ڪــبرياء.وامثال.صـنـ؏ــاني

هيا سلام كيفنتوا باتكلم اليوم عن الضيف الذواق. والضيف الكريه تخيلوا في الغداء. يشلوا ثلاثة ارباع اللحمه للمجلس حق الرجال ويخلوا رجل الدجاجه لـ8نسوان وثلاثة ارباع الغداء للمجلس. حق الرجال وهم 3 انفار والنسوان 8فوق رجل الدجاجه طبعا هكذا معظم البيوت بس. احيان يجي ضيف ذواق وانسان. ويحس بالمسكينات اللي بالمطبخ. يبعدوا لحمتهن من الراس. ويردوا نص الغداء سلم واحيان يا دفااااع الله دفاع يجي ضيف قاشور له يقرش الغداء قرش كأن له من الغداء اسبوعين. يقط العالي مع الواطي ماعاد يحسب ان بعد الدنيا أخره وان باقي مستضعفات بالمطبخ منتظرت للراجع بعده. ويزيد ينظف الصحون والمقالي بأصابيعه ماهمه الا نفسه وبطنه جعله بطنه🥲 ويتغدا بالخمس يرد الرز من لقفه لايده. وللصحن. ياجغاصتاه🥴 ويزرط اللحمه زرط ويشفط العظمان ويحلف الصحون يمين وقدهن بيقولين له. خلااااص. خلااااص. والله ماعادبه😂 وبعضهم عاده يشتي ثلاجه شاي وملوجه قولته شحافه للمه.قال يرزم الغداء رزموا بطونه ورياته مش القصد ان احنا بخيلين. لا والله القصد انك تكون انسان ذواق. ضيف محبوب ومحترم وخفيف واعمل قدر للنسوان اللي داخل. اللي فعلين الغدا لك ياكبير البطن لانهن معاهن نفوس وبطون مثلك تماما ياضيف الغفله ولا تكون ضيف كريه. قدهم يهموا جيتك ياهور😂 انا داري ان بعضهن مايرتاحين الا اذا شافين اكلهن اكله الضيف كله وقد الاواني نظيفات بعدهم بس كل واحد يخلي عنده دم يحس بغيره انا داري البعض بايقول هذا بخل وهذا غير صحيح😜 لا تصدقوش المطابزين احنا بنروح ضيوف عند ناس وداريين كيف نتعامل نخرج لحمة النسوان من راس الصحن ونرجع الصحون الزياده للنسوان وعادها سلم احتمال انك صادفت صاحبك بالطريق وهو كريم ابن كريم واهله كريمين وحلف بالله انك تتغدا عندهم ومش داري ايش به غدا ببيتهم ومن كرمهم اعطوووك غداهم كله عشان تشبع ويحرمين انفسهن عشان ماينقصوا عليك شي وكما قلت بالنهايه النسوان معاهن بطن ونفس فيهن المريضه والتاعبه وفيهن الكسله والودله وفيهن اللي معاهن صالات واعراس يشتين يتصلحين ويتكوفرين ويستشورين شعرهن يلحقين يلقفين لهن بقعه بحينه😌 ماعيجلسن يسوي لهن غدا مره ثانيه 💔 وبالنهايه ياضيف كن خليك ذواق حين تسير بيت احد كن جي وادي معك في ايديك شي والا شي دجاجه شوايه. حبحبي موز حتى نص طلي عادي مش تجي ويدك فارغة لانو يد الفارغ من النار😹 تمام ياشفاط وقالوا من من جاء بغير داعي........ وانتوا عليكم التكمله✌🎸😂 @ALFkamah

مساء الخير. وجمعتكم مباركه جميعا💐 موضوع اليوم مهم وحساس يستحق الاهتمام🤌🏻 بعض المغتربين كودين يروح اجازه عند زوجته وابنائه واهله ولكن للاسف مجالس القات تخطفه من اهله واولاده من اول يوم يوصل وقد الشلة بيداعوه هيا افتح المجلس عنخزن جينا نجابرك وعليها هكذا لوما يرجع للغربه مره ثانيه وهو في مجالس القات ولو يحسب الوقت الذي يجلسه مع ابنائه واهله لا يتجاوز الشهر المهم ما مساكين الا زوجته واهله واولاده ما معاهم يشوفوه الا اخر الليل وهو مخدر مطنن عيقرح بعدما يحسب ان قد كمل زلط الغربه في تخازين وما استفاد منها بشي لا هو. ولا عائلته نسائكم امانه فاحفظوا الامانه على اكمل وجه قدها مسكينه تحتمل غيابك عنها سنين واشهر وبتحسب لاجازتك ولضويتك بالساعات والثواني وعيالك اللي يفتقدوا دفئ حضنك عشان يلعبوا معك ويحسوا بحنان الابوه اللي هم محرومين منه طوال سنين الغربه واهل بيتك منتظرين تجي تقرر في مستقبلهم لانك ملزوم. بهولاء امام الله. ولست ملزوم بأصحاب التخازين لذلك الاخوه المغتربين يتقوا الله ويراعوا ذممهم وقت التخازين والسمرات زوجتك واولادك واهل بيت احق به ولو تسوي لك بزلط القات والسمرات مشروع تكون تتكسب منهزوتاكل وتصترف منه و انت قريب من اهل بيتك وزوجتك وعيالك لان الغربه ماتدوم وزلط الغربه تعتبر فرصه ضايعه اذا ما استغليتها هذا علمي ولا جاكم شر💐💐 @ALFkamah

