ادبیات سئونلر

اوشاق ادبیاتی اوشاق ادبیاتی هرهفته پنجشنبه گونو ادبیات سئونلر کانالیندا، اوشاق ادبیاتینا دایر یازیلارینیزی بیزه گوندرین. https://t.me/Adabiyyatsevanlar

تبریز :"چهار راه منصور" بزرگترین فرش موزائیکی جهان... https://t.me/Adabiyyatsevanlar

-سنین یولوندا من هر شئیه حاضیرام. -ائله ایسه من سندن آرتیق، آرتیق، آرتیق، آرتیق، آرتیق، درجه‌‌ده خواهیش ائدیرم کی، سوساسان. هئچ نه دئمه‌ین کیشی دیوارین دیبینه قویولموش چمدانلارا طرف باخدی. هامیسی‌نین اوزه‌رینه بو قیزلا بیرگه قالدیقلاری هتل‌لره عاید جوربه‌جور اتیکت‌لر یاپیشدیریلمیشدی. سونرا ایسه دئدی: -عملیّاتا گیرمه‌نی هئچ ایسته‌میرم. چونکی بو، هئچ عینیمه ده دئییل. قیز دیللندی: -باخ  ایندیجه سسیمی باشیما آتاجام ها! باردان چیخان خیدمتچی قادین بیر جوت پیوه پارچینی اونلارین قاباغینداکی ایسلاق آلتلیقلارین اوزه‌رینه قویدو.       قادین اونلارا خاطیرلاتدی: -بئش دقیقه‌دن سونرا قاتار بورادا اولاجاق. قیز سوروشدو: -نه دئییر قادین؟ -دئییر کی، بئش دقیقه‌دن سونرا قاتار بورادا اولاجاق. قیز راضیلیقلا قادینی سوزوب، گولومسه‌دی. کیشی دئدی: -اوندا من گئدیب چمدانلاری قارشی دوراغا داشیییم. قیز بونا دا جاواب اولاراق گولومسوندو: -یاخشی. امّا سونرا گل  پیوه‌لریمیزی ایچیب، بیتیرک. کیشی گؤتوردویو آغیر چمدانلاری استاسیون بیناسی‌نین آرخا بیناداکی دوراغا داشیدی. سونرا یولا نظر سالدی: هله‌لیک قاتار گؤزه دگمیردی. گئری دؤنرکن او، پیوه ایچه‌رک، قاتارین گلیشینی گؤزله‌ین سرنیشین‌لرین اوتوردوغو بارین ایچیندن کئچدی.  پیش‌تاختانین قاباغیندا آیاق ساخلادی.  بیر قدح‌ «آنیس دئل تورو» آراغی ایچه-ایچه بو اینسانلارا تاماشا ائله‌دی. هامی سسسیز-سمیرسیز قاتاری گؤزله‌ییردی. بامبو پرده‌نی آرالاماقلا باردان چیخدی.  هله ده یئرینده اگله‌شن قیز اونو سوزوب، گولومسه‌دی. کیشی ماراقلاندی: -هه، کئیفین یئرینه گلدی‌می باری؟ قیز دئدی: -هم ده نئجه‌. هر شئی یولوندادیر. اؤزومو چووووخ گؤزل حیسّ ائدیرم.  https://t.me/Adabiyyatsevanlar

