ادبیات سئونلر

اوشاق ادبیاتی https://t.me/Adabiyyatsevanlar

اوشاق ادبیاتی بو تصویرده‌کی اوشاق، دونیادا شهرت تاپدی. آغلاماق حالینداکی ویولون چالان اوشاغین تصویری، معاصر تاریخ‌ده ان دویغوسال تصویرلردن بیری‌دیر. ۱۲ یاشینداکی برزیل‌لی «دییئگو فیرازو تورکاتو» معللیمی‌نین توپراغا تاپیشیرما تؤره‌نین‌ده ویولون چالیر. اونو یوخسوللوقدان-فلاکتدن قورتاران معللیمی‌نین. بو تصویرده اینسانلیق، ان وار گوجو ایله دانیشیر. بؤیوک اویغارلیقلارا چاتماق اوچون، محبت توخومونو اکین کی، ان گؤزل دویغولاری اوشاقلاردا یئتیشدیره بیله‌سیز.

اوشآق ادبیاتی آذربایجان افسانه لری سؤیله ین:«صمد بهرنگی - بهروز دهقانی» چئویرن:« منیژه جم‌نژاد» حاجی صیادین قیزی۲ پری وزیرین سؤزونه باخمادی. وزیر دوردو اوغلانلارین بیرینین باشینی کسدی. سونرا گلیب دئدی: گئنه سؤزومه باخماسان، او بیری اوغلونون دا باشینی کسه جه یم. پری گئنه سؤزونه باخمادی. وزیر دوروب او بیرینین ده باشینی کسدی. پری گؤردو چاراسی یوخدو. دئدی: وزیر ایندی کی زور دئییرسن، قوی من سو باشینا گئدیب گلیم. وزیر دئدی: اولسون، گئت آما تئز قاییت. پری دوروب گئتدی. او قدر گئتدی، وزیر دا اونو گؤره بیلمدی. چارقاتینی آچیب بیر تیکان کولونون باشینا سالدی. اؤزو ده باش قویوب چؤللره گئتدی. وزیر هر نه دؤزدو پری قاییتمادی. دوروب گئدیب گؤردو، پری هاردایدی. تیکان کولودو، باشیندا چارقات. اؤز یانیندا دئدی: باشیمیزا بتر بؤرک کئچدی. ایندی بیر کلک وورمالیام پادشاه اولایین نه اولدوغونو آنلاماسین دئیه. دوروب پادشاهین یانینا گلیب دئدی: پادشاه ساغ اولسون، پرینی آپاردیم شهره بوراخدیم. آما یولدا اوقدر دله دو٘زلوک ائله دی، مندن خبر سیز آیری یئرلره گئتدی کی، دئدیم ایشین ایچینده ایش وار. ائولرین تانیماق ایسته‌مه دیم. شهرده بوراخدیم دئدیم: اؤزون گئت. بویاندان پری چول باییردا گئتدی، گئتدی، بیر چوبانا راست گلدی. بویون قولاغیندان چوبانا قیزیل وئریب دئدی: قویونلارینین بیرینی کس. قویونون هر شئیین چوبانا وئردی، یالنیز قارنینی گؤتوروب چکدی باشینا؛ دوغروچو بیر کچل اولدو. سونرا دا بیر دست کوهنه پالتار چوباندان آلیب گئییب، یولا دوشدو.  گئتدی، گئتدی، اؤز شهرینه یئتیشدی. ائوینین اؤنونده باشلادی باغیرماغا: کیم نوکر ایستیر، کیم نوکر ایستیر؟ حاجی صیاد تئز ائودن چیخدی. گؤردو کچل‌جیغین گؤزلری اؤز قیزینین گؤزلرینه بنزیر. قانی قاینادی. دئدی: آی اوغلان گلیب منه نوکر اولارسان؟ پری دئدی: نیه اولمارام. هر یئرده قارنیمی دویورماغا بیر تیکه چؤرک وئرن اولسا، اوردا نوکر اولارام. حاجی صیاد قیزینی نوکر آدینا گؤتوروب ائوه گتیردی. خانیمینا دئدی: گل باخ. نوکر توتموشام. خانیم کچل‌جیغا باخیب دئدی: آی آللاه، منیم پریمه چکیب. پرینین قارداشی دا گلیب باخیب دئدی: ننه باخ، گؤزلری باجیمین گؤزلرینه بنزه ییر. پری ائوده قالیجی اولدو، سیررینی کیمسه یه دئمه دی. آما نئجه زیرنگ ترپشیردی، کیشی لر کیمی اولا بیلمیردی. حاجینین خانیمی گؤروردو کچل‌جیق ائو ایشینی نوکرچیلیک دن چوخ باشاریر. پری اوتاقلاری بزه ییردی، فرشلری سوپوروردو، پالتار یویوردو. قیسا جا، پری اؤزونه ائوده یئر ائله دی. هامی اونونلا ائوین اوغلو کیمی داورانیردی. بولار بوردا قالسین، سیزه دئییم پادشاه لا، وزیردن: بیرگون پادشاه لا وزیر اوتورموش دانیشیردیلار. پادشاه دئدی: وزیر، پری یوباندی. اوندان خبر چیخمادی. دور یو٘ک یاپیمیزی باغلییب، درویش پالتاری گئییب، گئدیب گؤرک قیز نه ایش گؤرور. وزیر بیر سؤز دئمه دی. دوروب درویش پالتاری گئییب پرینین شهرینه گلدیلر. کوچه باجا دا دوست آشنا آختاریردیلار. پری اولاری گؤروب تانیدی. تئز گلیب حاجی صیادا دئدی: آغا، ایکی قوناغیم وار. اجازه وئرسن گتیریم ائوه، درویش دیلر. حاجی صیاد دئدی: اوغول بو نه سوزدو؟ ائو سنین دی، ایکی یوخ یوز قوناغین اولسون، گؤزوم اوسته یئر ائلرم. پری سئوینیب پادشاه لا وزیرین یانینا قاچدی. بیر ماهانایلا سؤز آچدی، سونوندا دئدی: بابا درویشلر، بو گئجه منیم ائویمده قوناق سینیز. پادشاه دئدی: اوغلان، بوشلا. سن اؤزون نوکر بابانین بیری سن، بیزی نه جور قوناق ائلیرسن؟ سنین ائوین زیندگانلیغین یوخدوکی. آردی وار... https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

