3-FFCHO'ITM Yoshlari

#Психолог_маслаҳати ЎСМИР ЁШИДАГИ ФАРЗАНДИНГИЗНИ “ЙЎҚОТИБ ҚЎЙМАСЛИК” УЧУН УЛАР БИЛАН ДЎСТ БЎЛИНГ! Ўсмирлик – бу болалар ва ота-оналар ўртасидаги муносабатлар учун жиддий синов давридир. Ушбу даврдан ўтиш мушкул, чунки йўқотишлар бўлиши мумкин. Аммо бу жараён қизиқарли ва ўзаро муносабатларни йўлга қўйса бўлади. Ота-оналарга ўсмир ёшидаги фарзандларини тарбиялаш учун муҳим тавсиялар: ✅ Фарзандингиз билан доимий мулоқотда бўлинг. Ўсмирлик - мураккаб давр бўлгани учун бола билан доимий мулоқот қилиш муҳим ҳисобланади. ✅ Боладан унинг қизиқишлари, муаммолари ҳақида сўранг ва суҳбатлашинг. Фарзандингиз фикри, орзу ва мақсадларини қўллаб-қувватланг. ✅ Ишдан уйга қайтганингизда, бола нотўғри иш қилган бўлса ҳам, уни койиманг. Аввал бу ножўя ишнинг сабабини сўранг. Фарзандингиз кун давомида нима ишлар қилганига қизиқинг. Суҳбатлашгандан сўнг тўғри йўл кўрсатиб, дўстона насиҳат қилиш яхши самара беради. ✅ Ўсмирлар тарбиясида турли чекловлар, дўқ-пўписалар самарасиз бўлиб ва фарзандингиз учун хавфли эканлигини унутманг. Ҳаддан ташқари кўп тақиқ ва бола эркинлигини чеклаш ўсмирнинг агрессив бўлиб қолишига сабаб бўлади. Ўсмирлик даврида ота-она фарзанди билан кўпроқ музокара олиб борса, ижобий натижага эришилади. Тақиқлаш зарур бўлса, тақиқнинг сабабини тушунтиришга алоҳида вақт ажратинг. Агар бола норозилик билдиришни давом этса, у ҳолда сизга ҳам, унга ҳам мос келадиган ечим топишга ҳаракат қилинг. ✅ Болага унинг ҳаётидаги истиқболлар ва келажак ҳақида гапиринг. Фарзандингиз нимани хоҳлашини, ўз мақсадига қандай эришмоқчи эканлигини билиб олинг, унга аниқ ва реал ҳаракат режасини ишлаб чиқишга ёрдам беринг. ✅ Фарзандингиз билан жиддий мавзуларда суҳбатлашинг: ҳаёт нима? Ҳаётнинг маъноси нима? Дўстлик, севги, ўлим, хиёнат нима? Бу мавзулар ўсмирларни кўпроқ ўйлантиради. Ҳаётда нима муҳим эканлигини тушуниш учун жавоб излайди. Сиз учун қимматли нарсалар ва туйғулар ҳақида гапириб беринг. Ўз тажрибангизни, ўз фикрларингизни баҳам кўришдан эринманг. Аксар ҳолларда болага «маъруза» ўқишдан ва нима тўғри ва нима нотўғри эканлиги ҳақидаги насиҳатдан кўра, дилдан қилинган суҳбат афзалроқдир. Агар сиз ўсмир билан қийин мавзуларда суҳбатлашишдан қочсангиз, у жавобларни бошқа томондан - масалан, интернетда қидиришда давом этади. Ижтимоий тармоқлардаги маълумотлар нафақат ишончсиз, балки хавфли бўлиб чиқиши ҳам мумкин. ✅ Бола ҳаёт гўзал, яшаш бахт эканлигини тушуниши учун қўлингиздан келган ҳамма нарсани қилинг. Болани ҳаётда оддий нарсалардан мисол учун табиат, одамлар билан мулоқот, дунёни ўрганишдан завқланишга ўргатиш муҳим. Ҳаётга муҳаббат уйғотишда ўзингиз намуна бўлинг. Сизнинг ҳаётга ижобий муносабатингиз, албатта, болага ўтади ва унда юзага келадиган қийинчиликларни енгишга ёрдам беради. ✅ Болага муваффақиятсизлик, ундан чиқиш йўллари ҳақида ҳам тушунча беринг. Муайян қийинчиликларни қандай енгиш кераклиги ҳақида тез-тез суҳбатлашинг. Инсонлар тажрибасидан муваффақиятсизлик ҳақида ва ўзига ишончни ошириш ҳақида ҳаётий мисоллар келтиринг. ✅ Фарзандингизга меҳр-муҳаббат ва ғамхўрлик кўрсатиб, унинг қўполлиги ортида нима борлигини аниқланг. Сизнинг меҳр, эътиборингиз, ғамхўрлигингиз, қўллаб-қувватлашингиз бола учун жуда муҳимдир. ✅ Болага эркинлик беришда эътиборли бўлинг. Ўсмир ҳали бунга тайёр бўлмаслиги мумкин. Шу боис бу жараённи аста-секинлик билан амалга оширинг. Унга мустақиллик беришдан аввал нима мумкину нима мумкин эмаслигини яхшилаб ўргатинг. ✅ Агар айрим сабабларга кўра бола билан тил топиша олмасангиз ўз вақтида мутахассис билан маслаҳатлашинг. Психолог билан индивидуал равишда бирга иш олиб боринг. Шундагина болангиз билан муносабатларингизда илиқлик, ишонч ва ҳамжиҳатликни тиклашга кўмак берадиган зарур кўникмаларга эга бўласиз. Халқ таълими вазирлигининг расмий саҳифаларига уланиш Telegram | Youtube | Facebook | Instagram

