ادبیات سئونلر

«ناظم حکمت» من یانماسام سن یانماسان بیز یانماساق نئجه چیخار قارانلیقلار آیدینلیغا! https://t.me/Adabiyyatsevanlar

باش ساغلیغی آلدیغیمیز آجی خبر اساسیندا سئویملی قلمداشیمیز محمدرضا نوازی جنابلاری‌نین آناسی حیاتا گؤز یوموب، بیزدن آیریلدی. بو عزیز آنانین یاس تؤره‌نی جمعه گونو 1403,2,28ساعات 18دن 19/30 قدر تهرانپارس‌دا ( 196شرقی خییابان، 135و،137 خییابانین آراسی، کوچه 200 مولایی)  امام رضا مسجیدینده قید اولاجاق، ادبیات سئونلر بو ماتمی نوازی عاییله‌لرینه خصوصیله عزیز قوروپداشیمیز محمدرضا نوازی جناب‌لارینا صمیم قلب‌دن باش ساغلیغی وئرییب، آرتیق دؤزوم دیله‌ییر. مئهریبان آنانین روحو شاد، مزاری ایشیقلی اولسون. ادبیات سئونلر 1403,2,28 https://t.me/Adabiyyatsevanlar

نیکزاد_یعقوب ‍ باخیشیندان بیر ایچیم عشق بیر قونوتلوق گؤروش آختارمادایام بیر اوووج آرزو و بیر جوت گؤز آسیلمیش یولونا بیر آغیز ماهنی و بیر... دسته قرنفیل شکیلی یارالانمیش گولوشونده. "تک صبیر" گلدی اوتور ! بیر کیتابلیق نیگرانلیق تؤره نیر شئعیریمده یعنی مین قان قوخوسو. سریرم گؤزلریمی گیزلیجه سی گیله لنمیش من اوزوم باغچاسینا سن گئده لی نار گیله سی! https://t.me/Adabiyyatsevanlar

کتابهای ترکی در صف مجوز/ ناشر بنابی: هیچ چارچوب مشخصی اعلام نمی‌شود ناشران کتابهای ترکی خواستار بازنگری در وضعیت ارائه مجوز به کتابهایشان و ترسیم چارچوب مشخص برای ممیزی و بررسی کتابها هستند. مدیر انتشارات "پارلاق قلم" بناب در حاشیه برگزاری نمایشگاه کتاب تهران در مصاحبه با خبرگزاری آنا با اشاره به اینکه در مجوزدهی کتاب‌های ترکی برخورد‌ها به حدی سلیقه‌ای است که ما نمی‌دانیم چرا حتی دو مصحح نظر یکسان و مشترک ندارند، گفت: در کمال شگفتی کتابی ممکن است در شهری نتواند مجوز بگیرد و در شهری دیگر مجوز دریافت کند. در عین حال که ایراد از کتاب‌ها نشان می‌دهد افرادی که کتاب‌ها را می‌خوانند علم و معلومات کافی از زبان ندارند. بهرام سورگون با اشاره به اینکه نمایشگاه‌های کتاب برای ما فرصتی جهت معرفی آثارمان است، گفت: متأسفانه هر سال برای ۹ متر مربع غرفه درخواست می‌دهم، پول هم واریز می‌شود، اما ۶ متر مربع اختصاص می‌یابد. وی تاکید کرد: اگر بدانم که قرار است غرفه ۶ متر مربعی اختصاص یابد، تعداد کتاب‌ها را در تناسب با آن به نمایشگاه می‌آورم. از مسئولان درخواست دارم به این مسئله که چندین سال است تکرار می‌شود توجه کنند. https://t.me/Adabiyyatsevanlar

قاسیم_جبرئیل_زاده تله‌سیرم قویلانماغا تله‌سیرم؛ گؤزلرینی ساخلا منه! تیتره‌ینده دوداقلارین، سؤزلرینی ساخلا منه! کیپریییندن آسیلاسی، گؤز ائوینده باسیلاسی، قوجاغینا قیسیلاسی، دیزلرینی ساخلا منه! گئدر آیاق؛ باخما گئری! بیرآز قالسین اومود یئری، قویلاساندا دیری- دیری، ایزلرینی ساخلا منه! کوله دؤنوب اله‌نینجه، ساچلارینا چیله‌نینجه، اؤز کولومدن گولله‌نینجه، کؤزلرینی ساخلا منه...! https://t.me/Adabiyyatsevanlar

اوشاق ادبیاتی صونا نوری کیتاب تانیتیمی ایللردیر #اوشاق_کتابلارینی آلیب اوخویوردوم و سونوندا اؤزوم بیر #اوشاق_ناغیلی یازماغا قرار وئردیم بو ناغیلی اؤز اوشاقلیق خاطره‌لریمدن یازدیم ناغیل‌دا تجربه‌لریم اساسیندا خیال دونیامیزی گئنیشلندیریب آرزولاریمیزا چاتماغی اؤیرتمک ایسته‌دیم. بالالاریمیز گله‌جه‌ییمیزدیر. اونلارین #دوشونجه‌ و #دویغولارینی باشاردیقجا گوجلندیرک. بؤيومک، اوخویوب اؤیرنمک‌له باشلار. #کتاب_اوخویاق کتابین آدی: #گؤزل_دوشون یازان: #صونانوری رسام: #شهلاحاجی‌پور ناشر: #آیدین‌ساو قیمت: ۵۰تومن https://t.me/Adabiyyatsevanlar

اوشاق ادبیاتی یقینن اوشاقلاری دکورا قویمویاجاغیق اونلار یاشلارینا اویغون ایشلریله تانیش اولوب ائوده ،مدرسه ده ، مسئولیت داشیمالی دیرلار بیرینجی صینیف دن اونجه اوشاقلار بیر سیرا پئشه لری تانیمالی دیرلار ائو ایشلرینده یاردیم ائتملی دیرلر... https://t.me/Adabiyyatsevanlar

