ادبیات سئونلر

فعالیت لره . بیر سوره "راننده" آدلی بیر گونده لیک قازئتین مودیری اولور و بو درگی تعطیله اوغرادیقدا "مهد آزادی " درگی سینه گئدیب  اوزون ایللر  دونیاسینی دییشه نه قدر او درگی ده چالیشمالارینا دوام ائدیر. اوستاد شیدا باشقا یازیلاری یانیندا بو گونده لیک درگی ده صنعت و ادبیات حاققیندا و خصوصن آنادیلیمزده ، اونودولماز و قالیجی صحیفه لر یاییری . آنجاق بو آرادا مهد آزادی درگی سی نین  یاییلماسیندا حکومتی تصییق لر اساسیندا  بیر  آز مدت ، آخساق لیق یارانینجا " چالیشمالارینی " آذرآبادگان " قازئتینده دوام ائدیری . بو یاشار اینسان ژورنالیستی فعالیت لرینی بوتون چنین لیک لر ه دوزه رک کنارا قویمورو . من لاپ او اوشاقلیق چاغلاریندان یعنی بئش و آلتی یاشلاریندان اوستاد شیدانی یاخین دان تانی یاردیم . نییه کی مهد آزادی مطبعه سی نین صاحیبی و بو درگی نین مودیری رحمتلیک آنامین دایی سی ایدی و قارداشلاریم عیباد و نوروز دا بو مطبعه ده چالیشماق دایدیلار . بو نو دئمک کی "فروغ آزادی " درگی سی ده ائله بو مطبعه ده یاییلیردی و یحیی شیدا هر ایکی درگی نین یازیچی سی ساییلاراق اونون باش یازارلیقی لا تورکجه صحیفه لرله  زینت تاپیر دی وادبیات اوجاغیمیزی یانار ساخلاییردی  . ایران ایسلام اینقیلابی نین ایلک ایل لرینده "آهنی" جنابلاری نین باشچیلیقی لا ، آنادیلیمیزه و ادبیاتیمیزا حورمت بسله ین ادبیات سئوه ر یاشلی و گنج لر" آذریجان شاعیر لر و یازیچی لار جمعیتی نی " یاراداراق "اوستاد یحیی شیدا " بو جمعیتین ادبی محفل لری نین مودیری و مدرسی سئچیلیر و هر جوماخشامی ناهاردان سورا ، تبریزین دانشسرا محله سی نین تربیت کیتابخاناسیندا آردیجیل اولاراق بو جلسه لر دوام ائدیری. بو ادبی جمعیتین شکیل تاپماسیندا  بویوک نقش لری اولان گنج لردن ، ئوزوم دن باشقا حسین فیض الهی وحید ، علیرضا ذیحق ، صدیار وظیفة،  فریدون حصاری و ائولادی رضا حصاری ، باریشماز مراغه ای ، شهرک ، قهرمان خطیبی و سلیمان ثالث دن آد اپارمالی یام . اوستاد شیدا بو شئعیر جلسه لری نین مدرسی اولاراق  اوخونان اثرلری ایسه  تنقید  ائدیردی .  شاعیرلر مجلیسنده حاضر اولان و اوزاق شهرلردن گلن ادبیاتچی لارین سایی دا چوخ ایدی کی بو آرادا "عباس بارز "و  "ستار گول محمدی "   آن اونملی چئهره لردن ساییلیردیلار . حتتا بیرگون شاعیرلر مجلیسی آذربایجان فخری" دوکتور جواد هیئت " ین قدم لری نن برکت تاپاراق دیرلی صوحبت لره و شاهانه بیر جلوه یه شاهید اولدو  . هابئله او گون  تهران دان شاعیر "ساوالان " (حسن مجید زاده ) دا بو جلسه ده دوکتور هیئت له بیرلیک ده حوضورلاری وار ایدی . آذربایجان شاعیرلر و یازیچی لار جمعیتی نین آن دیرلی ایش لرین دن بیری ده "اولکر" آدلی بیر درگینی یایماق ایدی کی تکجه ایکی نمره چیخدی . شاعیرلر مجلیسینده چوخلی شاعیر ، یازیچی و ادبیات هوسکار لاری ایشتیراک ائده رک اونلارین ایچینده  ایران دا "جذام  "  آتا سی ساییلان حکیم ،  دوکتور مبین " ( شیمشک) ده آردیجیل حضور تاپاردی . هابئله " نقابی  ، صمد ظهوری ، نجار اوغلو ، بهرام ائلچین ، رضا ایتگین ، اصغر فردی " و باشقالاری . آنجاق او گونلر و ادبی جلسه لر  ایکی ایل چکمه دن ، تربیت کیتابخاناسی نین و ادب دونیاسی نین  حورمتینی سیندیران  بیر پارا قارا قووه لرین غصبینه و هوجومونا اوغراییب  بوتون ایشتیراکچی لار آغیر کوتکلر و باش _ قول سینمالارلا ، کیتابخانادان قووولدولار .چوخ اوزوجوسوده اوردایدی کی یاشلی و صنعتکار اینسانلار لا بیرلیکده ، اوستاد یحیی شیدا دا آغیر ضربه لر نتیجه سینده یارالی حالدا مجلیسی ترک ائدیر . بو سارسیلماز اینسان ، ۱۳۹۰_ نجی ایلده وفات ائده رک ادبیات سئوه ر لری یاسا و اوزونتویه بوغوب آذربایجان ادبیات سماسی بئله لیک له  ایشیقلی بیر اولدوزونو ایتیریری . ۲۰۲۵م _ استانبول https://t.me/Adabiyyatsevanlar

