دليل مصانع وتجار الملابس بمصر

❄️ استعدوا لموسم جديد من الإبداع والتميز في عالم ملابس الأطفال في أكبر تجمع لمصنّعي ملابس الأطفال فى مصر 🇪🇬 و أفريقيا و الشرق الأوسط 🔴 نسخة التصدير و موسم العيد من معرض موضة كيدز فاشون - Moda Kids Fashion 👈 التابع إلى معرض نيللى كيدز فاشون فى الفترة من من 27 إلى 29 نوفمبر 2026 ( تشرين الثاني ) ⏰ 📍 بمركز مصر للمعارض الدولية - محور المشير بالتجمع الخامس 📢 🔴 المعرض يضم جميع تخصصات ملابس ومستلزمات الاطفال من سن يوم حتى 18 سنه مجالات المعرض:👇 ✅ ملابس الأطفال بمُختلف أنواعها لجميع المراحل العمرية. ✅ إكسسوارات الأطفال (أولاد - بنات). ✅ ملابس رياضية ✅ مستلزمات إنتاج الملابس الجاهزة. ✅ أحذية وأحزمه أطفال ✅ جوارب وكولونات أطفال المعرض تنظيم : شركة الطارق ®️ وشركة بلاتوه ماركت لإقامة المعارض والمؤتمرات والتسويق والتصدير 🎟️ لتسجيل الزيارة و الحصول على باركود الدخول : https://eltarekregistration.com/index.php العنوان: محور المشير طنطاوي، بجوار مسجد المشير طنطاوى , القاهرة *اللوكيشن: https://g.co/kgs/AC6f2Hz

في ملحوظة مهمة جدًا عاوز أقولها لك من واقع خبرة سنين طويلة في التجارة والبيع والإدارة والتعامل مع العملاء. خلي بالك… العميل اللي بيفاصل في كل جنيه، وعاوز يدفع أقل حاجة وياخد كل حاجة، واللي بيفضل يجادل ويناهِد ويضغط علشان يحصل على أكبر مكاسب بأقل مقابل… غالبًا هو نفسه أكتر عميل هيتعبك بعد البيع! هيطلب أكتر، ويعترض أكتر، ويزايد أكتر، ومهما قدمت له هيفضل شايف إنك مقصّر في حقه! من سنين طويلة.... تاجر كبير وصاحب خبرة حقيقية قال لي جملة عمري ما نسيتها: «استعلى… ترتاح!» ومع مرور السنين فهمت إن الجملة دي مش غرور، ولا تعالي على الناس، ولا تقليل من قيمة أي عميل. دي فلسفة في التجارة والحياة، معناها إنك تعرف قيمة نفسك، وشغلك، ووقتك، وخبرتك، ومتسمحش لحد يقلل منهم. مش كل بيعة مكسب، ومش كل عميل لازم تكسبه، ومش كل فلوس تستاهل التعب اللي وراها. بيع للي يقدّر قيمة منتجك وخدمتك، ويدفع مقابلهم وهو راضي ومقتنع، وابذل كل جهدك علشان ترضي ربنا أولًا، ثم ترضي عميلك المحترم، وتقدم له قيمة حقيقية تستحق كل جنيه دفعه. أما حكاية «العميل دائمًا على حق»… فدي واحدة من أكتر العبارات اللي اتكررت واتحفظت واتنقلت من كتب الإدارة والتسويق، لحد ما بعض الناس اعتبروها قانونًا مقدسًا لا يقبل المناقشة! والحقيقة إن العميل مش دائمًا على حق، زي ما البائع مش دائمًا على حق. الحق هو اللى أحق أن يتبع ...يعنى حقى وحقك وأحنا الأتنين بنحترم بعض . وأنا شخصيًا بقيت أستغرب من ناس بتتكلم في التجارة والإدارة والبيع بثقة مطلقة، وهي لا فتحت شركة، ولا باعت، ولا اشترت، ولا دفعت رواتب، ولا اتحملت مسؤولية قرار تجاري واحد! كل بضاعتهم شوية كلام محفوظ من كتب مترجمة، بيعيدوا تدويره وتلقينه للناس بشكل متكرر وممل، من غير إضافة حقيقية للعلم، ولا للخبرة، ولا للتجربة الإنسانية. وأعتقد إن عصر تقديس الكلام المحفوظ، من غير تجربة أو تفكير أو نقد، لازم ينتهي. وأخيرًا… احترم كل عميل، لكن متقبلش إن حد يهينك أو يستنزفك أو يقلل من قيمة شغلك تحت شعار إنه «دائمًا على حق». الاحتراف مش إنك تبيع لأي حد وبأي تمن… الاحتراف إنك تعرف لمين تبيع، وإمتى تبيع، وإمتى تعتذر عن البيع وأنت مرتاح الضمير. وبس يا سيدي… تحياتي ومحبتي ❤️ د. شريف حماد #د_شريف_حماد #دكتور_الصنعة #المبيعات #فن_البيع #إدارة_الأعمال #التسويق #ريادة_الأعمال #خدمة_العملاء #خبرات_من_الحياة #MaximizeBusiness