اوشاق ادبیاتی https://t.me/Adabiyyatsevanlar

اوشاق ادبیاتی نورالدین مقدم (آیدین دومان) بوءیوک بیر غفلت: کتاب سرگیسینده تورک عایله لرین چوخو فرقینده اولمادان غرفه میزده تورکجه کتابلار اعلانینی گوءره رک کئچیب گئدیرلر.  ماراقلانمادان، سوال سوروشمادان، شکیل چکمه دن. البته هامی بئله دئییل، دانیشدیران، تشکر ائدن، کتاب آلان، نظر وئرنلرده اولور. آنجاق فیکیرله شیرم تهرانین یاریسی تورک اولماسین، اوچدن بیری تورک اولماسین، اوندان بیری تورک اولسون، سرگی یه گلنلرین غرفه میزین قاباغیندان کئچنلرین ۵۰ دن بیری غرفه یه دوءنوب باخا و اوشاقلارینا دئیه کی بو غرفه نین کتابلاری تورکی دیر، منی راضی ائدر. هردن فارس عایله لر ایسه غرفه میزی گوءروب، دوروب،  همه اش ترکی یه! خیلی جالبه، چه باحال، چقد عالی،  اولین باره می بینم کتابای تورکی رو و ...  خیلی قشنگه، بو کیمی  سوءزلر له  نظرلرینی ابراز ائدیرلر. چوخلاری شکیل ده چکیر. حتی تورک قونشولارینا کتاب آلیر پای اوچون.... اوشاقلارا گلدیکده من چوخ اومودلولایام. اونلار بیزدن داها چوخ منطقلی فیکیرله شیرلر. بیر نئچه دوءنه پستلاردا  بونا من تاکید ائله میشم. بیر نمونه ده ایندی گتیریرم. بیر یاری یاشلی کیشی، بیر قادین، بیر اوشاق. قادین گوءرور تورکجه کتابلاری ، دایانیر، اوشاغا گوءرسه دیر، اوشاق هوسله نیر ، ایسته ییر، کیشی یه دئییرلر، کیشی: اه من خودم نمیتونم بخونم برای بچه بگیرم!! البته تورکدور و لهجه سبندن بللی. دئییرم آنجاق اوشاقلار اوخویانماسالاردا ایستیرلر و اوخویادا بیلرلر، اونلارین دوشونجه لری یئنی دیر و بیلیرلر دانشیلان دیل اوخونولادا بیلر. سوءزومو قورتاماغا قویمادی اوشاغی چکیب غرفه نین قاباغیندان آپاردی. و حئییفلندیم بیزیم چوخوموز نه بوءیوک غفلتده ییک. بیر آز سونرا مدرسه اوشاقلاری گلمیشدی بیر نئچه سی بیزیم غرفه یه باخیب ماراقلاندیلار. کتابلارا باخاراق داها ماراقلاری چوخالدی. بیری تورکجه نین آموزشی کتابینی ایسته دی، وئردیم  بَیندی و آلاراق بیریسی بلکه معلملری ایدی سوروشدو  کتاب  ترکی میخری؟  اوشاق دئدی: آره ، هرچی به بابام میگم بهم یاد نمیده، میگه حوصله ندارم، تصمیم گرفتم خودم یاد بگیرم. یاشاسین اوشاقلاریمیز. https://t.me/Adabiyyatsevanlar

