون معلمي قيريلماز، سرت بير باغيملا عايله‌سينه باغلي، اورك‌ يانديران هابئله اؤزونو هر ساحه ده عايله‌ اوچون سوروملو بيلين بير انسان گؤردوم. قوجاغيندا بؤيودوگو ياشلي و خسته آتاسيني نئجه قوروماسي، بير ديلسيز اوشاق كيمي هر دردينه يئتيشمه‌يي و آتاسينا هر تورلو واخت آيريماقدان يورولمايان سورگون معلم، بوتون خلف ائولادلارا بير اؤرنك كيمي‌دير. بو يولدا حيات يولداشي رقيه خانيم دا اؤز قئيناتاسيندا آتاسي قدر دگر وئرمه‌سي تقديره لايقدير. استاد سورگون، عايله‌سي‌نين داها راحات ياشاماسي اوچون، معلم‌چيليكدن گلن گليريندن باشقا، اكينچيليك، باغدارليق، ساز قوشما و ... ايشلره ال آتيب آتاسينا، حيات يولداشينا دينج ياشام ياراتماق و اوچ ايگيد اوغلونو لايينجه بؤيودوب جامعه‌يه تحويل وئرمه‌سيني دقت مركزينده‌دير. او اؤزونو اودا- كؤزه آتيب آتاليغين آغير مسئوليت‌لريني عهده‌سينه گؤتوررك عايله‌سينه ايستي بير اوجاق ياراتماقدا اليندن گلني اسيرگه‌مه‌ييب. هميشه چاليشيب عايله عضولرينين دوداقلاريندا گولوش چيچكلري سولماسين. ائوين باش آدامي اولاراق زوراكيليقدان، اؤز سؤزونو اوستونلتمكدن، حيات يولداشي و اوغلانلارينا حق وئرمه‌مكدن چكينيب. دوزنلي، اوره‌يه ياتان، داياناجاقلي، بئجريلمه‌يه و قانادلانماغا امكاني اولان بير اوجاق قوروب. عايله‌ عضولري امن- امانليقلا او اوجاغين ايستيسينده ياشاماقدان هر زمان شنله‌نيب، بئله دگرلي عايله‌لري اولدوقلارينا غرور دويوبلار.  آذربايجان عايله‌لرين ان گؤزل خصوصيتلريندن اولان قوناق سئورليك، قوناق پرورليك عادتلريني آيدينجاسيني استاد سورگونون ائوينده و عايله‌سينده گؤرمك بير او قدر چتين ايش دئييل. قوناق اولدوغوندا سانكي اؤز ائوينده‌سن، سنه ايگنه اوجو قدر سيخينتي يوخدور. ائوده اولانلار سني اؤز عايله‌لريندن حساب ائديب، وار گوجلريله سني ازديريب، راحاتليغينا چاليشارلار.  تانيق اولدوغوما گؤره استاد سورگونون ايستي ائوي هر زمان قوناقلارا و ادبي دوستلارينا اوجاق اولوب. ائوينده بار- بهره‌لي ييغينجاقلار قورولوب، ادبياتا يئني تانيش اولانلار، استادين اوجاغيندان ايسينيب، بيلگيلر آليب، سونرا اؤزلرينه لاييق بير شاعر و يازيچي اولوبلار.  اوماريم استادين عؤمرو اوزون، اوجاغي هر زمان ايستي، چئوره‌سي دگرلي انسانلارلا دولون اولسون. تانري آتا- آناسي هابئله حيات يولداشي رحمتليك رقيه‌خانيما رحمت ائله‌سين. اوغلانلاري، گلينلري هابئله نوه‌لري هر زمان ساغ- سلامت و شنليكله عؤمور سورسونلر.  معليم‌چيليك معلم عؤمرونون معناسی یئتیرمه‌لرینین کامل‌لیک زیروه‌سینه چاتماغی، ائلینه، اوباسینا آرخا، هایان اولماغی ایله اؤلچولور. ان بؤیوک آمالی، آرزوسو، شاگردلرینین سئوگی‌سینی، محبتینی، حؤرمتینی قازانماق، اونلارین دوستو و سیرداشی اولماق کیمی شرفه لاییق اولان، عؤمرونون اوتوز ايلدن چوخونو زنگین تجروبه‌سی، لیاقتلی عملی ایله گله‌جک نسیللرین تعلیم-تربیه‌سینه حصر ائتمیش ضیالیلاریمیزدان ساييلان اورتا مکتبین جغرافي اختصاصي معلمی محرم پريزاد (سورگون) جنابلاريندان سؤز گئدير.