یحیی شیدا ۱۳۰۳ _  نجو گونش ایلینده تبریزین چرنداب محله سینده دوغولوب بویا باشا چاتسادا کئشمه کشلی بیر حیات یاشاییب دیر . آتاسی " حسن یوزباشی چرندابی  " ایدی کی مشروطه موجاهید لرین دن ساییلیردی و تبریزین " صفی الدین " بازاریندا قصاب توکانی وارایدی . یحیی شیدا ایلک تحصیلاتینی ، فقه و دینی علم لر حاققیندا تبریزین "طالبیه مدرسه سینده " بیتیرسه ده ، سونرالار فارس ادبیاتیندا تحصیلینی دوام ائتدیریری و ۴ دیلده دانیشیب یازاراق آلمانییا ، عربجه،  فارسجا و تورکجه دیللرینده  دیرلی بیر اوستاد و بیلگی صاحیبی ساییلیر . یحیی شیدا ۱۳۲۵ _ نجی ایلده دمکرات فرقه سینه قوشولاراق هیجانلی و عصیان بایراغی قالدیران یازی و شعیر لری نن بویوک بیر شوهرت قازانیر . فرقه،  پهلوی استبدادی الی نن یئنیلدیک دن سونرا ، توتولوب ئولدورولمه سین دئیه  دوغما دییارین دان دیدرگین و قاچاق دوشه رک ، تهرانا  گئدیری .  او ایللربویو  تهراندا  گیزلی حیات یاشارکن ، وضعیت یونگول لش دیک ده آتا انا اوجاغی اولان، ئوز شهری تبریزه قاییدیر . امما اوستاد شیدا یئنه بیر سارسیلماز یازیچی کیمی باشلاییر ژورنالیستی