من كام يوم كنت عدى علي رييل لواحد من مدربي الدفاع عن النفس. المدرب قصير لكن مكير. كان بيقول ان ممكن واحد ضخم يتوجه ناحيتك عشان يضربك. فانت خايف منه لان جسمه ضخم، لكن في الواقع انك مش ضروري تتخانق مع جسمه كله، انت ممكن تتخانق مع جزء صغير في جسمه زي الرقبه مثلا او البطن أو الركبة. لو ركزت كل قوتك وضربته في مكان واحد بس ضربة فنية قوية خاطفة انت ممكن تطرحه أرضاً في لحظة واحدة. نفس الكلام اللي دايماً بنقوله في البيزنس انت ممكن تركز مع نوع واحد من انواع العملاء مش مع السوق كله وتعمل له خدمة واحده تكون افضل واحد فيها لانك هتبقى مركز فيها بكل امكانياتك وقوتك. مش لازم تكون أكبر.. الأفضل تكون أدق ومركز أكتر #خواطر_في_البيزنيس #خالد_ناصرالدين

🚨🚢 تنبيه للمستوردين من الصين: MSC تعلن رسومًا إضافية على الشحن إلى موانئ في مصر وشمال أفريقيا! أعلنت شركة الملاحة العالمية MSC توسيع تطبيق رسوم مخاطر القرصنة وقناة السويس على شحنات إضافية قادمة من آسيا. 📅 موعد التطبيق: 19 أكتوبر 2026. 💰 الرسوم المعلنة: 🔸 رسوم مخاطر القرصنة PRS: 55 دولارًا لكل TEU. 🔸 رسوم قناة السويس SCS: 36 دولارًا لكل TEU. ومن الموانئ المشمولة في التوسعة: 🇪🇬 غرب بورسعيد. 🇱🇾 طرابلس وبنغازي ومصراتة والخمس. 🇩🇿 الجزائر العاصمة ووهران. 🇲🇦 الدار البيضاء. بالإضافة إلى موانئ أخرى بالبحر المتوسط. ⚠️ ماذا يعني ذلك للمستوردين؟ يمكن أن تزيد تكلفة الشحنات المشمولة، خاصةً الحاويات 40 قدمًا، التي تعادل وحدتين TEU. وننصح التجار الذين لديهم حجوزات مع MSC بمراجعة رسوم PRS وSCS مع وكيل الشحن، والتأكد من السعر النهائي قبل اعتماد الشحنة. للتوضيح، الإعلان صدر في 30 سبتمبر، لكن موعد تطبيق التوسعة يبدأ في 19 أكتوبر. 📌 المصدر الرسمي: MSC. #MSC #الشحن_البحري #الاستيراد_من_الصين #الجمارك #مصر المصدر الرسمي: إشعار MSC بشأن رسوم مخاطر القرصنة وقناة السويس

صباح الخير إوعى تتنازل عن مبادئك خوفا على رزقك. خلي ثقتك في ربنا أكبر من خوفك من الخسارة، وخلي موهبتك تفتح لك الأبواب، وقيمك تختار لك الطريق.