ايستي اوجاقلي ياراديجی معلم احد فرهمندی استاد سورگونله نئجه تانيش اولدوم. ايشيمدن دولايي؛1370-جي ايلدن بري بير نئچه ايل غربي‌آذربايجاندا قالمالي ايديم. واخت آشيري سولدوزا يولوم دوشري. او شهرين شاعر و يازيچيلاري ايله ياخيندان تانيشليغيم يوخ‌ايدي. اما بير نئچه‌سي‌نين آديني اوزاقدان ائشيتميشديم. ان چوخ تانيمنيش شاعرلردن بيري استاد محرم پريزاد (سورگون) جنابلاري ايدي. بير گون سولدوزا يولوم دوشنده استاد سورگونله گؤروشمك قرارينا گلديم. شهرين مركزي خيابانيندا بير كتاب ساتان دكاني واريدي. اورادان استادي سوروشدوم. كتاب ساتان دئدي: استاد يا مدرسه د اولار يا دا ائولرينده. ناهاردان سونرا ايدي، دوشوندوم كي اولا بيلر استاد بو ساعت ائولرينده اولسون. خواهش ائتديم ائولرينين آدرسيني وئرسين. ساغ اولسون او دا آدرسي وئردي. اؤزومو استادين ائوي‌نين قاپيسينا چاتديرديم. اوزومه، اوز باغلاييب، ناگومان قاپيني چالديم. 10، 12 ياشلي بير اوغلان اوشاغي قاپيني آچدي، سونرا اؤيرنديم بو اوشاغين آدي "صابر"دي و استادين سون‌بئشيگي‌دير. اوغلانا دئديم: آتان ائوده. دئدي: بلي. سيز كيمسيز؟ اؤزومو تانيتديرديم. بو آرادا حيط قاپيسي‌نين اوز به اوزونده، پنجره‌سي حيط قاپيسينا ساري اولان بير اوتاق واريدي اورادان 45-48 آراسيندا ياشي اولان، خوش سيمالي، دوداغي گولوشلو بير آقا چيخدي. ظنيمجه آنلاديم بو استاد سورگون اولاجاق.  قاپييا ساري گلدي. گؤروشوب كئيف احواللاشديق. كيم اولدوغومو نه اوچون گلديگيمي سوروشدو. تبريزلي‌يم، ايشيمه گؤره بير مدت بو بؤلگه‌‌ده قالمالي‌يام. ادبيات ماراقلي‌سي اولدوغوم اوچون سيزين تعريفينيزي چوخ ائشيتميشم، ايسته‌ديم سيزينله تانيش اولام، سولدوزا گلنده آز دا اولسا خدمتيزدن فايدالانام، دئديم.  استاد مني، قاپي قاباغيندا اولان اوتاغا آپاردي. ايچري گيرديكده دوواردان آسيلميش، يئني ايشلنميش چوخلو ساز گؤردوم. اوتاغين بير يؤنونده چوخلو توت آغاجي‌نين كونده‌لري گؤرونوردو. استاد منيم ماراق و دقتله اوتاقدا اولانلارا باخديغيمي گؤردوكده، گولومسه‌ييب دئدي: مدرسه‌دن قاييداندان سونرا باشيم قاريشسين دئيه، بورادا ساز قوشورام هردن ده اوغلانلاردا يارديم ائديرلر. گليري آز اولسا دا بو ايشه چوخ ماراغيم وار. سونرا قوشولماسي بيتميش سازلاردان بيريني دووردان گؤتوروب، بير