تبریک لر اوغورلار ادبیات سيونلرعاییله سینین تانینمیش اویه سی اوستاد «میرحسین لداربناب» دان دیرلی بیر اثر«شناخت نامه جوانمردان، با مرورآیین عیاران و فتوت» ایشیق اوزو گوردو ادبیات سئونلر اوخوجوسو بول اولسون دئیه بو اثرین ایشیق اوزو گورمه سینی اوستاد میرحسین دلداربنابا،ادبیات سئونلر عاییله یینه تبریک دئیر. پژوهشی است که جریان جوانمردی و ویژگی‌های جوانمردان را با مرور و تاکید خاص روی آیین عیاری و فتوت در طول تاریخ ایران و جهان از دوران باستان تا به امروز در بر می‌گیرد. عنوان بعضی از بحث‌ها عبارت است از؛ نقد منابع تاریخی در باره‌ی جوانمردان پیشینه‌ی جوانمردی لغت‌شناسی عیار و عیاری و نقد منابع لغوی اصول جوانمردی با تکیه بر منابعی مانند سمک عیار و قابوسنامه تطبیق خصایل عیاران و فتیان و سامورائیان و ... تاثیر میترائیسم بر جریان جوانمردی تاثیر آیین عیاری بر جریان ملامتیه و فتوت جنبه‌ی جهانی جوانمردی بازتاب جوانمردی در ادب فارسی و ...