داش آتمایاق گؤیرچینه ح. هریزلی آغ له‌لک قانا بله‌شر داش آتمایاق گؤیرچینه! آرزیلارى اودا دوشر داش آتمایاق گؤیرچینه! گؤیدن یئره یاغار قارقیش کوسر بولوت یاغماز یاغیش قالار قارا تامارزى قیش داش آتمایاق گؤیرچینه! چؤکمز داها داغا دومان توستویه بورونر زامان چاى-چشمه‌لر قوخویار قان داش آتمایاق گؤیرچینه! طبیعتدن انسان کوسر انسانلاردان وجدان کوسر تانرى دا انساندان کوسر داش آتمایاق گؤیرچینه! سوتون یئرینه کؤرپه‌لر- موشک‌لردن آتوم امه‌ر بیز انسان دئییلیک مگر؟ داش آتمایاق گؤیرچینه! بیر داش بند اولماز داش اوسته بیر بؤرک قالماز بیر باش اوسته قودوز سئون ساواش اوسته داش آتمایاق گؤیرچینه! من سنه سن منه دوشمن صلح اولماسا نه سن نه من انصاف اولسون حؤکوم سورن داش آتمایاق گؤیرچینه. https://t.me/Adabiyyatsevanlar

ایچیمیزی ایشیقلاندیراق تاحالا به دنیا از این زاویه نگاه کردید؟

مرکّب‌لیک ح. هریزلی مرکّب‌لشیر انسان: ایچ دونیاسى آیریلیر اونون چؤل دونیاسیندان. ایچریسى سئچیلمیر باخیشیندان گؤزوندن؛ اونو تانیماق اولمور صؤحبتیندن سؤزوندن. مرکّب‌لشیر انسان: او بعضاً قورد اولالى قویون گئییمینده‌دیر. گاهدا قویون اولالى قورد گئییمى گئیینیر. مرکّب‌لشیر انسان: بعضاً اؤز اوره‌یینده نیفرت بسله‌دییینه محبتله یاناشیر؛ بعضاً ده سئودییندن نیفرتله اوزاقلاشیر. مرکّب‌لشیر انسان: ماسکالى یاشاماغى اؤزونه گره‌ک سانیر، اؤز اینانمادیغینا بعضاً اؤزو اینانیر. مرکّب‌لشیر انسان: بعضاً اولور اؤزوده باشا دوشمور اؤزونو، دؤنگه‌لرده ایتیریر اوره‌یینین سؤزونو. مرکّب‌لشیر انسان: بیر آز ایسینمک اوچون آلولو تونقال آلتدان او ائشیب کؤز آختاریر؛ ساده بیر دویغوسونو دیله گتیرمک اوچون مرکّب سؤز آختاریر. بو مرکّب دونیادان قاچقین گئدیر نه یازیق ساده انسان، ساده سؤز، ساده دویغو، صاف اوره‌ک، ساده باخیش، دورو گؤز مرکّب انسانلارین مرکّب هوسیندن. قوربان اولوم او گونه قورتولا انسان اوغلو اؤز الی‌له قوردوغو مرکّب تله‌سیندن. باهار-۱۳۷۸ https://t.me/Adabiyyatsevanlar

✍: خلیل رضا اولو تورک سن اینجه چیچکلرده‌کی ژاله‌م کیمی گلدین بیر قان باهاسی، باغچاما لاله‌م کیمی گلدین آلدین دا اوجالتدین منی افلاکه اؤزون‌له ائندیک‌ده، موقدّس، یئنی عالم کیمی گلدین دولدوم نفسین‌دن ساچیلان راییحه‌لرده گئتدیک‌ده آپاردین فرحی، غم کیمی گلدین شاهلار منه غبطه‌یله باخیر، ان اولو شاه من چون سن اولو گؤیدن اولو تؤحفه‌م کیمی گلدین بیر قانلی گول آغزین‌دا و مئی کاسه‌سی الده بیر جنّت ایکن، عؤمره جهنّم کیمی گلدین بیرجه تئلینه گؤزلریمین نورو دا قوربان عشقیم، فرحیم، آه ایله ناله‌م کیمی گلدین دونیا باغی قارلی، من اوزولموش قوجا باغبان روحوندا قرنفیل، منه همدم کیمی گلدین غوربت ده، محبّت ده، متانت ده اؤزونسن ییغدین داغینیق گوللری، بیر جمع کیمی گلدین وئردین، آلیب ایچدیم مئیی، کؤنلوم داغا دؤندو داغدان تؤکولَن نورلو شلاله‌م کیمی گلدین عالم‌لره بیلدیر کی، خلیل هئچ زامان اؤلمز، چون اووجوما افسونلو‌ پیاله‌م کیمی گلدین. https://t.me/Adabiyyatsevanlar