آذربايجان هاواسي چالدي. چوخ اوره‌ييمه ياتدي. دئدي: بو سازين ايشي تازا بيتيب، بلكه بير آز اونا يئتيشديم سسي جانا سينر چيخدي. استادي آلقيشلاييب، دئديم: ايشيزدن، هنريزدن چوخ لذت آپارديم، يولوز آچيق اولسون. يئني صحبته قيزيشميشديق اوتاغين قاپيسي آچيلدي، استاددان بير ايكي ياش كيچيك اولان، گؤزل سيمالي بير خانيم الينده چاي سيني‌سي ايچري گيردي. خوش گلدين ائديب، سيني‌ني ميز اوسته قويوب، اوتاقدان چيخدي.  استاد دئدي: «حيات يولداشيم رقيه‌‌دي. چوخ ساكيت و آز دانيشان بير خانيم‌دي هم ده قوناقلاريما حؤرمتجيلدي.»  استادگيلين اوتوراجاق اوتاقلاري حيطين او بيريسي باشيندا ايدي. حيط‌ده نئچه كردي، ميوه آغاجي و بوللو گوللر واريدي. استاد ايله دانيشاركن حيطده گؤزوم قوجا، بير آز بئلي بوكولموش بير كيشي‌يه ساتاشدي.  استاد دئدي: آتامدي. نئچه مدتدي خسته‌له‌ييب، سس‌سيز‌- سميرسيز دردلريني چكير. من ده اليمدن گليني اسيرگه‌ميرم.  استاد مني آرتيق تانييب، راحات- راحات دانيشماغي اوچون، سوروشدو: تبريزده هانسي شاعرلرله چوخ تانيشليغيم وار.  بير نئچه‌سي‌نين آديني چكديم. اونلارين ايچينده استاد موغان‌ين دا آديني دئديم. موغان جنابلارينين آديني ائشيتديكده استادين گؤزلري گولدو.  سوروشدو: استاد موغان‌لا نه قدر ياخينسان؟  دئديم: چوخ واختلار بير يئرده اولاريق، بير- بيريميزين ائوينه گل- گئت ائديرك، هردن ده بير ادبي انجمن‌لره گئدريك.  حس ائله‌ديم استاد سورگون بير آز ساكينلشدي و استاد موغان، استاد بارز، استاد باريشماز، ماراغالي واحدي جنابلاري و بير نئچه باشقاسيلا كيچيك توپلوملاري اولدوغوندان دانيشدي و تئز-تئز بيربيرلرينين ائولرينه گل‌-گئت ائتمكلريندن دئدي. نهايت استاددان آيريلديم. آنجاق او بؤلگه ده نئچه ايل اولدوغومدا آرا- سيرا استادين ائوينه گئديب، شعرلريندن، يازيلاريندان بوللو- بوللو فايدالانارديم. بعضي واختلار استاد گئجه‌ني ده مني ائولرينده قوناق ساخلاردي. بو ايللرده بير دؤنه ده گؤرمه‌ديم استادين حيات يولداشي، قاش‌قاباقلا مني قارشيلاسين، هميشه بير گؤزل گولوش دوداقلاريندا اولاردي، اونو گؤرنده حس ائدرديم بؤيوك باجيمي گؤرورم. نه يازيق خسته‌لندي، بير نئچه ايل خسته‌ليكله ساواشاركن نهايت حياتا گؤز يومدوم. اما هر زمان يادي و خاطره‌سي ذهنيمده ياشار. روحو شاد اولسون! 

