ادبیات سئونلر

اوشاق ادبیاتی یئدی یاشیندا اوساغین ارزولاری، هدف لری...

اوشاق ادبیاتی حبیب فرشباف «باليق‌ اولاجاغام‌»    آنا مني‌ اوياتما من‌ هله‌ ده‌ ياتميشام‌،  شيرين‌ يوخولاريم‌لا هئي‌ باشيمي‌ قاتميشام‌.  اَل‌ - اوز يوماق‌ درديندن‌ دورانميرام‌ يوخودان‌،  آنا بيلميره‌م‌ نه‌ دن‌ يامان‌ قورخورام‌ سودان‌!  خئيري‌ اولسون‌ باليغين‌  گئجه‌ - گوندوز اوينايير،  نه‌ يوخودان‌ دوراندا  گئديب‌ ال‌ - اوزون‌ يويور.  نه‌ هر غذادان‌ سونرا يويا جاقدير ديشلرين‌،  او اوينايا - اوينايا گؤرور تامام‌ ايشلرين‌.  آنجاق‌ بو ايشلر ايچون‌  مني‌ سئومه‌ يير آتام‌،  من‌ ده‌ تنبل‌ليگيمدن‌ بير باليق‌ اولاجاغام‌. https://t.me/Adabiyyatsevanlar

اوساق ادبیاتی امروز روز ویژه‌ای برای ما بود! پسرمان «تئومان ساوالان» اولین جلسه آموزش زبان مادری خود را سپری کرد. همین! ساده اما قابل تامل! برایش توضیح دادم که چرا اینقدر این‌ مسئله برای ما اهمیت دارد. آذربایجان‌شناسی‌اش خوب است. وضعیت آذربایجان و ایران را کم و بیش میداند. بعد از کلاس هم، بسیار راضی بود. یاد گرفته بود «جنوب» همان «گونئی» که خودش استفاده میکند.پدر و مادرها آرزوهای ناکام خود را از بچه‌هایشان انتظار دارند. در مقابل نیز سعی میکنند آن کمبودها و حسرتهایی که خودشان داشته‌اند، فرزندانشان آنها را تجربه نکنند.زبان مادری و جایگاه آن در اجتماع، شاید مهمترین مولفه اجتماعی در شخصیت و اعتماد بنفس کودک است. ما از آن محروم بودیم اینکه پسر ما حتی‌الامکان چنین محرومیتی را تجربه نمیکند، مسرت بخش است. مرکز زبان شهر گوتنبرگ وابسته به شهرداری، سیصد معلم دارد که آموزش هفتاد زبان مادری برای ۱۴ هزار دانش آموز را ارائه میدهد. جالب است بدانید که در سوئد زبان مادری، معمولا «زبان خانه» نامیده میشود. علتش شاید این است که روانشناسان کودک و کارشناسان آموزش تاکید دارند که در خانه حتما به زبان مادری صحبت شود

اونو دا بو دوره گؤره اوزلاشدیرماق لازیمدیر. او منیم ایشیم دئییل، من فیلولوق دئییلم.

کوچورن:«ویدا حشمتی» حاضیرلایان:«ادبیات سئونلر» دوردونجو بولوم عمومیّتله، «من ده اوشاق اولموشام» بئله بیر وئریلیش وار. آزتی‌وی حاضرلاییر.  اونلارین گلیشینه اوشاقلار بارماقجیق تاماشا حاضرلامیشدیلار. بیزده بارماقجیق کوکلالار وار، اونو بارماقلارا کئچیریرسن بالاجا صحنه‌‌جیک دوزه‌لدیرسن. بارماقلاراکی اوشاق ائلیه بیلیر؟ او اوشاق کی، متنی بیلیر، آرتیق اوخویوب او کیتابی، معلوماتی وار. بولودخان معلّیم گیردی، اونون اوچون گؤزله‌نیلمز اولدو. چکیلیش گئدیر، بو دا ائله بیلیر کی، ایندی اوشاقلار آرخاسییجا گله‌جک. گیردی کی، آرتیق ساکیتلیک‌دیر  تاماشایا باخیلیر. او دا اوتوردو. او وئریلیش گئتمیشدی تئلئویزییادا، آزتی‌وی‌ده بیلیرسیز، اوشاقلاری بئله شئیله جلب ائله‌مک لازیمدیر. اوشاق چاپ یازیسینی گؤرنده هوسی اولمور.  اونو بیر دفعه‌ تاماشایلا، بیر دفعه‌ آنیماسییا ایله، بیر دفعه‌ باشقا بیر تدبیرله سئودیرمک اولار. بیز « ناغیل بیلیجیسی»  مسابقه‌سی کئچیردیریک. چوخو دئییر کی، جیرتدان نه‌یه لازیمدیر؟ «کل اوغلان» تورکلرین ناغیلیدیر.  معاصر دوره جن گلیب چیخیب، هامی اوندا اؤز ناغیل قهرمانلارینی محو ائله‌سین ده. زولوشکانی، باربینی اوخویورلار. بیزیم گؤیچک فاطمه‌نی نییه آرخادا ساخلاییرلار. یازیچیلاریمیز اونو بیر آز معاصرلشدیرسینلر. بو دا بیزیم ناغیل قهرمانیمیزدیر دا. من شخصاً جیرتدان اوبرازینی چوخ سئویرم. جیرتدان بالاجادیر، آمّا چوخ بیلیر. مکتبه گئدن اوشاقلاردان چوخ بیلیر، اونلارا دئییر کی، فیلان یوللا گئدک  نه‌یین مقابل‌ینده، دئییر منیم ننه‌م سیزه اذيّت چکیبسه، یاغ یاخماجی وئریبسه، سیز ده منیم شله‌می آپارمالیسیز. ائلناره آکیمووا: زاهید معلّیم، جیرتدانا سئوگی سانکی بیزیم اوشاقلاریمیزا گئنئتیک( ژنتیک) اؤتورولور. بؤیوک ده سئویر اونو، اوشاق.دا. زاهید خلیل: ائله‌دیر.چ البته‌‌. شهلا قمبرووا: بیز زاهید معلّیمله ۲۰۱۳-جو ایلده ایلک دفعه‌ لاپ یاخیندان تانیش اولاندا من چوخ سئویندیم. نه‌یه گؤره؟ چونکی منیم ایلک اوشاقلیق کیتابیم اولوب «باللی‌جا» او قدر سئومیشدیم او کیتابی، منیم ۴۷ یاشیم وار. بو یاشا قدر او کیتابی ساخلامیشدیم چ. اوزو ده ساری اوزلو کیتاب ایدی. نئچه‌نجی ایلده نشر اولونموشدو او؟ زاهید خلیل:  ۱۹۸۱ ده شهلا قمبرووا: منیم اوندا ۱۱ یاشیم واردی ۲-۳ ایل بوندان قاباق ائویمیزده تعمیر ایشلری گئدنده، او کیتاب یوخا چیخدی.  تصوّر ائله‌یین ۴۵ یاشیندا کیتاب‌خانا مدیری، من او کیتابین یوخا چیخماغینا گؤره چوخ آغلادیم. چونکی سئومیشدیم او کیتابی. او گون دئییرم کی، زاهید معلّیم، او کیتابدان یوخدور، او کیتابی وئرین ده منه. اونو منه کیم وئرسه  مکافات وئره‌جم (گولور). قشم نجف‌زاد: ائلناره خانیم، بیر دفعه‌ من فوّاره‌لر باغیندان دوشدوم. بوتون دوکانلارین آدینی قئید ائله دیم. بیزده شادلیق سارایلاری‌نین آدی‌نین اکثريّتی اینگیلیس دیلینده‌دیر. هتل‌لرین آدی اینگیلیس دیلینده. نییه «گؤیچک فاطما»  آدلی اوشاق دوکانیمیز اولماسین؟ لاپ «گؤیچک فاطما» شادلیق ساراییمیز اولماسین؟ نییه جیرتدان اوشاق اویونجاغی اولماسین؟ فوّاره‌لر باغیندا بوتون دوکانلار اینگیلیس دیلینده‌دیر. آخیردا گؤردوم بالاجا بیر یئرده یازیلیب «فسلی» یئمک‌خاناسی  چوخ کؤوره‌لدیم. شهلا قمبرووا: ایندی آذر معلّیم  فئورالین ۱۴و بوتون دونیادا سئوگی گونودور.  اصلینده سئوگیلی‌لر یوخ  سئوگی گونودور. آمّا ۱۴ فئورال هم ده بین‌الخالق کیتاب باغیشلانماسی گونودور. بیز کئچن ایل پارک بولواردا بؤیوک بیر آکسییا کئچیردیک. ۸۶۰ کیتابی اوشاقلارا هديّه‌ ائله‌دیک. کؤهنه روس دیلینده یازیلمیش کلاسسیک ادبيّاتدان دا بئله بیر ستئند تشکیل ائله‌دیک. اینانیرسیز؟ کؤهنه کیتابلار تزه کیتابلاردان داها تئز گئتدی. بوتون روس ادبيّاتیندان  خارجی ادبيّاتدان، آذربایجاندا عیسی موغانادان توتموش، قیلمان ایلکینین کؤهنه وئرسییالاردا کیتابلارینا قدر، بیز اونلاری دا بؤیوکلره هديّه‌ ائله‌دیک. بو ایل فیکیرلشمیشیک کی، همین آکسییانی کئچیرک، آمّا کیتاب الینده فلئش مونلا. چونکی معاصرلییه جاواب وئرمه‌لی‌ییک ده. اورادا اینسانلار گؤرمه‌دییی بیر شئیله راستلاشدیلار. ائلناره- کیمووا: ایلک دفعه‌ ایدی کئچیریلیردی؟ شهلا قمبرووا: ایلک دفعه‌ ایدی آذربایجاندا. بیز نظرده توتموشوق کی، هر ایل کئچیرک. بیزه نشریّاتلار قوشولدولار، مطبوعات گلدی. چوخ گؤزل آکسییا ایدی. ایکی اوشاقلا دانیشمیشدیق. بیری جیرتدان فورماسیندا گلمیشدی، بیری ده آری پالتاری گئیینمیشدی. اوشاقلارا کیتابلاری اونلار تقدیم ائله‌ییردیلر. هامی دا جیرتدانلا شکیل چکدیریردی. جیرتدان پیس اوبرازدیسا، نییه شکیل چکدیریردیلر؟ جیرتدان بیزیم ملّی ناغیل قهرمانیمیزدیر. بیز اونو نئجه اینکار ائله‌یه بیلریک. بیر آز معاصرلشدیرمک لازیمدیر ساده‌جه. هر دورون اؤزونه گؤره جیرتدانی اولور.