شركة ايرجو للشحن وجه بحرى وقريبا الصعيد اسعار تبدأ من 110

عملت منصة كاملة لتعليم الميديا باينج، ومش هاخد منك عليها ولا جنيه. المنصة دي معمولة لمين؟ ميديا باير مبتدئ: هتبني أساس صح بدل ما تتعلم بالتجربة على فلوس العملاء. طالب أو خريج: هتدخل المجال وإنت فاهم لغة السوق ومصطلحاته. بتدوّر على شغل: هتبقى جاهز لأسئلة الإنترفيو، ومعاك أدوات تشتغل بيها من أول يوم. صاحب مشروع: هتفهم الإعلانات بتشتغل إزاي، وتعرف تقرا أرقامك، وتحاسب اللي بيعملك إعلانات بدل ما تدفع وإنت مش فاهم. 📚 الكورس المتاح دلوقتي: التأسيس في التسويق الإلكتروني 7 مراحل + امتحان شامل: 1. يعني إيه تسويق إلكتروني؟ 2. مين عميلك وإزاي بيوصلك؟ (الـ Persona والـ Funnel) 3. هتقدّمله إيه وهتقوله إيه؟ (العرض والإعلان والـ Landing Page) 4. منصات الإعلانات بنظرة عامة (ميتا، جوجل، تيك توك، سناب) 5. لغة الأرقام (CTR وCPM وCPA وROAS) 6. التتبّع ببساطة (البيكسل والـ CAPI وGA4 والـ UTM) 7. مصطلحات الشغل في السوق (الـ Brief والتقارير والـ Scaling) 🏁 امتحان شامل على الكورس كله في آخر كل مرحلة فيه امتحان، ولما تنجح بتتفتحلك أدوات تشتغل بيها على طول: - حساب ارقام حملاتك صح والارقام الي محتاج تبنيها برا الداش بورد - منشئ لينكات الـ UTM - خطة التراكنج وقايمة اختبار - التقرير الأسبوعي ومخطط الـ Scaling - نموذج Brief العميل وكل أداة معاها شيت Excel جاهز تنزّله. قريبًا على المنصة: كورسات متخصصة لكل منصة إعلانات (ميتا، جوجل، تيك توك)، وكورس كامل للتتبّع. كل ده باللهجة المصري علشان تكون سهله معاك ، وبأمثلة حقيقية من السوق، ومجاني بالكامل. هتلاقي اللينك في اول كومنت 👇🏼 ملحوظه مهمه : مش عاوز اقولك ان المنصه هتغنيك تمام عن اي كورسات مدفوع او عن اي مجهود لاي حد عامل كورس في المجال انا حاولت اضيف الي اقدر عليه من خبرتي فيها بس لا يغنيك تمام انك تتعلم من ناس تانيه في المجال دا يفيدك اكتر طب المنصه هتنفعك في ايه ؟ تقدر تراجع من عليها وتبدا من عليها وهتفهمك خطوه بخطوة مع امتحان في اخر كل مرحله يساعدك تثبت المعلومه وشوية ادوات تفيدك بعد كدا المنصه تحت الاختبار يعتبر لو قابلت اي مشكله عرفني ( ان شاء الله مش هتلاقي ) المنصة صدقة جارية على روح أمي 🤍 كل اللي هيستفيد منها، يدعيلها بالرحمة. سجل من هنا academy.abdelrhmanmanie.com

هو إيه اللي Zara عاملاه ده ؟ 😬 أول ما شفت الصور دي قلت: يا جماعة هو الـStylist كان واخد أجازة ولا إيه ؟ واحدة لابسة كأنها خارجة من فيلم قديم واحد لابس بدلة وشكله داخل يعمل انقلاب في الـFashion Week والتالتة واقفة كأننا دخلنا عالم تاني خالص وطبعًا أول رد فعل طبيعي : إيه القرف ده؟! بس هنا بقى استنى قبل ما تحكم لأن لو إنت شغال VM أو Fashion أو Retail، لازم تتعلم إن : مش كل حاجة مش عاجباك تبقى غلط الصور دي جزء من إطلاق Zara لتعاونها مع المصمم John Galliano في مجموعة اسمها Re{form}، وهي مجموعة مبنية على إعادة تشكيل قطع وأفكار من أرشيف Zara، مع أسلوب Galliano المعروف بالمبالغة، الـDeconstruction، والـTheatrical Fashion يعني Zara هنا مش بتقولك : البس الـLook ده وانزل بيه الشغل بكرة هي بتقولك : بص علينا ودي نقطة مهمة جدًا في الـFashion Marketing لأن الصورة هنا مش هدفها فقط: Product Presentation لكن كمان : Attention → Curiosity → Conversation → Brand Positioning والدليل؟ إحنا دلوقتي بنتكلم عنها إنت شفت الصورة وقفت عندها استغربتها وبعدين سألت : هو Zara بتعمل إيه ؟ وده بالضبط جزء من اللعبة وهنا بقى الـVM والـMarketing يتقابلوا لو أنا VM وببص على الصورة بعين تجارية فقط، ممكن أقول : الـCustomer مش هيفهم الـProduct لكن لو بصيت بعين Brand & Marketing هسأل : إيه الـMessage ؟ إيه الـEmotion ؟ إيه الـConversation اللي عايزين نخلقها ؟ وإيه الـPosition اللي البراند عايز يحجزها في دماغ الـCustomer ؟ والأهم هل الـCampaign لازم تكون جميلة علشان تكون ناجحة ؟ مش بالضرورة أحيانًا الـCampaign اللي تخليك تقول : إيه ده؟! أقوى من Campaign تخليك تقول : حلو لأن حلو ممكن تعدي لكن إيه ده؟! ممكن تخليك تعمل Share وتكتب Comment وتبعتها لصاحبك وتفتح عنها نقاش وده Attention بس هنا في نقطة مهمة جدًا للـVM : ماينفعش ناخد الفكرة ونطبقها بشكل أعمى مش معنى إن Zara عملت Visual غريب إن كل Display غريب يبقى Creative الـCreativity من غير Objective = Noise والـVisual المختلف لازم يكون وراه : Concept Brand Identity Target Customer Communication Objective Product Story يعني قبل ما تقول: أنا عايز أعمل حاجة مختلفة اسأل نفسك : مختلفة ليه؟ وده أصلًا واحد من أكبر الفروق بين : VM بيعمل شكل و VM بيفكر Business. فخليني أسألك : لو الصور دي اتعملت عندك في البراند كنت هتقول : Creative ولا : حد يلم الـDisplay ده بسرعة؟ اكتب رأيك بس قبل ما تحكم على الصورة، حاول تفهم الحكاية اللي وراها #الvm_مشــمنظرـالـvm_business

اللى نزل المعرض يطمنا على الحركة سواء الديفليه او عمارات رامو او شارع الترعة

مجرد فضفضة ✋️ علمتني التجارة إن احترام سياسة المكان جزء من احترام تجارتك. كل كلمة في البوست دا تجارب حقيقية 1️⃣اشتريت من ناس سياستها الأجل، التزمت بمواعيد السداد، وأحيانًا سبقت ميعادي. و2️⃣اشتريت من ناس سياستها كاش، دفعت فلوسهم بكل رضا. و3️⃣اشتريت من ناس سياستها الحجز، حجزت ودفعت واستلمت بكل ترحاب. والنتيجة؟ حافظت على رزقي وعلاقتي بالناس دي. لأن التجارة مش إنك تفرض سياستك على كل اللي حواليك، التجارة إنك تعرف سياسة كل مكان وتقرر: ينفع أتعامل ولا لأ؟ إنما كل مرة تجادل وتحاول تفرض طريقتك دي مش شطارة دي فرهدة ليك ولغيرك احترام سياسة الناس مش بيقلل من قدرك، بالعكس… بيحافظ على مكانك ورزقك طيب انا سياسة المكان مش مناسبه معايا ما اتعاملش طالما معنديش مرونة اتقبل سياسات الأخرين

نصيحة وتركايه على الماشي اهتموا بنشر الريلزات الفترة دي على الفيسبوك وادعوا لي سلام 💗🏃🏻‍♀️ . Habiba Sayed

لو خليت العميل يحبك دى أكبر ميزة تنافسية ليك محدش من منافسينك هيقدر ينافسك فيها ❤️

أكبر صرح جمله في مصر هتعمل منه تشكيل محلك لفرشة الشتاء أكتر من ٢٥ مصنع في جميع التخصصات♥️ ( مستورد - تريكوه - سويتشيرت - جينز - شروال - ترنجات - سوستات - جاكيت ) https://maps.google.com/?q=30.071703,31.351288 لوكيشن الديفيليه الخاص بسنتر الصعيدي #ديفيليه_الصعيدي العنوان: عمارات رامو - أمام مسجد رامو - أرض نادي الفروسيه - مدينة نصر موعد الديفيليه من ١ / ١٠ حتى ٦ / ١٠ موسم شتاء 2027