عدالت دومان باريشيق صـوٍلحوٍن  باريشيغين  يالنيـز  آديني ائشيديب اينسانلار،گؤره‌ن اوْلماييب اوْنـون بايـراغيني  بيـر  قـانـاد كيمـي مظلوملار  اوٍستوٍنه  سره‌ن  اوْلماييب يـانـا -  يـانـا  درده    دؤزه‌ن    آنـايـا اوْغـول  دئييـب  آغلار  گزه‌ن  آنايـا اومـودونـو  اوٍزه‌ن  ،   دوٍزه‌ن   آنـايـا ايللردي موشدولوق  وئره‌ن اوْلماييب سپسه‌لر  بيته‌جك ،  اؤلمه ، ‌ داريني اگر  بيتسـه  بوٍتـوٍن  آجـلار  باريني اوْ نئجه  باغـدي‌كي  بيرجـه  باريني يئتگين بوداغيندان دره‌ن  اوْلماييب؟ بو  دللال  سؤزوٍدوٍر  اينانمـا  كؤنـوٍل دللال    بـازارينـا    دوْلانمـا   كؤنـوٍل هر   يانـان   اوْجاغـا   قالانما   كؤنوٍل صوٍلحوٍن صفاسيني سوٍره‌ن اوْلماييب بـو   خبـر  يـالانـا    دوٍزه    بنـزه‌ييـر آستـاري   گؤروٍنـن   اوٍزه   بنزه‌ييـر عـدالت!    عملسيـز  سـؤزه  بنزه‌ييـر اوْنونچوٍن سينه‌سين گره‌ن  اوْلماييب

رحیم گوزل سوووشاجاق عومروموزون بونالیم‌لی گونلری، ایلک باهارین قوخوسونو آلار-آلماز قار-کوله‌یین ییغیشدیریب کوچون چاتان هر قیش کیمی. دوزوملو اول! آلینیمیزین یازیسی‌نین هله، ایلگینج صایفالاری اوخونمامیش. بخته‌ور‌لر بختیمیزین حسرتینی چکه‌جکلر!..

"نادر_الهی" دۆنن گلدی چاتدی ، تزه بیر یازین عطریندن اییندن ، دوْلوُ سئوگیلیم یازمیشدین چوخداندی گلمیر کاغاذین یامان گؤزله‌ییرم یوْلوُ سئوگیلیم یازمیشدین تای توُشدا ،کیم گئتدییین‌دن کیمین گئتدییین‌دن ، سن دؤنه- دؤنه بیرده بیر ائلچینی رد ائتدییین‌دن اوُتانا-اوُتانا یازمیشدین یئنه یازمیشدین بس هیجران هاچانا کیمی یازمیشدین،لاپ ایتیب دای خئیریم،شریم من سنه نه یازیم ،تر نانا کیمی آخی افیل ،افیل اسیر اللریم آه او باغ،او بولاق،او یاز آخشامی داشلانیر گؤزۆمدن ، خاطیره‌لرین او گۆن عشقیمیزدن یانیردی هامی بو گۆن نه سَریندی هاوا نه سَرین خزل تک کۆله‌گه  وئردیم بیر به بیر الیمی یاندیران مکتوبلارینی قازدیْم اۆرییمده ،قازدیم بیر قبیر قویلادیم عشقیمین اعتبارینی گئت منی گؤزله‌مه،گئت گؤزل پری قاپیدان قایتارما ائلچی‌لری سن آلنیمی ایسلادیب ، خجالت تری   گئت غربت شهردن ائولنمیشم من