-هارادان بیلیرسن بونو؟ -بیزه مانع اولان تک شئی ده ائله بودور دا. بختیمیز محض بونون اوزوندن قارالیب.    پرده‌نی سوزن قیز الینی اؤنه اوزاتماقلا،  بامبو چوبوقلاردان ایکی‌سینی اووجونون ایچینه آلدی. -دئمه‌‌لی، سن دوشونورسن کی،  بونو ائتسک، گونوموز خوش کئچه‌جک و بیز بخته‌ور اولاجاغیق ائله‌می‌؟ -بونا اینانیرام. یئتر کی، سن قورخما. بو عملیّاتی کئچیرن بیر چوخ تانیش-بیلیشیم وار. قیز دئدی: -منیم ده. اونلارین دا اکثريّتی سونرادان آغ گونه چیخیبلار. -اگر ایسته‌میرسن‌سه، اوندا عملیّاتا هئچ گیرمه. سن دیله‌مه‌دیکدن سونرا من ده بوندا اصرار ائله‌مه‌رم. آنجاق اونو دا دقیق بیلیرم کی، بو عادی بیر عملیّاتدیر.   -سن نئجه، حقیقتاً بونو ایسته‌ییرسن‌می؟ -منجه، ان اویغون یول بودور. اگر سن اؤزون ایسته‌میرسن‌سه، بونا گرک یوخدور و من ده اصلا اصرار ائتمه‌رم. -منیم بونا راضیلیق وئرمم سنین کؤنلونجه اولاجاق، هر شئی اوّلکی آخارینا دوشونجه ایسه سن منی سئوه‌جکسن. -سنی ایندی سئودیییمی اونسوز دا بیلیرسن. -بیلیرم. اگر عملیّات اولونسام، اوندا ایشلر اوّلکی آخارینا دوشه‌جک و اوندا منیم: «او تپه‌لر بیاض فیل‌لری خاطیرلادیر.» تیپلی بنزه‌تمم ده سنین کؤنلونه یاتاجاق ائله‌می؟ -هه، اوندا من حئیرت‌لنه‌جه‌یم. اصلینده ایندی ده حئیرت ایچینده‌یم، ساده‌جه  هله‌لیک بونو بوروزه وئرمیرم. سن ده یاخشی بیلیرسن کی، تلاشا قاپیلاندا من هانسی حاللارا دوشورم. -بس من بونو ائتسم، نئجه، سن تلاشا قاپیلمایاجاقسان کی؟ -اصلا، چونکی بونون یونگول بیر شئی اولدوغونا امینم.   -اگر ائله دیرسه، اوندا بونا راضیلیق وئره‌رم. باشیما نه‌لرین گله‌جه‌یی ده هئچ وئجیمه گلمز. -نه معنادا؟ -باشیما نه‌یین گلمه‌سی وئجیمه اولماز آرتیق.    -آنجاق من هئچ نه‌یه بئله لاقئید یاناشمیرام آخی. -اوراسی ائله‌دیر. آنجاق باشیما نه‌یین گله‌جه‌یی وئجیمه دئییل آرتیق.  دئدییینی ائده‌جه‌یم، تکی هر شئی یولونا-یولاغینا دوشسون. -ایندی کی بئله اولدو، اوندا بونو ائتمه‌نی هئچ ایسته‌میرم. یئریندن قالخان قیز استاسیونون تا او بیری باشینا قدر گئتدی. دمیر یولونون او بیری اوزونده و ائبرونون ساحلی بویونجا اکیلمیش تارلالار و آغاجلار گؤزه دییردی.   چایین قارشی ساحلینده، چوخ اوزاقلاردا داغلار سیرالانمیشدی.  بولودون کؤلگه‌سی یام-یاشیل تارلا بویو سوروندوکجه، آغاجلارین آراسی‌یلا آخان چای داها گؤزه‌ گلیملی گؤرونوردو. قیز دیللندی: -باخ، بوتون بو گؤردوکلرین بیزیمکی اولا بیلردی. هر شئی بیزیمکی اولا بیلردی.  امّا صرف گوناهیمیزا گؤره بونلاری گئری آلمامیز گون‌به‌گون چتین‌لشیر. -نه دئییرسن، آخی سن!؟ -دئییرم کی، بوتون بونلار بیزیمکی اولا بیلردی. -اونسوز دا هر شئی بیزیمکیدیر دا. -خئیر، بیزیمکی دئییلدیر. -حتی بوتون دونیا بیزیمکیدیر. -خئیر، بیزیمکی دئییلدیر. -بیز ایسته‌دیییمیز یئره گئده بیله‌ریک آخی. -خئیر، گئده بیلمه‌ریک. چونکی بوتون بونلار آرتیق بیزیمکی دئییل. -بیزیمکیدیر.    -خئیر، بیر کره الدن چیخارتدیغین شئی بیر داها گئری گلمیر. -امّا بیز هئچ نه‌یی الدن چیخارتمامیشیق. -اونو هاردان بیلیرسن!؟ کیشی دئدی: -گل، تکرار کؤلگه‌لییه چکیلک. بو جور تلاشلانمانا دا هئچ گرک یوخدور. قیز دئدی: -‌من تلاشلانمیرام. ساده‌جه، هر شئیی دقیق آنلاییرام. -منیم تک ایسته‌ییم سنین اؤز ایراده‌نین ضدّینه گئتمه‌مه‌ییندیر..    -یا دا منه ضرر وئره‌جک نه ایسه ائتمم. بونو بیلیرم. بلکه یئنه پیوه سفارش ائدک؟ -ائدک، آنجاق سن اونو دا بیلمه‌لی‌سن کی... قیز اونون سؤزونو کسدی: -اونو بیلیرم. بلکه بو صحبتی نقطه‌‌له‌یک. کئچیب، ماسا آرخاسیندا اگله‌شدیلر. قیزین باخیشلاری چایین قارشی ساحلینده‌کی تپه‌لرین گونشدن بوزارمیش زیروه‌لرینه دیکیلمیشدی، کیشی ایسه گؤزلرینی قیزدان و ماسادان هئچ آییرمیردی.      کیشی دیللندی: -بیر شئیی آنلامالیسان کی، ایستمه‌دییین بیر شئیه سنین قول قویمانا من اصلا راضی اولمارام. اگر بو، سندن اؤترو بئله واجیبدیرسه، باخ، یالنیز او حالدا بو ریسکه گئده‌رم. -به‌یم سندن اؤترو بو، هئچ نه ایفاده ائله‌میر کی!؟  بونون عهده‌سیندن بیرلیکده و هر نه جورسه گلردیک آخی. -البته‌‌ کی، ایفاده ائدیر، آنجاق من سندن باشقا هئچ کسه احتیاج دویمورام. منه هئچ کس لازیم دئییل. عملیّاتین بئکارا بیر شئی اولدوغونون دا فرقینده‌یم. -البته‌‌ کی، سن بونون بئکارا شئی اولدوغونون فرقینده‌سن. -سن هر اوره‌گییندن کئچه‌نی دیلینه گتیره بیلرسن، آنجاق بونون محض بئله اولدوغونا تکجه من امینم.      -سندن بیر شئی خواهیش ائده بیله‌رم؟