لأول مرة، تم دمج أكبر 3 معارض في مجال الملابس (كايرو تكس، كايرو فاشون، وكايرو مزار) مع بعض في نفس الوقت والمكان لتوفير كل احتياجاتك تحت سقف واحد. ​تفاصيل الحدث: ​📅 الموعد: من 4 إلى 10 أكتوبر 2026. ​📍 المكان: أرض المعارض بالقاهرة. ​🎯 الفئات المستهدفة: ملابس رجالي، حريمي، أطفالي، خروج، هوم وير، وغزل ونسيج وتصنيع. ​ليه لازم تنزل المعرض؟ ​هتلاقي أكبر المصانع المصرية مجتمعة في مكان واحد لتقدم شغل مشرف يفرح بجد. ​فرصة ممتازة لكل تاجر أو صاحب مشروع عشان يختصر الوقت ويلقط كل الأماكن والأسعار دفعة واحدة. ​مش هتحتاج تستورد من بره تاني، الصناعة المصرية بقت في حتة تانية! ​متضيعش الفرصة، انزل خد خلفية وشوف السوق ماشي إزاي، والعلم بالتعلم! Cairo Fashion & Tex "Défilé Creation"

متضيعش وقتك على ال Social Media كل شوية بقولك كدة لكن كل يوم بيعدي في عصر ال AI العالم مش بيرحم انت محتاج تتطور ومحتاج تتعلم حاجة جديدة ومحتاج تستغل ال AI جدا جدا اي كان مجالك في الفترة دي اللي نقدر على اشتراكه او حتى نستخدمه مجانا العالم مش بيرحم وكل يوم التحديات بتزيد متزعلش من الكلام هي دي الحقيقة

نركز فى البضاعة

صباح الخير والسعادة ياتاجر الملابس

اتصل بالموردين واسحب شغلك حتى لو مش جاهز كله وربنا ييسر الأمر بعد اجتماع البنك المركزى المصرى يوم 24

الطريق علينا👀💜 يوم ٢ أكتوبر، مستنيينكم في أكبر معرض شتوي نسائي وهوم وير ولانچري في Egypt Fashion Center، وعشان نسهل عليكم الوصول، وفرنالكوا باصات تنقل من المحافظات لحد المول🚌 اختار نقطة التجمع الأقرب ليك، احجز مكانك، وتعالى شاركنا يوم مليان أحدث الـ Collections، فقرات، هدايا وجوايز طول اليوم✨ بني سويف :- ١٠ صباحاً من امام نادي الطلائع الشرقية :- ١٠ صباحاً من امام جامعة الزقازيق المحلة :- ١٠ صباحاً من امام مسجد الباشا سوهاج :- ٣ صباحاً من امام ميدان الثقافة طنطا :- ١٠ صباحاً من امام كوبري فاروق بور سعيد :- ١٠ صباحاً من امام عمارات مبارك وموقف السوبر چيت القاهرة :- ١٠ صباحاً من امام محطة مترو استاد القاهرة في شارع يوسف عباس المنصورة :- ١٠ صباحاً من امام مبني مصر للطيران دمياط :- ٩ صباحاً من امام ميدان الساعة الاسماعيلية :- ١٠ صباحاً من امام مسجد الصالحين الأسكندرية:- ٩ صباحاً من امام الموقف الجديد محرم بك السويس :- ١٠ صباحاً من امام بنك اسكندرية حي الأربعين أسيوط:- ٤ صباحاً من امام مسجد عمر مكرم ومول النصر البحيرة :- ٩ صباحاً من امام موقف دمنهور الفيوم :- ٩ صباحاً من امام ميدان السواقي المنيا :- ٧ صباحاً امام مستشفي الجامعة علي الكورنيش بجوار كوبري البحر المنوفية :- ١٠ صباحاً من امام رنين كفر الشيخ :- ١٠ صباحاً من امام استاد كفر الشيخ للحجز والتواصل :- 01271332555 01271334222⁩⁩ 01275188000 العنوان:- العبور - الحي التاسع - تقاطع شارع ١١٠ مع شارع ١٠٠📍