Joriy yilning 7-aprel kuni Navoiy shahar 3- FFCHOIT maktabining malakali pedagogik xodimlaridan biri X. Mirzayev tomonidan maktabning 8- a sinf oquvchilariga fizika fanidan "Magnit maydonning tokli otkazgichga tasiri" mavzusida ochiq dars tashkil etildi. Ushbu ochiq dars davomida oquvchilar magnit maydoniga tokning tasiri hamda farrakning ishlashi haqida toliq malumotga ega bo`ldilar. Dars qiziqarli va bahsga boy bo'ldi.

Йиғилишда ўқитувчиларнинг ўз устида ишлашини рағбатлантириш орқали таълим сифатини кескин ошириш мумкинлиги алоҳида қайд этилди. Мисол учун, ўтган йили халқаро сертификатни олган чет тили ўқитувчиларини рағбатлантириш тизими жорий қилингани натижасида Навоий, Наманган ва Сурхондарёда малакали ўқитувчилар сезиларли даражада ошган. Мутасаддиларга бу тажрибани янги ўқув йилидан бошлаб математика, кимё, физика, биология ва ахборот технологиялари фанларига ҳам жорий этиш топширилди. “Мактабларда давлатдан маош оладиган 15 мингга яқин маънавиятчилар бор. Лекин, ўқувчиларнинг тарбияси, Ватанга муҳаббат ёки ота-онага ҳурмат руҳини шакллантиришда, айтингчи, қайси туман мактаби намуна бўлди? Ҳали бундай мактаблар йўқ. Қани мактаб сиёсати?”, дея савол қўйди давлат раҳбари. Шу муносабат билан бир ой муддатда “қизил” тоифага кирган 1 минг 526 та мактабни жойида ўрганиб, ҳар бири бўйича алоҳида йўл хариталарини тасдиқлаш вазифаси қўйилди.

Йиғилишда мактаб директорларига нисбатан талаб кескин кучайтирилиши таъкидланди. “Қайси мактаб директори ҳаракат қилаётган бўлса, натижа бўлаяпти. Аксинча, шароит яхши бўла туриб, ўзгариш қила олмаётган директорлар ҳам кўп”, деди Президент. Шу боис Халқ таълими вазирлигига 1 сентябрдан бошлаб мактаб директорларини сертификатлаш тизимини жорий этиш топширилди. Бундан буён директорликка номзодлар ушбу тизим орқали танланади. Жойлардаги ҳақиқий ҳолатни ўрганиш асосида 193 та таълим муассасалари негизида табиий ва аниқ фанларга ихтисослашган мактабларни ташкил этиш таклифлари ишлаб чиқилди. Вилоят, шаҳар ва туман ҳокимлари 1 августга қадар ўз ҳудудидаги ушбу мактабларни таъмирлаш, замонавий жиҳозлаш, яшаш ва овқатланиш учун шароитлар яратишга масъул этиб белгиланди. “Янги ўқув йилига қадар 173 та мактаб тайёр бўлиши шарт ва бунга вилоят, шаҳар ва туман ҳокимлари жавобгар. Қолган 20 та ихтисослашган мактаб кейинги ўқув йилига қадар топширилиши шарт”, деди Президент.

Умуман, йиғилишда белгиланган топшириқлар бўйича масъуллар: – ҳар бир туманга бориб, туман ва шаҳар ҳокимлари билан бирга муаммоларни ўрганади, ечимини топади, мактаб директорлари ва ўқитувчилари билан ишларни ташкил этади; – мактабларда таълим сифати ва шарт-шароитларни яхшилаш бўйича туман ва шаҳарларнинг рейтингини жорий қилади; – яхши ишлаган туман раҳбарларини мукофотлаш, ёмон ишлаганларини эса ишдан олиш бўйича таклиф киритади; – вилоят ҳокимлари билан бирга ҳар ҳафта Президентга ахборот бериб боради. “Тизимдаги ишларнинг бориши ва ўзгаришларни ҳар ойда ўзим муҳокама қиламан ва мутасаддиларнинг фаолиятига баҳо бераман”, деди Президент. Йиғилиш якунида муҳокама қилинган масалалар юзасидан мутасаддиларнинг ҳисоботи тингланди.