مثل لر کورپوسو سسلندیرن:«فاطمه محمودی

طنز: «بویوک آغا افندی» سرهنگ «آقازاده» باهارین سون گون‌لری ایدی آلا بولودلار گؤیه باخانی حئیران ائدیردیلر، چول-باییردا گول-چیچک تام حاکم ایدی بوایل یاغیشین چوخ یاغدیغیندان داغ - داشدا یاشیل گئیمیشدی،گول گولو چاغیریدی،بولبول بولبولو... دؤردونجو قوردانین، ایکینجی قوروهانینی مشق اوچون عجبشئرین سرباز خاناسینا یاخین داغ‌لارا آپارمیشدیق. ایکی ساعات مشقدن سونرا عسگرلره استراحت وئردیم، بیر کولگه آختاریردیم اوزوم ده بیر آز دالدالانام، هله اوزومه گلمه میشدیم گوردوم پوتا، کوله بیر عسگر توکوله توکوله منه طرف قاچیر عسگر اوزون منه یئتیرییب احترامدان سونرا چو خ نزاکت له دئدی: باغیشلایین جنابسروان جنابسرهنگ« آقازاده» سیزی چاغیریر، سرهنگه طرف یولاندیم یئتیشمک همان آیاقلاریمی یاپیشدیرییب موحکم بیر چاس قوزادیم  سرهنگ اوتوردو غو صندلدن آیاغا قالخییب ال اوزادییب منله گوروشدو بیر آز اویان بویاندان دانیشاندان سونرا دئدی: جنابسروان «شیخی» حقیقتن سن چوخ یاخشی اوغلانسان، ادبلی، ساوادلی، کیتاب اوخویان بیلیرم بوتون افسرلرله فرقین وار،اوزونه گوره عقیده صاحابی سان آمما بالاجا بیر عیبین ده وار ائشیتمیشم کله ان  سبزی قورما قوخویور  اوداجاوانلیقداندی, سرهنگ گوله گوله آرتیردی منیم ده جوانلیقدا کلم خرابدی، دوزون سوزو سنی بورا چاغیرماقدان نیتیم بیرآز اختلاط ائلمک دیر بوگونجه ائله بیر فورصت اولماییب سنین خدمتینده اولاق، سرهنگ ماجال وئرمه دن دانشیردی، ایسته ییردیم دئیم خاهیش ائدیرم جنابسرهنگ سیزین لوطفونوز وار منه ده یاخشی فورصت دی سیزین خدمتینیزده اولام، هله آغزیمی آچمامیشدیم سرهنگ دئدی:«شیخی»  سندن چوخ خوشوم گلیر فضول دئییل سن، بوگونجه نه سن مندن بیر سوز سوروشوبسان نه من سنه بیر سوز دئمیشم نه سن منی قوناق چاغریبسان نه من سنی،  سرهنگ گوزلرین دوزگوزلریمه زیللییب آرتیردی ایسته ییرم سنه بیر سوز دئیم بلکه بیرگون دردینه دیدی، آغای« شیخی» آللاهدان گیزلین دئییل سندن نه گیزلین بیلدیر پاییزدا آخشام اوستو ائوده قوردالانیردیم بیردن گویلومه کیشمیش دوشدو حاجی خانیمی چاغیردیم دئدیم: کیشمیشیمیز وار؟ خانیم گئتدی آشبازخانیا بیر از اویان بویانا باخاندان سونرا دئدی: یوخ واللاه ائله بیل قورتولوب دوردوم آیاغا پالتارلاریمی گئیدیم آرواد دئدی: هارا؟  دئدیم:  گئدیرم عجب شئره  کیشمیش آلام، ماشینی گوتوردوم گئتدیم عجب شئرده پادگان خیاوانیندا علی حوسئن باقالین یانینا دئدیم:«علی حسین»یاخشی کیشمیشین وار؟ باقال دئدی آخ نئجه،لاپ یاخشی کیشمیشیم وار،سیز ه وئرملی، ایکی، اوچ جوره کیشمیش گتیردی بیرینی گوسترییب دئدی: جناب سرهنگ بو سیزه وئرملی کیشمیش دیر یاریم کیلو کیشمیش آلیب ائو قایدتدیم کیشمیشلری خانیم ترتمیز یودو سردی بیر دستمالین اوستونه ایکی قیسیم  دا اوچ دورد گیردکانلا منه گتیردی گیرده کانلاری سیندیردیم یئرینیز بوش آخشام اوستو بک یاپیشدی خولاصه باشینی چوخ آغریتماییم کیشمیش لرین قالانین قورویاندان سونرا توکدوم بیر شوشه قابا باشین بک باغلادیم وئردیم آرواد آشباز خانادا قویدو ایشقابا دونن آخشام یئنه من کیشمیش سیز له میشدیم آروادی چاغیردیم، کیشمیش ایسته دیم ایکی دیقه چکمه دی خانیم بیلدیرکی شوشه نی گتیردی نامردین قیزی آلتی آیدا کیشمیش لره بارماغیندا سورتمه میشدی شوشه نین باشین آچدیم آلله و اکبر، گوزون یامان گون گورمه سین جانین اوچون شوشه نین ایچی قوردونان قاینایردی اوزاوزومه دئدیم: خدایا عظمتیوه قوربان منکی بو شوشه نین قاپاغین بک بک باغلامیشدیم گورسن بو قوردلارهاردان گیریب بو شوشنین ایچینه؟ حقیقتن اوگوندن من آللاهین قودرتینه، عظمتینه اوره‌کدن ایناندیم آخی کیشی بیر آللاه کی قادیردی باغلی شوشه‌نی قورد ایله دولدورسون  قادیر دئییل او دونیادا ایکی دنه اودلو کسو  سوخسون بیزیم گوتوموزه؟ قارداش جانی منیم اوگوندن ایمانیم آللاها کامیل کامیل اولوب والاهی باغلی شوشه‌یه قورد سوخانین الیندن هر نه دئسن گلر... https://t.me/Adabiyyatsevanlar