حئکایه بیاض فیل‌لر   یازار: ارنست همینگوی تورکجه‌یه چئویردی: آزاد یاشار کؤچورن: ویدا حشمتی حاضیرلایان:ادبیات سئونلر  ۱۸۹۹-۱۹۶۱ تام آدی «ارنست میلر همینگوی» اولان مشهور آبش ناثری و ژورنالیستی‌دیر. زنگین ادبی فعالیّتینه گؤره ۱۹۵۴-جو ایل اوچون ادبيّات اوزره نوبل موکافاتینا لاییق گؤرولوبدور.   «بیاض فیل‌لر» ائبرو وادیسی‌نین او اوزونده‌کی تپه‌لر اوزون و بیاض ایدی. بو بیری طرفده ایسه نه آغاج، نه ده بیر کؤلگه واردی، بونا گؤره ده ایکی دمیر یولونون آراسیندا قالان استانسیون(ایستگاه) شاخییان گونش شعاع‌لاری آلتدا قوورولوردو.  تکجه بینانین بؤیرونده ایلیق بیر کؤلگه‌لیک واردی، بارین آچیق قاپیسیندان ایسه بامبو چوبوقلاریندان هؤرولو بیر پرده آسیلمیشدی. آمریکالی کیشی یانینداکی جاوان خانیم ایله بینا کؤلگه‌سینه قویولموش، آرخاسیندا اگلشمیشدی. هاوا یامان بورکولو (شرجی، بوغونتولو و خفه) ایدی. بارسئلونادان گله‌جک سرعت قاتاری قیرخ دقیقه‌یه بورایا چاتاسییدی. بو استاسیوندا ایکیجه دقیقه دوراندان سونرا او، مادریده دوغرو یولونا داوام ائده‌جکدی. ( «ائبرو پیرئنئی» یاریم آداسی‌نین شمال شرقینده آخان و اسپانیانین ان گور سولو چاییدیر) بؤرکونو گؤتوروب، ماسانین اوستونه قویان قیز سوروشدو: -نه ایچک گؤره‌سن؟ کیشی دئدی: -  دهشتلی بورکو وار. - اوندا گل، پیوه ایچک. پرده‌نی آرالایان کیشی: «دوس جئروئزاس» اسپانیاجا: «ایکی پارچ پیوه وئرین» -دئییب، سفارشینی وئردی. قاپی‌نین آردینداکی قادین دقیق‌لشدیردی: -ایری پارچ اولسون؟ -هه، ایکی دنه بؤیوک.     آز سونرا قادین ایکی پارچ پیوه و بیر جوت کئچه آلتلیق گتیردی. آلتلیقلاری ماسایا، پارچلاری ایسه بونلارین اوستونه قویاندان سونرا کیشی ایله قیزی سوزدو. قیز گؤزلرینی اوزاقدا آرد-آردا سیرالانان تپه‌لره زیلله‌میشدی: آغاپ‌پاق زیروه‌لر گؤز قاماشدیرسا دا، اونلارین اطرافینداکی هر شئی قورودوغوندان بوزومتول-قونور رنگ آلمیشدی. قیز دئدی: -ائله بیل بیاض فیل‌لردیر. کیشی پیوه‌سیندن بیر قورتوم آلدی: -  هئچ فیل گؤرمه‌میشم.   -  هارادا گؤره‌جکدین کی!؟ -نییه گؤرمه‌یه‌یدیم کی!؟ «هارادا گؤره‌جکدین» دئمکله ده هئچ نه دگیشمیر آخی.      بامبو پرده‌یه نظر سالان قیز دئدی: -بونون اوزه‌رینده نه‌سه یازیلیب. نه معنایا گلیر او؟ -«آنیس دئل تورو» یازیلیب. بیر آراق چئشیدیدیر. -بلکه اونون دا دادینا باخاق؟ اوزونو پرده‌یه طرف توتان کیشی سسلندی: -ائی، باخین! قادین باردان باییرا چیخدی. -بورجونوز دؤرد رئالدیر. -بیزه ایکی ایستکان «آنیس دئل تورو» گتیرین. -یانیندا سو دا اولسون؟ -سن سو ایله ایچه‌جکسن؟ -بیلمیرم، -دئدی قیز. -یوخسا سو ایله داها راحت ایچیلیر؟ -هه نسبتاً. قادین سوروشدو: - ائله ایسه، یانیندا سو اولسون؟ -هه اولسون. -لاپ بیان دادی وئریر بو -دئین قیز اؤز ایستکانینی ماسانین اوستونه قویدو. -ائله هر شئی او دادی وئریر دا. قیز راضیلاشدی: -هه، ائله هر شئی بیان دادی وئریر.  اساساً ده، چوخدان آرزوسوندا اولدوغوموز شئیلر، آبسئنت‌له (آجی یووشاندان چکیلن و ترکیبینده‌کی اسپیرت فایزی ۷۰ ایله ۹.۸۹ آراسیندا دگیشن بیر ایچکی نوعودور) باغلی دا بئله اولموشدو.  -یاخشی گؤرک. قیز دئدی: -بیرینجی اؤزون باشلادین دا. مزه اوچون دئمیشدیم. ساده‌جه، بونو دادماق کئچدی کؤنلومدن. -اوندا داداق دا. دئدیم آخی، او تپه‌لر منه بیاض فیل‌لری خاطیرلادیر. سنجه بو، بیر تاپینتی ساییلماز کی؟ -ساییلار. -بو یئنی ایچکینی دادماق هوسینه دوشدوم. بیزیم ائله بوتون مشغولیّتیمیز ده گزیب، یئنی یئرلر گؤرمک و فرقلی ایچکیلری دادماقدان عبارتدیر دا. -هه، محض ائله‌دیر.   قیز یئنه تپه‌لره نظر سالیب دئدی: -اونلار تایسیز تپه‌لردیر. اصلینه قالاندا، بیاض فیل‌لره ده هئچ بنزه‌ییب ائله‌میرلر. منه ائله گلدی کی، اونلار محض آغاجلارین آردیندان بو جور پارلاق گؤرونورلر. -یئنه نه ایسه ایچک‌می؟ -ایچک. اسن ایلیق کولک بامبو پرده‌نی ماسایا طرف دارتیر، یئلله‌ییردی.     کیشی دئدی: -عجب پیو‌ه‌دیر سرینمیش. -هه، تایسیزدیر -دئدی قیز دا. کیشی دیللندی: -جیق، بو یونگول بیر عملیّاتدیر. بلکه هئچ عملیّات دا ساییلماز. قیزین باخیشلاری او آرا آشاغییا، ماسانین آیاغینا زیللنمیشدی. -جیق، اؤزون ده فرقینده سن کی، بو  بئکارا شئیدیر. سنه بیرجه دنه ایینه وورولاجاق والسلام. قیز سوسوردو.   -یانیندا گله‌جه‌یم و سنی بیر آن بئله تک قویمایاجاغام. سنه بیرجه دنه ایینه وورولاجاق و سونرا هر شئی اؤز یولونا دوشه‌جک. -یاخشی، بس سونرا باشیمیزا نه گله‌جک؟ -سونرا هر شئی اؤز یولوندا گئده‌جک. هر شئی اوّلکی کیمی اولاجاق.