Бундан ташқари, намунали ўқувчининг ота-онасига миннатдорчилик хати ва совғалар топшириб боришни тизимли йўлга қўйиш кераклиги, ҳар чоракда энг намунали ота-оналарни рағбатлантириб, оммавий ахборот воситаларида кенг ёритиб бориш муҳимлиги айтилди. Вилоят ҳокимларига юқори коэффициентли 120 та мактабда ўқиш шароитини яхшилаш бўйича аниқ чора-тадбирларни белгилаш топширилди. Улар 1 августга қадар 960 та мактабни компьютер синфи билан таъминлаш, 740 тасини жиҳозлаш ишларини якунлаши кераклиги кўрсатиб ўтилди. Умуман, 5,5 мингта компьютер синфларини янгилаш бўйича алоҳида дастур қабул қилинади. Бунга республика бюджетидан 200 миллиард сўм, маҳаллий бюджетлардан ҳам 200 миллиард сўм йўналтирилади. Мутасаддиларга янги ўқув йилидан бошлаб кичик мактабларда интернет тезлигини секундига 40 Мегабит, катта мактабларда эса камида 100 Мегабит бўлишини таъминлаш, мактаблар учун алоҳида имтиёзли тарифларни тасдиқлаш топширилди.

Мактабларда маънавий муҳитни тубдан яхшилаш бўйича мутлақо янги концепция ишлаб чиқилади. Унда: - энг аввало, ўқувчиларда ёшлигидан ўзининг маҳалласи ва қишлоғи ҳаётига бефарқ бўлмаслик ҳамда Ватанга муҳаббат; - оила, ота-она ва устозларга ҳурмат; - илм ва билим, ҳаракат ва интилиш орқали катта марраларни эгаллаш мумкинлигини тушунтириш ҳамда замонамиз қаҳрамонларининг босиб ўтган йўлларини кенг тарғиб қилиш назарда тутилиши керак. Мактаблардаги маънавиятчиларга талабларни қайта кўриб чиқиб, бу лавозимга маҳалла ва жамоада обрўси бор кадрлар билан тўлдириш кераклиги, мактабларда илм ва санъат вакиллари, зиёли ва нуронийлар, илғор тадбиркорлар, кластер ва саноат корхоналари раҳбарлари билан доимий учрашувларни ташкил қилиш муҳимлиги таъкидланди. Бунга ижтимоий тармоқлардаги мактаб ўқувчилари орасида обуначиси энг кўп бўлган машҳур санъаткор, спортчи, актёр, блогерларни ҳам фаол жалб қилиш мақсадга мувофиқлиги қайд этилди.

Ma'lumki xalqimiz ma'naviyatida, qadriyatlarida boshqa xalqlar o'rgansa va o'z tajribasida qo'llashga arziydigan ko'pgina ibratli tajribalari mavjud. Masalan, "hashar" deb atalgan tadbir barchani birdamlikka, ahillikka va mehr-oqibatga undashi bilan ajralib turadi. Hashar — bu xalqimizning qadimiy va azaliy qadriyatlaridan biridir. Uning zamirida obodlik, hamjihatlik, mehr-oqibat, xayr-sahovat va bunyodkorlik mujassamligini joriy yilning 2-aprel kuni Navoiy shahar 3-FFCHO‘IT maktabida "Yashil makon umumilliy dasturi" doirasida hashar uyushqoqlik bilan tashkil etilganligi yaqqol namunasi bo‘ldi. Ushbu hasharda 10 dan ortiq ariqlar ochildi, mingga yaqin gullar hamda 100 ga yaqin daraxtlar ekildi.

📣📣 Aziz ota-onalar, o'qituvchilar va o'quvchilar diqqatiga❗️ 💁🏼 Farzandingizni internetdan to'gri va albatta unumli foydalanishini xohlaysizmi? Ilm olish uchun foydali resurslarni topa olmayabsizmi? 🌐 Endilikda Xalq ta'limi vazirligi o'zining youtube kanalida 1-4-sinf o'quvchilari uchun qiziqarli multplikatsion videodarslar to'plamini taqdim etadi! 🔄 Quyidagi internet manzillari orqali multplikatsion videodarslar to'plamini tomosha qilishingiz mumkin: 🖥 Texnologiya fani 💁‍♂️ Matematika fani 🇬🇧 Ingliz tili fani 🇷🇺 Rus tili fani ☘️ Tabiiy fanlar 🇺🇿 Ona tili fani 👨‍👨‍👦 Tarbiya fani ➡️ Ko'ring va a'zo bo'ling! 📌 Maktab.uz – Veb-sahifa I Youtube Rasmiy sahifalarimiz orqali kuzatib boring!🔻 Website I Facebook I Telegram I Instagram

Navoiy shahar 3-FFCHO‘IT maktabining 9-sinf o‘quvchisi BOZOROVA TO‘MARIS Qirg‘iziston Respublikasida qizlar o'rtasida sportning erkin kurash turi bo‘yicha o'tkazilgan Xalqaro kurash musobaqasida ishtirok etib FAXRLI 🥉-O'RINNI qo‘lga kiritdi. Ushbu yutuqlar bilan o‘quvchimizni tabriklab qolamiz!!!!