یامان خه طیریمه دیمیسن... https://t.me/Adabiyyatsevanlar

کیان خیاو سن وئرمه‌دن آلان جان دئییلسن کی، گولوم، سن آلمادان وئرن ال اولمالیسان! شام کیمی اریمه‌لیسن یعنی سئوگی اوغرونا! پیسلیکلره تابین- طاقتین اولماسا دا، ایییدجه دوءش گرمه‌لیسن اونلارین اوءنونده! یعنی قحبه قورشونلارا توش اولان بیر دئو اولمالیسان! بوءیله‌لیکله اینجه‌جیک بیر ایشیق اولدوغونو بیلیب شئعیر- شئعیر گلمه‌لی و بیلمه‌لیسن؛ ایشیقسیز چیچک آچماز، باهار گلمز!... اوره‌یینین دردی چوخ اولسا دا، سئوگینین سونو اولمامالیدیر! کوءنلون بوءیوک، گوءزون توخ اولمالیدیر! یوخسا دوستو و دوستلوغو بو باشدان اوءز یاشامیندان پوز گئتسین، نه سندن باشقاسینا، نه ده باشقاسیندان سنه دوست اولمایاجاق. بونو کسین بیل!... کیمسه‌یه یول گوءسترمه، کیمسه‌نین ده سنه یول گوءسترمه‌سینه ایذین وئرمه! کیمسه‌نی اییتمک- اوءیرتمک ایسته‌مه، باشاردیغینجا چئوره‌ندن اوءیرنمه‌یه چالیش! سئودییینی جاندان سئو، و سنی جاندان سئومه‌یه‌نین سئوگیسینی اوءنمسه‌مه! کیمسه‌نین الینی اوءپمه، کیمسه‌یه ده الینی اوءپدورمه! دوشون و آنلا؛ یاشامدان چوخ بیر شئی آنلامایاجاقسان، اوءلومدن ده ها بئله!... ایرمی‌بیرینجی یوزایلدیر بو، سئوگیلی جانلار! وامپیر یعنی. ایمه‌جئن دراقونز، چت‌جی‌پی‌تی و سانسور! یئری گلسه سئوین، یئری گلسه سوءیون هر کسی یعنی! چوخ عاییب ساییلان ایشی عاییب سایمایین! یاخشیلیق بیر گوءره‌ودیر، اونو بیر گوءره‌و کیمی ده‌یرلندیرین، و هر یاخشیلیق اوچون ده کیمسه‌دن تشککور ائتمه‌یین! بیرر اینسانلاری اینسانلیق سلوقانیندان داها چوخ ایسته‌یین، اینسانلارین دا هامیسینی چوخ ایسته‌مه‌یین سوءزسوز! بعضن بوش کاغیذلارا بیر شئیلر یازین! بونا چیچکلر ده داخیل، قورشونلار دا. آنجاق مودیگلیانی موسولینیدن داها اوستون؛ اونوتمایین!... فست‌فودمو یوخسا چوءل تره‌سی‌یله پیشن آشمی؟ بونلارین هانکیسی داها بسله‌ییجی؟ دوشونمه‌یین! آغاجلارین دا جانی وارمی؟ داشلارین نئجه؟ سودا نئچه اوکسیژئن و نئچه هیدروژئن وار؟ آنلامایین! و ایچینده چای ایچدییینیز ایستیکانلار نه‌دن کولور قوخویورلار؟ بیلمه‌یین! توتاق بونلارین هامیسینی بیلدیک، داها نه اولسون؟! بیلندن سونرا نه اولاجاق؟ باخ، گلین بونو هئچ بیلمه‌یک! چوخ بیلن چوخ چکر، گولوم! چوخ بیلمه‌دن یاشاماق داها دا یاخشی! ده‌ده‌ناظیم حیکمت ران دئدی: "یاشاماک شاکایا گلمز، گولوم!..." گلین ساده‌جه یاشایاق، یئرده جئیرانلار و گوءیده دورنالار کیمی! بو سئوگیلی یارادیقلار بیتمه‌یندیرلر، اریمه‌یندیرلر. بونلار سئوگی اوءیره‌دیرلر ائوره‌نه، آنلایابیلسک!... https://t.me/Adabiyyatsevanlar