اوشاق ادبیاتی ۲۴ ساعات یوخویلا آییقلیق دا ۷ یازار: صمدبهرنگی چئویرن: منیژه جم‌نژاد 🐫  بئله اوجا، تمیز ائولرده نئجه یئمک یئیرلر، نئجه یاتارلار، نئجه پالتار گئیرلر، هئچ واقت آنلامازدیم. سن آنا قارنیندا نئجه یاشادیغینی آنلایا بیلرسن؟ مثلا اؤزونون آناقارنیندا نئجه یئمک یئدیینی گؤزونون اؤنونده گؤره بیلرسن؟ یوخ. منده سنین کیمی ایدیم. اصلا دو٘شونه بیلمزدیم. بیر توکانین قاباغیندا او٘چ اوشاق کیف اللرینده دورموش، جامین دالیندا کی شئی‌لره باخیردیلار. من ده دال‌لاریندا دوردوم. دارانمیش ساچلاری گؤزل قوخوردو. اختیارسیز بیرینین بوینونون دالینی اییله‌دیم، اوشاقلار دؤنوب، منه باشدان آشاغی باخیب، قاش-قاباقلی نفرت‌له مندن اوزاقلاشیب گئتدیلر. اوزاقدان بیرینین دئدییینی ائشیتدیم: نه پیس قوخوردو! بیرآن اؤزومه توکانین جامیندا  باخدیم. ساچلاریم اوزون، پوزغون اولدوقدان قولاقلاریمی توتموشدو. سانکی باشیما توکدن بورک قویموشام. بئز کؤینه‌ییم، چیرک، تند رنگ توتموشدو، جیریق یاخاسیندان یانمیش جانیم گؤرونوردو. آیاقلاریم یالین، چیرک ایدی، دابانلاریم چاتلامیشدی. وارلی بالالارینین او٘چونونده بئینینی داغیتماق ایستیردیم. گؤره‌سن منیم بئله یاشادیغیم اونلارین سوچو دور؟ توکانین ایچیندن بیرکیشی چیخیب الی‌له منی قوووب دئدی: اوشاق گئت. سحرین گؤزو هله سوفته ائلمه‌میشیک، سنه نه وئره بیلرم؟  بیر سؤز دئمه‌دیم. کیشی گئنه منی الی‌له قوووب دئدی: دی ایتیل گئت، عجب او٘زلودور! من ترپشمه دیم، دئدیم: من یولچو دئییلم. کیشی دئدی: باغیشلایین آغا، ائله ده نه‌چی سینیز؟ من دئدیم: بیر شئی دئییلم، باخیرام. یولا دو٘شدوم. کیشی توکانا گیردی. آغ بیر کاشی پارچاسی آرخین ایچینده پاریلداییردی. دایانمادیم، کاشینی گؤتوروب، قولومون بوتون گوجویله توکانین یئکه جامینا توللادیم. شوشه سس ائله‌ییب، اووولدو. شوشه‌نین سسی، سانکی او٘ره‌ییمین باشیندان  یئکه بیر یو٘ک گؤتوردو. ایکی آیاغیم واریدی، ایکیسینی ده بورج ائله‌ییب، قاچ کی قاچاسان! نئچه خیاوان کئچدیییمی بیلمه‌دیم، احمدحسینه راستلادیم، توکاندان چوخ اوزاقلاشدیغیمی آنلادیم. احمدحسین همشه کیمی قیز مدرسه‌سی اؤنونده اویان-بویانا گئدیر، قیزلاری ائندیرن سواری‌لاردان یولچولوق ائلیردی. هرگون سحر تئزدن بو احمدحسینین ایشی ایدیر. سونوندا دا احمدحسینین کیمین یانیندا یاشادیغینی من بیلمه‌دیم، قاسم دئییردی احمدحسینین یالنیز بیر بؤیوک‌آناسی وار، اودا یولچودو. احمدحسین اؤزو بیر سؤز دئمزدی. مدرسه‌نین زنگی وورولوب اوشاقلار کلاسا گئدینجه، بیز یوللاندیق. احمدحسین دئدی: بوگون ائله دخیل اولمادی. هامی دئییر خیردا پولوم یوخدو. من دئدیم: هارا گئتمک ایستیریک؟ احمدحسین دئدی: ائله-بئله گئدیریک دا. من دئدیم ائله-بئله اولماز. گئدیب قاسیمی تاپاق، بیر-ایکی لیوان آیران ووراق. قاسم سی‌متری خیاوانین دیبینده لیوانی بیر قیرانا آیران ساتاردی. اونون یانینا گئدنده، هره‌میز بیر لیوان موفته آیران ایچردیک. قاسمین آتاسی حاج عبدالمحمود خیاوانیندا کهنه پالتارچی ایدی. کؤینه‌یین بیری اون بش قیران، زیر شالوار ایکیسی اییرمی بئش قیران، کت شالوار یئددی سگیز تومن. حاج عبدالمحمود خیاوانی بیر بوروق لا قاسم دوران یئره یئتیشردی. خیاواندا یئر- گؤی کؤر-کوهنه شئی‌لرله دولویدو، سحرلر اونلارین باشی او٘سته دوروب مشتری سسلردیلر. قاسمین آتاسینین چوخ بالاجا بیر توکانی واریدی. گئجه‌لر ده قاسم‌لا، خانیمی‌له اوچ یاندان اوردا یاتاردیلار. باشقا ائولری یوخودو. قاسمین آتاسی اوندان بوندان آلدیغی چرک جیریق پالتالاری، قاسمین آناسی، سحردن آخشاما توکاندا یادا سی‌متری خیاوانین آرخیندا یویوب، سونرا دا یاماردی. حاج‌عبدالمحمود خیاوانی تورپاقلیق ایدی، آرخی دا یوخ ایدی، اوردان ماشین دا کئچمزدی. منیم‌له احمدحسین بیر-ایکی ساعات یول گئدندن سونرا قاسمین ایشله‌دیی یئره یئتیشدیک. قاسم یوخودو. حاج عبدالمحمود خیاوانینا گئتدیک. قاسمین آتاسی دئدی قاسم آناسینی بیمارستانا آپاریب. قاسمین آناسی‌نین همشه یا قیچی آغریاردی، یا معده‌سی.                                                ٭٭٭ ناهارا یاخین منیم له احمدحسین له زیورین اوغلو، نادری خیاوانیندا آرخین قیراغیندا دوه‌نین یانیندا اوتورموش توخوم چیتلاییر، دوه‌نین باهاسیندان دانیشیردیق. سونوندا توکانا گئدیب سوروشماق قرارینا گلدیک. ساتیجی بیزیم یولچو اولدوغوموزو سانیب، توکانا گیریب-گیرمز دئدی: چیخین ائشیه، خیردامیز یوخدو. من دئدیم: پول ایستمیریک آغا، دوه‌نی نئچه‌یه وئریرسینیز؟ الیم‌له ائشیه اشاره ائله‌دیم. توکان صاحاب تعجب‌له دئدی: دوه؟! احمدحسین له قاسم منیم دالیمدان دئدیلر: هن دا. نئچه‌یه وئریرسیز؟ توکان صاحاب دئدی: چیخین ائشیه بابا. دوه ساتیلیق دئییل. آردی وار... https://t.me/Adabiyyatsevanlar

اوشاق ادبیاتی ۲۴ ساعات یوخویلا آییقلیق دا ۷ یازار: صمدبهرنگی چئویرن: منیژه جم‌نژاد 🐫  بئله اوجا، تمیز ائولرده نئجه یئمک یئیرلر، نئجه یاتارلار، نئجه پالتار گئیرلر، هئچ واقت آنلامازدیم. سن آنا قارنیندا نئجه یاشادیغینی آنلایا بیلرسن؟ مثلا اؤزونون آناقارنیندا نئجه یئمک یئدیینی گؤزونون اؤنونده گؤره بیلرسن؟ یوخ. منده سنین کیمی ایدیم. اصلا دو٘شونه بیلمزدیم. بیر توکانین قاباغیندا او٘چ اوشاق کیف اللرینده دورموش، جامین دالیندا کی شئی‌لره باخیردیلار. من ده دال‌لاریندا دوردوم. دارانمیش ساچلاری گؤزل قوخوردو. اختیارسیز بیرینین بوینونون دالینی اییله‌دیم، اوشاقلار دؤنوب، منه باشدان آشاغی باخیب، قاش-قاباقلی نفرت‌له مندن اوزاقلاشیب گئتدیلر. اوزاقدان بیرینین دئدییینی ائشیتدیم: نه پیس قوخوردو! بیرآن اؤزومه توکانین جامیندا  باخدیم. ساچلاریم اوزون، پوزغون اولدوقدان قولاقلاریمی توتموشدو. سانکی باشیما توکدن بورک قویموشام. بئز کؤینه‌ییم، چیرک، تند رنگ توتموشدو، جیریق یاخاسیندان یانمیش جانیم گؤرونوردو. آیاقلاریم یالین، چیرک ایدی،... بو یازینین آردینی ادبیات سئونلر کانالیندا اوخویون. https://t.me/Adabiyyatsevanlar