باشینا دؤندویوم «ساوالان» داغی سنله دانیشماغا ساز گتیرمیشم «قارتال قایا»لاری سینه سی اوسته اوره ییمین سؤزون- یاز، گتیرمیشم! آتمیشام کدری، توتموشام دمی سنله آراماغا کؤنول همدمی «آراز»دان ساحیله چیخان بیر گمی سئوینج گتیرمیشم، ناز گتیرمیشم 🌹 ترجمه ی آزاد: علی نایل پور ای فدای تو، کوه سبلان به دیدارت باسازم آمده ام جهت هم‌صحبتی و همکلامی اینک بخاطر نوشتن حرف های دلم بر سینه ی صخره های عقاب نشان ات در پیشگاه تو ایستاده ام!. دم را غنیمت دانسته ام، غم و غصه هایم را  رها کرده ام و همچون قایقی پر از ناز و محبت از «ارس» به سویت روان شده ام ....!!

✍:فکرت قوجا سئوگیمدن قاچمیشام اوزاق شهره بوردا دا حسرتین گلیب دایانیب عطرین سپه‌له‌نیب بوتون گوللره گؤزونون رنگینه گؤیلر بویانیب سنینچون دونیادا بلکه یوخام من سنی سئودییمی هئچ بیلمه‌ییرسن گوندوز خیالیمدان گئجه یوخومدان بیر آن دا ، بیر آن دا چکیلمه‌ییرسن اوره ییم ، داشا دؤن بو سرری ساخلا بو سئوگی بو بلا هاردان ائنیبدیر ؟ بیزیم طالعیمیز ائوله اوشاقلا هره‌سی بیر یانا زنجیرله‌نیبدیر اؤلونجه عشقینله اولاجاغام من من سنین روحوندا قانیندا وارام اوستونو کول اؤرتموش بیر اوجاغام من بالاجا بیر مئه دن قاینایار یارام . https://t.me/Adabiyyatsevanlar

زرین رزندی(طناز) حق ایله-ناحققین دوُیوشمه سینده ناحققه ولوله سالاندیر صدیق بیرالده قلم سه،بیرالده قیلینج قلمی گوجلودور،چالاندیر صدیق صداقت توُخومون اکیب دیلینه عشق داراغین چکیب وطن تئلینه وارلیقون گوجوندور،دئییب ائلینه دیلینین قایدینا،قالاندیر صدیق اود یوردونون ایکی قوتسال بالاسی صدیق لر-صمدلر،دوغدو آناسی اونودولماز-اوره کلرده قالاسی ائل دردین کوُکسونه،آلاندیر صدیق دوزگون دور کوُنوللر مولکونه سلطان آخارلیقدا کرخه،دالغادا عمان آلقور سهند،وولقانلایاندا تفتان آی ساوالان،ایگید بالاندیر صدیق.

ائ داش هارداسان ؟ ندن دوشمورسن بئله روابط عمومی لرین، بئله خبر یایانلارین تپه سینه؟ توضیح وزارت کار درباره تغیر حقوق کارگران / رعیتی فرد:دستمزد این گونه 119درصد افزایش یافت. هاچاندان وزارت کار جانورلره حقوق تعین ائدیر ،اولارین حقوقلارین آرتیریر؟!!!!! مگر کارگر ،جانور یا گیاه دیر کی "گونه" آدلانسین ؟!!! https://t.me/Adabiyyatsevanlar

خبر هرگز نمیرد آنکه دلش زنده شد به عشق ثبت است بر جریده عالم دوام ما هفتاد و نهمین سالگرد  زنده یاد استاد "حسین محمدزاده صدیق" در فرهنگسرای امید  برگزار شد. در این مراسم ضمن تجلیل از خدمات شایان زنده یاد دکتر صدیق از هفت اثر ارزنده استاد بنامهای" نقدی بر یک ترجمه ترکی قرآن، امیرعلیشیرنوایی پیشتاز سبک وقوع، معجز شبستری دیوانیندان سئچمه لر، میراث پدری؛ دده قورقود در پژوهش های دکتر صدیق، آشیان مرغ دل؛ شرح هفده غزل و یک قصیده از محمد فضولی، نظم جواهر؛ ترجمه نثراللئالی و نتایج الخیال؛ دیوان اشعار ترکی مسیحی تبریزی رونمایی شد. این مراسم  با حضور نویسندگان، شاعران و هنرمندان دوستداران ،اعضای خانواده استاد  در مورخ 14 تیر ماه درفرهنگسرای امید برگزار گردید، دراین مراسم یکی از سخنرانان بپاس خدمات ارزشمند استاد بزبان و ادبیات ترکی آذربایجانی پیشنهاد نامگذاری سال  روز تولد استاد به " روز قلم ترکی" گردید این پیشنهاد بااستقبال وتائید حاضرین مواجه شد. https://t.me/Adabiyyatsevanlar

محمدعلی نهاوندی موغان ادبیات سئونلر گوروشونده