ادبیات سئونلر

نامه های «احسان طبری» به «ژاله اصفهانی» بومکتوبلارین موضو لاری تام ادبیات دیر خصوصیله تنقید ادبیات سئونلر بو آچیدان(ادبی تنقید) باخیمیندان  بو نامه لرین هرهفته چهارشنبه گونوبیرینی نشر ائده جک اومود ائدیریک سایین اوخوجولاریمیزا فایدالی اولا. https://t.me/Adabiyyatsevanlar

«سهراب_طاهر» دئمیشدیم بیر داها سئومه‌یه‌جه‌یم، بس نییه بیر داها سهو ائتدی اۆرک؟ بو سهوین قیزاران گون باتیمیندا، منی قوزو کیمی مَلتدی اۆرک. نئجه‌ده آغیردی بو سئوگی - سوغات، هارایا چاپیرسان، آی یهرسیز آت؟ منی کتاب کیمی بۆکوب ایکی قات، صحفه - صحفه سئیر ائتدی اۆرک. تاپ اونو، تاپ اونو، مهربان فالجی، نه‌دیر داغ سینه‌می یاخان بو سانجی، او بیر ناغیل اولدو، من بیر ناغیلچی، دانیشیب، هامینی کؤورلتدی اۆرک. اونا اؤیود وئردیم، سؤزومو کسدی، بو منه بیرینجی، سونونجو درسدی، دئدیم گل یاپیشاق دنیادان، بسدی،  باشیما دنیانی هرلتدی اۆرک. یاندی اؤزو یانمیش دنیا حالیما، دۆشدو سینیق سسلر عمور والیما،  بولود گؤزلرینی سیْخدی یولوما، منه آغلاماغی اؤیرتدی اۆرک. منه حرام ائتدی مئیی، مزه‌نی، رسوای ائده‌جه‌یم، سؤیله‌دی سنی، او مضراب، من پرده، دیندیریب منی، قیزلارین یانیندا ترلتدی اۆرک. https://t.me/Adabiyyatsevanlar

‏عکس از Kamran

‏عکس از Kamran

‏عکس از Kamran

‏عکس از Kamran

خبر دوستان عزیز امروز1401/12/4 تخریب مدرسه روستای قیرخ یاشار آغاز شد به یاری شما هفته آینده کلنگ مدرسه جدیدرا خواهیم زد. یاری گران دست یاریتان را می فشاریم. تلفن های تماس: کریم قربانزاده  09123487053 فاطمه منافزاده 09141061646 رسول اسمعیلیان 09352473587 https://t.me/Adabiyyatsevanlar

اوشاق ادبیاتی آکاردئون (یکی از شاهکارهای سینمای ایران) ساخته جعفر پناهی ..

بیر آلمانلی آتا آنا، کمری آچیب و اوشاغی قوجاغا آلمیر، https://t.me/Adabiyyatsevanlar