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

- فیروزه بوزلو دئییل،- تئزجه صدا گلدی.- فیروزه دوزلودو، هامی اوندان فایدالانیر. کیمی بیر چیمدیک گؤتوروب خؤره‌یینه تؤکور، کیمی ده اووجلاییب شورابا قویور! اونون هر نه‌یی یئرینده‌دی! آمما ائله بیل نه ایسه چاتیشمیردی. بلکه پولو؟ - فیروزه خانیم تکجه دوزلو دئییل، دادلی- دوزلودو،- آفت دئییب آنی باخیشلا گئری قانریلدی. آمما داد- دوز یئنه خزین آلتیندا هئچ جور اؤزونو مارچیلداتمادی. اسد مسکودا کی طلبه‌لیک خاطیره‌لرینه قاییتدی. - راسیم بونلارین یانینا قوناق گلمیش آننا ایله تانیش اولموشدو، بیزدن خیلی اوزاقدا یئرلشن آکادئمیانین کیمیاچی حسابداری ایدی. تئزلیک‌له راسیم آننانین یانینا کؤچدو. و بیز هردن اونونلا یالنیز اینستیتودا گؤروشوردوک. اونلارینAraqvi رستورانیندا کئچن تویو تعطیل واختینا دوشدویو اوچون من اورادا اشتراک ائده بیلمه‌دیم. آفت دانیشیردی کی، عراقلی اری کریم‌له او تویدا تانیش اولوب. کریم آننانین حسابدار یولداشلاریندان ایمیش. سونرالار عراقین نفت صنایعینده بؤیوک وظیفه‌لر توتوب، صدام حسینه یاخین اولوب. ایندی او، عائیله‌سی ایله اردن دا قاچقین حیاتی یاشاییر. عراق دیکتاتورونون سقوطوندان سونرا آفت اؤزونو یئر کوره‌سیندن قوپموش، نادیر ماده‌لرله زنگین گؤی جیسمی ساییردی. بغداددا، فرات ساحیلینده اونون عائیله‌سی‌نین بومبا ضربه‌سیندن زده‌لی ویلاسی، سوسوزلوقدان یانیب کول اولموش باغ- باغچاسی، عماندا ایشسیزلیکدن داریخان، هر گون مهاجر دوستلاری ایله گؤروشوب، تالانان نفتین حاق- حسابینی چکن اَری، اونیورسیته طلبه‌سی قیزی، بوداپست‌ده کی کامپیوترده قارداشینا گؤندردییی قیسا مکتوبلار قالمیشدی. ایندی باکی‌دان مینگه‌چئویره گئده- گئده بورالاردا کئچمیش گنج‌لیک ایللرینی خاطیرلاییردی. فیروزه مورگوله‌ییردی. اَلَته چاتاندا، یاتماق ایسته‌یینه عوذرخواهلیق کیمی نسه دئییب چکمه‌لرینی سویوندو و شوباسی‌نین باشلیقینی باشینا کئچیریب اوزاندی. حاجی‌قابولدا ایسه اونون قارا شالوارلا آیاق قابینداکی قیرمیزی جورابلاری پنجره‌دن قفقاز سیرا داغلارینی سالاملاییردی. زامان آذربایجان قادینلارینی دونیایا سپه‌له‌ییب اونلارین گئری‌یه یولونو قاپامیشدی. اوّل‌لر غیرمسلمانا اره گئتمه‌یی یول وئریلمز سایان بو خانیملار ایندی سیویلیزاسیا دالغاسی آلتیندا کیمین‌له گلدی، عائیله قورور، اوشاق دوغور، اوجاق، یورد ایستی‌سیندن یادیرغامیش اوروپالی کیشی‌لری اؤزلری‌نین خانیم قیزیل یاتاغی کیمی ال وورولمامیش قادین محبتی، آنا سخاوتی و سئوگیلی صداقتی ایله خوشبخت ائدیردیلر. - فیروزه، دور داغلارا باخ،- آفت گئری دؤنمه‌دن الینی اوزادیب اونو دومسوکله‌دی.- آللاه بیلیر بیر ده بورالارا گله‌جه‌ییک می؟! گلسک ده راسیم کیمی قوتودا گله‌جه‌ییک. سانکی بو یئرده آفت قارداشی‌نین اؤلومونو و اونو دفن ائتمه‌یه آپاردیغینی خاطیرلاییب الینی اینجه، امانت کیمی بورنونا توخوندوراراق آغلامسیندی:- باجیسی اؤلسون راسیمین! فیروزه تئز قالخیب اوتوردو، گؤزلرینی اووشدوروب قورتاراندان سونرا دا، ائله بیل، قصدا داغلارا طرف باخمادی. چکمه‌لرینی گئیینمه‌یه باشلادی. چکمه‌لر اونون آیاقلارینی دیزه‌جن اؤرتوب، زنجیربندین ایکی سَرت ویزیلتیسی ایله سوکوتون کوره‌یینی بیچاق کیمی یازدی. ماشین خرونیکی تعمیر حیصه‌لریندن بیرینه گیریب قویون سوروسو کیمی تک سیرا ایله گئدن کارواندا چتین‌لیکله اؤزونه یئر ائله‌‌‌یه- ائله‌یه کاتافالک‌دان آیری دوشدو. بوتون یول بویو سوسان کاتافالک سوروجوسو ده بونو گؤروب زنگ ووردو. - یوخ، نه چای؟!- آفت قطعی جاواب وئردی. - بیزی گؤزله‌ییرلر، هاوا دا پیسله‌شیر. یوبانمایاق. هاوا کال قارپیز کیمی رنگسیز ایدی، گؤیده نه گونش، نه بولود، نه ده بیر قوش وار ایدی. کوردمیرلی‌لر قوشلاری گولله‌له‌ییب یول قیراغیندا ساتیردیلار. - آدام ائودن ائوه کؤچنده دوغما حیسلرین چوخونو ایتیریر، او دا قالا اؤلکه‌دن- اؤلکه‌یه...- آفت صؤحبتین هاراسینداسا بیر چیمدیک قیجیدیب دئدی. - چؤللر هئچ دییشمه‌ییب. بیر دفعه کنددن منه ائلچی گلمیشدیلر. ندنسه منه ائله گلدی کی، بو آداملار منی ساریجایا یوخ، هارداسا چوخ اوزاقلاردا اولان بیر صحرایا آپاراجاقلار، من ده اورادا چادیردا یاشایاجام. سن دئمه، هئچ بیر ایل کئچمه‌میش او اوزاق صحرایا من اوزوم گئدیب چیخاجاقمیشام. کریم‌له ایلک دفعه عراقا اوچاندا طیاره‌دن گؤره‌ن کیمی او صحرانی تانیدیم: دونیا، اَر- فلان منه چوخ معناسیز گؤروندو. باشا دوشدوم کی، بو منیم طالعیم دیر... آردی وار. https://t.me/Adabiyyatsevanlar

بورادان باخاندا نه پراگ، نه فابریکا، نه ده رسام ایشی گؤرونوردو. گؤرونن یالنیز قارا خزین ایچینده ساری تئل- بیرچه‌یین آلتیندان باخان بیر جوت یورغون، آسانلیقلا تانینان میللی قاش- گؤز ایدی‌. جهانگیرلرین بؤیوگو اوغوللارینا نصیحتده دئییردی کی، ائولنمک اوچون سئچه‌جه‌یینیز قیزین اوزو دوزلو گول سطحی کیمی دوز، اندامی محکم، گؤزلری موطلق قیییق اولمالی دیر، چون کی ایری گؤزلره جین- شیاطین آسانلیقلا گیریر، دونیانی اولدوغو کیمی گؤرمه‌یه مانع اولور. گؤره‌سن بونلارین تام عکس مجسمه‌سی اولان فیروزه و اونون اَری جهانگیرله راضیلاشدیلارمی؟ آفت مینگه‌چئویری خاطیرلاییردی: قادینلار، کیشی‌لر شهره هر گون مُد یاریشینا چیخیرمیش کیمی، بزه‌نیب- دوزه‌نیب گئدیر، قیزمار گونش آلتیندا ماشینلارین یولدان قالدیردیغی توز- تورپاق بئله اونلاری بو وردیش‌دن چکیندیره بیلمیر. راسیمین استیلی ده، سن دئمه اوردانمیش. بئله چیخیردی کی مینگه‌چئویرده او جور بزه‌نیب هر گون اؤزونو چیخاران، باغی‌نین، تئلی‌نین توکلرینی سای‌لا دوزن، باشماق پاریلداتماق اوچون جیبینده مخمل دستمال گزدیرن کیشی‌لره ایندی‌نین اؤزونده ده " ماتیشکا علی‌حوسئین" دئییرلر. ایشیق شهرینه مخصوص معیشت افسانه‌لرینین بیرینده دئییردی کی، چیمیزدیرنده صدیقه اونون باشیندا سو تؤکوله‌سی یئری دقیق معین‌لشدیره بیلمه‌دییی اوچون علی‌حوسئین آروادی‌نین الیندن توتوب چیینینده‌کی کوپؤرپوجوک چؤکه‌یینه ائله موحکم باسیب کی، قادینین بارماغی چیخیب. - من مینگه‌چئویر کیشی‌لرینی کؤینه‌یین یاخاسی‌نین شاخلیغیندان تانییرام،- آفت دئدی. رحمتلیک راسیمین ده سلیقه- سهمانینا سؤز اولا بیلمزدی. یالنیز تورکجه‌سی پینتی، بسیط، لهجه‌لی و بوتون بونلار گؤره بیرآز شیرین تهر ایدی. نطقینده هیجانین جزئی بیر سیزینتیسی اونو در حال روسجایا کئچیریردی، ائله بیل داخلینده رله ایشه دوشوب دالغانی اوتوماتیک دییشیردی: روان، آخیجی، تعیین‌لی، تاماملیغی آکادمیک روس جمله‌لرینی، ایسته‌سن بیر باشا کیتابا کؤچوره بیلردین. - من فیسبوکدان ایزله‌ییرم،- اسد اؤز گومانلارینی دقیقلشدیرمک اوچون دئدی،- مسکودا دییه‌سن اونو اینجیدیردیلر. - هه، فیروزه خانیم؟ دؤنوب آرخایا باخماقلا رفیقه‌لر آراسیندا  عصبی گرگین‌لیگین آرادان قالدیریلماسینا اؤز تحفه‌سینی وئرمک ایسته‌دی. - بیلمیرم،- آفتین دینمه‌دیینی گؤره‌ن فیروزه بیر باشا مراجعته جاواب وئرمک مجبورتینده قالدی:- او، مجارستاندا، من پراگ‌دا،- آستاجا دئدی.- تزه گلنده بیر دفعه گؤروشموشدوک. اوتانجاق دئییلدی آمما دانیشماق ایسته‌میردی.‌ اصلینده تانیش اولمایان آداملا عادتن سوسماماق خاطیرینه دانیشیرلار. بونا اؤزونو تنقیدین بایاغی نوتوندا " گیجله‌مک" ده دئمک اولار: حیاتدا هر شئی فایدا و گرک‌لییین ایده‌آل نظامیندا دئییل کی! دانیشماق اوچون بو اوزون یولا آفت کفایت ائدیردی. صدام حوسئین حاکمیتی، اونون دئوریلمه‌سی، قونشو اؤلکه‌لره قاچمیش طرفدارلاری‌نین عاقبتی توکنمز صؤحبت خزینه‌سی ایدی. خصوصن، دیکتاتورون اعدام قاباغی ایلک محبتینه حیات خولاصه‌سی کیمی یازدیغی دؤرد قوروجا سؤزدن عبارت مکتوب: " سنی سئون اولدو، رضوانه!" راسیمین بو یاشدا دا مسکودان باکی‌یا، مینگه‌چئویره یوخ، یئنی‌دن مجارستانا اوز توتماسی تعجوبلو دئییلدی. بلکه ده تنهالیغین، یاد اؤلکه‌لرده قوهوم- اقرباسیز یاشاماغین یاراتدیغی یالقوزاق سندرومو ایدی. معین مسئله‌لرده ایسه باکی‌نین مسکودان هئچ نه‌ییله فرقلنمه‌دییینه امین‌لییی اونا بئله دیکته ائتمیشدی. تئزلیک‌له قوتودا قاییداجاغینی بیلسه، بلکه ده هر شئیی کنارا قویوب بوتون ادعالارینی تاپدایا- تاپدایا اؤز آیاغی ایله گلردی. اونسوز دا حیاتی‌نین صحنه دؤورو چوخدان کئچیب گئتمیشدی. بیر کونجده اوتوروب بو گونو گؤزلمه‌یه صبری و مودریک‌لییی چاتاردی. بلکه ده اؤلومون یئر اوزونو ضعیف‌لمیش، چیرکلی انرژی توللانتیلاریندان تمیزله‌مک واسطه‌سی اولماسی کیمی معناسیز حقیقت‌لردن بیرینی اؤزو اوچون کشف ائدیب تسکین‌لیک تاپاردی، توختاییب دوزردی. اؤلنده باشی‌نین اوستونده دوغما آداملار، تانیش اوزلر گؤرردی.- بیر دفعه گلدی کی، ایندیجه بیر مجار قیزی ایله تانیش اولدوم. قیز دئییل، آنگل دی. ائله غملی- غوصصه‌لی دئدی کی، اوره‌ییم آغیریدی. - " آنگل" نه‌دی؟- نه ایسه نامعلوم بیر اومیدله سوروشدو. دئدیم: مَلَک! دیسکویا دوشه- دوشه بیر نئچه دفعه اؤز- اؤزونه دوداق‌آلتی تکرارلادی: مَلَک! بیزده ایکی اوچ مجار قیزی اوخویوردو، هامیسی دا بیزیم فیروزه خانیم کیمی بوزلو،- اسد آستاجا گولدو کی آراداکی خانیم بونو زارافات کیمی قبول ائتمک‌ده چتین‌لیک چکمه‌سین.