یئدییی دوندورمانی   ایّوب فولکلورون بدیعی ایفاده سیستمیندن بهره‌لنمه‌یه چالیشان مولفدیر. تاپماجا ژانری‌نین امکانلارینا مراجعت ائدیر. تمثیل، دوزگو، ساناما،  اوخشامالار یازیر. جناس قافیه‌لردن یارارلانماقلا بیر بندلی شعرلر مئیدانا قویور. بوتون بونلار اوشاق ادبيّاتینا یئنی جه گلن گنج بیر شاعر اوچون بؤیوک اوستونلوکدور. من، اونون خصوصی‌له  تمثیل‌لری اوزه‌رینده آیریجا دایانماق ایسته‌ییرم. ایّوبون «داغ و تپه»، «کؤرپو و چای»، «گونش و یاغیش»، «قوزغونون تؤبه‌سی»، «خسته تولکو» کیمی تمثیل‌لرینده ناغیللارین شیرینلییینی خاطرلادان پوئتیک تصویر واسطه‌‌سیله هم عیانی لؤحه‌‌ یارادیلیر، هم ده پرئدمئتین ماهیّتی حاقیندا بالاجالارا فایدالی شرح وئریلیر. هر حادثه‌‌دن نتیجه چیخارماق قورو محاکمه‌، نصیحت یولو ایله دئییل، حادثه‌‌نین ماهیّت‌یندن اخذ اولونان عمومی قناعت اولاراق عومومی‌لشدیریلیر. طبیعی کی، بو گون اوشاقلارین دوشونجه دایره‌سی گئنیش، محاکمه‌ و آنلام سويّه‌سی یوکسکدیر. لاکین بونا اساسلانیب دوشونمک کی، یئنی تکنولوگییالار عصرینده اوشاقلار اوچون طبیعتین، حیوانلار عالمی‌نین هئچ بیر ماراغی قالماییب، بو دوغرو فکر دئییل.  اوشاق هر بیر زامان اوز رنگارنگ دونیاسیندا، خیال‌لار عالمینده یاشاییر.  ناغیل دونیاسینا ماراقلیدیر، قوشلارین، بؤجکلرین، بیتکی و حیوانلارین وارلیغی و نئجه‌لییی اونلار اوچون هر زامان اهميّتلی‌دیر. ایّوب تورکایین شعرلری بونون بئله اولدوغونو بیر داها ثبوت ائدیر. صافلاشدیریر، آریندیریر و بیر ده دونیایا اوشاق نظرلری ایله باخماغین ان گؤزل یاشام و گوج قایناغی اولدوغونو آشیلاییر.