دونیا سندن کیم لرکئچدی ishiqnet's profile picture گؤرکملی صنعتکار اوستاد نصرالله ناصح‌پور خرداد آیی‌نین 28نجی گونو تهران شهرینده، 83 یاشیندایکن حیاتلا ابدی‌لیک وداعلاشدی.. قایناق: ایشیق سایتی

آنها زندان‌ها را تعطیل می‌کنند و ما از کمبود زندان رنج می‌بریم! دولت هلند ۵ زندان دیگر این کشور را هم به دلیل نبود زندانی، تغییر کاربری داد و به هتل تبدیل کرد!

«ک. گل اندام» ناجاق دئییرلر مئشه نی قیران ناجاقدیر! ساپ اولماسا ناجاق نه قیرا‌جاق‌دیر؟؟ لعنت ناجاقلارا ساپ اولان‌لارا !! دائیم آغیزلاردا بو قالا‌جاق‌دیر!! گؤره سن چاپیلان سروی بوی‌لارین ، قیساسین ناجاقدان کیم آلا‌جاق‌دیر؟ شاعیریم قوجالدین اؤج آلانمادین!!! داریخما، داغلار دا ، قوجالا‌جاق‌دیر! نه قده‌ر چاپیلسا  یاشیل بوداقلار، یئنه ده مئشه‌لر قوجاق-قوجاق‌دیر! بیرگون گله‌جک‌دیر ساپ‌سیز ناجاق‌لار، مئشه‌دن توللانیب پاس‌لانا‌جاق‌دیر!! تیه‌لر کوتلیب، ایتیله‌جک‌دیر! مئشه‌لر گونشه بویلانا‌جاق‌دیر! اورمو -1376 https://t.me/Adabiyyatsevanlar

نامه های «احسان طبری» به «ژاله اصفهانی» بومکتوبلارین موضو لاری تام ادبیات دیر خصوصیله تنقید ادبیات سئونلر بو آچیدان(ادبی تنقید) باخیمیندان  بو نامه لرین هرهفته چهارشنبه گونوبیرینی نشر ائده جک اومود ائدیریک سایین اوخوجولاریمیزا فایدالی اولا. https://t.me/Adabiyyatsevanlar

«پرویز_کریمی»  مثل مریضی محتضر                              _در شعله‌های تب_ نبض زمین میزد پروانه‌ای بی بال_ از عمق وحشتناک شب                                فریاد میزد:                                              بال...! ما مثل مرغابی در آب‌های «بی پناهی»                              غوطه میخوردیم https://t.me/Adabiyyatsevanlar

✍: «میرحسین_دلداربناب» کابوس بیریسی دالیمجا گلیر آددیم_ آددیم، یاواش_ یاواش یاواشجا منی سسله‌ییر دئییر گئتمه، دایان هاماش گتیر آغزینی اییله‌ییم گؤروم نه‌لر دانیشمیسان دونن گئجه فیلان یئرده کیملر ایله قونوشموسان آچ گؤزونو، قولاغینی باخیم گؤروم نه گؤرموسن هاردا نه‌لر ائشیتمیسن کیملره آرخا دورموسان قوشقو جالانیر جانیما کیمسه ساتاشمیر گؤزومه جین آتی گؤزله‌ییر منی دانیشیرام اؤز_ اؤزومه هئچ کیمسه یوخ هنده‌ورده بیر کؤلگم‌دیر، بیرده کی من اودور هئی منی ایزله‌ین سورو سوران، سؤز سؤیله‌‌ین داها کؤلگمدن  قورخورام بیلیرم منی ساتاجاق یئدیگیمیز دوز چؤره‌گی سولک ایتلره آتاجاق من هارا، کؤلگم‌ده اورا منله گیریر اوتاغیما گؤز_گؤز ائلیر من گؤرمه‌دن گلیر گیریر یاتاغیما گیریر یوخومون ایچینه مین‌بیر اویون قورور منه بو دونیانین وارلیغیندان یوخلوغو پای وئریر منه! https://t.me/Adabiyyatsevanlar