اوشاق ادبیاتی اومای خانیم سون گونلرده آذربایجانیمیزین خوی شهرینده و ها بئله تورکیه و سوریه‌ده، دئپرم لر، میلیونلارجا عاییله نین یاشام امکانلارینی محو ائدیب، مین‌لرجه انسان حایاتینی ایتیریب و دونیانی یاسا بورویوب. همن گونلرده شیلی ده غیرنرمال دورومدا هاوا ایستیلیگیندن هکتارلارجا اورمانلاری یانیر، شهرلری محو ائدیب، انسان جانی آلماقدادیر، همن شیلی نین قوزئیینده اولان پرو اولکه‌سینده یئرسویروشمه سببیندن سئل‌سو یولا دوشوب شهرلری آلتینا آلیب ییخیب گئچرک انسانلارین جانینی آلیب گئدیر. دونیانین بیر یانیندا ایستی دن انسان جان وئریرکن، دیگر یانیندا سویوق دان جان وئریر. «جَویز (گیردکان) آغاجین آلتیندا یاتمازلار، بو آغاجین آلتیندا جن اولار» دئییرمیشلر قدیمکیلر! ایندی علمی سببلردن بو آغاجین آلتیندا نییه یاتیلماز آچیقلانیب. و یا داها‌اؤنجه صرع ناخوشلوغو اولان بیریسینین، صرع حمله لری باش وئرنده تیتره‌ییشلرین سببینی بیلمه‌دن «ایچینه جن گیریب» دئییب و دوعایازانا گؤتورورموشلر. ایندی طبیعی بلالار دئییب و آللاهین حکمتی و مصلحتی‌دیر دئمک، جن ناغیللاری قدر جهالت گؤسترگه سی دیر. البته کی هر بیر طبیعی بلانین ریشه سی و ندنی وار و علم بونلاری اورتایا چیخاردیب و چیهارتماقدادیر، آما بو بلالارین، انسانی فلاکته چئوریلمه‌سینده انسانین بؤیوک پایی وار. اینترنتده راحاتجا دونیا زلزله ریسکی کاتگوریلنمیش نقشه‌نی گؤره بیلرسیز. بو نقشه هر اولکه ایچین، و هر شهر ایچون و هابئله هر شهرده منطقه‌دن منطقه‌یه شهرداری لرده ثبت اولونموش شکیل‌ده ایشله نیز و کاغذ اوستونده تاقجالاردادیر. بیر بلانین، انسانی فلاکته چئوریلمه سی ایچون بیز انسانلارین آن اوست دوزئیدن، آن آلت دوزئیه قدر الیمیز و ائتگیمیز وار. ابرقودرت اولکه‌لرین گلوبال سیاستلریندن توت، اولکه سویه سینده اولان مودیرلر، شهر سویه‌سینده اولان شهردار و شهر شوراسی، و هابئله ائو ایچینده یاشایان انسانلارین هر بیریسینین بو مسئله ده پایی وار. مثلا ایران دئپرم ایچون آن تهلوکه لی اولکه لردندیر، مودیرلرین بونا برنامه لری ندیر؟ بو مودیرلری کیم سئچیر؟ سن و من. تبریز آن تهلوکه لی شهرلردندیر، و هانسی مسکونی منطقه سی آن تهلوکه لی دیر، هامیسی تبریزیان شهرداری سینده نقشه و تحلیل اولاراق کاغاذ اوستوده و کامپیوترلرده موجوددیر، هانسی قانونلار و استانداردلار اولماسینا کیم قرار وئرجک؟ شهردار و شوراسی، اونلاری کیم سئچیر؟ سن و من. بیز انسانلارین رول و ائتگیسی هر فلاکتین ایچینده آچیق آیدیندیر، باشیمیزا نه گلیرسه اؤزوموزون‌ده پاییمیز وار. آما تاماماً نقشسیز و سوچسوز اولان بیریلری وار: اوشاقلار! بیز جلاد انسانلار، اؤز جهالتلریمیز و یا خودخواهلیق لاریمیز اوزوندن، سوچسوز و یاشام دولو اوشاقلارین یاشامینی محو ائدیریک. سون دئپرملرده نقدر جاوان و یا یاشلی اؤلورسه، ساده‌جه عدد اولاراق ائشیدیریک، آما هربیریمیز بیر اوشاغین سویوقدا تیترمه سی، آج قالدیغی، ائوسیز قالدیغی، آتاسیز یا آناسیز قالدیغی، اؤلومو، و هابئله آوار آلتیندا قالماسی، یا نجات تاپماسینا کؤوره لیب، و دویغولاتمیشیق، نییه؟ چون اونلار، ان معصوم و ان سوچسوز و یاشاما آن چوخ مستحق اولان گروپلاردیرلار. چون بیز بؤیوکلرین قوربانی اولدوغونوز قدر، بو فلاکتده پاییمیزدا وار، آما اوشاقلار ساده جه قوربانی‌دیرلر. بیز بؤیوکلر بیله بیله اوشاقلاریمیزی اؤلومه ایته‌له‌ییریک. چوخ ملموس اولان اؤرنکلری سیزینله پایلاشماق ایسته ییرم. هربیریمیزین چئوره‌میزده اؤزوموزون یا عزیزلریمیزین اوشاقلاری وار. بیر باخین، بو اوشاقلار ماشین‌دا نئجه اوتورورلار؟ فرمان دالیندا، قوجاقدا اوتوران کؤرپه‌لری کسینلیکله گؤروبسونوز. حرکتده اولان ماشینین پنجره‌سیندن باشینی ائشییه چیخاردان اوشاقلاری و سقفی آچیلان باهالی ماشین‌لاردا زنگین عاییله‌لرین اوشاقلارینی آیاق اوسته و باشلاری دیشاریدا گؤروبسونوز. مدرسه سرویس‌لرینده‌کی فاجعه‌لری گؤروبسونوز. البته که سایماق‌لا بیتمز. آلمان اولکه‌سینده‌کی صیرفا ماشین ایچینده اوشاقلار ایچون اولان قانونو سیزینله پایلاشماق ایسته‌ییب سؤزو بیتیرمک ایسته ییرم: کؤرپه اوشاقلار، کؤرپه‌لره اؤزل اولان ماشین صندلینده اوتورمالی‌دیرلار. کؤرپه لیک بیتدیکدن سونرا، اوشاق ماشین صندلینده اوتورمالی دیرلار، و بؤیودوکدن سونرا، صیرفا آلتلیق (امنیتلی و استانداردلی اؤزل آلتلیق) قوللانا بیلیرلر. ۱۲ یاشا قدر و اوشاغین بویو ۱۵۰ سانتیمتره چاتانا قدر بو قانون گئچرلی‌دیر. شخصی ماشینلاردان علاوه، تاکسی‌لرده ده بو قانون گئچرلی دیر. یانی تاکسی‌نین اوشاق صندلی یوخدورسا اوشاق میندیرمک حاققی یوخدور. بو قانونو کیم یازیب؟ قانون‌یازان بو قانون‌یازانی سئچیب؟ سن و من بیر سوال: اوشاق آغلاماقدان قارالیر و کمری آچماق ایسته‌ییر، و سونرادا قوجاق ایسته‌ییر. نئنرسن؟ کمری آچیب، قوجاغینا آلارسان.