کیتابدا یئر آلان بیر نئچه شعرده گنج شاعرین فورمانی نظره آلمادیغی، داها چوخ پوئتیک فیکره، ایدئیایا آلوده اولوب قافیه‌، وزن، آهنگ قئیدینه قالمادیغی دا نظردن قاچمیر. بعضا مصراع قیریلیر، بعضا هانسی‌سا حرف دوشومونه یول وئریلیر کی، بو دا بدیعی افکت یاراتماغا مانع اولور، ایفاده سلیس‌لییینه خلل گتیریر. شعرده‌کی ایفاده واسطه‌‌لری هانسی‌سا پوئتیک حسّ‌ین رئال‌لاشماسینا، هانسی‌سا فکرین داشیییجی‌سینا چئوریلمه‌سینه خدمت ائتدییی اوچون بعضی حاللاردا قافیه‌، بؤلگو و اینتوناسییادا اویغونسوزلوق یارانیر. حال‌بوکی، شعرین بیر سیستم کیمی بوتؤو تأثیر باغیشلاماسی اوچون اونون داخلی کومپونئنتلری آراسیندا طبیعی-آسسوسیاتیو اویارلیق اولمالیدیر. «سرحدچیدیر منیم آتام» شعرینده بیز بو اویارلیغی حیسّ ائتمیریک:   گئجه-گوندوز قورویور سرحدی منیم آتام کئشییینده دایانیر من ائوده راحت یاتام   بو پئشه‌ده گؤرورم گلجه‌ییمی من ده آرزوم بودور کی، حربچی اولارام بؤیوینده.   بو سیرادان داها بیر مقاما دقت چکمک ایسته‌ییرم. ایّوبون کیتابینداکی بعضی شعرلرین گونون اینفورماسییا، تکنوگئن یئنی‌لیکلری قایناغیندا حاصله گلدییینی.  بالاجا قهرمانین دوشونجه دونیاسی‌نین چاغیمیزین فاکت و حادثه‌‌لرینه اساسلاندیغینی گؤروروک. بو طبیعی پروسئسدیر، هر شئی بؤیوین، آرتان  انکشاف ائدن بیر تئمپ‌له حرکت ائدیرسه، پوئتیک فکره یانسیماسی نورمال قارشیلانمالی‌دیر. اساس مسئله‌ بو جهدلرین، گتیریلن یئنی اوبراز و دئتاللارین بدیعی ديری تلقین اولونان تربیه‌وی فکرین ایفاده‌سینه نه درجه‌‌ده خدمت ائتمه‌سیدیر. دوزدور، ایّوبون استثناسیز بوتون شعرلرینده اؤز متناسب‌لییینی پوزمایان معیار  تصوّب‌کشلیک وار، امّا بعضا تصوّب‌کشلیک شعرین داخلی سیستم کیمی بوتؤو آلینماسیندا بس ائتمیر. مولفین «موبایل تلفون»  شعرینه دقت ائدک:   بابام اؤزونه یئنیجه موبایل تلفون آلمیشدی دوست-تانیشا زنگ ائتمه‌یه خیلی سئوینجک اولموشدو.   باخدیم، بابام فیکیرلی‌دیر سببینی سوروشاندا سؤیله‌دی یامان بئزیرم بو نؤمره‌لر قاریشاندا   معاصر تکنولوگییالار هله منیمچون چتیندیر منیم ان چوخ بیلدیییم ایش تورپاقدا اکین-بیچیندیر   اینسان ادراکی‌نین بؤیوک کشفلری‌نین ماراقلی پرییوملارلا تصویر ائدیلمه‌سی گرکلی مسئله‌دیر، ترقّی عصری‌نین داخلی منطقیندن ایره‌لی گلن حالدیر. علمی-تئکنیکی فاکتلاری اوشاقلارا چاتدیرماق یازاردان خصوصی استعداد طلب ائدیر. کیچیک قهرمانین ایناندیریجی پوئتیک اوبرازی اونون دوشونجه‌لری‌نین، حیاتا مناسبتی‌نین رئاللیغی مقاملاریندا بیتکین یارانا بیلر. ایسته‌نیلن فاکت و حادثه‌‌یه وئریلن پوئتیک شرح او زامان اوغور قازانیر کی، اونداکی پوئتیک اینفورماسییا، بدیعی اینتوناسییا اوشاقلارین دونیانی درک ایمکانلارینا اویغون گلسین. عکس حالدا، ان یاخشی پوئتیک نمونه بئله بدیعی تأثیر گوجونو ایتیریر. اوشاغین دیلیندن وئریلن بو شعر پارچاسیندا «تکنولوگییا»  سؤزونون ایشلنمه‌سی اونلارین عمومی انکشاف سويّه‌سینه اویغون دئییل. البته‌‌، بو نقصان‌لار کتابین مزیّتینی آزالتمیر، یئنی‌جه بو ساحه‌‌یه گلن گنج شاعرین اوغورلو جهتلری ایله برابر آلینمایان طرفلرینی ده دئمه‌لیییک کی، قوصورلارین نه‌ده احتوا اولوندوغونون فرقینده اولسون. یوخاریدا گتیریلن نمونه‌لر، ائله‌جه ده «قاراقولاق دووشانیم»،  «آغاجلاری قورویاق»، «تمیزکار لاله»،  «کلک‌باز کلم» و اونلارلا آدینی چکمه‌دیییمیز شعرلر اونون بو ساحه‌‌نین ان اومید وئرن امضالاریندان بیری اولاجاغینا اومید یارادیر.     قاراقولاق دووشانیم آز هوپپان بو چمنده اوزاغا گئتسن، سنی بیر قورد سالار کمنده   یاخینیمدا گز، دولان منیم آتام اووچودور ییرتیجیلاردان بیزی قوروماغا بورجلودور   تربیه‌، دوزگون داورانیش آشیلاماقلا برابر، سؤزو اینجه‌لیکله دئمک باجاریغی، ان اساسی، مصراعلار آراسینداکی علاقه‌‌سیزلیکدن، تصویر اصرافچی‌لیغیندان قاچماق ایّوبون شعرلری اوچون کاراکتئریک جهتلردیر. اوشاقلا اونون ادراک سويّه‌سینه اویغون شکیلده دانیشماق، یاپیشیقلی تحکیه ایله اونلارین قلبینه نفوذ ائتمک سرشت‌سی بو شعرلرین اساس گؤستریجی‌لریدیر. بیر ده یومورلو تفکّر و زکا! ایّوبون استعدادی‌نین فردی‌لییینی سجّیه‌لندیرن موهوم عامل‌لردن بیری ده بودور دئسک  یانیلماریق:   اونا قدر اؤیره‌ندیم من وورما جدوه‌لینی آرتیق ریاضیّاتین بیلجه‌یم دیلینی.   اوچو-اوچه وورورام جاوابی ائدیر دوققوز هامی دئییر وورمانی یاخشیجا اؤیره‌نیب قیز   لاپ بالاجا باجیم‌سا هله بیلمیر وورمانی او آنجاق سایا بیلیر

قشم نجف‌زاد: بوگونکو جیرتدانی قویورلار، گئدیب او بیری جیرتداندان یاپیشیرلار. چونکی بو جیرتدانین تبلیغاتی، پوپولیارلیغی(طرفدارلیغی)، رئکلامی یوخدور. آذر توران: زاهید معلّیمین یاراتدیغی جیرتدان اوبرازی آرتیق ادبيّاتیمیزدا حادثه‌‌دیر.  نییه اونو تبلیغ ائله‌مه‌سینلر. قشم نجف‌زاد: خالقین تفکّرو گوجلودو ده، اونو یاددا ساخلاییر. بونون تبلیغاتی یوخدور. شهلا قمبرووا: بیر سؤز دئییم، نوه‌م دئینده کی «ننه منه بیر ناغیل دانیش» بیرینجی «جیرتدان»ی دانیشیرام اونا. بیلیرسیز نه‌یه گؤره؟ منیم بئینیمده آرتیق درینلییه حکّ اولونموش ان گؤزل ناغیلدیر. آیگون باغیرلی: شهلا خانیم، بو گون دانیشارسیز، صاباح دا دانیشارسیز. ۳-جو دفعه‌ اوشاق یئنی ناغیل ایستیه‌جک سیزدن. بیزده ائوده اوشاق سوروشوردو کی، جنّت نه‌دیر؟ جهنّم نه‌دیر؟ ایندی اوشاغی نئجه باشا سالارلار؟ دئییرم کی،  یالان دانیشان، اوغورلوق ائدن، سؤزه باخمایان اوشاقلار گئدیر جهنّمه. فیکیرلشدی-فیکیرلشدی دئییر کی، من جنّته گئتمک ایسته‌میرم. دئدیم نییه؟ دئییر اوردا تک قالارام. اوشاق فیکیرلشیر کی، ائله بوتون اینسانلار بئله‌دیرلر. بونو اوشاق ادبيّاتینا گتیرمک لازیمدیر. شهلا قمبرووا: بو گون بیر کیتاب‌خانا اولاراق دئمک ایسته‌ییرم کی، اوشاق یازارلاری یازسینلار. جاوانلار دا گلسینلر.  تبلیغ ائله‌مک بیزدن. زاهید خلیل: شهلا خانیم چ، سیزین او دئدییینیز مجلیسده بیر یازیچی واردی،  اطرافینا کیتابلارینی ییغمیشدی. منیم ده ۶-جی صینیف درسلییینده بیر حئکایه‌م چیخیب. ایندی او درسلیکده چیخماغین اهميّتینی دئییرم. من گلیب بو طرفدن باخیرام او یازیچییا، اوشاقلار دا ییغیشیب بونون باشینا. بیردن او یازیچی منه دئدی زاهید معلّیم  یاخین گل.  اوشاقلار دا ۶-جی صینیف شاگیردلری ایمیش. آدیمی ائشیدن کیمی تانیدیلار. هامی ییغیشدی منیم باشیما. قشم نجف‌زاد: دئمک بیر دنه ۶-جی صینیف درسلییی او قدر کیتابا غالب گلدی. تبلیغات اؤزونو گؤستردی. شهلا قمبرووا: او لایحه‌نی بیزدن باشقا هئچ کیم ایشلمه‌ییب. ۵-جی صینیفدن اوشاق آرتیق ادبيّات، منتخبات کئچیر. او پروقراملاری ظاهره خانیملا من بیر-بیر ایشله‌میشیک. آذربایجان ادبيّاتیندان صحبت گئدیر. درسلیکلرده هانسی یازیچیلارین هانسی اثرلری اولمالیدیر. بیز اونون گئنیش فورماتینی حاضرلاییریق کی، وئرک چاپا و اوشاقلار اونون تام وئرسییاسینی اوخوسونلار. منتخباتدا بیر آز قیسا یازیلیر آخی. من هئچ کسدن دستک گؤرمورم. ائلناره آکیمووا: مراجعت ائدیرسیز دستک اوچون؟ شهلا قمبرووا: یوخ، من هئچ کیمه مراجعت ائله‌میرم. چونکی بئله بیر خاصيّتیم وار، آچیغی دئییم بیر-ایکی دفعه‌ مکتبه گئدیرم‌سه و او مکتب دیرئکتورو منی قبول ائله‌میرسه  روحدان دوشورم. من باشا دوشه بیلمیرم مثلا  سیز دئییرسیز تورک دیلی کنفرانسی کئچیردیز. عجب ائله‌دیز، منی کنفرانسا دعوت ائله‌مه‌دیز. آمّا من نئیله‌میشم. من آرتیق دانیشمیشام تورکیه ایله بوتون تورک‌ دیللی دولت‌لرین ناغیللارینی توپلو شکلینده ۳ جیلدلیک چیخارداجام. سیزی ده دعوت ائده‌جم. ۲ دیلده آذربایجان و تورک دیلینده اولاجاق. ۵-۶دان چوخ تورک‌دیللی کیچیک دولت‌لر وار، اونلارین ناغیللاری وار. بیر دنه اوشاقدان سوروشون کی، هانسی عراق-کرکوک ناغیلینی دئیه بیلر. چونکی بونو ایشله‌ییب اورتالیغا چیخارماق لازیمدیر. قشم نجف‌زاد: شهلا خانیم  سن کیتاب‌خانادا بؤیوک بیر اونیوئرسیتئتین ایشینی گؤرورسن حقیقتاً. شهلا قمبرووا: گؤرولن ایشلر هله چوخدو. ظاهره داداشووا: بیر مسئله‌ ده وار. بایاق ایسته‌دیم دئییم. بیر کیتاب وار ایدی. «آلتون» نشریّاتی چیخارمیشدی. گؤردوم کی، کیتابین اوستونده یازیلیب «آغاج هر درده علاج» تخمیناً ۵-۶ ایل بوندان قاباق چیخمیشدی. دئییرم بو نئجه اولور؟ من بونو اوّل‌لر بئله اوخوموشام: «اؤزو ديَه‌نک، هر گونده گرک» - «پالکا  پالکا وروچالکا» اونون جیزگی فیلمی ده وار. آدی او قدر گؤزل ترجمه اولونوب... هئچ باخمادان کی، وارمی بئله کیتاب یا یوخ  ترجمه ائدیرلر: «آغاج هر درده علاج». بو نه آددیر فیکیرلشیرسن؟ کیتابین اؤز آدی «اؤزو ديَه‌نک، هر گونده گرک»دیر. من اونو وئرمیشدیم «برپا»نشره کی، تزه‌دن چاپ اولونسون. تک او یوخ. او قدر نشریّاتلارین سحولری اولور کی. مثلا  یازیر «پوشکین ناغیللاری». یاز مؤلف کیمی پوشکین، آشاغیدان دا یاز ناغیل لار. نشریّاتلارین چوخ بؤیوک سحولری وار. ائلناره آکیمووا: پروبلئملر حقیقتاً چوخدو. و گؤرونور، اونلارین حلّی هله معيّن زامان آلاجاق.  چاساس اودو کی، نيّت  فداکارلیق و جان یانغیسی اولسون. هر بیرینیزه تشکّر ائدیر و بو نجیب ایشده اوغورلار آرزولاییریق.  

vida: عمومیّتله، «من ده اوشاق اولموشام» بئله بیر وئریلیش وار. آزتی‌وی حاضرلاییر.  اونلارین گلیشینه اوشاقلار بارماقجیق تاماشا حاضرلامیشدیلار. بیزده بارماقجیق کوکلالار وار، اونو بارماقلارا کئچیریرسن بالاجا صحنه‌‌جیک دوزه‌لدیرسن. بارماقلاراکی اوشاق ائلیه بیلیر؟ او اوشاق کی، متنی بیلیر، آرتیق اوخویوب او کیتابی، معلوماتی وار. بولودخان معلّیم گیردی، اونون اوچون گؤزله‌نیلمز اولدو. چکیلیش گئدیر، بو دا ائله بیلیر کی، ایندی اوشاقلار آرخاسییجا گله‌جک. گیردی کی، آرتیق ساکیتلیک‌دیر  تاماشایا باخیلیر. او دا اوتوردو. او وئریلیش گئتمیشدی تئلئویزییادا، آزتی‌وی‌ده بیلیرسیز، اوشاقلاری بئله شئیله جلب ائله‌مک لازیمدیر. اوشاق چاپ یازیسینی گؤرنده هوسی اولمور.  اونو بیر دفعه‌ تاماشایلا، بیر دفعه‌ آنیماسییا ایله، بیر دفعه‌ باشقا بیر تدبیرله سئودیرمک اولار. بیز « ناغیل بیلیجیسی»  مسابقه‌سی کئچیردیریک. چوخو دئییر کی، جیرتدان نه‌یه لازیمدیر؟ «کل اوغلان» تورکلرین ناغیلیدیر.  معاصر دوره جن گلیب چیخیب، هامی اوندا اؤز ناغیل قهرمانلارینی محو ائله‌سین ده. زولوشکانی، باربینی اوخویورلار. بیزیم گؤیچک فاطمه‌نی نییه آرخادا ساخلاییرلار. یازیچیلاریمیز اونو بیر آز معاصرلشدیرسینلر. بو دا بیزیم ناغیل قهرمانیمیزدیر دا. من شخصاً جیرتدان اوبرازینی چوخ سئویرم. جیرتدان بالاجادیر، آمّا چوخ بیلیر. مکتبه گئدن اوشاقلاردان چوخ بیلیر، اونلارا دئییر کی، فیلان یوللا گئدک  نه‌یین مقابل‌ینده، دئییر منیم ننه‌م سیزه اذيّت چکیبسه، یاغ یاخماجی وئریبسه، سیز ده منیم شله‌می آپارمالیسیز. ائلناره آکیمووا: زاهید معلّیم، جیرتدانا سئوگی سانکی بیزیم اوشاقلاریمیزا گئنئتیک( ژنتیک) اؤتورولور. بؤیوک ده سئویر اونو، اوشاق.دا. زاهید خلیل: ائله‌دیر.چ البته‌‌. شهلا قمبرووا: بیز زاهید معلّیمله ۲۰۱۳-جو ایلده ایلک دفعه‌ لاپ یاخیندان تانیش اولاندا من چوخ سئویندیم. نه‌یه گؤره؟ چونکی منیم ایلک اوشاقلیق کیتابیم اولوب «باللی‌جا» او قدر سئومیشدیم او کیتابی، منیم ۴۷ یاشیم وار. بو یاشا قدر او کیتابی ساخلامیشدیم چ. اوزو ده ساری اوزلو کیتاب ایدی. نئچه‌نجی ایلده نشر اولونموشدو او؟ زاهید خلیل:  ۱۹۸۱ ده شهلا قمبرووا: منیم اوندا ۱۱ یاشیم واردی ۲-۳ ایل بوندان قاباق ائویمیزده تعمیر ایشلری گئدنده، او کیتاب یوخا چیخدی.  تصوّر ائله‌یین ۴۵ یاشیندا کیتاب‌خانا مدیری، من او کیتابین یوخا چیخماغینا گؤره چوخ آغلادیم. چونکی سئومیشدیم او کیتابی. او گون دئییرم کی، زاهید معلّیم، او کیتابدان یوخدور، او کیتابی وئرین ده منه. اونو منه کیم وئرسه  مکافات وئره‌جم (گولور). قشم نجف‌زاد: ائلناره خانیم، بیر دفعه‌ من فوّاره‌لر باغیندان دوشدوم. بوتون دوکانلارین آدینی قئید ائله دیم. بیزده شادلیق سارایلاری‌نین آدی‌نین اکثريّتی اینگیلیس دیلینده‌دیر. هتل‌لرین آدی اینگیلیس دیلینده. نییه «گؤیچک فاطما»  آدلی اوشاق دوکانیمیز اولماسین؟ لاپ «گؤیچک فاطما» شادلیق ساراییمیز اولماسین؟ نییه جیرتدان اوشاق اویونجاغی اولماسین؟ فوّاره‌لر باغیندا بوتون دوکانلار اینگیلیس دیلینده‌دیر. آخیردا گؤردوم بالاجا بیر یئرده یازیلیب «فسلی» یئمک‌خاناسی  چوخ کؤوره‌لدیم. شهلا قمبرووا: ایندی آذر معلّیم  فئورالین ۱۴و بوتون دونیادا سئوگی گونودور.  اصلینده سئوگیلی‌لر یوخ  سئوگی گونودور. آمّا ۱۴ فئورال هم ده بین‌الخالق کیتاب باغیشلانماسی گونودور. بیز کئچن ایل پارک بولواردا بؤیوک بیر آکسییا کئچیردیک. ۸۶۰ کیتابی اوشاقلارا هديّه‌ ائله‌دیک. کؤهنه روس دیلینده یازیلمیش کلاسسیک ادبيّاتدان دا بئله بیر ستئند تشکیل ائله‌دیک. اینانیرسیز؟ کؤهنه کیتابلار تزه کیتابلاردان داها تئز گئتدی. بوتون روس ادبيّاتیندان  خارجی ادبيّاتدان، آذربایجاندا عیسی موغانادان توتموش، قیلمان ایلکینین کؤهنه وئرسییالاردا کیتابلارینا قدر، بیز اونلاری دا بؤیوکلره هديّه‌ ائله‌دیک. بو ایل فیکیرلشمیشیک کی، همین آکسییانی کئچیرک، آمّا کیتاب الینده فلئش مونلا. چونکی معاصرلییه جاواب وئرمه‌لی‌ییک ده. اورادا اینسانلار گؤرمه‌دییی بیر شئیله راستلاشدیلار. ائلناره- کیمووا: ایلک دفعه‌ ایدی کئچیریلیردی؟ شهلا قمبرووا: ایلک دفعه‌ ایدی آذربایجاندا. بیز نظرده توتموشوق کی، هر ایل کئچیرک. بیزه نشریّاتلار قوشولدولار، مطبوعات گلدی. چوخ گؤزل آکسییا ایدی. ایکی اوشاقلا دانیشمیشدیق. بیری جیرتدان فورماسیندا گلمیشدی، بیری ده آری پالتاری گئیینمیشدی. اوشاقلارا کیتابلاری اونلار تقدیم ائله‌ییردیلر. هامی دا جیرتدانلا شکیل چکدیریردی. جیرتدان پیس اوبرازدیسا، نییه شکیل چکدیریردیلر؟ جیرتدان بیزیم ملّی ناغیل قهرمانیمیزدیر. بیز اونو نئجه اینکار ائله‌یه بیلریک. بیر آز معاصرلشدیرمک لازیمدیر ساده‌جه. هر دورون اؤزونه گؤره جیرتدانی اولور. اونو دا بو دوره گؤره اوزلاشدیرماق لازیمدیر. او منیم ایشیم دئییل، من فیلولوق دئییلم.

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا  . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

- مالا باخماق اولار؟ - نییه اولمور. چیخین باخین.- یاور دئدی. کیشی ماشینا قالخاراق بیر نئچه قوتودان بیر- ایکی اریک  چیخاردیب نظردن کیچیردی و:" اینصافن کیشی‌نین مالینا سؤز یوخدور. نئچه‌دیر؟" - آلتی مانات.- یاور جاوابلادی. - من هامیسینی گؤتورورم. عمللی بیر قیمت دئه.- کیشی سیگارئتینی یاندیریب بیر قوللاب ووراراق جاواب گؤزله‌دی. - هامیسینی گؤتورسن، بئش مانات اللی قپیک‌، نئجه‌دیر؟- یاور دئدی. - بئش مانات. آللاه خئییر وئرسین. سیز بیر یئرلی مالینیزی ساتیب گئده‌جکسینیز من ایسه بو قدر مالی کیلو- کیلو ساتاجام. ازیله‌نی ده اولاجاق. راضی اولسان مالی بوشالتدیریم. یاور فیکیرلی بگ‌لرین اوزونه باخدی. بگ‌لر" اؤزون بیلن مصلحت‌دیر، مال سنین دیر. من نه دئییم؟" یاور اوزونو آلیجی‌یا توتوب:" آللاه خئییر وئرسین"- دئدی. آلیجی کناردا دایانمیش، اوغلانا اوزونو توتاراق": " ماشینی یاخینا گتیر"- دئدی. و یانیندا دایانمیش ایکی اوغلانا" مالی بوشالدیب، چکیب ییغین ماشینا" تاپشیریغینی وئردی. یاور اریک قوتولاری چکیب تحویل وئرندن سونرا، آدینیز نه دیر؟- سوروشدو. - منیم آدیم موصیب دیر آمما هامی میشا دئییر. - منیم ده آدیم یاور دیر. - چوخ یاخشی. اوتورون ماشینیزا، بیزیم ماشینین آرخاسینجا سورون، گئدک پولونوزو وئریم. سؤزونو بیتیرن میشا اریک یوکلنمیش ماشینا ایلشدی. یاور ده بگ‌لرین یانیندا ایلشیب دئدی: - ماشینی دالینجا سور. بیر یئرلی یاخشی وئردیم. گئدک پولو آلیب یولا دوشک. آخشاما ائوه چاتاریق. بگ‌لرین ماشینی میشانین ماشینی‌نین آرخاسینجا یولا دوشدو. میشا یان گوزگودن یاورین ایلشدییی ماشینی نظرینده ساخلاییردی. یولدا اوتومبیل‌لرین یارانمیش سیخلیغیندان استفاده ائدن میشانین ماشینی، ماشینلارین آراسیندان سیویشیب، یولون کناریندا کی بنا ائولرینین آراسیندان کئچن یولا بورولاراق گؤزدن ایتدی. بونو گؤرن یاور بگ‌لره دئدی: " گؤردون، اونلارین ماشینی هاردان دؤندو؟" - هه گؤردوم- دییه‌ن بگ‌لر ماشینی بنا ائولرینین آراسیندان کئچن یولون کنارینا چکیب ساخلادی. دوشوب بنا ائوینین آرخاسینا باخاندا، گؤردولر کی ماشین یوخدو! بیلمه‌دیلر هانسی طرفه گئتسین‌لر. یاور دئدی:" ایندی نئینه‌یک؟" - هئچ بیر شئی. بوردا گؤزله‌یک. یقین گئدیب پولو گتیره‌جک. او قدر مالی اوغرولامایاجاق کی،- یاور ماشینین یانینا گلیب سیگارئت یاندیردی. باخدیلار کی، گون اورتادان کئچیب، بینادان چیخان بیر نئچه آدامدان سوروشدولار: بوردا آریق، اوزون میشا آدیندا آدام یاشاییر؟ - بوردا ائله بیر آدام یاشامیر- دئدیلر. آخیردا لاعلاج قالیب پلیسه مراجعت ائتدیلر و احوالاتی دانیشدیلار. پلیس سوروشدو: ماشینین نومره‌سینی بیلیرسینیزمی؟ - یوخ بیلمیریک. یاورله بگ‌لر جاواب وئردی. - تانیمادیغینیز بیر آداما او قدر مالی وئریرسینیز، نه ماشینین نومره‌سینی بیلیرسینیز نه... - هئچ آغلیمیزا گلمزدی کی گونون گون اورتا چاغی بیزی آلدادالار- دییه‌ن یاور یازیق- یازیق پلیسین اوزونه باخدی. - آ کیشی ایندی دوز آدام وار؟ چالیش بیر ده آلدانمایاسان- دییه‌ن پلیس بیچاره گؤرکمی آلمیش یاوره باخدی... آرادان ایکی گون کئچمیش ووصاله‌نین نیشانلیسینا قوشولوب قاچدیغینی ائشیدن تاماشا، الی قوینوندا قاپی‌نین آغزیندا یاورله یاناشی اوتوروب، معصوم- معصوم دروازایا باخیردیلار... https://t.me/Adabiyyatsevanlar