السلام عليكم كيف حالكم وجمعتكم. مباركه لكل المهتمين بكتاباتي قررت انزلها بهذه القناه @FkamhSnaane2 واخليها حصيرا مع تقييد المحتوى لانه به ناس بياخذوا منشوراتي من القنوات الاخرى وينشروها بقنواتهم بدون اذن مني انظموا فدينا الخجمه @FkamhSnaane2

#وُفي يوم 🌞🌥️ الجمعة📿🕌🌙 اللهُمَّ اجعل لنا نصيب من جبرك وعوضك وهدايتك وجنتك اللهُمَّ لا تحرمنا من خيرك ورحمتك ا اللَّهُمَّ افتحْ لَنَا أَبْوَابَ الرِّزْقِ وَ السَّعَادَةً والرحمة يارب آمين يارب العالمين🤲🏻 اللهم طيب خاطر كل موجوع وأرح بال كل مهموم وطمئن قلب كل حزين وَلِأَتَجْعَلُ لِنا رَجَاءٌ عِنْدَ غَيْرِكَ يارب...🤲🏻 🌿 اللَّـﮬـُمَّ صـَلِِّ وَسَلِّـمْ وَبَارِكْ ؏َـلَے سَيِّدِنَـا مُحَمـَّد وَعَلَى آلِهِ وَصَحْبِهِ وَسَلِّمْ تَسْلِيمَاً كَثِيرَاً☘️ طِبتُم وطابَت جُمُعتکم 🏵️🍁🏵️🍁🏵️ صباح🌞🌥️ الجمعة📿🕌🌙 @ALFkamah

مساء السعاده كيفكم فقرة الليله. مفتووووووحه. ✿استقبل مشاركاتكم وتضامنكم مع اخوتنا في رفح و غزة. غزة العزة والشموخ 🇵🇸🇵🇸 كي لا ننسى معاناتاهم كي لا ننسى جروحهم وآلاماهم . وكي لا تموت قضيتهم في قلوبنا نقول لهم لستم وحدكم. اننا معكم. اننا معكم اننا معكم بقلوبنا ومبادئنا ومواقفنا 🇵🇸🇾🇪 استقبل مشاركاتكم لهانا @ALFkamah وسأنشرها بهذه القناه @FkamhSnaane2

مساء الخير يااصحاب هذه القنوات بحق الاخوه. مايسبرش تسرقوا منشورات غيركم بدون استئذان وتحذفوا توقيعي وتنشروهن بقنواتكم لا تكونوا نسخه مقلده من غيركم خلييييكم متميزين و أبدعوا و ألفوا واكتبوا @ALFkamah

مش عيب انك تساعدي زوجش وتفكي ضيقه خاصحه اذا كان معش كسرة ذهب او مبلغ وقدره العيب انك كل ساع تمني عليه وتمكنيه لوما انا اديت لك لوما ذهبي لوما الزلط حقي مش عيب ان اكثر الناس مايذكروك الا وقت حاجتهم العيب انك تستنقصهم وتمن عليهم وتذلهم وتقول انهم ما يعرفوك الا وقت حاجتهم مش عيب انك تفضفضي لاخوش. وتقلي له بحاجاتش وهمومش العيب انك تشكي وتخرجي اسرارش واسرار اسرتش للغريب اللي بيوهمش انه اخوش بدل اخوش مش عيب انك تسيري صالة العرس مرتين وثلاث بنفس الفستان وعادي لو يبسرينش النسوان بنفس الملابس كل عرس العيب انك تحملي زوجك فوق طاقته وتخليه يسير يتدين واحيان ينصب ويسرق عشان يشتري لش فستان او زنه مش عيب تاكلي لقمه وشاهي وتعصبي على بطنش وتصبري على ضروف زوجش وانتي راضيه العيب انك كل شوي تعايري زوجش بفقره وتهدديه ببيت اهلش وتسيري تقلقلي وتخرجي خُبر زوجش عند اهلش مش عيب انك تشقى طول النهار بألف او الفين العيب انك ترقد وتنتظر لما يجي واحد مثلك يدي لك ألف او ألفين مش عيب اني اكتب منشور طويل وانت تقراه🫣 العيب انك تمر من فوق منشوري بدون تفاعل او حتى على الاقل تعليق😜🌹💞 @ALFkamah