اوشاق ادبیاتی «عباس صحت» سحر_سحر ياز چاغي، کؤچور اوبا يايلاغا. گلين لرين بالاغي، باتار ليله، باتداغا. آرواد، کيشي، اوغلان، قيز، گؤن چاريقلي، باشماقلي، گئدير قوروق_قايتاقسيز، گلين، قيزلار ياشماقلي. قويون، قوزو، آت، ائششک، سالميش چؤله قالماقال، ده وه، مايا، نر، کؤشه ک، لؤکله ييرلر دالبادال. کيشي الينده چوماق، سورور يوکلو اؤکوزو. ده وه اوسته بير اوشاق، چوخ اوخويور بو سؤزو: آغ ده وه آلچاق گئدر، قولوندا قولچاق گئدر، آغ ده وه نين گؤزلري، يئره ده ير ديزلري. ائندي چايا يوه_ يوه آغجا مايا يوه_يوه. https://t.me/Adabiyyatsevanlar

اوشاق ادبیاتی آذربایجان افسانه لری سؤیله ین:«صمد بهرنگی، بهروز دهقانی» چئویرن:« منیژه جم‌نژاد» گول ایله سیناور ۴ 👸 صاباح دا، بیری گو٘نده او قیز گلدی. اذانی ائشیدیب، اوچوب گئتدی. بیر گون دئدیم: سنه آند وئریرم سنی منی یارادان آللاها، دئ گؤروم کیمسن؟ دئدی: من پری قیزیام. سنین سسیوی چوخ سئویرم. او او٘زدن هر گئجه گلیرم قولاغ آسیرام. دئدیم: گل من له ائولن. دئدی: انسان اولادی چیی سود امیب. وفا بیلمز. سن منی ساخلیانماسان. دئدیم: هاردان بیلیرسن؟ شرط کسدی کو٘ره یینه ال وورمیام، بیرده هرنه ایش گؤرسه دینمه یم. دئدیم: اولسون. عقد ائلدیک اونو گتیردیم ائویمه. بیر زامان کئچدی، پری قیزی نور توپو کیمی ایکی اوغلان دوغدو. ووردو آنام بیر گون خسته لنیب اؤلدو. پری قیزی گئدیب نردوانین باشیندا اوتوردو. هرنه دئدیم قادین گل آشاغا. گلمدی. آنامی قویدوق تابوتا، آپاراندا پری قیزی باشلادی گولمه یه. گولدو، گولدو، گؤزلریندن یاش گلدی. آنامی قویلادیم گلدیم گؤردوم اوتاغی بوشالدیب، هر یئری سویا چکیر. قیشقیردیم باشینا: قادین باشیوا هاوا گلیب؟ نئیلیرسن؟ او تابوت آیاغیندا گو٘لمه یین، بودا ائوی سویا چکمه یین. دئدی: مگر شرط کسمه میشدیک هرنه ائلسم دینمه یه سن؟ بیری اؤلونجه یان یؤره سی دولار قان ایله. چیخمیشدیم نردوانین باشینا قان باشماغیما پالتاریما دیمه سین دئیه. بیر گو٘ن آنان کو٘فته بیشیردی، اولاق باشینی پنجره دن گتیردی ایچری. آنان آغزینا بیر کوفته آتدی. اولاق او کوفته نی آغزینا آلیب، تابوتون قاباغیندا آتیلیب دو٘شوردو.  سیزلر گؤرموردونوز، آما من گؤروب گو٘لوردوم. ایندی ده قانی در دوواردان یویورام. داها دئمه یه سؤزوم یوخودو! گئتدیم ایشیمین دالیسی جان. بیر گئجه یاتاقدا شیطان توولادی الیمی وورام کو٘ره یینه، گؤرم اوردا نه وار. نه قدر شیطانا لعنت اوخودوم، اولمادی. یاواشجا الیمی اوزالدیب، کو٘ره یینه ووردوم. بیر جوت قاناد گؤردوم. الیم قانادلارینا توخونونجا، یوخودان آتیلدی دئدی: حقن کی انسان اولادی چیی سود امیب. یالوارمایا باشلادیم: خانیم بیلمدیم، بیردن الیم کو٘ره ییوه دیدی. سایمادی. دوردو اوشاقلاری ووردو قولتوغونا اوچوب گئتدی. تک باشیما قالدیم. اؤزومو دؤیدوم، ووردوم هئچ فایدا وئرمه دی. اوندان سونرا آخشاملار ایکی بالامی دا گتیریب، دامین قیراغیندا  دوروب اذانا قولاق وئرر، سونرا دا اوچوب گئدر. هر نه یالوارارام قالسین، قبول ائلمز. آخشاملار شوق ذوق لا گو٘له گو٘له گئدرم خانیمیمی اوشاقلاریمی گؤرم. اوچوب گئدندن سونرا دا او٘ز گؤزومه دؤیوب باییلارام. حاتم پادشاهین قیزینین یانینا قاییدیب، اذان وئرن کیشینین، کور یولچونون، گول ایله سیناورین ناغیلینی دئدی. یئددی گئجه، یئددی گو٘ندوز توی توتدولار، شهره چیراغ چکدیلر، قیزی حاتمه تاپشیردیلار. حاتم دئو لردن آلدیغی سوفره نی آچدی، خالق گلیب دویونجا یئسین دئیه. سون🌼 https://t.me/Adabiyyatsevanlar

