Hazrati Umar.uz

🌙 АШУРО КУНИНИНГ РЎЗАСИНИ ТУТИШНИ УНУТМАНГ! 📢 16 июль – сешанба куни Муҳаррам ойининг 10 куни – Ашуро кунидир. 🌙 Расулуллоҳ соллаллоҳу алайҳи васаллам: “Ашуро кунининг рўзаси – Аллоҳдан умид қиламанки – бир йил олдинги гуноҳларга каффорат бўлади”, деганлар (Имом Муслим ривояти). ⏰ Оғиз ёпиш ва очиш вақти (Тошкент вақти билан): 🗓 10 Муҳаррам - 16 июль - сешанба ⏺ Саҳарлик (оғиз ёпиш) вақти: 03:10 ⏺ Ифторлик (оғиз очиш) вақти: 19:55 🤲 Нияти: Холис Аллоҳ учун нафл рўза тутишни ният қилдим.

Сафларни тўғриланг, жипслаштиринг! Жамоат билан намоз ўқиш суннати муаккададир. Жамоат намозининг савоби ёлғиз ўқилган намоздан йигирма етти даража ортиқдир. Жамоатга Аллоҳнинг раҳмати тушиб туради. Жамоат намозида сафлар жипс ва текис бўлиши ҳам суннатдир. Нўъмон ибн Башир розияллоҳу анҳудан ривоят қилинади. Набий соллаллоҳу алайҳи ва саллам: “Ёки албатта, сафларингизни тўғри қилурсиз, ёки Аллоҳ юзларингизни қарама-қарши қилиб қўюр”, дедилар (Бешовлари ривоят қилган). Жамоат намозида сафни тўғри олиш ўта муҳим, сафни тўғриламаслик ўзаро нафрат ва ёмон кўришга олиб келади. Имом Муслим Расулуллоҳ соллаллоҳу алайҳи ва салламнинг сафларни худди камон ўқини тўғрилагандек тўғрилашларини ривоят қилган. Шунинг учун имомлар жамоатга сафларни тўғрилаш лозимлигини доим эслатиб туришлари лозим. Масжидга келганда биринчи сафдан тўлдириб бориш керак. Биринчи саф иккинчи сафдан, иккинчи саф учинчи сафдан афзал ҳисобланади. Биринчи сафда имомнинг ортида имомликка лойиқ аҳли илм ва қорилар туриши керак. Абдуллоҳ розияллоҳу анҳудан ривоят қилинади. Набий соллаллоҳу алайҳи ва саллам: “Менга сизлардан етуклик ва ақл эгалари яқин турсин. Сўнгра уларга яқин келадиганлар”, деб уч марта айтдилар (Имом Муслим, Имом Абу Довуд, Имом Термизий ва Имом Насоий ривоят қилган). Баро розияллоҳу анҳудан ривоят қилина­ди. Набий соллаллоҳу алайҳи ва саллам: “Албатта, Аллоҳ таоло ва Унинг фаришталари биринчи сафларни тўлдирувчилар­га салавот айтадилар. Аллоҳ таоло учун банданинг сафни тўлдириш учун босган қадамидан кўра маҳбуброқ қадам йўқдир”, дедилар (Имом Абу Довуд ва Имом Насоий ривояти). Биринчи сафда бўш жой бўлса, орқа сафдаги киши иккинчи сафдагилар орасидан биринчи сафга ўтаверади. Бунда иккинчи сафдагиларга озор берган бўлмайди. "Ҳидоят" журналидан Давоми бор...

🤲 АБИТУРИЕНТЛАР УЧУН ТАВСИЯ ЭТИЛГАН ДУОЛАР ТЎПЛАМИ 💬 Бир неча юз минг абитуриент орзиқиб кутган вақт келди. 14 июлдан тест имтиҳонлари бошланди. Абитуриентларга қуйидаги дуоларни ўқишни тавсия этамиз: ﴿رَبِّ اشْرَحْ لِي صَدْرِي وَيَسِّرْ لِي أَمْرِي وَاحْلُلْ عُقْدَةً مِنْ لِسَانِي يَفْقَهُوا قَوْلِي﴾ 🤲 Ўқилиши: “Робби ишроҳ лий содрий ва йассир лий амрий, ваҳлул ъуқдатан мин лисаний, йафқоҳу қовлий”. 🗣Маъноси: “Роббим, қалбимни кенг қил, ишимни осон қил, тилимдан тугунни ечиб юборгинки, сўзимни англашсин” (Тоҳа сураси, 25-оят). ﴿رَّبِّ زِدْنِي عِلْمًا﴾ 🤲Ўқилиши: “Робби зидний ъилман”. 🗣Маъноси: “Роббим, илмимни зиёда қилгин” (Тоҳа сураси, 114-оят). ﴿سُبْحَانَكَ لاَ عِلْمَ لَنَا إِلاَّ مَا عَلَّمْتَنَا إِنَّكَ أَنتَ الْعَلِيمُ الْحَكِيمُ﴾ 🤲Ўқилиши: “Субҳанака лаа ъилма лана илла ма ъалламтана иннака антал-ъалиймул-ҳакийм”. 🗣Маъноси: “Ўзинг поксан! Бизда Сен билдиргандан бошқа илм йўқ. Албатта, Сенинг Ўзинг билувчисан ва ҳикматли Зотсан” (Бақара сураси, 32-оят). اللَّهُمَّ إِنِّي أَسْتَوْدِعُكَ مَا قَرأتُ وَمَا حَفَظْتُ فردده عَليّ عِنْدَ حَاجَتِي إِلَيهِ 🤲Ўқилиши: “Аллоҳумма, инний аставдиъука маа қороьту ва маа ҳафазту фардудҳу ъалаййа ъинда ҳаажатий илайҳи”. 🗣Маъноси: “Аллоҳим! Ўқиган ва ёд олган нарсаларимни Ўзингга топширдим, эҳтиёжим тушганда уларни менга қайтаргин”. اللهُمَّ إِنِّي أَسْأَلُكَ عِلْمًا نَافِعًا 🤲Ўқилиши: “Аллоҳумма инний асалука ъилман нафиъан”. 🗣Маъноси: “Аллоҳим сендан фойдали илмни сўрайман”. اللَّهُمَّ لاَ سَهْلاً إِلّاَ مَا جَعَلّتَهٌ سَهْلاً وَأَنّتَ تَجّعَلَ الحَزَنَ إِذَا شِئتَ سَهْلاً 🤲Ўқилиши: “Аллоҳумма, лаа саҳлан илла маа жаъалтаҳу саҳлан ва анта тажъалул ҳазна иза шиьта саҳлан”. 🗣Маъноси: Аллоҳим, Сен осон қилган нарсагина осондир. Хоҳласанг, қийинни осон қилурсан. Даврон НУРМУҲАММАД

