العذبَه ☤ ً

قصيد🤍.

من خسرني ما خسر الا الوقار ‏ومن كسّبني طاب حظه يابعدي .

‏صكيت باب العتب ماعادّ له داعي .

‏أقدّر من يقدّرني وأفارق من وجب فرقاه ‏وأجلّس كل نفسٍ فالمكان اللي يناسّبها .

من عافنا عفناه لو نمسي جياع ماحنا على طرد المقفين انعدي

اشوف لي روس تبي تله رقاب ..

‏_ ‏رفعت نفسي عن ناسٍ ظنّهم شين ‏ وتارك ضجيج القاع . . للي تردى .

رفعت نفسي عن مواطي رداهم ‏ناسٍ مثل جلد الافاعي تبدّل.

حذراك تعطي صغيّرين العقول اهتمَام ‏وحذراك تعطي خبيّثين الطَبايع .. ثقه .

كل ما شفت لك ناسٍ تلف و تدور ‏لا تـدوّر رضَـاهم .. دوّر فـراقهـم .. ! ‏عامل الناس بـ أخلاقك و هَـد الأمور ‏لا تعامل ضعوف النفس بـ أخلاقهم ..!

‏و الله إني حرةٍ من مواكير الحرار ‏معربٍ ساسي وراسي على العليا رسا ‏ماعطيت لجاهل الراي وجهات اعتبار ‏ولاحسبت لنظرة الحسد بعيون النسا ‏قيمتي في عين نفسي عمار في عمار ‏واللي يتمنى مطيحي من الخلق يخسا .

مع غياب الشمس عن وجه الوجود اغيب كلي ‏و اترك العالم بما يعنيه والدنيا ورايه ‏في متاهات الخيال اسج يالعمر المولّي ‏يوم اشوف ان الحياه ارهاق و الواقع دعايه :)

خذ هذا البيت قاعده في حياتك: ‏''نصيبك من الله ثابت بلوحه المحفوظ ‏ولو تجتمع كل البشر ما يردّونه ''

راس مال الحب بالشي القليل ‏و راس مال الضيق فنجال قهوه :(

لا تتظاهر انك طيّب وماعليك خلاف ‏كلام الحزن بيّن وصوت الحزن بيّن ‏أنا مستعد ادفع ثمن ضحكتك اضعاف ‏لو اتسلّف الطائل من المال واتديّن ! ‏لا تلقي بـ نفسك لـ الملذات والاسفاف ‏تحسب العمر هيّن وهو ماهوب هيّن ‏في هذا الزمان الممتلي طيش واستخفاف ‏منومسني انك زاهد وعاقل وديّن

متى يذعذع على صدري نسيم الهبوب ‏وارتاح من زحمة افكار القلق واهدى ‏اي والله احنّ واهوجسّ وروحي تذوب ‏طرقي واشوف إغتراب الروح ماله مدى ‏واخاف من كسرة الخاطر وكسر القلوب ‏لو لحقت الفرصه الفرصه وراحت فدى ‏أدخل على الله من دروبٍ عليها دروب ‏والحاجه اللي تجيني من طوارف ردى

حفاوة الطيّب على راحة إيدَيْ ‏ولآ كـل جَوداتٍ بعينـي كرامه ‏يِشح في عيني كَرم حاتم الطيْ ‏مع كـرم مَنـِي رهين إحترامـه ‏الصاحب اللي خاطره واردٍ لِيْ ‏أعرف كنينه قبل ينطق كلامه

خلّها على التحايا وضحكات السنون ‏يوم صمتي في محلّه وسرّي معْقله ‏واحدٍ يدري وش أسباب ضيقاته يهون ‏البلا في اللي ما يدري وش اللي مِثْقله