چايلي واقعيتلره ائله ده اويوشمايان ياراتديغي بو فرقلي ياغيش ياغان گئجه‌ده،‌ اوخوجولارينا هابئله ياشاديغي يئره اؤزل خبرلري چاتديرماقدادي. او آياز گئجه‌ده واقعي ياغيش يوخ گوموشو ايشيق ياغديرير. اولدوزو قارانليق گئجه‌ده گؤيلرده دئييل، اؤز تورپاغيندا دوغدورور. توي دبلريميزده بَي ـ‌ گلين باشينا سپيلن نوغولدان الهام آلاراق گؤيدن انسانلارين باشينا اينجي نوغولو اله‌يير. شاعير سؤزلرين ايچ معنالاريندان فايدالاناراق، اونلاري تصويرلر بيچيمينده گؤسترمكده‌دير. او بو دنيايا وارماقلا واقعي دنيادان فرقلي اولان بير دنيا يارالداركن، اؤز دويغوسو ايله دوشونجه‌سيني سؤزلرين ايچ‌آنلاملاري واسيطه‌سيله اوخوجويا چاتديرماقدادير. ياكوبسن‌ين دئديگينه گؤره، «شعر ديلي اؤز ذات و كيمليگي اساسيندا دقتي قونودان آليب، اؤزونه ساري چكمكده‌دير.» شكلوفسكي‌نين ده بئله بير باخشي وار: «شعريده كلمه معنا داشييان بير حامبال دئييل،‌ اونون اؤزونه مخصوص باغيمسيز وارليغي وار.» صمد چايلي‌نين ياغيش شعرينده سئچيلن سؤزجوكلر يالنيز گونده‌ليك دانيشيقلارين ايچيندن گؤتورولن واقعي معنالار داشييان دئييل. اونون سؤزجوكلري گاهدان باجاريقلي، اؤزونه مخصوص بير يئتنگي اولان، دنيانين هئچ بير يئرينده تايي تاپيلمايان جانلي بير انسان وظيفه‌سي داشييب، گيلدير‌ـ‌گيلدير ياخود دامجي ـ دامجي دن تؤكوب، دنيز‌ ـ دنيز كور اكندير. بو شعريده يئرلشن سؤزجوكلرين اؤزلرينه مخصوص يئر و آنلاملاري وار، اولا بيلردي او سؤزجوكلرين يئرينه باشقا كلمه‌لري سئچيليب يازيلسين، آنجاق بو شعريده اينديكي آنلام و مفهومو داشيمازديلار. دئمك، شعرده؛ ديل ياني هر زاد. محتوا ياخود ايچ‌آنلام دا وار و شعريده محتوا اؤز وارليغيني، سؤزون نئجه دئييلمه‌سيندن آلا بيلير. باشقا سؤزله، كلمه‌لر يالنيز معنا داشيماق اوچون شعريده ايشله‌ديلميرلر، اونلار فرم و محتوا يوكونو ده بويونلارينا آليرلار. ياكوبسن 1921 ده دئييب: «شعر ديليدن بير فرم‌دور،‌ او هر بير زادي اؤزونه ساري چكن‌دير.» «شعر هر بيرزاددان اؤنجه ديلي يئني شيوه‌لرله تانيماغا ميدان آچير. بو صنعت، دقتلري اؤزونون فرمونا ساري چكرسه فرم اونون ايچ آنلامينا چئوريلر.»1  ياغيش شعرينده شاعر، تانيشلاري سيلمگه چاليشيب بو قونودا نه قدر موفق اولوب اولماماسيني شعر صنعتي‌»ين بيلگينلره بوراخاراق، سؤزو بيترمه‌دن اؤنجه ويكتور اشكلوفسكي‌نين ديل و ادبيات قونوسوندا تانيشلاري سيلمك (آشنا زدايي) اوچون باخيشلاري يازيا آرتيريلير: «ادبيات بيزي ياشاديغيميز دنيايا يئني‌دن باخماغا ساري چكير. ياشاييشدا گؤرب توخوندوقلاريميزا تانيش اولوب اونسيت تاپديقلاريميزي يئني دن بيزه تانيلماز و يابانجي ائده بيلر. بيز اشياني يالنيز ياريم اوست‌بيلينج (نيمه خود‌آگاهي) سورجينده درك ائده بيليريك. اونلاري اؤنجه‌دن تانيييريق، اما بير داها اونلارا باخا بيلريك. هنرين وار اولدوغو اوچون، ياشامي يئني‌دن حس ائتمكده بيزه يارديمچي اولا بيلر. هنرين آماجي هر بير زادي تانيتديغي كيمي يوخ اونون حس‌يني درك ائتديگي كيمي بيزه چاتديرماقدير. بو پروسه‌‌نين سونوجو، تانيشلاري سيلمك دئمكدير. بيز ادبيات گؤز ايله، بير داها دنيانين بوتون گؤزلليكلري يا دا بعضي پيسليكلريني دوغرو، دوزگون گؤره بيليريك.»2  1 - مباني نظريه ادبي. هانس برتنس. مترجم، محمدرضا ابوالقاسمي. نشر ماهي، 1384 2- همان https://t.me/Adabiyyatsevanlar