لا تغثيش لوما تكونى في الشارع أو الجامعه وانتي مُلتزمة بالحشمه واللباس اللي يسترش وغيرش لبسهن فاضح لا تغثيش لوما تسيري اي مكان. والكل فاعلات مكياج وروج وانتي وجهك طبيعي بدون شي لا تتأثريش لوما الاكثريه بيسلمين على رجال ويضحكين ويمزحين معاهم وأنتِي معروفة أنك ما بتسلميش على غير محارمش لا تصدقي اللي يقلو لش ان لبسش المحتشم يخليش اكبر من سنش ‏لا تهميش لوما تقومي فـي عز البرد مِن نومش عشان تصلي الفجر والدنيا من حولش طافية والناس كلهم راقدين سلعة الله غاليه " الا وهي الجنة تستاهل انك تجاهدي عشانها والله "💙 @ALFkamah

خمييييسكم مبارررررك الله لا يحرررررمه هذه اللحضات كل من ينظم لقناتنا وينشرها قووولو تم @FkamhSnaane2

#زمان كان عييب لما واحد يعاكس أخت صاحبه اليوم للاسف البعض يكثر السيره عند صاحبه ويكثر التخازين والسمرات عشان ان مرته حاليه او عشان ان معه خوات حاليات عيب واحده تروح لبيت صاحبتها وزوجها موجود اليوم للاسسسف البعض تشل رقم زوج صاحبتها وتراسله بحجة انها تسأل عن صاحبتها ورقم صاااااحبتها معاها لكن ماتكلمها #عيب نفتح التلفزيون او نسمع اغاني او النسوان يتحنينن او يتنقشين اذا في موت بالحاره وعاده ما مر عليه اقل من شهر جابروا تجبروا اليوم للاسف بيت فاتحين دريس وبيت فاتحين زفه لييش هكذا. قالوا الحي ابقى من الميت #عيب نعمل عرس وفي موت في الحاره عندنا اليوم للاسف البعض بيركزوا خيمة العرس باب بيت الموت واحيان يوجهوا مكرفون الزفه بااتجاه بيت الموت #عيب واحده تتزوج طليق صاحبتها . اليوم للاسف قد بعضهن يخطفين ازواج صاحباتهن ويخلينهم يطلقوا نسوانهم ويتزوجوهن والمحترمه منهن ماتقله يطلق صاحبتها وتتتزوج كطبينه لا فوقها #عيب ترفع عينك في جارتك . اليوووم للاسسف قد بعضهم حافظين للارواب والملابس حق جاراتهم من كثر التبسار والبصبصه #عيب تدق الباب وتبقى مواجه للباب اثناء مايفتحوا لك #عيب والف عيب تجيب سيره حد في غيابه للاسف اصبحت فاكهة المجالس بمسمى اخر وهو الحشش قولت يحش على فلان وهو يغتابه #عيب النسوان تمشي الرجال بكلامها. اليوم للاسسف بيتفاخرين من تكون مسيطره ومن تكون مسيطره وتمشيه مسطره عيب ترفع يدك فوق البنت حتئ لو كانت غلطانه اليوم البعض يعتبر نفسه رجال اذا ضحك على بنت واستدرجها ورجع يبتزها ودخلها بإكتئاب نفسي وحرب نفسيه وعاده يزيد يروي اصحابه انه ذل فلانه والبعض منهن قد توحشين و بيضاربين الرجال هن ويزاحمنهم على كل شي وفي كل مكان حتى بااسواق القات #عيب تتعدا ع شخص فوق سيارته ومعه عائله(حرمه) اليوم للاسف البعض يعتبرها بطوله ورجوله انه ينتقم من خصمه امام عائلته من النساء والاطفال ويفجعهم بدون ضمير #عيب..........( المساحه لكم إملاؤها بما شئتم) كان الناس معاها اخلاق وضمير وإحترام اما الان انعدم الحياء فااشتد الــبــلاء @ALFkamah