یاور سؤزونو بیتیریب دروازادان چؤله چیخدی. چوخ کئچمه‌میش بیر نئچه یئنی‌یئتمه اوشاق دا یانیندا قاییتدی. اوشاقلارا لازیمی تاپشیریق و گؤستریشلرینی وئرن یاور، سؤزونون سونوندا تاپشیردی: " ائله ائله‌یین ییغدیغینیز اریک ازیلمه‌سین. کیمین ییغدیغی اریک ازیک اولسا، اونون زحمت حاققیندان کسه‌جه‌یم". اوشاقلار راضیلیقلا ایشلرینه باشلادیلار‌. ییغیلمیش اریگی یاور کارتون قوتولارا ییغدی. ایشین قیزغین یئرینده قونشو بؤیوک‌آغا ایله گول‌آغا ایچری گیردیلر. - سالام آی قونشو. آللاه بازارینی وئرسین. امکانین وارسا بیزیم ده بیر- ایکی آغاجیمیز وار، اگر مصلحتدیرسه بیز ده ییغدیراق، اونو دا گؤتور،- دئدیلر. یاور اونلارلا گؤروشندن سونرا: " بیز قونشویوق. سیزین مالینیزی آپاردیم، بلکه هئچ ساتا بیلمه‌دیم. سونرا دا سیزین یانینیزدا اوزو قارا اولارام. بو اؤز مالیم دیر، گؤردوم ساتا بیلمیرم، اوزاق‌باشی دَیَر- دَیمَزینه وئریب قاییداجاغام. بلکه هئچ من ساتدیغیم قیمته سیز راضی اولمادینیز؟ سونرا دا اوره‌یینیزده نئیه شوبهه قالسین. - عاییب سؤزدور. اونسوز دا بیرآزدان تؤکولوب گئده‌جک. دیر- دیمزینه نه اولورسا، وئر گئتسین. - یاخشی، سکسن قپیک‌دن صرف ائدیرسه ییغدیرین، آمما ازیلمه‌سین ها. ساتیلدی، ساتیلمادی سکسن قپیک‌دن پولونوزو وئره‌جم. - بیز راضی. آللاه سندن راضی اولسون.- دییه‌ن گول‌آغا ایله بؤیوک‌آغا راضیلیقلا دروازادان چیخدیلار. گونش غروبا ائنمک اوزره ایدی. یاور اریک‌له دولدورولموش قوتولاری بیربیر تره‌زیده چکیب، چکینی دفترچه‌ده قئید ائدیردی، سونرا دا قوتولاری ماشینین اوستونده دایانمیش بَی‌لره وئریردی، اونلار ایسه دولو قوتولاری سلیقه ایله ماشینا ییغیردی. ایش باشا چاتدی. بَی‌لر ماشینین آرخاسینی باغلاییب آشاغی دوشدو. یاور الینده کی دفترچه‌ده قئید ائتدییی چکی‌لری توپلاییب یازدی و اوزونو گول‌آغایا توتاراق: 235کیلو سنین، 256کیلو دا بؤیوک‌آغانین اریگی اولدو. چکینی بیر یئره قئید ائدین کی، یادینیزدان چیخماسین،- دئدی. - یادیمیزدا قالاجاق قونشو. نه‌یینی یازیریق؟! آللاه بازارینی وئرسین،- دییه‌رک هر ایکیسی دروازادان چیخدی. قونشولارین گئتدییینی گؤرن یاور: " بَی‌لر، گل اوتور، آداما بیر لوقما چؤرک یئییب، بیر استکان چای ایچک، سونرا یولا دوشَریک"،- دئدی. شر قاریشاندا ایستول آرخاسیندان قالخان یاور دروازانی آچدی. بَی‌لر ماشینی دروازادان چؤله چیخاریب ساخلادی. یاور ماشینا مینن‌ده، تاماشا بیر پارچ سو الینده،  تنگ‌نفس اؤزونو چاتدیردی:" یاخشی یوللار. آللاه بازارینی وئرسین. جیبی دولو قاییدین"، - دئییب پارچدا کی سویو ماشینین آرخاسینجا آتدی و ماشین دؤنگه‌نی دؤنَنه کیمی آرخاسینجا باخیب، سئوینج ایچینده ائوه قاییتدی. ایستولون اوستونو سلیقه‌یه سالان ووصاله‌یه یاناشاراق تبسسوم دولو باخیشلارینی قیزینا تیکدی:" آللاه قویسا، سحر- بیری‌گون آتان جیبی دولو قاییداندا، گئدیب اوره‌یین ایسته‌دییی مئبئلی آلاریق". ماشین آسفالت یوللا ایره‌لیله‌دیکجه یاور فیکرینده گؤتور- قوی ائدیردی:" اوست- اوسته تُن‌یاریما یاخین اریک دیر. بازاردا اریک آلتی- یئددی مانات اولسا، من بئش ماناتدان وئرسم، هم قیزین مُبلی‌نی آلارام، هم ده تویو یولا سالارام. قونشولارین اریگی ده لاپ ایشیمی دوزلدیر" بو جور فیکیرلرله بیر ده یاور اؤزونه گلنده هاوا ایشیقلاشمیشدی. بی‌لر ماشینی بازارین قارشیسیندان بیرآز کناردا ساخلادی و اوزونو یاوره توتاراق:" هله تئز دیز. قوی بازار گورلاشسین، گئت بازاری فیرلان، گؤر اریک نئچه‌دیر. بیر یئرلی وئرسن، داها یاخشی دیر. سن بازاردا اوتوروب کیلو- کیلو اریک ساتان دئییلسن. اونسوز دا سنین مالین ائله مالدی کی، گؤیده گؤتوره‌جک‌لر. بیرجه چالیش کی آللانمایاسان. بورا باکی دیر. هرجور آدام وار". - دوز دئییرسن. بیرآز گؤزله‌یک، بازار گورلاشسین. گونش آدام بویو قالخمیشدی. بازار گئتدیکجه گورلاشیردی. یاور ماشیندان دوشوب بازارا گئتدی. پیشتاختالاردا سلیقه ایله اولان اریک‌لرین اوزرینده یازیلمیش، قیمت‌لری نظردن کئچیرمه‌یه باشلادی. بیرآز گزندن سونرا بازاردان چیخیب بی‌لرین یانینا قاییتدی. مشاهده ائتدییی اریگین قیمت‌لری حاقیندا معلومات وئردی. بی‌لر دئدی: - چیخ ماشینین اوستونه، قوتونون بیری‌نین آغزینی آچ، اریک‌دن بیر چوخ قوتونون اوستونه قوی، گلیب- گئدن گؤرسون. من ده ماشینین آرخاسینی آچیرام. آز کئچمیش ماشینین اطرافینا چوخ آدام ییغیشدی. اریگه باخانلار" نئچه‌دی؟" - دییه سوروشانلارا یاور: - آلتی مانات- دییه جاواب وئریردی. کیلو ایله ایسته‌ین‌لره یوخ، کیلو ایله ساتمیرام دئییردی. بازاردا اریک یئددی مانات دیر. بو اریک اونلاردان" چوخ یاخشی دیر"،- دئدی. چوخ چَنه ووراندان سونرا آریق بیر کیشی یاخینلاشاراق اؤتکم- اؤتکم سوروشدو:

جئهیز(حئکایه) ✍یازان:« فاضیل سنان» کؤچورن:«سحرخیاوی» حاضیرلایان:« ادبیات سئونلر» ووصاله نیشانلاناندان بَری "تاماشا"نین نه گئجه‌سی وار ایدی نه ده گوندوزو. قیزینین خیردا- پارا، جئر- جئهیزینی  دوزلدن تاماشا آنا، قیزینا وئره‌جه‌یی مُبل، ائده‌جه‌یی توی حاققیندا فیکیرلشدیکجه واریندان یوخ اولوردو. اوغلان طرفین آداملاری ایله راضیلاشمیشدیلار کی، پاییزین ایلک اون گونلویونده توی ائتسین‌لر. تاماشا اؤزلویونده فیکیرلشیردی کی، آخشام بو حاقدا یاور ایله اطرافلی صؤحبت ائتسین. گؤرسون اَری‌نین فیکری نه‌دیر؟ آخشام ایشدن یورغون گلن یاور، یویونوب ایچری کئچدی. سوفره آرخاسیندا اَیلَشدی. یئمه‌یینی یئییب، چایینی ایچندن سونرا چؤله چیخدی. ووصاله سوفره‌نی ییغیشدیریب ایستولون اوستونو سیلدی. - آنان قوربان، ائله بیر ایش یوخدور. گئدین تئلویزیونا باخین، قارداشی‌نین درسلرینه کؤمک ائله. ووصاله آناسی‌نین سؤزوندن باشا دوشدو کی،" بیزی تک قویون، آتانیزلا صؤحبتیم وار". ( اونو دا دوشونموشدو کی، آناسی‌نین آتاسی ایله صوحبتی اونونلا باغلی دیر). اودور کی وصاله مورشودو ده گوتوروب باشقا اوتاغا کئچدی و قارداشی‌نین درسی ایله مشغول اولدو. قارداشی‌نین درسینی حاضیرلاماغا کؤمک ائدن ووصاله‌نین بیر قولاغی اوتاقدان گلن سس‌ده ایدی. - یاور، ووصاله سنین قیزین دئییل می؟ - باشا دوشمه‌دیم تاماشا، او نه دئمک‌دیر؟ - قیز نیشانلاناندان هله بیر دفعه‌ده سوروشمامیسان کی، اوشاغین جئهیزینده نه چاتیر، نه چاتمیر. ائل وار، عادت وار. - نه دییه‌جم؟ امکانیمیز نه‌یه چاتیر، اونو دا ائده‌جه‌ییک. اؤزوموزو داغدان اوچورتماجاییق کی! - نییه ائله دانیشیرسان؟ سنین قیزین کیمین قیزیندان اسکیک دیر؟ ناموسلا، غئیرتله اوخویوب گلدی، بویو- بوخونو، گؤزللیگی ده اؤز یئرینده. بیزیم اوشاغیمیزین گوللونون اَیریمچه قیزیندان نه‌یی کَم‌دیر کی؟ تاماشا هیککه‌سینی ایچینده بوغاراق صبیرسیزلیک‌له اَری‌نین جاوابینی گوزله‌ییردی. - آرواد، سن بیلمیرسن کی بیزیم او قدر امکاناتیمیز یوخدور؟ هرکس یورغانینا گؤره آیاغینی اوزاتمالی دیر. تویا کیمی بیر شئی فیکیرلَشه‌ریک. آللاه کریم‌دیر. اَری‌نین" آللاه کریم دیر" سؤزو، تاماشانین اوره‌یینده اؤله‌زیمیش اومیدین یئنی‌دن شؤله چکمه‌سینه سبب اولدو. اودور کی، سسی‌نین آهنگینه یومشاقلیق قاتاراق، صیفتینه تبسسوم دونو گئییندیریب سوروشدو: - فیکرینی آچیق سؤیله، منیم ده اوره‌ییم ساکیت‌لشسین. من ده آنایام آخی. ظولم‌له، اذیت‌له بالا بؤیوتموشم. من ده بالامین تای- توش ایچینده پیس اولماغینی ایسته‌میرم. - نئیه ائله دانیشیرسان؟ نه یاشین وار کی ایندیدن الینی دونیادان اوزموسن؟ آرخایین اول هله مورشودون تویونو دا گؤره‌جکسن. نوه‌لرینی ده قوجاغینا آلاجاقسان. - نه دئییرم. تکی سن دئیه‌ن اولسون آ کیشی. - فیکر ائله‌مه، هانسی آتا ایسته‌مز کی اولادی خوشبخت اولسون؟! او بیری اوتاقدا آتاسی ایله آناسی آراسیندا گئدن صؤحبته قولاق آسان ووصاله اوره‌یینده آتاسینا میننتدارلیق ائتدی و قارداشی‌نین درسلرینی حاضیرلاماسینا کؤمک ائدندن سونرا آیاغا قالخیب سئوینجله یاتاغینا گیردی. *** تاماشا بوش اولان واختی‌نین چوخونو قیزی ووصاله ایله باغچادا کئچیریردی. باغچادا کی اَریک آغاجلاری‌نین باشینا پروانه کیمی دولانیردی. آغاجلارین سولانماسینا، آلاقلارین تمیزلنمه‌سینه خصوصی دیققت یئتیریردی. آغاجلارین مئیوه‌نین آغیرلیغینا تاب گتیرمیه‌رک اَییلمیش بوداقلارینی، فخرله ووصاله‌یه گؤستره‌رک:" بو سنین بختین دیر قیزیم. نئچه ایل دیر اَریک آغاجلاری‌نین بئله بار گتیردییی اولماییب"،- دئییردی. *** سحر یئنی‌جه آچیلمیشدی. قاپیدا دایانان ماشین  سسینه، تاماشا  دروازایا یاخینلاشدی. ماشیندان دوشَن یاور دروازانی آچاراق" بئی‌لر، ماشینی ایچری سال"،- دئییب، قاپی‌نین آغزیندا گئن بیر یئرده الی‌نین ایشاره‌سی ایله دایاناجاق یئر گوستردی. بَی‌لر ماشینی ایچری سالیب یاورین گوستردییی ییرده ساخلادی. جَلد دوشوب بوش کارتون قوتولاری یاوره وئرمه‌یه باشلادی. قوتولاری بوشالدیب قورتاران یاور:" آرواد ایکی یاخشی بئچه توت"- دئدی. تاماشا اَل دامیندان گتیردییی دَنی یئره سپه‌رک تویوقلاری دودولَمه‌یه باشلادی. ایکی بئچه توتوب الینده بیچاق دایانمیش یاوره یاخینلاشدی. یاور کسیلمیش بئچه‌لری تاماشایا وئریب دئدی: - یاخشی یئمک بیشیر، چای دَمله. گونورتایا ایستول حاضیر اولسون. تاماشا فیکرینی دقیقلشدیرمک اوچون: " یاور بو قوتولاری نئینیرسن؟"- دئدی. اَریک یئتیشیب. اریگی ییغدیراجام. سحر  بازاردا اولمالی‌یام. گئجیکدیرمک اولماز. سن یئمک ایشی ایله مشغول اول، من بئش- آلتی اوشاق تاپیم اریگی ییغسینلار.

مهر آیی‌نین 9-نجی گونو اوستاد بهروز دولت‌آبادی(چای اوغلو)نون آنادان اولماسینین 85نجی ایل دؤنومودور مهر آیی‌نین 9-نجی گونو تانینمیش آذربایجان صنعتکاری و شاعری اوستاد بهروز دولت‌آبادی(چای اوغلو)نون آنادان اولماسینین 85نجی ایل دؤنومودور. اؤز «چای اوغلو» لقبینی آذربایجانین انقلابچی شاعری «علیرضا نابدل»دن آلان بهروز دولت‌آبادی، تبریز ضیالی حرکاتی‌نین قیرخینجی ایل رهبرلریندن اولان «صمد بهرنگی»، «بهروز دهقانی» و «کاظم سعادتی»‌نین یاخین دوستو و اونلارلا بیرگه آذربایجان کندلرینده معلم‌لیک ائتمیش وطنپرور و خالق سئور بیر انسان‌؛ عینی حالدا، موسیقی صنعتینده اوستاد تارزن و آذربایجان ادبیاتیندا‌ ایسه تعهدلی و خالقا باغلی بیر شاعر ‌ایدی. بهروز دولت‌آبادی ۱۳۱۷نجی ایلین مهر آیی‌نین ۹یندا تبریزین «چای قیراغی» محله‌سینده چوخ سایلی بیر عائله‌ده آنادان اولموش، بیرینجی صینیفی ۱۳۲۴-۲۵نجی ایل آذربایجاندا یارانان میللی حؤکومت دؤرو آنا دیلینده اوخوموش، ابتدایی تحصیلاتینی «همام» مدرسه‌سینده و اورتا مکتبی ایسه تبریزین «منصور» دبیرستانیندا باشا وورموشدور. اونون سونرالار یاخین دوستو اولان «غلامحسین ساعدی» ایله ایلک تانیشلیغی دا ائله بو اورتا مکتبدن باشلانمیشدیر. بهروز دولت‌آبادی ۱۳۳۵-۱۳۳۴ایل اورتا مکتبی بیتیرمیش و تحصیلاتینی داوام وئرمه‌دن معلیملیک پئشه‌سینی یئیه‌لنیر و «کاغذکنان» ماحالی‌نین چوخ یوخسول و اهالیسی آجیناجاقلی بیر دورومدا یاشایان «قره‌بولاغ» کندینده معلملیگینی باشلاییر. بیر ایل قره‌بولاغ کندینده معللیملیک ائده‌ن «چای‌اوغلو» سونرالار «آذرشهر»ین «ممقان» کندینه گئتملی اولور و اورادا صمد بهرنگی، بهروز دهقانی و کاظم سعادتی ایله بیرگه «عنصری» مدرسه‌سینده درس وئرمگه باشلاییر. بهروز دولت‌آبادی‌نین معللیملیگی آذربایجانین مختلیف کندلرینده ده داواملانیر. او بو ایل‌لرده معللیملیک‌له یاناشی آذربایجان موسیقیسی‌ و شیفاهی خالق ادبیاتی نمونه‌لرینی‌ توپلاماقلا دا چوخ ماراقلانیر. ۱۳۴۷نجی ایل تبریز دانشگاهیندا بدیعی بیر موسیقی پارچاسی ایفا ائتدیگینه گؤره امنیت دایره‌لری طرفیندن سورغو سووالا آلینیر. نتیجه‌ده تهرانا کؤچمک مجبوریتینده قالیر و اورادا معللیملیک پئشه‌سینی داوام ائدیر. بو شهرده ده امنیت دایره‌لری طرفیندن گؤز آلتیندا اولدوغو اوچون مختلیف تضییق‌لرله قارشیلاشیر؛ بیر مدرسه‌ده معللیملیک ائتمه‌یینه مانع‌لر تؤره‌دیلیر و بو اوزدن مختلیف مدرسه‌لره گؤندریلیر. او معللیملیک‌له یاناشی آذربایجانین میللی شاعری «بولود قاراچورلو»(سهند)ین «تریکو سانترال‌» فابریکینده و «کانون پرورش فکری کودکان»دا دا فعالیت ائتمه‌یه باشلاییر. بو ایش یئرلرینده تانینمیش آذربایجان یازیچیسی «گنجعلی صباحی» و بیر چوخ شاه رئژیمی علیهینه مبارزه آپاران ضیالی گنج‌لرله دوستلوق و امکداشلیق ائدیر. نهایت ۱۳۴۹نجی ایلین سونوندا شاه رئژیمی علیهینه سیاسی فعالیت‌لری اوچون یاخالانیر و زندانا آتیلیر. زنداندا یاخین یولداشی آذربایجانین انقلابچی اوغلو بهروز دهقانی‌نین «ساواک»ین ایشکنجه‌سی آلتیندا اؤلدوگوندن خبردار اولور. زنداندان آزاد اولدوقدان سونرا ایشینه داوام وئرمک امکانی داهادا چتینلشیر و نهایت ۱۳۵۴نجی ایل، واختیندان تئز تقاعده چیخماق مجبوریتینده قالیر. بهروز دولت‌آبادی(چای‌اوغلو)نون ادبی و اینجه‌صنعت‌له باغلی یارادیجیلیغی انقلابدان سونرا داهادا چیچکلنیر؛ شعرلری دؤرو مطبوعاتدا نشر ائدیلیر؛ بسته‌له‌دیگی ملی احوال- روحیه داشییان موسیقی پارچالاری خصوصیله ده گنج‌لر و اؤیرنجی‌لر طرفیندن سئویله سئویله و گئنیش صورتده قارشیلانیر؛ شعرلری‌نین بیر قیسمی آذربایجانین دیگر شاعرلری حبیب ساهر، حسین دوزگون، عمران صلاحی و قافلانتی‌نین شعرلری ایله برابر «مجموعه» آدلی بیر کیتابدا «آذربایجان یازیچیلار هئیتی» طرفیندن ۱۳۵۷نجی ایلده و ایکینجی شعر کیتابی ایسه «بایاتی بایات اولماز» باشلیغی آلتیندا ۱۳۸۴نجی ایل «دنیای نو» نشریاتی طرفیندن یاییلیر. چای اوغلو عؤمرونون سونونا قده‌ر اوستاد بیر صنعتچی و سئویلن بیر ادبی اجتماعی شخصیت کیمی ادبی درنک‌لردن، مدنی ییغینجاق‌لاردان و اجتماعی فعالیت‌لردن ده اوزاق قالمیر. موسیقی تدریسی ایله مشغول اولور؛ مختلف موسیقی پارچالاری بسته‌له‌ییر؛ بیر نئچه ایل تهراندا فعالیت گؤسترن «صابر ادبی انجومنی»نین اداره هیاتی ترکیبینده فعالیت ائدیر و ادبی مدنی قوروم‌لارین تشکیلینده الیندن گلنی اسیرگمه‌ییر. چوخ تاسفله اوستاد بهروز دولت‌آبادی(چای‌اوغلو) ۱۳۹۹نجی ایلین ایلک یاریسیندان باغیرساق کانسرینه ایلیشیر؛ داوا-درمان تاثیر ائتمیر و نهایت اسفند آیی‌نین ۲۹نجی گونو ۸۲ یاشیندا حیاتلا ابدی‌لیک وداعلاشیر. عزیز خاطیره‌سینه عشق اولسون دئیه، دوغومونون 85نجی ایل دؤنومو  موناسیبتیله اوچ خاطیره‌لی شکیلینی عزیز دوستلار و حؤرمتلی اوخوجولارلا پایلاشیرام: قایناق ایشیق سایتی https://t.me/Adabiyyatsevanlar

‏عکس از Kamran

من اوندا اوزومه گلدیم کی ایش ایشدن کئچمیشدی، ال اوزومویویوب چیخاناجا آرواد قیچی ایله دوشموشدو چوره ک لرین جانینا، اوشاقلار شئرکیمی یرتیب داغیتمیشدیلار  چوره کلرین جنازه سین سرمیشدیلر میزین اوستونه، سحری ایکی ساعات یاریم نوبته دوراندان سونرا اوتوز مین وئرمیشدیم ایکی دنه توخمالی سنگه یه، من عومرومون اوچ چریین چوره ک صفینده کئچیرتمیشم دئییرم:نامردلر یئدینیز تکجه چوره ک دئییل منیم عومروم دو ده هئچ او لماسا اولارین بیرین وئریدینیز موزیه بلکه مندن بیر یادیگار قالایدی گلن نسیل لره... https://t.me/Adabiyyatsevanlar