ТАФАККУР «Аллоҳ ўзи истаганларга беҳисоб ризқ беради» (Бақара сураси, 212 оят). Аллома Саъдий роҳимаҳуллоҳ ушбу оятнинг тафсири шундай деганлар: «Дунёвий ризқ мўминга ҳам, кофирга ҳам берилаверади. Аммо Аллоҳ қалбнинг ризқи бўлмиш илм, иймон, Аллоҳга муҳаббат, Аллоҳдан қўрқиш, Аллоҳдан умид қилиш ва шунга ўхшаш неъматларни фақат яхши кўрганларига беради, холос». АССАЛОМУ АЛАЙКУМ ВА РОҲМАТУЛЛОҲИ ВА БАРОКАТУҲУ! БОШЛАНГАН ЯНГИ ХАФТА БАРЧАМИЗГА ХАЙРЛИ ВА БАРАКОТЛИ БӮЛСИН!

#muftiy_minbari 🌙 БИР ЙИЛЛИК БАРАКАГА ЭГА БЎЛИНГ 🎙 Шайх Нуриддин Холиқназар ҳазратлари

📆 Ашуро куни 2024 йилнинг 16 июль, сешанба кунига тўғри келади.

🌐 https://t.me/+ZgkOZopwJwc3ZWEy

Ризқ Аллоҳдан. Мавлавий Ҳиндистоний ҳикоя қилади: “Хаттотлик билан шуғулланиб турардим. Устозимга “Саҳиҳи Бухорий”ни кўчираётсам, хонадондагилар бугун ейиш учун ҳеч нарса қолмаганини айтишди. Менинг қўлимда ҳам ҳеч нима йўқ. Аллоҳ бир йўлга бошлайди, деб ишимда давом этдим. Бир маҳал ковакдан кичкина сичқон чиқиб, китобимнинг устида у ёқдан-бу ёққа ўтаверди. Кўнглимни ҳадеб паришон қилавергач, сичқончанинг устига коса тўнкариб қўйдим. Бир пайт боласини қидириб она сичқон чиқди. Коса атрофини искай бошлади. Коса остидан сичқончанинг овози эшитилди, гўё она-бола тиллашишди. Она сичқон ковакка кириб кетди. Кейин бир мисқоллик олтинни тишлаб чиқди-да, косанинг олдига қўйди. Бир муддат турди-да, яна ковакка кириб кетди. Кейин иккинчи олтинни олиб чиқди. Мен қараб турибман, сичқон ташиган олтинлар ўн тўрттага етди. Сўнг “энди олтин тамом бўлди, мана ҳамёни”, дегандай чарм картмонни судраб чиқди. Бисотида ҳеч нима қолмаганини билдим. Косани кўтардим, она-бола сичқонлар инига кириб кетди. Аллоҳ ризқимни улар орқали етказган эди”...

Таҳоратга оид фатволар Бўйинга масҳ тортиш – мустаҳаб. Лекин томоққа масҳ тортиш – бидъат. «Оламгирия», «ал-Баҳрур-роиқ».

АССАЛОМУ АЛАЙКУМ ВА РОҲМАТУЛЛОҲИ ВА БАРОКАТУҲУ! Аллоҳ ҳар лаҳзангизга баракот берсин! Ундан унумли фойдаланишгизни насиб этсин! Хонадонингизга тинчлик, Ўзингиз ва яқинларингизга саломатлик, умрингизга барокат, дастурхонингизга тўкинликни берсин! ДАМ ОЛИШ КУНИНГИЗ ХАЙРЛИ БӮЛСИН!