کیان خیاو https://t.me/Adabiyyatsevanlar

خبر تبریز نصف را تیراختورون قهرمانلیق جشنی نین آذربایجانین بوتون شهرلرینده دوامی وار

رکورد گینس به‌نام هواداران تراکتور ثبت شد 🔹رکورد تشویق تماشاگران در حضور نمایندهٔ گینس با ۱۵ دقیقه تشویق متوالی به‌نام تماشاگران تراکتور ثبت شد.

طنز:بؤیوک‌آغا افندی مئشه اکبر ایله "شیمشک "ین  ماجراسی بیلمیرم مئشه اکبر ایله شیمشک‌ین شوخلوغو واریدی، یوخسا آرالاریندا ناموسی بیر مسئله اولموشدو کی شیمشک اونا گؤز وئریردی ایشیق وئرمیردی. یارپاقلارین سارالیب- سولان واقتی ایدی. یئری، گؤیو خزل آلمیشدی آغزینا. قارا بولودلار کندین سماسیندا جوولان ائدیردی. گؤی، گورهاگور گورولداییردی. کند آدامی قار- یاغیشدان، سویوقدان آماندا قالسین دئیه، ائو- ائشیگین دام- باجاسینی برکیدیردیلر. قارا قارقالار شیرین- شیرین گل- گئت‌ده ایدی‌لر. قلمه‌لرین اوستونه سانکی بیر قارا پرده چکیلمیشدی. قارقا الیندن یئر یوخ ایدی. بئله بیر حالدا، قضادان مئشه اکبره دامدا بیر بااالاجا شیمشک توخونموشدو. اوزو اوسته یئره سریلیب، قاپ- قارا قارالمیشدی. دئدیک به نه اولدو! بیز هله اؤزوموزه گلمه‌میشدیک، مئشه اکبرین اوشاقلاری ال به ال عمی‌لری «اسدول»ون نئیسانی ایله اونو خسته‌خانایا یئتیرمیشدیلر. یازیق باهاراجا خسته‌خانادا قالدی. بئش – اون گون بوندان قاباق خبر گلدی کی، مئشه اکبر صاباح خسته‌خانادان چیخاجاق. کند اهلی سئوینجک تؤکولدوک خسته خانایا. صلم- صلوات‌لا مئشه اکبری خسته خانادان چیخاریب، گتیردیک ائوه. دوز ائله بیل ایندیی‌دی با! خسته‌خانانین حیطینده آغاجلار تزه گول آچمیشدیلار. نارین- نارین باهار یاغیشی یاغیردی. یاز هاواسی آدامی کئفلندیریردی. هردن‌ده بیر، گؤی گورولداییردی. ناهارا یاخین مئشه اکبر آخسایا-آخسایا خسته‌خانادان ائشیگه چیخدی. آرواد- اوشاغی‌نین سئوینجدن اوچماغا قانادی یوخ‌ایدی؛ گؤزلری گولوردو. یول اوزونو یاغیش بترله‌دی. گؤیون شاققیلتیسی دا چوخالدی. شیمشک شاخدیقجا، مئشه اکبرین آز قالیردی اؤدو آغزیندان گلسین. دیلی توتولموش کیمی ایدی. دوستلار مئشه اکبری لاغا قویوب، زارافاتجاسینا گولوردولر. آذان‌دان بیر ساعات قاباق، هله قاش قارالمامیشدی. مئشه اکبرگیلین قاپیلارینا یئتیشدیک. بویوک اوغلو «ضرغام» قوربانلیق حاضیرلامیشدی. یاغلی، یئکه، بوینوزلو بیر قوچ ایدی. مئشه اکبر ماشیندان یئنمک همان «قولو قصاب» بوینوزلو قوچون آرخاسینی