"خسرو سرتیپی" ادبیات سئونلر گوزگوسونده زمان : سه شنبه 1403,7,24 ساعات :21 چکیلیش: مرجان منافزاده آپاریجی: کریم قربانزاده

آنار_رضایئو ایتیردیگیم دوستلارلا، یوخودا گؤروشورم. ماسکا فیلان تاخمادان، گؤروشوب-اؤپوشورم. گوندوز اؤلن دوستلاریم، گئجه یوخوما گلیر. من بوردان دانیشیرام، سورورام: اوردا نه وار؟ جاواب وئرمیر هئچ بیری، ملول-ملول باخیرلار. اورانین اونسیّتی، بلکه سوسوب باخماق‌میش. گؤره‌سن او دونیادا یوخولار بئله وارمیش؟ اورداکی دوستلاریم دا هردن گؤرورمو منی، اورداکی یوخولاردا؟ اصلینده کیم بیلیر کیم، کیمدی یوخولو، آییق؟ بلکه اونلاردی اویاق، بیز بوردا یوخوداییق. https://t.me/Adabiyyatsevanlar

«مقدّس تانری‌لار و روح‌لار»؛ گؤک تانری شاهین مرادی میرچا ائلیاده‌یه گؤره گؤک تانریسی یا دا گؤیده‌کی تانری‌لار فیکری‌نین یارانماسی، گؤی اوزونون یا دا فضانین سیرادان انسان‌لارین یئتیشه بیلمه‌دییی یوکسک بؤلگه‌لرین وار اولماسیندان قایناقلانماقدادیر. او اوزدندیر کی، مختلف یول‌لارلا (اؤرنک اوچون شامان‌لارین دونیا آغاجینی پلکان اولاراق یارارلانماق‌لاری) و مختلف آماج‌لارلا بو قوش‌قونماز یئرلره چیخا بیلن انسان‌لار، آرتیق انسان اولماقدان، ان آزیندان سیرادان بیر انسان اولماقدان چیخارلار. گؤک تانریسی یا دا گؤیده‌کی تانری‌لار بو دوشونجه ایله و گؤی اوزونون تأثیری ایله تصویر اولمالی‌دیرلار. «سامویِدلر، آدی گؤک اوزو آنلامینا گلن و گؤی اوزونون اَن یوخاریسیندا اوتوران تانری «نوم»ا ستایش ائتمکده‌دیرلر. کوریاک‌لاردا اولو تانری، یوخاری‌دان بیری، یوخاری‌نین آقاسی، «وار اولان» اولاراق آدلاندیریلماقدادیر. «آینو»لار ایسه گؤی اوزونون الهی رئیسی، «مقدّس تانری»، دونیالارین یارادیجیسی اولاراق، آنجاق عینی حال‌دا «قاموی/کاموی» یعنی «گؤی اوزو» اولاراق دا تانیماقدادیرلار (M.Eliade. Kutsal ve dindışı çev M.Ali Kılıçbay s. 97-98) گؤک تانریسی بعضاً گؤی ایله بنزَتدیریلمیش و یا اوخشاتدیریلمیش حال‌دا، اونونلا بیرلیکده داها یایغین اولاراق کائناتین گؤی‌ده اوتوران یارادیجیسی اولاراق دوشونولموشدور. آنجاق یارادیلیشدان سونرا گؤیه چکیلمیش، تمثیلچیسی اولان باشقا تانری‌لاری یئر اوزونه گؤندرمیشدیر. بونونلا بیرلیکده انسان‌لاردان مطلق شکیل‌ده اوزاقلاشمامیشدیر. داردا قالدیق‌لاریندا انسان‌لار یئنه اونا باش وورماقدادیر (همن قایناق- ص 99-101 و 103). اسکی تورک جامعه‌لرینده ده دوروم بؤیله‌دیر. هرنه قدر اورخون یازی‌لاریندا «یوخاری‌دا تورک تانریسی» دئییمی استفاده اولونسا دا، مختلف دونیا دین‌لری و میفولوگیالاریندا «تانری» کلمه‌سی گؤی ایله علاقه‌لندیریلمیش و یا گؤی تانری‌لاریندان سؤز ائدیلمیشدیر. چین‌لی‌لرده ده گؤک تانریسی وار ایمیش. بونا بنزر شکیل‌ده اسکاندیناو میفولوگیاسیندا «اودین» گؤک تانریسی ایدی. مختلف دیل‌لرده‌کی «تانری» کلمه‌سی گؤی اوزو یا دا گؤی تانریسی آنلامینا گلمکده‌دیر. مغولجا «تنگری»، گؤی اوزو، چین‌جه «Tien»، گؤی اوزو/ گؤی تانریسی، بابیل‌جه «آنو»؛ گؤی اوزو، سومئرجه «دینگیری»؛ آچیق و پارلاق اولان گؤی اوزو و س. (همن قایناق، ص 99). اسکی تورک دیل‌لرینده «تَنگری»؛ تئنری، تئنگئرئ، تانگارا، توره، تئنئگئرئ کیمی دَییشیک شکیل‌لره بورونن تنگری کلمه‌سی هم گؤیو هم ده گؤک/گؤی تانرینی ایفاده ائدیردی (A.Inan. Tarihte ve bugün Şamanizm. S. 26-29. H.Tanyu. Islamlıktan önce Türklerde Tek Tanrı İnancı. S. 9 ). میرعلی سئییداوف تورکیه و آذربایجان تورک‌لری‌نین تانری، آلتای تورک‌لری‌نین و شورلارین تنگری، خاقاس‌لارین تیگیر و تئر، تووالی‌لارین دیییر، چوواش‌لارین تورا، یاقوت‌لارین تانگارا، مغول‌لارین تئنگیر، بوریات‌لارین تئنگئری و کالموک‌لارین تئنگئر کلمه‌لرینی استفاده ائتدییینی سؤیله‌یرکن، کلمه‌نین ان اسکی شکلیندن بو گونه قدر استفاده اولونان طرزلرینده «ن‌گ» سس‌لری‌نین، سونرادان سس‌سیز ن و گ ترکیبینه بؤلونموش اولدوغونو و بعضی تورک قبیله‌لرینده ن، بعضی‌لرینده ده گ سسی‌نین دوشدویونو آچیغا چیخاردیر (M.Seyidov. Qam-Şaman və onunqaynaqlarına Umumi baxış. S.52). آنلاشیلدیغی قدر گؤک‌تانری اینانجی خصوصاً امپراطورلارین قورولدوغو عصرلرده بؤیوک بیر اینانج اولاراق قبول ائدیلمیشدیر. گؤک‌تانری دا تانری‌لارین اَن بؤیویو ساییلمیش اولمالی دیر. اورتا آسیادا دولت قوران سُلاله‌لرین هامیسیندا گؤک‌تانری اینانجی‌نین گؤروندویو چین قایناق‌لاریندان دا آنلاشیلماقدادیر. مثال اوچون چین رسمی تاریخی «وئی-شوآ»دا بئشینجی آیین 10-جو و 20-جی گون‌لری آراسیندا خالقین چای قیراغیندا توپلاشاراق گؤیون روحونا قوربان کسمه‌سی، تورک‌لرده اسکی‌دن بری گؤک‌تانری دوشونجه‌سی‌نین اولماسینی گؤستریر (L.N.Gumilev. Eski Türkler. S. 129). گؤک‌تورک یازی‌لارینا گؤره خاقان‌لاری تاختا چیخاران، تورک‌لره ظفر قازاندیران، فلاکت‌لردن قورویان تورک تانریسی «گؤک‌تانری»دیر (A.I. a.g.e. s. 26-28). بو سلسله بحث‌لرین آردینی باشقا پست‌لاردا تقدیم ائده‌جه‌ییک. https://t.me/Adabiyyatsevanlar