«احدفرهمندی» ديلين صنعت رولو و صمدچايلي‌نين «ياغيش» شعرينه قيسا باخيش گيريش ديل انسانلار آراسيندا ايلگي قورماق آراجي‌دير. اونون اساسيندا هر ملتين اؤزونه گؤره، انسلارين تجرله‌لري خيردالانيب، معنا، سس و گؤرونوش داشييان هجايا بؤلونوب. هجالار ايسه خيردالاناراق سسلي و سس‌سيز حرفلر دورومو تاپيب. بو حرفلرين سايلاري هر ديلده فرقيلدير. دئمك بونلارين ماهيتلرله قارشيليق اتكيلري مختلف ديللرده اؤزلرينه مخصوص دوروملاري هابئله حالتلري وار. بو فرقلر ديللري هر باخيمدان بير ـ بيريندن باشقا ماهيت داشييان ائدير. ديلچي و پيسكولوژي عاليملر، ديلين رولونا گؤره چئشيدلي باخيشلاري وار. اونلار ديله اون‌بئش مختلف رول آييرد ائديرلر. اما هاميسي بيرليكده ديله؛ بير، كؤك رول و اوچ فرعي رول قاييلديلر. كؤك رول، ايلگي ياراتماقدير. اوچ فرعي رول ايسه: 1- دوشونجه و فيكيرلشمك سويكه‌نجگي. 2- ايچ دويغولاري روايت ائدن. 3- صنعت گؤزلليگي يارادان. آرتيرماليدير ديلين دوشونجه و فيكيرلشمك سويكه‌نجگي رولونون ان يوخاري دَير و اؤنمي اولدوغو اوچون، اونو كؤك رول‌لا برابر توتورلار. بو يازيدا ديلين صنعت باخيميندان گوزلليك بؤلومونه، هابئله صمد چايلي جنابلارينين «ياغيش» شعرينه قيسا باخيشميز اولاجاق. ديلين باشقا رول‌لاري ادبياتيدا خصوصيله شعر ايله داستاندا دانيلماز نقشي اولسا دا، بونلارين هاميسي ديلين صنعت رولونون ائتكيسي آلتيندا يئرلرشيرلر. ديلين صنعت رولو گونده‌ليك دانيشيق ديلي، اؤز ايلگي قورماق رولونو اولدوقجا ساده و قيوراق يئرينه يئتيرمك اوچون، دانيشان كيمسه معمولا اؤز سؤزنه و اونون نه قدر مفهوملو اولدوغونا دقت يئتيرمير. اونا ايستگي‌ني تئزليكله اله گتيرمك هر زاددان اؤنملي‌دير. آنجاق اؤزل بير قونولاردا دانيشانين، بير باشا احتياجيني آرادان قالديرماق آماجي اولماياندا، اؤز سؤزلريني سوسله‌مگه چاليشار. اؤرنگين؛ هجالاري گؤزل بير لحن ايله بير ـ‌ بيرينه قوووشدورار و گاهدان معنايا دقت ائتمه‌دن سؤزون ظاهريني گؤزلـله‌در. گونده‌ليك دانيشيقلاريميز اؤز كؤك رولون هر باخيمدان اؤزلليكله مئساژ چاتديرماق قونوسونو اولدوقجا يئترلي اوينليا بيلير. ادبيات قونولاريندان باشقا هئچ يئرده اوخويوب يا دا ائشيتمه‌ميشيك كيمسه‌ني سؤزوجكلري يانليش ديله گتيرديگي اوچون جزالانديرسينلار، يالنيز يانيلان كيمسه‌يله گولوب،‌ يا دا ايچلرينده لاغ ائدرلر. انسانلارين يانيلماغي سوركلي اولدوغو اوچون گونده‌ليك ايلگيلريميزده بوللو دانيشيق خطالارينا شاهد اولساق دا دايانمادان اؤتوب كئچيريك. بونونلا بئله ديلين كؤك رولو ايلگي ياراتماق‌دير. ياكوبسن ده بو رولو وورغولاياراق بئله دئيير: «دانيشيق ديلي‌نين اوچ چئشيد فونكسيونو وار: 1- بيلگيلري اوزه چيخارتماق. 