ادبیات سئونلر

اوشاق ادبیانی قورد و قویون یازان: صمد بهرنگی چئویرن: شاهین مرادی گونلرین بیر گونونده قارا بیر قویون باشین آشاغا سالیب و اوتلاق دا اوتلاییردی. بیردن باشینی قالدیریب و گؤردو چوباندان و سورو دن خبر یوخ و آج بیر قورد دا بونا ساری گلیر. قوردون ایکی گؤزلرینین چوخورو قانلا دولموشدو! قویون دئدی: سلام علیکم. قورد دیشلرینی ایتیلده رک دئدی: سلام و زهری مار! سن بوردا نه ائدیرسن؟!  بیلمیرسن کی بو داغلار منیم دده مالیمدیر؟!  ایندی سنی یئیه رم! قویون گؤردو پیس تورا دوشوب و گرک بیر کلک له قوردون الیندن قورتارا.  قویون دئدی: دوزونو ایسته سن من اینانا بیلمیرم کی بو داغلار سنین دده مالیندیر. آخی بیلیرسن من چوخ گئج اینانان بیر قویونام!  اگر دوز دئییرسن گئدک اوجاغا ( زیارتگاها) ، سن مزارا ال وور و آند ایچ ، تا من اینانیم. اوندا منی یئیه بیلرسن.! قورد اؤز-اؤزونه دئدی: عجب آخماق اله سالمیشام!  گئدیب آند ایچن دن سونرا ، تیکه-پارچا ائدیب و یئیه رم. ایکی لیکده گلدیلر و چوبانین ایتی یاتان آغاجین آلتینا یئتیشدیلر. قورد باسان ایت یئددی پادشاهین یوخوسون گؤروردو!! قویون قوردا دئدی:  اوجاق بورادیر . ایندی آند ایچه بیلرسن. قورد ائله کی ایسته دی الین آغاجا ووروب و آند ایچسین ، ایت یوخودان آییلیب و قوردو خیرتلک له دی!! https://t.me/Adabiyyatsevanlar

اوشاق ادبیاتی اوشاق ادبیاتی هر هفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین . https://t.me/Adabiyyatsevanlar

محمد صبح‌دل سئوينجيمي داشدان كسير وسونونجو    سومويومو    قورتورولماقدان . سانجيلير سؤزوم                      يوردومون زمي‌لرينده ، تؤره‌نير اوچ‌بوجاق قويولارلا اوچ قاتلي بير كفني قوسدورور                             اوچ جانلي بر ملك بدنينده و دانيشيغيم سؤزومده سانجيلير يئني‌دن    اوووق-اوووق اوچ جانلي بير ملك بدنينده النديرين مني هی!    اوووق – اوووق    النديرين مني هی! بيرينجي جمده ‌ييمی كئچيرديم      اوچونجو قاتدان اؤترسم الكدن آرتيرا بيلمه‌م        النديرين مني هی!    يامان يالانليــغيا دوشــدوم      گــولو   يئــل ايله  بؤلوشدوم يئـــل اسدي هنديوريمدن         گول اوچون اؤلدوم اؤلوشـ... و دانيشيغيم سؤزومده سانجيلير يئنيی دن اوچ جانلي بير ملك بدنينده    سئوينجيمی داشدان كسير و قايتارير كفنين اوچونجو قيرناسيني بيرده الكدن آرتيق الكدير    النديرين منی هی!

اورهان ولی مرا زیبا به یاد بیار این‌ها، آخرین سطرهای من است فرض کن که من رویایی بودم که از زندگی تو گذر کردم و یا بارانی بودم که سیلاب شدم در کوچه‌های‌تان سپس خاک، آب را کشید و من محو شدم شاید هم خوابی زیبا بودم تو بیدار شدی و من رفته بودم مرا زیبا به یاد بیار زیرا من تو را آن گونه که هستی دوست داشتم... مرا زیبا به یاد بیار نامه‌هایی برایت نوشتم شعرهایی برایت سرودم، هر شب که هنوز خیلی از آن ها را نخوانده‌ای ثواب و عذابش ماند برای من بی‌صدا از کنارت رفتم و تو نیز مانند دیگران، به رفتنم پی نبردی مرا زیبا به یاد بیار برای تو، شب‌های به یاد ماندنی باقی گذاشته‌ام برای تو خسته‌ترین سحرگاهان را لبخندهایم، چشم‌هایم و در آخر صدایم را به یادگار گذاشته‌ام زیباترین شعرهایم را در نگاه چشمان تو خوانده‌ام و سلام‌هایی ناگفته در گوشه گوشه‌ی خانه و خداحافظی در تمام ایستگاه‌ها به جا گذاشته‌ام و تمام چیزهایی که در یک عشق می‌توان یافت