عدالت دومان بو قاطار نا حاق تلسمیشیک یولا چیخماغا بو قطار بیز دئیه ن قاطار دئیلمیش یا سالار دره یه   یا چیرپار داغا بو قاطار بیز دئیه ن قاطار دئیلمیش بونون یولو باشقا  یؤنو باشقادیر سسینین آهنگی تونو باشقادی ازه لی باشقادی سونو  باشقادی بوقاطار بیز دئیه ن قاطار دئیلمیش سؤنمه یه محکومدور اودو سؤنمه یه ن حاققینا حقسیزدیر گؤوب دینمه یه ن بیزدن دئیل بو قاطاردان  ائنمه یه ن بو قاطار بیز دئیه ن قاطار دئیلمیش

علی رشتبر قاییب سسیمیز جینقیریمیز چیخمایاجاقدیر دؤیه لر ده، گؤز اؤنونده آتامیز قبرینی  تئز تئز سؤیه لر ده، داها کؤینک غمی یوخدور بیزیم اربابین الهی سؤزوموز یوخ دریمیزدن نئچه کؤینک گئیه‌ لر ده. او قدر کی‌ باشیمیز دانلاق ایچینده کئیه‌لیبدیر، بیزی توتماز نه ده قارقیش ائده لر یا اؤیه لرده. او قدر خدمت ائدیبلر کی قارین یاللی قوشوبدور نئچه جور قاخ  یئدیریبلر قاداسی یومییه‌لرده. نه نوخود واردی چوبان تیلتا پیشیرسین شامی اؤترو نه ده آرپا کی یئیه بوز قویونو یاش په‌یه‌لرده چکیبلب جان شیره‌میز،هئی سوزولوب شرم اوزوموزدن، نه گزیرسن داها یوخدور شیره بو بامیه‌لرده. او‌ غرور سرویمیز اولموش قارا مفتول کیمی اینجه، نه قیریللیق نه ده‌سیننیق ایکی اوچ قات ایه‌لر ده. ائله اؤیرندیک عزیزیم بیزه «یوخ»کلمه‌سی یاددیر، چکه‌ریک بوینوموزا فیل‌‌ یوکونو یوکله‌یه‌لر ده. دئسه مدّاح ،حسین جانی قاییب احوالیمیزدان، مسجیدین دام دیواریندان قان آخار مرثیه‌لرده. https://t.me/Adabiyyatsevanlar

یار قلبیمه یول سالسا گتیررم نئجه گلمز عشقیمله سازین چالسا گتیررم نئجه گلمز آختارسام اؤزوم تاپسام اؤزوم بیر دیله توتسام کؤنلوم گؤیولون آلسا گتیررم نئجه گلمز گولسوز قورو اودلاردی سالان آیریلیغی یار یوللار تیکانین یولسا گتیررم نئجه گلمز سؤندورمه اومود شمعینی ای غافیل او سئوگیم دردیمله یانیب سولسا گتیررم نئجه گلمز سیرداشیم اؤزو بیرده کی جان قِیدینه یالنیز دیوانه صیفت قالسا گتیررم نئجه گلمز بو رسم‌دی کی آی یئرینه گون گئجه گلمز گر جذبه عشق اولسا گتیررم نئجه گلمز سن دردینی آچ سؤیله دادا سِیلِ سِرشکی گؤزلردن اورک دولسا گتیررم نئجه گلمز https://t.me/Adabiyyatsevanlar

خان صنم پاییز... اوخشاییر روحومون قارا ساچلارین پاییز کیم دئییر کی داریخمالی دیر؟ دیلینی آنلاسان ایچینه وارسان گؤررسن نه گؤزل نه باخمالی دیر سون باهار گلنده باهارلانیرام بارلانیردویغومون تام آغاجلاری سویونوب تؤکورسه دئمک سؤزو وار عصیانی نه بیلیر چام آغاجلاری یارپاقلار هاوادا یاللی گئدیرلر گلیر قولاغیما چال_چاغیر سسی یاغیش خئییر_دوعا وئریر تورپاغا، پاییز طبیعتین خینا گئجه سی تکجه فصیل دئییل،دئوریم دی البت اینسانین چیخمایان سسی دیر پاییز باشقا فصیل لرین دادی بیر یانا  شاعیر اولانلارین بسی دیر پاییز https://t.me/Adabiyyatsevanlar

محمود درویش سلام بر صلح ‏سلام بر زمینی که برای صلح آفریده شد ‏و هیچ روزی رویِ صلح ندید.                           