- دئییرم، چوخ گئنیش جغرافیادا، - خانیم،- قایتارمازدان اؤنجه دسته‌له‌ییب آشاغی کونجوندن توتدوغو پاسپورتلاری، سانکی مایاکوفسکی‌نین آجیغینا شستله گؤستریب بیرباشا آفته مراجعتله دئدی: بغداد، عمان، مسکو، بوداپست، استانبول، پراگ...... اوّل‌لر بو آدلاری حسرتله قزئتدن اوخویا بیلردیک.آللاه رحمت ائله‌سین! - هه، سوندا یئنه مینگه‌چئویر،- اسد تاسوف و غوصصه ایله میزیلداندی.- دایره قاپاندی، واخت بیتدی... - واخت بیتر، آمما پاسپورت کنترولو بیتمز،- امکداش یقین کی، موافق قوروما عایید دب‌لری اؤز حیات تجربه‌لریندن اؤرنک کیمی حرکتینده قورولداتدی.- قبیرستانلیقدا دا طلب ائده‌جک‌لر. هله اوندان سونرا دا... فیروزه‌نین پاسپورتو مختلف اؤلکه‌لرین گمرک استامپ‌لاری ایله دولموشدو. یئددی- سکگیز ایل اؤنجه‌نین بزک- دوزکلی شکلینده شیار اورتادان آیریلمیش ساریشین ساچلاری، سورمه‌لی جاذبه‌دار گؤزلری واردی. شووه‌رک اوجا قامتی، سان کی سرحد پستلاریندا متال آختاران الکترومغناطیس چرچیوه‌لردن کئچه- کئچه بئله ده اینجلمیشدی. اَینینده کی قارا شوبا دا اونو اته- قانا گتیره بیلمیردی. ماشیندا شهردن طیاره لیمانی‌نا قدر یولو کلمه کسمه‌دن، پلاستیک مانکن کیمی سوسموشدو. دونن بئله دئییلدی. چوخدان گؤرمه‌دییی رفیقه‌سی ایله حوزون احوالینی اونوتمادان، بعضن پیچیلتی‌یا کئچن، آستا سسله دانیشیردی. گؤرونور گئجه سوزلری چپلشمیشدی. آنبارین مرتبه‌لی، اوزون دهلیزلرینده ده اطرافا لاقیدلیک‌له باخا- باخا گئری قالیر. ائله بیل دفن مراسمی‌نین اوزاق ساریجا کندینده یوخ، بورادا، ماللا دولو، یاری‌قارانلیق گمرک آنباریندا کئچیریله‌جه‌یینه امین‌لیکله هئچ یئره، هئچ نه‌یه تلسمیردی. تابوتو محاصره‌دن چیخاران ماشین سوروجوسونه ده، اونو چیینلرینده گتیرن دؤرد فهله‌نین دؤردونه ده، آفت  الینده حاضیر توتدوغو یئکه چانتادان پول چیخاریب وئردی. تزه‌جه چاپدان چیخمیش کیمی گؤرونن شاخ اونلوقلاری دالبادال وئردیکجه کیشی‌لرین اوزونه باخیب، سانکی " آز اولمادی؟" سوروشوردو. گؤزله‌نیلمز مبلغ فهله‌لری ماشینین قاپیسی اؤنونده جلد سیرایا دوزوب بیر آغیزدان اولویه رحمت اوخوتدوردو. حتا اونلار هاوا لیمانی مسجدی‌نین ماللاسینی دا دعوت ائتمک نیتی ایله تابوتو ماشینا یئرلشدیرمزدن اوّل یئره قویوب گؤزلمه‌یه باشلادیلار. - بیرآز دا کئچسه لیمانین بوتون هئیئتی تؤکوله‌جک بورا،- اسد تابوتو یولا سالماق اوچون توپلاشماقدا اولان آنبار ایشچی‌لرینین سایی‌نین آرتدیغینی گؤروب خانیملاری تلسدیردی. - عربلر دئییر، صدقه‌لرینیزی گیزلیجه وئرین! قاچا- قاچا گلمیش ایکی- اوچ نفره ده پول پایلایان آفت، نهایت ماشینا اَیلشنده نسبتن اوجا سسله دئدی. ائله بیل آرخا اوتوراجاقدا بوزوشوب صیفتینی ده یومشاق خزین ایچینده گیزلتمیش فیروزه‌نی حالا گتیرمه‌یه چالیشدی. آنجاق فیروزه قیزدیرماغا باشلادیغی یومشاق یئرینده قیمیلدانمادی. پاسپورت شکلی چکدیرمیش کیمی ایری گؤزلرینی گئنیش آچیب ایره‌لی‌ده بیر نقطه‌یه باخماغا داوام ائتدی.- لکن عربلر دئییر کی، کاسیبلار باغیشلایان اولارلار.، آفت همین تمیز و جینگیلتیلی سسله علاوه ائله‌دی،- باکی گمرکینده ایسه ماشاللاه نه یوخسول وار، نه ده گیزلین... چپرلی حیه‌طدن چیخاندا دا اونلاری، سان کی پول آلماق اوچون دئییل، ماشینلاری " رحمت" باغلامالاری ایله داها چوخ دولدورماق اوچون ساخلادیلار. آفت مسئله‌نی پنجره‌دن حل ائتدی. دروازا بیر باشا اؤده‌نیشلی جنته آچیریلمیش کیمی تای با تای آچیب مئییتی بوراخدی. - ایتدی من پول وئرمه‌سیدیم نه ائده‌جک‌دیلر؟- آفت بو دفعه اسددن سوروشدو. مئییتی وئرمیه‌جکدیلر؟ - وئره‌جکدیلر،- اسد بیر قدر سونرا، دؤنگه‌نی بورولوب اساس یولا چیخاندا دئدی.- آنجاق اؤلونو ده، دیرینی ده حورمتدن سالاجاقدیلار... اسد سحرلر ائودن چیخاندا پیلله‌کن مئیدانچاسیندا، -" من اینستیتو یوخ، دؤیوشه گئدیرم"، دییه عائیله‌سی و قونشولاری ایله ویداعلاشان مرحوم برهان افندینی خاطیرلاییب اونون احوالاتینی دانیشماق ایسته‌دی. آنجاق احوالات واختی دئییلدی. اونا گؤره باشقا شئی دئدی: - دئییر، اگر سن حقیقت‌له وطن آراسیندا سئچیمده وطنی سئچیرسن سه، سوندا هر ایکسیندن اولاجاقسان! - اسد حقیقت‌ده، وطنه، برهان افندی و راسیمین خاطیره‌سینه ارک‌له گولومسوندو. ائله بیل قارشیدا گئدن ماشینین آرخا قاپیسینا چؤللرین باکره گوللریندن توخونموش اکلیل یاپیشدیردی. او اوزاق ایللردن بری اسن سویوق کوله‌یین سازاغی ماشینین ایچینده حیس ائدیلدی. فیروزه آرخادا بیرآز دا بوزوشوب کونجه قیسیلدی‌. دونن دانیشیردی کی، پراگ‌دا اَری، اوغلو وار، توخوجولوق فابریکاسیندا رسام ایشله‌ییر.