جمعه بازار شعر: اورهان ولی سس : احمد کایا https://t.me/Adabiyyatsevanlar

- باخین، بو دا آلیشین پُرتره‌سی. ایلک باخیش، ایلک تٵثّرات! سرو بویلو خانیم حیرتله ایچینی چکدی. آلیش دا اوندان گئری قالمادی. آلیش دا بیر هاف‌لا هاوایا آتشفشانلیق نداسی بوراخدی. ائو صاحیبه‌سی هیجانینی گیزله‌ده بیلمیردی. آغ آلیشی آغ سینه‌سینه باسیب کئچیردییی حیس‌لرینی سؤزه چئویردی: - آی آللاه...سیز دوغرودان دا، یارادیجی رسام‌سینیز! آرزونو نئجه ده اوستالیقلا گئرچه‌یه چئویرمیسینیز. نهایت، آلیشین کیم‌لیینی قاباریق شکیلده اورتایا قویان بیر صنعتکار تاپیلدی! احسن! نَمَرینیزدن راضی قالاجاقسینیز،- او، دیققتینی قوجاغینداکی ایتینه یؤنلتدی‌. بو دفعه آغ ایت سیغالی سئویملیسی‌نین باشیندان توتموش، قویروغونا کیمی داوام ائتدی.- آلیش، سنی تبریک ائدیرم! ایسته‌یینی تصور ائتدیییم کیمی دویان، جانلاندیران صنعتکار قارشیندادیر. رسام قارداش امه‌یین لازیمین‌جه قیمتلندیریله‌جک! شامپاینین آغزی کؤپوکلندی، قدحلره ایچگی سوزولدو. آلیشین و رسّامین شرفینه ساغلیقلار دئییلدی. سونرا دا قدحلر قهرمانین قارا بورنو ایله توققوشدو. اونلار گؤزله‌دیک‌لریندن آرتیغی‌نین شاهیدی اولموشدولار. اونلار پُرتره‌نی سیر ائتمکدن دویموردولار. و شوبهه ائتمه‌دیلر کی، چوخ چکمه‌دن بو پُرتره یاخین- اوزاق اؤلکه‌لرین سَرگی سالونلاریندا اوغورلا نماییش ائتدیریله‌جک. اوغوروم نه ایله باغلی دیر؟ - دئییم: من دونیانین ان کیچیک مخلوقونون اوره‌ییندن کئچن‌لری دویموشدوم. آلیش کیم‌لیینی گؤروندویو کیمی دئییل، آرزو ائتدییی کیمی گؤرمک ایسته‌ییردی. من بو ایسته‌یی دویدوم. سونرا فیرچانی الیمه آلدیم. بودور، تابلودان سیزه دونیانین ان زیرپی بیر کؤپه‌یی آجیقلا باخیر. او، گؤرکمینه، بوراخدیغی تاثیره گؤره شیردن، آسلاندان، آیی‌دان، جاناواردان دا اؤته‌دیر. جایناقلی پنجه‌سی، ایری بدنی یئنیلمزدیر. ائنلی سینه‌سی، ایتی باخیشلاری، هر سسه حساس آنتن‌لی قولاقلاری، قیجیردیلمیش دیشلرله همجنس‌لرینی اونا، یالنیز اونا اطاعت ائتمه‌یه دعوت ائدیر. یوخسا... تلطیف‌لنمک دَمی چاتمیشدی. سرو بویلو خانیم گئری چئوریلیب آرخا اوتاغا کئچدی. چوخ چکمه‌دن ایوانا قاییتدی. بو دفعه الینده بزکلی بیر ساللاجا وار ایدی. اورا بویلانمادان دا ایچینی گؤرمک اولوردو. صبریمی باسدیم. یقین موکافاتیمین چئشیدلرینی سرو بویلو خانیم دئیه‌جکدی. گؤزله‌دیییم کیمی ده اولدو. خانیم ساللاجینی منه دوغرو اوزادیب دئدی: - بیلیرم کی، صنعتچی‌لر ایچکی‌یه مئیللی اولورلار. بورادا آز تاپیلان بیر ایری شوشه روس آراغی وار. شیرینلیک کیمی ده بیر قوتو شکلات، ائنی و اوزونو کاغیذ آشیرمالی بیر دست یوزلوک آبش دولاری دا وار. بویورون. بو منیم ایتیمین- آلیشیمین باراتی دیر! خئیر ایشلره خرجله‌یه‌سینیز. دوزونو دئییم کی سئویندیم. بو موکافات هله ایت‌له باغلی ایدی. گؤر اؤزونو چکسم، نه اولاردی؟! هدیه‌نی قبول ائتدیم. راضیلیق علامتی اولاراق، بؤرکومو باشیمدان چیخاردیم. اونون و ایتی‌نین قارشیسیندا تعظیم ائتدیم و گؤزلین آغ پنبه الینی الیمه آلاراق حرارتله اؤپدوم: - ساغ اولون.‌ امه‌ییمه بؤیوک دگر وئردینیز! سرو بویلو گوزل طرزینی پوزمادان دیللندی: - سیز بونا لاییق‌سینیز. منده شاعیرلیک قابلیتی ده وار. هردن جوشاندا بیر- ایکی مصراع گوپپولدادیرام. بو دفعه ده شاعیرلیییم باشیما ووردو، اؤزومو ساخلایا بیلمه‌ییب بداهتن دئدیم: یئریشینه قوربان، آی ایت/ هوروشونه قوربان، آی ایت! دوشونوردوم: " گؤره‌سن آلیش دا مندن تام راضی قالیب می؟ ایسته‌دییینی، آرزولادیغینی اونا وئره بیلمیشم‌می؟" حرکتیندن معلوم اولدو کی، هه. آلیش سرو بویلو خانیمین ایستی قوجاغیندان چیخدی، کیچیک آددیملارلا منه ساری یئریدی. اوزونو آیاق‌قابیلاریما سورتدو. یومشاق هاف هوروشونو سسلندیردی. قویروغونو بولادی. ایت همیشه آغزینان دئدیینی قویروغو ایله تصدیق ائدیر. حئیوانلار آرزولارینی یوخولاریندا رئاللاشدیریرلار. آلیش دا بئله یوخولاردان چوخ گؤروردو. یقین بوندان سونرا آلیش بیر داها منی گؤرنده آجیقلی- آجیقلی هورمیه‌جک و من ده اونا دئیه‌جه‌یم: " آی ایت مندن نه ایسته‌ییرسن؟" تقدیم ائتمه، تلطیف‌لنمه مراسیمی باشا چاتدی. قارشیلیق‌لی تشککورلرله آیریلدیق. بس بوندان سونرا نئجه اولاجاق؟ بیلیرم کی اوجا داغ باشینا یاغان قار ارییه‌جک، قالین پولوم خرجلنه‌جک. یئنه نازیک حاق- حسابلی بازارلیغین اومیدینه قالاجاغام. یئنه خانیمی‌مین ناراضی صیفتی تورشویاجاق. چیخیش یولو آختاراجاغام. بیلیرم کی یئنه داریخاجاغام و دوشونه‌جه‌یم کی گؤره‌سن خولیاسینی رئال‌لیغیندان اوستون توتان " آلیش" آدلی آجیقلی بو ایت بیر ده نه واخت منه هوره‌جک؟.. سون. https://t.me/Adabiyyatsevanlar

در حال جنسین قوخوسو آلیشی قیجیقلاندیردی. محرم اونسیت قورماق اوچون اونا ساری دارتیندی. سرو بویلو خانیم نه باش وئره‌جه‌یینی بیلدییندن ایتی‌نین آرزوسونا قارشی دوروب ایپینی چکدی. و حتا اونو اویارسیز حرکتینه گوره مذمّت ائله‌دی: - سن بونون سئچیمینه، قاناجاغینا باخ...آناسی یئرده بیر قانجیقلا عشقبازلیق یاپماق ایسته‌ییر. اؤزونو گولونج گونه قویما. کناردان باخان سنه نه دئیر؟ آرا، آختار، تایینی تاپ. اوره‌ییمده من ده سرو بویلو خانیمی مذمّت ائله‌دیم: " آی گؤزل، آختار گؤره‌ک بوندان بالاجا سئوگیلی تاپیب اؤز آلیش بَیینی خوشبخت ائده بیلرسن می؟ اؤزونو اذیته سالمیرسان؟ یاخشی بیلیرسن کی حیاتدا بوندان بالاجا ایت یوخدور". ایچیم‌له دانیشدیغیم بس اولدو. ایتینه جوابده اولان سرو بویلو خانیملا آچیق صحبته کئچدیم: - خانیم، آتالارین سوزو بئله‌دیر: " لالین دیلینی یییه‌سی بیلر". بو باخیمدان ایتین ده دیلینی سیز بیلمه‌لی‌سینیز. منیم‌له توتاشان بو حئیواندان دؤنه- دؤنه سوروشموشام: " آی ایت نییه منه هورورسن؟" جاواب وئرمه‌دن عملینی داوام ائتدیریر. ائله بوگون ده منه هورمه‌ییندن واز کئچمه‌دی. سیز ایتینیزین دیلینی بیلمه‌میش، اونون ایسته‌یینی دویمامیش اولمازسینیز. سرو بویلو گؤزل یئنی‌دن قوجاغینا آلدیغی سئویملی ایتی‌نین باشینی سیغاللادی: - بلی، من اونون دیلینی، کیمدن نه اومدوغونو گؤزل بیلیرم. سیز اونون وارلیغینا دیققت یئتیرین. ایندی دوروم اونون هاف- هافینی سیزینچون ترجومه ائدیم؟ سیز صنعت آدامی‌سینیز. سیز اونون هوروشونو ترجومه‌سیز دویمالی‌سینیز. او، هره‌یه بیر اوماجاقلا هورور. او سیرادان سیزه ده. ایسته‌یینه لازیمی جاواب وئرمه‌یینجه هوره‌جک. او چوخ مرکّب بیر وارلیق دیر. - مال، یییه‌سینین گؤزونده بؤیوک اولار. او ایت منیم نظریمجه ساده بیر جمله‌نی خاطیرلادیر. کیچیک وجودو، آیاقلاری، باشی، قولاقلاری و قویروغو ایله. تکجه بورنونون اوجو بو ساده جمله‌نی تاماملایان قارا نقطه‌یه بنزه‌ییر. ایت یییه‌سی ماراق دوغوران مباحثه‌دن چکینمه‌دی. سن دئمه، او دا ایتی کیمی عینادکار ایمیش. بئله گؤرونوردو کی اونلار مقصدلرینه چاتمایینجا ال چکمیه‌جک‌لر،- دئدیم، داها دوغروسو، اوّل دئدییمی یئنی‌دن تکرار ائتدیم: - یاخشی، دئیین گؤروم مندن نه ایسته‌ییر؟ سرو بویلو خانیم یاخین یولو اوزاتمادی: - منیم آلیشیم هامیدان اؤزونه قارشی دیققت گؤزله‌ییر. آجیقلا هورور، غضبینی گیزلتمیر. بیر رسام کیمی سیزدن ده اوماجاغی وار. - باشا دوشدوم. هئچ اونون شکلینی چکن اولوب می؟ - اولوب. فتوگرافلار  واخت آشیری بو ایشه گیریشیب. حتا بیر نئچه دفعه تانیمادیغیمیز رساملار دا فیرچالارینی ایشه سالیبلار. ماراق منی گئتدیکجه بورویوردو: - بس نتیجه‌سی؟ سیزین آلیشینیز اونا حصر اولونموش فوتو و یا تصویری اثرلرین هانسینی بیه‌نیب؟ سرو بویلو خانیم سویوق قانلیقلا: - هئچ بیرینی،- دئدی،- نه اینکی بینمه‌ییب، حتا نظریندن کئچیرتدیکدن سونرا حیرصله‌نیب. جایناقلاری ایله اونلاری جیریب، زای ائدیب. - نییه؟ نه‌دن بئله قابا حرکته یول وئریب؟ ایتین یییه‌سی ایتینی بیر داها تومارلادی. آلیش بو آغ اللرین توماریندان سونسوز حظّ آلیردی. بونو اونو باخیشیندان آسانلیقدا دویماق اولوردو. - اونون قارشیسینداکیندان اوماجاغی نه دیر؟ بونو سیز بیلیرسینیز؟ - بلی. - خواهیش ائدیرم، دئیین. بلکه من ده فیرچامی ایشه سالدیم. بو ایشده منه کمک اولارسینیز. او، خواهیشیمی توتمادی، قیناییجی و سیناییجی بیر باخیشلا دئدی: - اصل صنعتکارسینیزسا بو ایسته‌یی سیز اؤزونوز کشف ائتمه‌لی‌سینیز. - یاخشی. باخاریق. اؤزومو سینایارام. اصلینده من آلیشین ایسته‌یینی دویموشام. ساده‌جه سیزین یاردیمینیزلا بونو دقیقلشدیرمک ایسته‌ییردیم. سیز ایسه امتناع ائتدینیز. اولسون. گونلر کئچدی. من آلیشین یاغلی بویا ایله پُرتره‌سینه خیلی واخت صرف ائتدیم. من سرو بویلو خانیما تئلفونلا( نومره‌سینی آلمیشدیم) خبر وئردیم. او بو خبردن سئویندی و منی اثرله بیرلیکده ائوینه دعوت ائتدی. کوچه‌یه باخان ایواندا ساده ترتیباتلی بیر سوفره آچیلمیشدی: مربالی چای و ایکی قدحی ده یانینا آلان " شامپاین" شراب ایله. یعنی کی صنعتکار هانسینا مئیل‌لی اولسا، اونا ال اوزاتسین. البته بو ساده سوفره آلیشین پُرتره‌سینین شرفینه دوزَنلنمیشدی. دبدبه‌لی قیمتلندیرمه مراسیمی یقین کی، سونرایا ساخلانمیشدی. اگر اثر بیه‌نیلرسه... نه واختسا یولداشینا " چوبوش" دئییلن آلیش دا هیجانلانیر، آچیلیش آنی‌نی صبیرسیزلیک‌له گؤزله‌ییردی. من چرچیوه‌یه آلینمیش پُرتره‌نین اؤرتویونو احتیاطلا آچدیم.

‌ آی ایت... ✍یازان: قریب مهدی کؤچورن: سحرخیاوی حاضیرلایان:ادبیات سئونلر هردن یونگول بازارلیق اوچون چوخ چئشیدلی مارکئته گئدیرم. سیفاریشی خانیمیم وئرسه ده، آلاجاقلا اؤزوم مشغول اولورام. نازیک حاق- حسابلی بازارلیق اوشاقلارین آناسی‌نین ناراضی صیفتی‌نی بیرآز دا تورشودوردو. نئیله‌ییم، دیلیم قولبومدن‌ الیم جیبیمدن اوتانیردی. یول بویو چوخ ائولرین و بیر ده ایوانی کوچه‌یه باخان کورسولو ائوین یانیندان کئچیردیم. بو ائوده یاشایان، بیربیریندن گؤزل ایکی وارلیق- گؤزل ایت و بو ایتین سرو بویلو گؤزل صاحیبی دیققتیمی چکیردی. سرو بویلو قادین هم ده ذوق ایله سئچیلمیش گئییم‌لری ایله یادیمدا قالیردی. او، رنگ سئچیمینده اوستالیق نماییش ائتدیریردی. بیر رسام اولاراق بو سئچیم منی ماراقلاندیریردی. فیکیرلشیردیم: " اویارلی رنگ سئچیمی‌نین عالی‌لییی ذوقه، یوخسا علمه سؤیکه‌نیر؟" بونو سرو بویلو خانیمدان سوروشماغا اوره‌ک ائله‌میردیم. گونون معین واختلاریندا سرو بویلو خانیم اولدوقجا کیچیک، توکو قار کیمی آغ ایتی ایله گزینتی‌یه چیخیردی‌. کوچوک تئز- تئز اورا- بورا دارتینسا دا، قادین اونون یاراشیقلی بوغازلیغینی- خالتاسی‌نین ایپینی الدن بوراخمیردی. هردن اونلار ایواندا قرار توتوردولار. حیس ائدیردیم کی بو یاراشیقلی قادین، بو یاراشیقلی ایت‌دن، اونون اَیلنجه‌لی حرکت‌لریندن، ایجازه‌لی و یا ایجازه‌سیز اونا بونا هورمه‌سیندن ذوق آلیردی‌. ایتین شیلتاقلیغی آرتاندا صاحیبی اونو انتظاما سسله‌ییردی: " آلیش، ساکیت اول". بالاجا ایت ظریف سسی ایله، کیمه یوخسا هانسی قارالتی‌یا ساری نه قدر هوروردو، دییه بیلمه‌رم. بؤیوکلویوندن، کیچیک‌لییندن آسیلی اولمایاراق، ایتین یادداشی گوجلو اولور. منی محکم یادیندا ساخلامیشدی. نه واخت راستلاشیردیقسا، در حال صاحبینی اینجیدیر، منه طرف دارتینیب هوروردو. بعضن بو هوروش حددینی آشیب کسکین‌لشیردی. سببینی بیلمیردیم. بلکه باشقالاریندان فرقلی گئییمیم اونو قیجیقلاندیریردی؟ آخی رساملارین گئییم‌لری فرقله‌نیر. اولا بیلسین ماهوت پئنجه‌ییم، اورجینال دولاقلی بوغاز شرفیم، یومورو بؤرکوم و یا ساققالیم اونا نه‌سه بیر منفی تاثیر آشیلاییردی. صاحیبی، سرو بویلو خانیم دا سئویملی ایتی‌نین منه اولان مناسبتینه مات قالمیشدی. بیر گون آجیقلی حالدا دئدی: - آلیش، من سنی جزالاندیریب کونجه قویارام. کیمه، هارا هورمه‌یینه من گؤستریش وئریرم. همیشه ایجازه‌لی هورورسن، سونرا دا موکافاتینی آلیرسان. بو نه اؤزباشینالیق دیر؟! اصلینده صاحیبی هر شئیی یاخشیجا بیلیردی. اؤزونو بیلمزلییه وورماق دا بیر اوستالیق دیر. ایتین خیدمتی هوروشونده دیر. هورمَسه، اونا کیم چؤره‌ک وئره‌جک؟ بونو هامی بیلیر. گؤرونور، صاحیبندن باشقا، ایتین اؤز اوماجاغی دا وار. سببی آچماق لازم ایدی. دئدیم: - خانیم، من صنعتچی‌یم، رسامام. صنعتچی‌لر هامینین دیلینی بیلیر. ایجازه وئرسه‌نیز من اونون ایجازه‌سیز هوروشونون سببی و مقصدینی اؤیره‌نه‌رم. جاذبه‌سینه کورلوق وئرمه‌ین سرو بویلو خانیم آچار ساییلاجاق سؤزونده بدخرجلیک ائتمه‌دی: - نه دئییرم. من چؤمبه‌لیب آلیش‌لا اوز- اوزه دوردوم و هوروشونون سببینی اؤیرنمه‌یه گیریشدیم: - آی ایت، من سنین بو آرامسیز هوروشونه لاییق دئییلم. دئه گؤروم هانسی گوناهین صاحیبی‌یم کی، منی گؤرنده آجیقلا هورمه‌یه باشلاییرسان؟ منده قصور آختاریرسان؟ واللاه من حالال معاشیملا دولانیرام. ایندییه‌دک هئچ کیمی آلداتمامیشام، هئچ کیمدن روشوت آلمامیشام.‌ هئچ کیمین پاخیللیغینی چکمه‌میشم. منه بئله آرامسیز هورمه‌یین نه‌دن دیر؟ سببسیز هئچ بیر شئی باش وئرمیر. ایت اولاندا نه اولار... آلیش بونو یاخشی بیلیردی. او اؤز ایت دیلی اونسیتی‌له بونو منه آنلادا بیلردی. لکن جاواب وئرمه‌دی، باشینی چئویریب یییه‌سینین، چورک وئره‌نی‌نین، قایغیسینی چکه‌نی‌نین، نازی ایله اوینایانین اوزونه باخدی. سرو بویلو گوزل ایجازه اوچون تلسمه‌دی. او، اَییلیب سئویملی‌سینی یئردن گؤتوردو و سینه‌سینه سیخدی. اللری‌له آغ توکلو، باپ- بالاجا ایتی تومارلاماغا، اوخشاماغا باشلادی. من ده دیکَلمه‌لی اولدوم. ایتدن عطیر قوخوسو گلیردی. باشا دوشدوم کی، یییه‌سی اونا حیوانچیلیق حکیمی قایدالاری ایله قوللوق ائدیر. یقین آیریجا دوش وانناسی وار. چیمدیررکن مختلف شامپولاردان استفاده ائدیر. حتا طبی طلب‌لری ده اونوتمور. بئله صاحیبین ایتی اولماق خوشبخت‌لیک دئییلمی؟ بو سؤالا در حال جاواب وئرمک چتین دیر. آلیش ارکؤیون اولدوغوندان دَییشکن وضعیت‌لره جان آتیری. بیردن او، ناراحاتلیغینی بیلدیردی. اونو باشا دوشَن صاحیبی آلیشی یئره بوراخدی و معین مسافه‌ده کندیرینی بوشالتدی. ایت اوّلجه یاخینداکی آغاجا ساری جان آتدی و دال آیاغی‌نین بیرینی قالدیریب آغاجین دیبینی سولادی. سونرا اطرافا بویلاندی. یاخینلیغیندان ایری گؤوده‌لی صاحیبسیز بیر قانجیق کئچیردی.

ادبیات سئونلر قلمداشلارینا تقدیم اولور

«بکتاش آبتین» کلاه را از سر بر‌می‌دارم نگاه کن کیست که این‌گونه جان خود را به بازی گرفته باشد؟ به آسمان و دریا نگاه می‌کنم، غم‌انگیز و جذاب است دنیا... با اینهمه آیا اعتصاب شهاب‌سنگ ‌ها و نهنگ‌ها شجاعانه نیست؟ https://t.me/Adabiyyatsevanlar

حیدر بیات یارالی دورنا هاردان قونور شعریمین بیرینجی مصراعسینا بلکی شعریم هئچ یئره چاتمایاجاق بیر یولون یاریسیندادیر یارالی بیر اینسان اونو یازیب شاعیر اولور بلکی شاعیرلر یارالی اینسانلاردیر یولون یاریسیندا آیاقلارینا گوونمه‌ییب خیاللارینا سیغینارلار بلکی اینسانلار هامیسی یارالی‌دیر هامیسی شاعیردیر هامیسی خیال قورار اؤیله بیر خیال کی یارالی دورنا بئله قانادلانیب یولونا گئده بیلر اؤیله بیر دورنا کی یاراسینی توختاداجاق یاری واردیر آه یارالی دورنالار اینسانلارین خیالی او قدر دایازلاشدی کی یارالی بیر دورنانین اوچاجاغی قدر بیر اوفوقو بئله یارادا بیلمه‌یه‌جکلر. قونما نه منیم نه باشقا شاعیرین مصراعلارینا https://t.me/Adabiyyatsevanlar

شاهین مرادی . مقدس تانری‌لار و روح‌لار گؤک تانری ۴ بعضی آراشدیرمالاردا اولگنه عطف ائدیلن یئددی یا دوققوز اوغول یا دا قیزلاری کیمی قایناق‌لاردا گؤک تانریسی‌نین قیزلاری اولاراق سؤز ائدیلمکده‌دیر. انسان‌لار آراسیندا یالنیزجا شامان‌لار بونلارلا ایلیشگی و ارتباط قورا بیلمکده‌دیر. گؤک تانری‌نین صنعت تاریخینده‌کی تصویرلری داها چوخ نمادین‌دیر. بونون گؤزل بیر اؤرنه‌یی اورتا آسیادا «آک اؤی» یا دا «بوز اؤی» اولاراق آدلاندیریلان، یورد دئییلن چادیرلاردیر. داها سونرا دا سؤزونو ائده‌جه‌ییمیز کیمی، بیر میکرو کوزموس (کیچیک دونیا) ساییلان ائو و خصوصاً ده چادیرلارین اوست بؤلومو، یعنی قبّه فورمو- گؤک تانرینی تمثیل ائتمکده‌دیر. چادیرین معماری‌ده ان اؤنملی رول‌لو اولماسی دا بورادان قایناقلانمادادیر. گؤک تانری یا دا بعضی جامعه‌لرده زامان‌لا اونون یئرینه کئچن اولگَن، یونان میفولوگیاسینداکی زئوس (تانری‌لار تانریسی)، سومئرلرده‌کی «آنو»یا قارشیلیق گلمکده‌دیر. ذاتاً یوخاری‌دا تورک دینی ایله ایلگیلی اولاراق ایفاده ائتدیییمیز فرمول، اسکی سومئرلرده ده واردیر. «آنو-ائنلیل-ائآ» اوچلویو «گؤک-یئر-دنیز» تانری‌لارینی سیمگه‌له‌ییردی. بو فرمولو هندوستانلی‌لار دا منیمسه‌میشدیر ( C.Turkkan. Moulou. S. 104 ). بنزرلیک‌لر نه‌دنی ایله بعضی آراشدیرماچی‌لار و محقق‌لر، میلاددان اؤنجه اوچونجو مین‌ایل‌‌دن بو یانا، حتی داها ائرکن دؤنم‌لردن بری مئزوپوتامیا (بین‌النهرین) میفولوژیسی و کولتورو ایله خزر و آلتای کولتورلری آراسیندا بیر سیرا ایلیشگی‌لر اولدوغو دقّتی چکیر. *مقدس تانری‌لار و روح‌لار بؤلومونده (گؤک تانری) بؤلومون تقدیم ائتدیک. باشقا پست‌لاردا «گونش و آی تانری‌لاری» و یا «گونشه، آی‌لارا و اولدوزلارا تاپینماق» مبحث‌لری ایله اسطوره‌ یازی‌لارینین آردینی توتاجاغیق. https://t.me/Adabiyyatsevanlar

ام،ام  ام، نمنمنم دئدیم! دئدی! دئدیم:اقتصاد علم دیر  اوزوده بینوروی بیر علم؟ دئدی:یوخ، کیم دئییراقتصاد علم دیر،اقتصادعلم اولسایدی طالبان هانسی علمه ،هانسی دانشگاهی عالیمه دایاناراق کئچن ایل پولونون دیرینی او ایکی فایز آرتیرییب؟ دئدیم:بیزیم طالبانیمیز یوخدو یوخسا اقتصاد پروفسوروموز کی کئچن ایکی ایلده پولوموز 60 فایض گوجونو الدن وئرییب؟ دئدی:ام، ام ،ام ،نمنمنم بوردا سولار باش یوخاری آخیر، بورداپروفسورطالبان دی، طالبان پروفسور اونا گوره ایت ایه سینی تانمیر،اقتصادیندا صاحابی یوخدور. https://t.me/Adabiyyatsevanlar

منوچهرفضلی خلف"آذرائللی" گوزل كؤنلؤمه يوْل تاپان گؤزل اۆره‌ييمی يارالاما اوْرا سئوگی ياتاغې‌دې دئشمه، ديدمه، پارالاما بوْستانېما گيرن گؤزل هر بۇجاغېن گؤرن گؤزل يئميشيندن درن گؤزل اۇرالاما، قارالاما من سۇسۇز، سن سۇلۇ سَنَك سن شام اوْلدۇن، من كَپنك «آز ار ائللی» اؤلنه دك سنی مندن آرالاما. https://t.me/Adabiyyatsevanlar

« کریم قربانزاده» پاییز قلینجینی اوینادیر مئشه‌ده اوره‌ییم قیریلیر، دوشور یارپاق بهانه‌دیر اوچوش‌دا کؤچور ماهنی‌دا بوردان. https://t.me/Adabiyyatsevanlar

شیرکو بیکس ترجمه : بهروز حسن زاده در سرزمین من در سرزمین من " روزنامه " لال از مادر زاده می شود. در سرزمین من " رادیو " ناشنوا به دنیا می آید. در سرزمین من " تلویزیون " نابینا چشم به جهان می گشاید. در سرزمین من کسانی  هم که بخواهند اینان را سالم به دنیا آورند، لالشان می کنند و می کشند. ناشنوایشان می کنند و می کشند. نابینایشان می کنند و می کشند. در سرزمین من https://t.me/Adabiyyatsevanlar

✍ :بختیار_وهابزاده یاواش‌ یاواش عؤمرون پاييز فصلی سيخدی اليمی يوخسا قوجاليرام من ياواش ياواش؟! پاييزدا يارپاغا خال دوشن كيمی دوشور ساچلاريما دن ياواش یاواش آغاجلار سویونور، يئر خزل‌له‌نير فيكير دومانلانير، گؤزلر زيلله‌نير گوللرين اوستونه ائنن تک ائنير منيم گؤزلريمه چن ياوا یاواش سارالير گئت گئده چؤل، چمن، چايير كؤنول هر ساعاتی عؤموردن سايير بير سس قولاغيما هئی پيچيلدايير، بختیار گؤيلردن ائن ياواش ياواش! https://t.me/Adabiyyatsevanlar