✍️:مسعود آذر   بیزیم یاشاماغا بهانه لریمیز وار شنه‌نی بوغازینا دایادیغین کیمسه‌دن مهربانلیق، امینلیک اومما! بوغازیندا سئوگی نغمه‌سی بوغولان قیز، اوغلان‌دان باغیرتی یئرینه ماهنی طلب ائتمه! وطنینده سورگون اولان کوتله‌لردن وطنداشلیق گؤزله‌مه! ایللر بویو آج، سوسوز، درمانسیز قالان، اون آلتی ایل گئجه‌لری ایشیقسیز یاشایان اوشاقلاردان گؤی قورشاغینا ماراق گؤره بیلمزسن. کیلاسلاردا تخته‌سی قان رسیملی اؤیرنجی‌لردن یاز ترنملی تابلو….! یوخ…! بو قارشیت‌لار بیرلیکده یاشایا بیلمزلر. «الناس اخوه» و «البشر متساوون»… بونو غزه‌نین هانسی دوواریندان آسیم؟! اگر دووار قالمیش اولارسا. غزه‌ده‌کی کؤرپه‌لره مرمی یوخ سوت، چؤره‌ک، بیرده اویونجاق وئرین! بومبالاردان قاچان قوجالارا قوجاق ایستیلیگینده بیر اوجاق یارادین! خسته‌لرین، یارالی‌لارین نه‌یینه گره‌کدیر توپ – توفنگ اونلارا درمان گتیرین، کؤمک چاتدیرین، کؤمک! باخ…! بیزیم بو تورپاقدا یاشاماغا بهانه‌لریمیز وار؛ تکی چیچک اوزونده سوزولن شئح سیز محاربه تانری‌لارینی یاشاماغا راضیلشدیرمیر؟! دایاندیرین بو محاربه‌نی، بو سوی قیریمینی! شعری، سئوگینی، چیچگی سئون انسانلار صلحه سس وئریر صلحه سس وئریر تکی صلحه…! مسعود آذر ۲۵ آبان ۱۴۰۲ برگردان :  علی ابرازی  « علی آغ گونئلی » ✍️ :ما برای زیستن بهانه هایی داریم از  کسی که چنگک بر گلویش می فشاری مهربانی ، ایمنی  توقع مکن ! از دختر و پسری که  نغمه عشق بر گلویش به بغض نشسته است ، به جای فریاد ،ترانه طلب مکن ! از توده هائیکه که تبعیدی وطنشانند انتظار هم وطنی نداشته باش ! در کودکانی که ، سالیان سال تشنه ، گرسنه و بی دارو  مانده اند وشانزده سال شبها را بی روشنایی زیسته اند اشتیاقی به رنگین کمان ، نخواهی دید . ازدانش آموزانی که ،  برتخته سیاه کلاس هاشان خون نقش بسته تابلویی با زمزمه بهاران....! نه...! این به هم ریختگی ها نمی توانند  با یک دیگر زیست کتند. « الناس اخوه » و « البشر متساوون » ... اینو ازکدام  دیوار غزه بیاویزم ؟! اگر دیواری مانده باشد . به نوزادان در «غزه » سوتک ، نان وعروسک بدید ! گلوله توپ نه به سالخوردگانی که ، از بمب ها رهیده اند ، اوجاغی به گرمی آغوش بیافرینید ! بیماران ، زخمیان  ، توپ  - توفنگ را میخواهند چکار، برایشان یارباشید و دارو برسانید ، برسانید، یاری! به بین ...! ما برای زیستن در این خاک بهانه هایی داریم؛ همین شبنم جاری بر رخسار گل شما خدایان جنگ را راغب زیستن نمی کند ؟! این جنگ را متوقف کنید ، این نسل کشی را ! انسانهایی که دوستدار گل ، عشق   وشعرند به صلح رأی میدهند به صلح رأی میدهند فقط به صلح ...! https://t.me/Adabiyyatsevanlar

سخنان برگزیده آرتور شوپنهاور: «وقتی جنگی آغاز می‌گردد هر کسی باید سهمی پرداخت کند. سیاستمدران باید سلاح، ثروتمندان باید مخارج و فقرا هم باید فرزندانشان را گسیل دارند. وقتی جنگ تمام می‌شود سیاستمدران دست یکدیگر را می‌فشارند، ثروتمندان قیمت‌ها را افزایش می‌دهند و فقرا نیز به دنبال گور فرزندانشان می‌گردند.» https://t.me/Adabiyyatsevanlar