2- دانيشانين باخيشلاريني هابئله حالتلريني گؤرستمك. 3- ائشيده‌نه اتگي بوراخماق.» انساندا ياراديجيليق گوجو اولدوغو اوچون، رئال دنيادان فرقلي اولان صنعت دونياسيني ياراتماغا باشلاييب،‌ اونا گؤره بو دونيانين ديلي، عادي ديللردن دانيشيلان ديللر ايله ظاهرده بنزرليگي اولسا دا كؤكوندن فرقيلدير. بيز واقعي دنيادا بير اؤلكه‌دن باشقا اؤلكه‌يه گئدنده، اورادا اؤز ديليميزدن فرقلي اولان بير ديل ايله قارشيلاشيريق. صنعت دنياسينا دا واراندا، او دنيانين اؤزونه اؤزل اولان ديلي ايله اوز ـ  اوزه گليريك. اولا بيلسين بو ديل باشلانيشدا بيزه يابانجي گؤرونسون. يوخاريدا دئديگيميز سؤزون اساسيندا صنعت ميدانينا واراندا يا دا سؤز باخيميندان بير باشا قيوراق ايستگيميزه چاتماق آماجيميز اولمايان يئرده، سؤزلري سوسلمك هابئله هيجالاري خوش لحن ايله دئمگه چاليشيريق،‌ دئمك معنايا دقت ائتمه‌دن سؤزون ظاهريني گؤزللشديريريك. ديلين صنعت رولونو قيسادا اولسا آچيقلاياندان سونرا، صمد چايلي جنابلارينين «ياغيش» شعريني اؤرنك گؤتوررك سؤزوموزو داواملاييريق. ياغيش گئجه‌دير! آياز گئجه‌دير! ياغيش ياغير بو توتقون گئجه‌نين چاغي سايريشان اولدوزلار، چير ـ چيرتلايير سئل ساياغي گؤي اوزوندن، اينجي چيله‌يير، نوغول اله‌نير. گوموشو ايشيق ياغير، ايشيغا ياراشيق ايستيليك ياغير، بيزيم ائللر تويلو اولور، گيلدير، گيلدير دن تؤكولور، دنيز ـ‌ دنيز كور اكيلير، يوردوموزا. اورك دئيير: اولدوز دوغار بو تورپاقلار گون دوغماميش ياغير ياغيش ياغير ياغيش صمد چايلي بو شعرده سؤزجوكلرين هجالاريني بير ـ‌ بيريله قوووشدوروب گوزللشديرمگه چاليشاركن معنالاري ديش واقعيتلر دئييل اونلارين ايچ ايلگلري ايله اؤپوشدورور. شاعرين دنياسيندا وصف ائتديگي بولود واقعيت‌ده يالنيز ياغيش ياغديرماقدان باشقا گؤره‌وي اولان بولود دئييل. هابئله گئجه،‌ اولدوز،گوموشو ايشيق، ياغديرماق، و ... سؤزجوكلردن فايدالانان شاعر، اؤز شعر دونياسيندا فيكير و دوشونجه‌سيني ياغديرماق اوچون، بير آياز گئجه يارالدير.