اوشاق ادبیاتی

اوشاق ادبیاتی حسن بابایی «عجبشیرلی» املاء قاپینی آچیب ایچری کئچدیم. هونکور -هونکور آغلاییردی . سببینی سوردوم. سسینی آزجادا اوجالدیب ایچینی چکدی. آبالاسنه نه اولوب؟ آنان هاردادی تکرار سئوال وئردیم. بو دونه گوز یاشلارینی الی نین ائشیک اوزو ایله سیلیب، ال لرینی ایسه شالواری نین یانلارینا چکیب دیلی توتار -توتماز ایسته دی سوزه باشلاسین. او آندا قاپی چالیندی. قاپی یا طرف گئتدیکده، (یوخ آتا قوی من آچیم)دئدی. دالی اوتوروب آددیملاریمی یاوالاتدیم. کیمسن دئیب آیفونو ویردی. ائشیک قاپی آچیلیب، ائو قاپیسین آچاراق آنام دیر.دئدی اوشاغی تک لیکده بوراخیب هارایا گئتمیسن سوردوم. مدرسه یه چاغریلمیشدیم. آناسی دانیشدی نه یه؟ اوزوندن سوروش بایاخدان سوروشورام، گوز یاشلاری آمان وئرمیر دیلی سوءز توتسون. هه -ائله یاخجی قویاسان آغلیا، خالخیندا اوشاغی وار -بیزیم ده. ائله بیزه گلن بیزه اوخشار، ائوده منه خوروزلانیر مدرسه ده بیرپارچا خمیره دوءنور بدباختین بالاسی. دئیب سوسدو خانیم آزاد دانیشگاهدان الهیات واسلامی معاریف دیپلومونو آلیب قابا توتدوروب شکیل کیمی دوواردان آسلامیشدی. چوخلارینا تای اوخودوقلاریندان هئچ نه یادیندا دئیلدی. ائلیار اوز اوتاغینا گئدیب قاپینی آرخادان قاپامیشدی ائلیار -ائلیار چاغیردیم. بلی آتا گل ایشیم وار گلیب دیزیمین اوستونده ایله شیب قولونو بوینوما سالیب (آتا سنی چوخ سئویرم )دئدی. ائلیار مدرسه ده سنه کیمسه بیر سوءز دئیب؟ باشینی بولایب یوخ آتا به نه اولموشدو ائله آغلاییردین. آنا دئمه دی. یوخ دا، دئسه ایدی سندن نیه سوروردوم به نه یه آنامی مدرسه یه چاغیرمیشدیلار ایندی ایکی نیزدن بیرینیز دئیرسینیز نه باش وئریب یوخسا صاباح اوءزوم گلیم. دئدیم منه گوره اوءزون گلسن یاخجی اولار. ائلیار دئدی. آناسی دیله گلیب سوزه باشلادی :کلاسدا بازیگوش لیق ائلییر بیر مدادی (میداد )یازیب. بهاری(باهار )یازیب .نهاری (ناهار )یازیب کتاب ی(کیتاب )یازیب معلم ده20دن 14 وئریب. الینه دونوم. آتا 16 آلیردیم ها آددیمی دا قلط توتوب دئیر گرک (ائلیار )یوخ (ایلیار )یازاسان ائلیار دونوب دئدی. قالمیشدیم اودونان -سویون آراسیندا خانیمی باشا سالماق چتین ایدی، مدرسه ده خانیم معلیم اوز وظیفه سینی یئرینه یئتیرمیشدی. اوزومو ائلیارا توتوب : بویویندن سونرا بیلرسن. دئدیم https://t.me/Adabiyyatsevanlar

اوشاق ادبیاتی عزیز بالالار، اسفند آینین بیرینجی چرشنله سی آذربایجاندا سو چرشنبه سی دی بو آی تکم چی لر تکم لرین گوتوروب کوچخ باجایا چیخیب اوخویا اوخویا یازین گلمه سی نی موشتولوق وئرلر خانیم «محمودی» سو چرشنبه سی بو گوزل دبی یئرینه یئتیرییب. گلین بیرلیکده گوره ک.

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar