ادبیات سئونلر

✍️ :ائلمان_موغانلی یئر کوره‌سینی ساواش عطری بوروموشکن گل بیز ده ساواشاق سینیرلار اوچون یوخ نفت اوچون ده یوخ آماجیم، گؤزلریوین امپراطورلوغونا شاهلانماق. عؤمرومون گئجه گوندوزلرینی چالان جان آلان باخیش‌لارینا فاتح‌ اولماق، گولوشونون بوتون شهرلرینه‌ یییه‌لنمک. و اوره‌ییوین باش کندینده قورخو ایله هؤووشنه یئرینه، بوتون کوچه‌لره سئوگی آغاجی اَکمک. ایل لر بویو حسره‌تینی چکدیگیم اَل‌لرین عؤمۆرلوک دوستاقلانمالی اؤزو ده اَل لریمین آراسیندا. ساواشی قازانان من اولارسام هر سحر ایشه گئتمه‌میش یوخولو‌ گؤزلریوین خومار باخیش‌لاریندان منیم اوچون تیکه توتماغین گرک و هر گون سحردن آخشاما گولمه‌گه محکوم‌سان. 1405.03.18 https://t.me/Adabiyyatsevanlar

علی رشتبری" قاییب" سن ده منیم کیمی وفاسیز چیخدین، ائتمه دین مرحمت بیر جانا یوردوم، یومدون گؤزلرینی ،چکدین اوخونو، ساغا-سولا گلدی، هر یانا یوردوم. بللیدیر هر نَیین دوز کئچمیشیندن، کئچیبدیر یوز قوجا جاوان دیشیندن. لذّت ده آلیبسان یقین ایشیندن، وورموسان فینجانی فینجانا یوردوم. هانی توی آخشامی میدان قورانلار؟ هانی بس یوللاری گزیب یورانلار؟ مسجد قاباغیندا دونن دورانلار، بو گون قبرستاندا یان-یانا یوردوم. دانیش گؤروم بو یول کیمین یولودور؟ سنه یول گؤسترن هانسی دلی‌دیر. اینجیمه سؤزومدن قلبیم دولودور، آی عزیز تورپاغیم آی سونا یوردوم! بس نییه بو تهر توتدون دونیانی؟ کوسدوردون اؤزوندن هر بیر انسانی؟ دئ گؤروم اون یاشلی قاییب بس هانی؟ نئیله دین اونلاری آی آنا یوردوم؟!...

سایین کانالداشلار نت سورونو بیت دیکجه تخصوصی وئرلیش لریمیزی (مصاحبه لر،نثر گونو،اوشاق ادبیاتی،ترجومه لری،کوچورمه لری...)اوز گونونده قاباقکی قرارلار اساسیندا پایلاشاجاغیق. https://t.me/Adabiyyatsevanlar

اوشاق ادبیاتی هرهفته پنجشنبه گونو ادبیات سئونلر کانالیندا . اوشاق ادبیاتینا دایر یازیلارینیزی بیزه گوندرین https://t.me/Adabiyyatsevanlar

چرشنبه گونو ادبیات سئونلر کانالیندا بؤیوک تورک شاعری ناظم حکمت و تورک دنیاسی...  پرفسور. دکتر علی کافکاسیالی نوبل آکادمیک یایینجیلیک کتاب، آنکارا، 2023  چئویرن: مجید تیموری فر (م. صفا)    https://t.me/Adabiyyatsevanlar

ح-هریزلی دمیرقوشلار دمیردیمدیک، دمیرقاناد، دمیرقویروق، جهنمدن آلیر بویروق، دمیرقوشلار. قان خوسو،قوخویورلار قودورموشلار. گؤیده بولود،لای-لای، چین،چین، ماوی سما درین انگین، نه یازیق کی، بوگؤیلرده، گؤزه دیمیر آغ گؤیرچین. قان قوخویور چؤلون داغی،دره سیده، قورخوسوندان یارپاق کیمی، اسیر کهلیک،فره سیده. انسان اوغلو ندن بئله، دونیایا سالیر ولوله؟ یاشام حاقین وئرن کیمدیر؟آلان کیمدیر؟ ایشه بیرباخ اؤلن کیمدیر؟قالان کیمدیر؟ هریس ۱۴۰۵/۳/۲۱ https://t.me/Adabiyyatsevanlar

سید علی صالحی ما راهِ دیگری برایمان باقی‌ نمانده است ما باید خیلی چیزها را کنار بگذاریم... ما باید با نخستین نشانه‌های سپیده‌دم چشم‌هایمان را به نور عادت دهیم وگرنه ظلمت ظلمتِ دیگری خواهد زائید... https://t.me/Adabiyyatsevanlar

سوسن چلچراغی بوگون1405/3/21جوما گونو، 250کیلومتر ماشین سوردوم بو گوزل گولون(سوسن چلچراغی نین ) داماشداگوروشونه گئتدیم سوسن چلچراغی دونیادا یالنیز ایکی یئرده بیتر ایراندا داماش دا، بیرده آذربایجاندا لنکراندا، https://t.me/Adabiyyatsevanlar

گونشه قفس اولونوب نصیب/ وطنیمده تولکو کمین کسیب/ بئله آشیانه‌نی نئینیرم»/ ……..ا «یئنه نیسگیل لچه‌یین سالدی خزان/ آچمامیش غنچه‌لری چالدی خزان/ منی ده جایناغینا آلدی خزان/ یاشیل احساسلی چمن ساخلا منه!/ یالانا دوزلوک اوخو ائتسه اثر/ گول بیتیب، غنچه گولوب، آچسا سحر/ بیر ده گؤرکملی اوره‌ک گؤرسن اگر/ او اوره‌کلرده وطن ساخلا منه!/ اوجالیق‌لاردا ایزین وار دئیه‌رَک/ چیخارام داغلارا یار-یار دئیه‌رک/ گله‌رم غربت ائوین دار دئیه‌رک/ وطن عنوانلی کفن ساخلا منه!…» قایناق:ایشسق سایتی https://t.me/Adabiyyatsevanlar

چیخارام داغلارا یار-یار دئیه‌رک گله‌رم غربت ائوین دار دئیه‌رک وطن عنوانلی کفن ساخلا منه» حمیده رئیس‌زاده (سحر خانیم) گونئی آذربایجان تورک ادبیاتی’نین تانینمیش و ایمضالی شاعرلریندن بیری‌دیر. «یوخو تک سال یادینا ائل اوبامین شانلی دیلین/ چکه‌لر گر دیلیمیزدن بیزی دارا گئجه‌لر!..» دئدییی آری تورکجه‌یله یازدیغی شعرلری ایله گونئی آذربایجان ادبیاتیندا بؤیوک و حاقلی بیر موقعه قوووشموشدور. اونون سیاسی بیلینجی، سیاسی اولایلاری دئورینین شعر دیلی‌یله ایفاده ائتمه دوشونجه‌سینه گؤتورموشدور. بو دوشونجه‌دن و گؤزل لیریکادان یولا چیخان شاعر آذربایجان تورکجه‌’سی ایله سؤیله‌دییی شعرلری‌نین یانیندا فارسجا شعرلر ده یازمیشدیر. شعرلرینده وطن سئوگیسی، بوتؤولوک سئوداسی، خالق محبتی، اینسان سعادتی، حسرت، هیجران، آزادلیق، اؤزگورلوک و قورتولوش موتیولری گئنیش یئر بولموشدور. شعرلرینین تئماسی سئوگی آنا فیکری ایسه آزادلیق، اؤزگولوک، قورتولوش و باریش اولموشدور. شعرلرینده گونئی آذربایجانین یاشادیغی سیخینتی و آغری-آجی‌لار اونون شخصی سیخینتی و آغری-آجی‌لارییلا یوغرولاراق شهید فون موزیکی کیمی اؤیله بیر سیمفونیا یاراتمیشدیرکی، هر بیر دینله‌ییجی‌نین توکونو اؤرپه‌تمیشدیر. «ائلیمین گوللری سولمایان کیمی/ دریالار اوسگویه دولمایان کیمی/ توتولوب اوره‌ییم اولمایان کیمی/ اوچماقدیر دیله‌ییم قانات وئر منه!/ جانیم‌لا وارلیغیم، واریم دیدیشیر/ اوخ قالیب سوموکده یارا بیتیشیر/ حیاتیم بوش-بوشا باشا یئتیشیر/ بو سون گونلریمده ثبات وئرمنه!/ قولوما قارداشدان دایاق ایستیرم/ دیلیمه ائلیمدن سایاق ایستیرم/ دنیزلر توتوملو چاناق ایستیرم/ دردیمی یازماغا داوات وئر منه!..»/ باسقی و سیخینتی‌لار و اینسان حقوقونو هئچه سایان غیر انسانی باسقی‌لار، قانونسوز توتوقلامالار، وحشی شبیخونلار و قورخونج دوستاقلارلا باریشا بیلمه‌ین قادین آنا و قادین شاعر اوره‌یی اۆزونو دوغانین آزاد قوشلارینا توتور و وولکان پؤسکورمکده اولان دردلرینی اونلارلا بؤلوشور: «اوساندین سن ده آخیردا/ زَهرلنمیش بولاقلاردان/ قانادلارین اوچار-اوچماز/ کؤچورسن قانلی باغلاردان/ اؤزون یولدا، گؤزون دالدا/ کئچیرسن قارلی داغلاردان/ تیکانلیق‌لار دیاریندان/ اولان کؤکسو یارا بولبول!/ ائشیتمیشدیم کؤچر دورنا/ گئدیرسن سن هارا بولبول؟/ گئدیرسن گئت، دالا باخما/ قاباق‌لاردان سسین گلسین/ بولانماز غنچه قانیندان/ بولاقلاردان سسین گلسین/ قفس‌دن جان قوتار سوسما/ اوزاقلاردان سسین گلسین/ سازین نیسگیللی سیزلانسا/ اوزون دؤندَر بورا بولبول!/ آماندیر، قویما یوردون تک/ سنی غربت یورا بولبول!/ گئت اوردا سال هارای، سسلن/ نه اود دوشدو بورا سؤیله!/ آسیلدی اللی مین بولبول/ بوداقلاردان دارا سؤیله!/ گونش ده ظولم‌دن سؤندو/ اوزو اولدو قارا سؤیله!/ دئنن گلدی ائلیم-یوردوم/ بو ظلمت‌دن زارا بولبول!/ اوجالمیش ناله‌نی سازدان/ دولان سال داغلارا بولبول!..»/ ایندی بیر آراشدیریجی و شاعر اولاراق آلقی‌لادیغیم بو شعری من ایلک دفعه بیر عادی اینسان اولاراق دینله‌میشدیم. یانی دئمک ایسته‌ییرم کی اوندا شعر-فیلان یازماییردیم. ۱۷ _ ۱۸ یاشلاریندا اولاردیم. عروض وزنی‌ ایله یازیلان بو شعری سحرین اؤز نیسگیللی سسی و اوستادانه دیکلمه‌سی و حسین اسدی‌نین یانیقلی ساز ائش‌لییینده ائشیتدیکده گوز یاشلاریما حاکیم اولا بیلمه‌میشدیم و ایکی گون آغلامیشدیم. شعرین فضاسیندان چیخا بیلمه‌م ایسه آزی بیر آی چکمیشدی. تهراندا گؤزلریم‌له گؤردویوم و جانیم‌لا، قانیم‌لا حیسس ائدیب آما دیله گتیره بیلمه‌دیییم آغیر آتموسفئری و آغریلی آجیلی دورومو بیر قادین سسی‌یله و قادین دویغوسو یوغرولموشلوغویلا ائشیدیردیم. بو دوشدویوم ائموسیا و او یاشادیغیم دوروما سحر خانیمین پوئزیاسی آککورد توتوردو. دئمک ایسته‌ییرم کی سحر خانیم زاما‌نین دیلینی تاپاراق، ایچینده یاشادیغی خالقین آغری-آجی‌لارینی، آرزو و ایستک‌لرینی، غم و نیسگیل‌لرینی صمیمی و آخیجی بیر دیل‌له پوئریا گؤزلی‌نین دیلی‌یله عکس ائتدیرمه‌یی باجاران باجاریق‌لی شاعرلردندیر. او هم شاعرلره تاثیر قویموش، هم ده عادی وطنداشلاردا درین ایزلر بوراخمیشدیر. و سوندا توم بو وورغولادیغیم پروبلئم‌له باریشا بیلمه‌ین شاعر اوره‌یی، سون قرارینی وئرمیش و نوستالژی‌یه اوغرایاراق، کؤچ تراژئدی‌یاسینا قووشموش و شعرلرینده همیشه آغیر نیسگیل‌له سس‌له‌نن غربته و هیجرانا قووشموشدور. «گئدیرم، گلین گؤروشوم گئدیم/ گؤروشوم بیر آن سوووشوم گئدیم/ یئنی غربته قوووشوم گئدیم/ قفس آدلی لانه‌نی نئینیرم!.. یاشیل اؤلکه‌مه قارا یئل اسیب/

وقار نعمت حمیده رئیس زاده ( سحرخانیم )ین ادبی حیاتی سحر خانیمین ادبی یارادیجیلیغینا باخدیقدا بیز دیوان ادبیاتینا عایید فولکلوریک شعرلر، عروض وزنینده و غزل قالیبینده یازیلان کلاسیک شعرلر، و سربست قالیبده یازیلان یئنی شعرلر گؤروروک. آنجاق مضمون باخیمیندان بو شعرلرین هئچ بیریسی اؤز قالیبینه سیغماماقدادیر‌. اؤرنه‌یین بیز غزل قالیبینده و یا قوشما فورماسیندا یئنی و سربست دوشونجه‌نین شاهیدی اولدوغوموز کیمی، بیر سربست قالیب‌ده‌ ده اسکی بیر باخیش آچیسی و کلاسیک بیر دوشونجه‌نی گؤروروک. آنجاق توم شعرلرده گوجلو و صمیمی بیر دیل، اینجه و حساس بیر روح و گونئی آذربایجان اینسانی‌نین پوئتیک دویغولارینی گؤزه‌لجه تمثیل ائده‌بیلن بیر دوشونجه و دویغو گؤزه چارپماقدادیر. «ماوی‌لر» کیتابیندا‌کی شعرلرینده سئوگی، آیدینلیق، وطن‌پرورلیک، مقاومت، دیره‌نیش و چاغداشلیق قاباریق‌دیر. تیپکی، «آیلی باخیش» شعرلرینین چوغونلوغوندا یئر آلان اسکی‌لیک، کهنه عرفان و صوفیزم کیمی! سربست شعرلرینده فورم سربست اولسا دا، چوخوندا وزن عروض و هیجا، دوشونجه و دونیا گؤروشو ده کلاسیک‌دیر‌. توم بو اوسته گتیردیییم وورغولاری نظره آلاراق سحر خانیمی گونئی آذربایجان نئوکلاسیک شاعرلری سیراسیندا توتماق اولار. نئوکلاسیک، کلمه آنلامی اولاراق، یئنی اسکی‌لر دئمکدیر. دئمه‌لی اوزه‌ریندن زامان کئچدیغی حالدا ده‌یرینی ایتیرمه‌ییب، اؤز تۆرونون اؤزگون اؤرنه‌یی اولاراق گؤرولن شئی‌لره کلاسیک دئییریک! نئوکلاسیک ده یئنی کلاسیک‌لر یاراتما چاباسی و یا کلاسیک‌لره یئنی فورم‌لار وئرمه، اونلاری یئنی‌یه ایشله‌مه چاباسی اولاراق یوروملایا بیلیریک. باشقا تعریف‌لرده یاری یئنی زامان یاری اسکی زامان اولاراق نئوکلاسیک کلمه‌سی‌نین تانیم‌لاندیغینیدا گؤروروک. اؤنجه باروک و روکوکو آخیم‌لارینا تَپکی اولاراق معماری‌ده باشلادی. سونرا دیگر صنعت داللارینی ائتکی‌له‌دی. کلاسیک کولتورون ساده و چیلپاق تئکنیک‌لرله آنلادیلماسی سئنتئزی دوشونجه‌سی‌دیر. بیچیم اولاراق کلاسیزمه باغلی اولماقلا بیرلیکده اؤز یؤنوندن یئنی‌لیکلره آچیق اورونلر (محصوللار) وئریلمیشدیر. داها چوخ معماری و رسیم‌ده ائتکیلی اولموشدور. نئوکلاسیزم اون‌سکگیزینجی یوز ایلین ایکینجی یاری‌سیندا آلمانیا’دا اورتایا چیخان، آنجاق فیرانسا’دا داها چوخ اویقولانما ایمکانی تاپان و آنتیکیته‌دن اسین‌لنه‌رک کلاسیک فورملارا دؤنوشو آماجلایان صنعت آنلاییشی و اوسلوبودور. اییرمینجی یوز ایلین باشلاریندا ایسه سیمگه‌وی‌لیه(سمبولیزم) تپکی اولاراق گلیشن و کلاسیک بیه‌نی‌نی، کلاسیک اوسلوبو جانلاندیرماغی آماجلایان ادبیات جیغیری‌دیر. نئوکلاسیک دئییمی ده، گئنل اولاراق کلاسیک نیته‌لیک‌لر داشییان اثرلر اوچون قوللانیلیر. یونان اصیللی فرانسیز شاعر ژئان مورئاس’ین اسکی یونان و روما جیزگی‌سینده‌کی گوزه‌للیک آنلاییشینی ایش‌له‌ین شعرلری نئوکلاسیزمین اؤرنه‌یی‌دیر. اؤرنه‌یین تورکییه‌ ادبیاتیندا یحیا کمال بیاتلی’نین شعری، ائستئتیک آچی‌دان دیوان شعرینه باغلی یانلاری‌یلا نئوکلاسیزم اولاراق گؤرولموشدور. یحیا کامال’ین شعرلری، بیچیم یؤنوندن اسکی، اؤز یؤنوندن یئنی‌دیر. نئوکلاسیزم، آنتیک یونان و آنتیک روما دؤنه‌مینه عایید طرزلرین یئنی‌دن جانلاندیریلماسی‌یلا اورتایا چیخان بیر آخیم‌دیر. بو آخیمین ان اؤنملی اؤزَللیک‌لریندن بیری آشیری سوسله‌مه‌جی‌لییه، آشیری بزه‌ک-دوزه‌یه دویولان تَپکی‌نین اورتایا قویولماسی‌دیر. «دایانماغا دیوار / نفس چکمه‌‌یه آز-چوخ هاوا/ آلیشدیرماغا سیگار/ سینه‌‌مین دردین بیتیرمه­‌یه/ داوا وار…/ بونلار دئییل دردیم/ گونش یئرینه/ اولدوزلارا کیفایت‌لنه بیلردیم/ باشیمی چیینیوه قویوب/ آغلایا بیلسه‌‌یدیم…»/ تاساریمجی‌لیق صنعتینده ده یونان و رومادا بو صنعت باروک طرزین آشیریلیغینا و روکوکو’نون دونیوی و ائروتیک کاراکتئرینه تَپکی اولاراق گلیشمه‌یه باشلادی. قهرمانلیق تئمالاری‌نین یئرینی آنتیک تاریخ تئمالاری آلدی. باروک و روکوکو’داکی رنک ائتکی‌لشیمی‌نین و باش دؤندوروجو کومپوزیسیونلاری یئرینه جیزگی‌یه، ایشیق-گؤلگه تئکنیکینه و اینسان ووجودونون کلاسیک اورانلارینا دایالی سرت کومپوزیسیونلار آلدی. عینی زاماندا اویقولامالاریندا رؤنئسانس رسیم تئکنیک‌لرینه دؤندولر. تیپکی سحر خانیمین شعرینده‌کی آغ-قارا و ایشیق-کؤلگه جیزگی‌لر کیمی. «اؤزوم اؤز قارشیما قارشی کسیرم اؤز یولومو/ منی یول وئر اؤزونه، مندن اوزاق ساخلا منی»/ …… «دئییرسن چک خیالدان ال، خیالین چکمه‌ییر ال گل/ آتیل تیر خیلاص ایله، حریم سینه‌می دَل گل» …… «اوجالیق‌لاردا ایزین وار دئیه‌رک

آلما نی آتدیم خارالا.... https://t.me/Adabiyyatsevanlar

چارلی چاپلین ، ✍️: یازار : شیرکو بی کس ،✍️ :چئویرن:  علی آغ گونئیلی - ابرازی بو دونیادا چوخ شئیلر وار کی ، پاسلانار, چورویَرلر، اولَللر و یاددان چیخیب گئدرلر پادشاه لارین تاجی, عصاصی و تاختی کیمی بودونیادا چوخ شئیلر وار کی ، هئچ واخت، چورومزلر، اؤلمزلر ، واونودولمازلار؛ پاپاق کیمی، عصا کیمی، و « چارلی چاپلین » ین آیاق قابیلاری کیمی. https://t.me/Adabiyyatsevanlar

سیمین بهبهانی دلم گرفته ای دوست! هوای گریه با من گر از قفس گریزم، کجا روم  کجا  من؟   کجا روم، که راهی به گلشنی ندانم که دیده بر گشودم به کنج تنگنا، من نه بسته ام به کس دل، نه بسته کس به من دل چو تخته پاره بر موج رها رها رها  من   ز من هرآنکه او دور  چو دل به سینه نزدیک به من هر آنکه نزدیک  از او جدا  جدا  من   نه چشم دل به سویی نه باده در سبویی که تر کنم گلویی به یاد آشنا من   ز بودنم چه افزود؟ نبودنم چه کاهد؟ که گویدم به پاسخ که زنده ام چرا من؟   ستاره ها نهفتم در آسمان ابری دلم گرفته  ای دوست! هوای گریه با من ...   https://t.me/Adabiyyatsevanlar

■ نکته ها از نکته ها ■ برای خرید تک نسخه ای شماره 40 مجله «غروب» می توانید مبلغ 550 هزار تومان [با احتساب هزینه پست سفارشی] به حساب شماره اعلام شده در زیر واریز نموده و آدرس خود را برای ما ارسال دارید: کارت بانک تجارت: 5859831065829292 به نام: علی حامد ایمان ■ انجمن پرس ❘ نهاد مستقل مطبوعاتی - مجلات: انجمن ❘ غروب ❘ هنر و جامعه ❘ تجربه و شهر ■ ANJOMAN PRESS - Independent Cultural & Intellectual Network Anjoman | Goroob | Honar va Jame'e | Tajrobeh va Shahr - (ID) شبکه های مجازی: @aniomanpress