ادبیات سئونلر

بولود_قاراچورلو_سهند من آرازین آدیلان چوخ زاماندیر تانیشام ان كیچیک یاشلاریمدان اونو روانلامیشام قوجا بابام نه واخت‌كن بوغازیم آغرییاردی آراز كئچمیشم دئیه بوغازیمی سیغاردی سوروشاردیم آی بابا آراز نه‌دیر كئچمیسن نه كیمی شئی‌دیر او كی سویوندان دا ایچمیسن؟ سوالیمدان بابامین یاشاراردی گؤزلری اوزونون چینلرینده گیزله‌نردی كدری اوزومه مأیوس- مأیوس باخیب دئمزدی بیر سؤز گؤرردیم آنجاق اولوب اونون توكلری بیز- بیز سونرا دا قارداشیمین آدین قویدولار آراز لاكین اوندا دا منه آیدینلاشمادی بو راز آنجاق آراز بئشیكده یاتیب ییرغانان زامان بو سؤزلری دینلردیم آنامین لایلاسیندان آرازی آییردیلار قوم-و‌لان دویوردولار من سندن آیریلمازدیم ظولمولن آییردیلار https://t.me/Adabiyyatsevanlar

بولود قارا چورلو دیوار لار ! دیوارلار ! پولاد اولسازدا ، آلماس موشار اوللام ، قیریب کسه رم ، کولونگون بورج آللام فرهاد بابامین بیستون اولسازدا ، چاپیب کئچه رم . دیوار لار ! دیوارلار ! یول وئرین کئچیم ، وولقانام ، نَفَسیم طوفان قوپارار . بولودام ، ساللانسا قاشیم قاباغیم آغلارام عالمی سئللر آپارار . https://t.me/Adabiyyatsevanlar

✅ادبیات سئونلر کانالیندا اوخویون ✅سه شنبه گونو:« مصاحبه لر گوزگو وئرلیشنده» ✅چهارشنبه گونو:«نثر، حئکایه، تنقید، ترجومه، کوچورمه» ✅پنجشنبه گونو:«اوشاق ادبیاتی» ✅ادبیات سئونلر کانالیندا آختارین ✅«ائتیمولوژی درس لری» ✅800ایل:« دونیا ادبیاتی» ✅250ایل:«آذربایجان ادبیاتی» ✅تنقید ✅شعئیرین فورمالاری:«عروض، قافیه، وزن، هئجا، سربست مودئرن، پست مودئرن...» ✅جومله قورشوقلاری ✅ادبیات تاریخی ✅حیکایه، شعیر، طنز... ✅مقاله لر... ✅500یوزایل عرب ادبیاتی ✅ادبی مکتب لر... ✅ 54جلسه کنایه لر https://t.me/Adabiyyatsevanlar

" حسین عاریف " شعیر دئییل می ؟! مندن تزه شعیر خبر آلان دوست، پس یازین گلمه سی شعر دئییل می؟! گزمه یه چیخاندا ، چؤلون - چمنین اوزونه گولمه سی شعر دئییل می ؟! یئنه گؤزوم قالیب باغچادا - باغدا مین - مین گول آچیلدی آراندا، داغدا اِیوانا اَییلن چارپاز بوداقدا بولبولون نغمه سی شعر دئییل می ؟! سِئیر ائله حوسنونو گؤیده دورنانین قایادا کَکلییین ، گؤلده سونانین آینا بند اوتاقدا گلین آنامین شیرین لایلا سَسی شعر دئییل می؟! دره ده موروق دَر ، دؤشده چییه لَک گاه یاغیش خوش گلیر، گاه سرین کولک یاش اؤتور ، دویماییر دونیادان اوره ک یاشاماق هوسی شعر دئییل می ؟! کیم دئییر شعرین میدانی داردیر ؟ سونو گؤرونمه یَن بیر ایلک بهاردیر. نئچه کی حیات وار ، شعر ده واردیر حیاتین نفسی شعر دئییل می ؟! http://t.me/Adabiyyatsevanlar

شاهمار اکبرزاده "اینسان اوره‌یی" هردن قددار اولور هردن ده کؤورک بیرده گؤرورسن کی ایپکدیر، ایپک بعضاً تیکان اولور، بعضاً ده چیچک سیرلی گولوستاندی اینسان اوره‌یی قفیلدن چئوریلیر عشق گونشینه بورویور اؤزونو اؤز آتشینه توتور سینه‌میزی کؤز آتشینه سنگیمز وولکاندی اینسان اوره‌یی اوددان سو چیخاریر، سودان اود آلیر مهر ایله آرینی، ساغیب سود آلیر ایلان زَهَریندن شیرین داد آلیر سئحیرلی لُقماندی اینسان اوره‌یی بیرده گؤرورسن کی سنگی‌دی اودو گورشادی سوزالدی، سئلی قورودو قفیل لئیسان تؤکور بیاض بولودو گیزلی آسماندی اینسان اوره‌یی بعضاً ده غرق اولور خوش خیاللارا عشقینی گؤتوروب دوشور یوللارا سویوقدا اود وورور شاختایا، قارا ایستی‌ده دوناندی اینسان اوره‌یی یانیر بولاق اوسته، ایچه بیلمه‌ییر وئردیگی ایلقاردان کئچه بیلمه‌ییر له‌له‌نی کئشیش‌دن سئچه بیلمه‌ییر کشف اولماز جهاندی اینسان اوره‌یی فلاکت گتیریر یئرین باشینا چؤلون جئیرانینا، گؤیون قوشونا هردن قان اوددوروب قان قارداشینا سونرا آغلایاندی اینسان اوره‌یی عاغلین دئدیگینی سووورور یئله اؤیود نصیحتی چئویریر کوله بیزیمله بیر جاندا اولسادا بئله آیریجا بیر جاندی اینسان اوره‌یی https://t.me/Adabiyyatsevanlar

‏بو گوزل میللی رقصی ادبیات سئونلر عایله سینه تقدیم ائدیریک. https://t.me/Adabiyyatsevanlar

امیرهوشنگ ابتهاج «سایه» ارغوان این چه رازی است که هر بار بهار با عزای دل ما می اید؟ که زمین هر سال از خون پرستوها رنگین است وین چنین بر جگر سوختگان داغ بر داغ می افزاید؟ ..... ارغوان بیرق گلگون بهار تو برافراشته باش شعر خونبار منی یاد رنگین رفیقانم را بر زبان داشته باش تو بخوان نغمه ی ناخوانده ی من ارغوان شاخه ی همخون جدا مانده ی من....

تامئللا شوشالی سمنی هر ایل گؤیردیرم من سئوه-سئوه ، بوی آتیب بیتیریر یازی سمنی قارانقوش موژده‌لی  باهار ائلچیسی بخش ائدیر هر ائوه روزی سمنی ایپکدن بئلینه تاخیلیر کمر بزکلی گلین‌تک عشوه‌  ناز ائدر گؤزللیک پایلاییر هر آخشام سحر گتیریر هوسه سازی سمنی هم بوللوق رمزیدیر  هم ده کی  حیات آچیر هر تئلینده دیلکلر قاناد چیخار اورَگیندن کده رینی آت نووروزون ان گؤزل قیزی  سمنی شئهلی چمنیمدیر هاییم -هاراییم یاشیل ساچلارینی اؤپوب داراییم اونونلا بزه‌نسین کؤنول ساراییم بیتیرسین اورکده آرزو سمنی https://t.me/Adabiyyatsevanlar

اوشاق ادبیاتی اوشاق ادبیاتینین یورولماز قلم داشلارینا یازییب یارادانلارینا صحیفه نی سئوییب اوخویانلارینا تقدیم ائدیریک. عزیز دوسلار، سئویملی قلمداشلار، آذربایجانین باهار نفسلی،یازطراوتلی  بالالاری بایرامینیز موبارک اولسون.  https://t.me/Adabiyyatsevanlar

اوشاق ادبیاتی اوشاق ادبیاتینین یورولماز قلم داشلارینا یازییب یارادانلارینا صحیفه نی سئوییب اوخویانلارینا تقدیم ائدیریک. عزیز دوسلار، سئویملی قلمداشلار، آذربایجانین باهار نفسلی،یازطراوتلی بالالاری بایرامینیز موبارک اولسون.