یئره ووروب، بیر آندا باشینی بدنیندن آییردی. هله اؤپوش- گؤروش قورتارمامیشدی، مئشه اکبر آستانادان ایچری گیرمه‌میشدی، گؤی بتردن بیر نعره چکیب، گورولداماغا باشلادی. قلینج توخونماسیندان اود قالخان کیمی، بیر گؤز قیرپیمیندا شیمشک شاخدی. بیرده باخیب گؤردوک مئشه اکبر یئره سریلیب. سن دئمه ائله شیمشک‌ین ایلک چاخیشی مئشه‌اکبره آمان وئرمه‌ییب، یئنی‌دن اونو ووروبدو. آرواد- اوشاغین ناله- شیونی ایچینده واختی فوتا وئرمه‌دن مئشه اکبری خسته‌خانادان گتیردیگیمیز همن نئیسان‌لا، اونو یئنی‌دن خسته خانایا قایتاردیق. آنجاق مئشه اکبر بو دفعه جان قورتارا بیلمه‌دی. بئش اون گون چکمه‌دی الی دونیادان اوزولدو. خرداد آیی‌نین ایگیرمی اوچو ایدی. مئشه اکبری تورپاغا باسدیرماق اوچون کنده گتیردیک. اونون شانسیندان، او گون ده سئللمه یاغیش یاغماق هاواسی واریدی. جنازه‌نی پاشیرخانادان قبریستانلیغا آپارینجا، هاوانین اوزو بوزاردی. نم هاردان بیر شیمشک تاپیلدی. قیلینج کیمی شاخدی. کند آدامی قورخودان آغینا- بوزونا باخمادان تابوتی یئره آتیب، توو دابانا، پاشیرخانایا دوغرو قاچماغا باشلادی‌لار. اؤلو یئرده…، قبیرقازان قبیرده…، میللت پاشیرخانادا…، قارا قارقالار پاشیرخانانین دامیندا…، هامی شمشک‌ین قورخوسوندان یئرینده دونوب قالمیشدی‌لار. شیمشک ایسه گؤزله‌ییر مئشه اکبر ترپنسین، یا ترپتسینلر، تزه‌دن قیلینجینی چکسین، مئشه اکبرین اؤلوسونون ده آخیرینا چیخسین…. یاغیش کسمه‌ینجه کیمسه جرعت ائله‌مه‌دی جنازه‌یه یاخینلاشسین. کند اهلی هله ده باشا دوشمه‌ییب «مئشه اکبر» ایله «شیمشک»ین آراسیندا اولان عداوت و دوشمنچیلیک نه‌دن ایره‌لی گلمیشدی! گؤره‌سن آرالاریندا ناموسی بیر مسئله اولموشدو کی، «شیمشک» اونا گوز وئریردی، ایشیق وئرمیردی؟!.. هله ده وار هرواخت یاغیش یاغسا، شیمشک شاخسا، قارقالاردان باشقا کیمسه جرعت ائله‌مز مئشه اکبرین قبرینه یاخینلاشسین… اردیبهشت 1404 قایناق:ایشیق سایتی https://t.me/Adabiyyatsevanlar

سیدعلی_صالحی آیا مایلید با من تا پیچ همین کوچه بیایید ؟ از سایه سار کوچه بگذرید ؟ دمی ، دقیقه ای ، لااقل عواقب آفتاب را تجربه کنید ؟ می گویند آنجا عواقب آفتاب را در آواز های آینه دیده اند آیا مایلید با من میان اینهمه همهمه دمی ، دقیقه ای لااقل از بوی بوسه یا باران سخن بگویید ؟ می گویند در این دقایقِ دانا آدمی ، از علاقه به آدمی آوازهای آینه را می فهمد...