‌ قاییدیش:بیرینجی بولوم ✍یازان: صفر آلیشارلی کوچورن: سحر خیاوی حاضیرلایان:ادبیات سئونلر آراق قوتولاری‌نین، پلاستیک یاغ چللک‌لری‌نین، تاختالاری اوزرینه خیردا حرفلرله داستان یازیلمیش کانتینرلرین آراسیندا تابوتو گئجه گتیریب قویموشدولار. دؤرد طرفدن باسان واردات مال اوستونه مین ممک‌له، ائله بیل یوخارینی سورغو- سؤالا گلن گؤزه گؤرونمزلر اوچون آچیق ساخلامیشدی. هوندور دروازالارین آرخاسیندا بو مالین، بو امتعه‌نین، بو کاپیتالین گئده‌جه‌یی دقیق عنوانلار و صاحبینه فایدا وئره‌جک معین تعییناتلاری واردی. یالنیز توند قیرمیزیمتیل مبل پارتلاقلیغی، قاباریق قاپاغی‌نین متناسب حاشیه خط‌لری و آشاغیدا گؤرونن قیزیل متال الجک‌لری ایله او ماتاهلارا اوخشایان تابوتون ایچینده‌کی مئییت بو قناعتی یاراتمیردی. او، اوستونه شیغییان قیرغی جایناغیندان قورتولماق اوچون دسته‌سیندن آیری دوشموش، اؤزونو دونیانین بو : " پرپتوم موبیل: ایجادلارینا چیرپیب اؤلدورموش قوشا بنزه‌ییردی. داها اونون مسکنی و عنوانی اوجا گؤیلر دئییل، تورپاق ایدی. بئله حاللاردا اوزو همیشه سویوق، آدینا ایسه اوزاقلاردا " وطن" دئییلن قارا تورپاق. پاییز سرین‌لیینه باخمایاراق، اونون ایچینده‌کی وضعیتی تصور ائدنده تورپاغین عوض ائدیلمزلییی ناغیلسیز، شعرسیز ده باشا دوشولوردو. پاسپورتلاردا بزکلی مُهرلرین، اؤلکه آدلاری و بایراقلارین استانداردلاشمیش  ایده‌آلاری بوکسوچولارین رینگ‌ده  دوشه‌دؤیمه جولانینی خاطیرلادیردی. تابوتون ایچیندن باخاندا اونلارین رسمی‌لییی، رئداکته ال چاتمازلیغی، بوداپست‌ده ایکی سوتکایا باشا گلن فرمال موهورلنمه- فلان دونَن دیریکن دانیشان، دئییب- گولن، گله‌جه‌یه پلانلار قوران، کیمی‌سه سئون، کیمی‌سه نیفرت ائدن آدامین بو گون کی چوروین مئییت حالی کیمی بیهوده گؤرونوردو. جاوانلیقدا راسیمین قیوریم ساچلاری، یومورو صیفتی، هر شئیی در حال گؤره‌ن، آیدین باخیشلاری وار ایدی. دولو بدنی‌نی اوتاقدا کؤلگه کیمی سسسیز- سمیرسیز، پارکئتی و یئر کوره‌سینی اینجیتمه‌دن هرله‌ییردی. قَت‌تزه اولمپیا چارپاییسیندا ادیالی باشینا چکیب ایندی تابوتدا کی اؤلو سوکوتو ایله یاتیردی: جاوان اولماسا، بیر داها اویاناجاغینا شوبهه ائدردین. آنبار امکداشی پاسپورتلارین تانیش متنی‌نه، ویزالارا باخاندان سونرا، دییه‌سن قادینلارین هارادا اولدوغونو سوروشدو، آردینجا اسدین اؤز وثیقه‌سینی ده طلب ائدیب، اونلارین هر بیری‌نین مئییت‌له قوهوملوق درجه‌سی ایله ماراقلاندی. میزیلتینی ائشیتمک اوچون اسد قولاغینی پنجره دئشیینه یاپیشدیریب هر دقیقلشدیرمه جهدینه کیشی‌نی دوباره‌، اذیته سالمالی اولدو. یالنیز بوندان سونرا اسد دیققتله باخیب حئیرتلندی: کیچیک شوشه کابینه موقتی سیاهه کیمی قابلاشدیریلمیش کیشی‌نین سسی ائله بیل، شفاف، پرده‌لی و دیکینه قویولموش تابوتون ایچیندن، یعنی او دونیادان گلیردی. آنجاق اؤلو دئییل، ساغلام، حتا اوزدن قصورسوزون بیری ایدی. موشتری ایله اوجادان دانیشماییب میزیلدانماغی‌نین سببی‌نی آنلاماق هر اوغولون ایشی دئییلدی! - طلبه یولداشیم اولوب راسیم،- اوجادان دئمک‌له اسد بو قاچیلماز، مجبوری دیالوقدا امکداشی قارشیلیقلی گوذشته دعوت ائتدی. - بس بونلار نه‌ییدی؟- یقین ائله- بئله سوروشدو، چون کی راسیمین پاسپورتونا علاوه ائدیلمیش اولوم کاغیذیندا هر شئی یازیلمیشدی. دوغرودور، انگلیسجه یازیلمیشدی. - آفت باجیسیدی. فیروزه ایسه باجیسی‌نین رفیقه‌سی. تابوتو مجارستاندان او مشایعت ائله‌ییب‌‌، دونن گؤتوره بیلمه‌دیک. ایندی گلمیشیک. کیشی اوزاق دیارلاردا اؤلوب دوغما تورپاغا قاییتماغین سیررینی، حکمتینی و ثوابینی بیلیرمیش کیمی باشینی قالدیب اسدین اوزونه آغ‌ساققال بصیرتی ایله باخدی، سونرا یئنه نه‌سه میزیلداندی. اسد یئنه ایکینجی جهددن معین ائده بیلدی کی، سندلرده ایراد یوخدور، تابوتو کانتینرلرین آراسیندان چیخارماق اوچونسه، قالدیریجی‌ ماشین لازیمدیر و خطالی کیمی او، ایندی هانسی‌سا طیاره‌دن یوک بوشالتماغا گئدیب. " آللاه بیلیر هانسی طیاره‌دن!"- کیشی‌نین بو دئدییینی اسد ایلک دوبله‌دن ائشیتدی و بو بویدا آنبارین یگانه ماشینی‌نین بوتون دوشمن قوّه‌لری ایله تک ووروشان عسگره بنزرلییی حاققیندا بیر لطیفه خاطیرلادی. آنجاق لطیفه واختی دئییلدی. نئجه دییرلر دین- ایمان واختی ایدی‌. اسدین چاره‌سیز دایاندیغینی گؤره‌ن آفت دینمزجه یاخینلاشیب کابینتین دمیر چکه‌له‌یینه یاشیل یوزلویو سوخماقلا یوک قالدیران‌ ماشینی تعجیلی آنبارا قایتاردی. جریانا قویولموش جیهاز کیمی در حال جانلانان کیشی پولو گؤتوروب وظیفه بورجونو سونادک اجرا ائتمک هوسی ایله میکروفون دویمه‌سینی باسدی: اونون سسی گؤی گورولتوسو کیمی آنلاشیقلی، اُکتاوایا یاتیملی بوغاز تمبری ایسه یاددا قالان، حتا اونودولماز اولدو.

▫️گزارش ویدیویی نشست «مروری بر مجموعه عکس از کرانه‌های آراز» نشست «مروری بر مجموعه عکس از کرانه‌های آراز» توسط رسانۀ مُصوّر در خانه هنرمندان ایران برگزار شد. در این نشست که به مناسبت هشتادمین سالروز تولد حبیب فرشباف در تالار استاد شهناز خانه هنرمندان ایران برگزار شد، جمعی از عکاسان، متخصصان ارتباطات، فعالان فرهنگ و هنر آذربایجان و همینطور شاگردان حبیب فرشباف حضور داشتند. @mosavvarcom

ایفا ائدیرلر:سئودا علی اکبرزاده چنگیز مهدی پور آذربایجان عاشیقلاری https://t.me/Adabiyyatsevanlar

دئدیم ،دئدی... دئدیم:ائشیدییب سن  مجلیسین وکیل لری نهایت ایکی یا اوچ فایض رای له مجلیسه گئدییب لر؟ دئدی:ماشاالله بو حماسیه  بئله گئتسه گلن سئچگی ده بونداندا بویوک حماسه یاراناجاق اوندا  وکیل لرین عاییله لریده اولارا رای وئرمییه جک. https://t.me/Adabiyyatsevanlar