رواياتي 📚 الوسام 3️⃣

ما تستغربي كل شئ وارد حنتأكد بعد الفحص الجنائي ... ياخال ألحق في زول أخترق النظام وبحاول يمسح كل البيانات ... طيب أنسخ سريع ... جاري النسخ يلا يلا يلا سريع سريع سريع بقو كلهم متوترين ورفيدة ماسكه يدينها ومركزة بكل حواسها ... 10.9.8.7.6.5.4.3.2.1 تم بنجاح ... الفريق الجنائي جاء قال ليهم فعلا الأدوية دي مضاد حيوي وجديد ما منتهي الصلاحية ... يعني مافيهو اضافة من المادة التم العثور عليها تحت الكبري ... لا أبدآ ... طيب المخدرات ودوها وين اذا كان العربية واقفة برة ؟... رفيدة قالت ليهم أحتمال هربو بيها قبل نصل أو تم تحويل البضاعه من العربية دي لعربية تانية وهي ف طريقها لي هنا عشان يعملو تمويه ... صهيب قال ليهم ممكن ... حاتم قال ليهم لا العربية ما وقفت ف أي حتة ما كان عندهم زمن أصلآ وأنا متأكد انهم خلطوها ف الأدوية وحتي لو هربوها بكون هربو جزء بسيط منها والباقي ف مكان ما ما بعيد من هنا ... رفيدة بقت تفكر في كلام حاتم شافتو منطقي بقت لافة في المصنع بس ما بعدت منهم شعرت بحاجة تحت رجلها نادت عليهم كلهم قالت ليهم الحتة دي مهوية زي الفي حفرة حاتم عفص فيها برجلو سمع صوت قال ليهم ف فتحة هنا طوالي جو اتنين بقو يكسرو ظهر معاهم سلم عاينو لبعض ونزل جزء من الفريق قبليهم مستعدين بأسلحتهم وحاتم وصهيب نزلو رافعين أسلحتهم برضو ورفيدة ماشة وراهم كان بنزلو خطوة خطوة لانهم ما عارفين في شنو تحت او الحتة دي عبارة عن شنو؟ لقو صالة كبيرة فيها كمية بتاعت كراتين .. اتفحصو المكان كويس أتأكدو مافي زول بعدها دخلو أسلحتهم وجو يفتشو ف الكراتين لقو نفس الأدوية الفوق في نفس الكراتين ... حاتم قال ليهم دي الأدوية المخلوطة أنا متأكد دي حركة تمويهيه منهم خلونا نفكر انهم هربو بالأدوية وهم خبوها تحت هنا عشان يقدرو يجو راجعين يطلعوها بأريحية ويكملو خططهم مستهترين بعقولنا فاكرين نفسهم أساتذة بس نحن عباقرة وراكم والزمن طويل الا ما يجي يوم وادفعكم التمن غالي 😡 قال لي فريق الفحص الجنائي شوفو شغلكم بعد طول انتظار وكلهم متوترين قالو ليهو توقعاتك ف محلها الأدوية مخلوط معاها مخدر القنفيون القاتل .. " يارب بكل الضعف الذي أحمله في قلبي أسألك أن تجعلني ولو لمرة واحدة أبلغ مقاصدي دون عناء ، وأن تجعل مشيئتك تتلاءم مع إرادتي، وأن تعلمني أن ألتمس الصبر والرحمه في كل قضاء تقضيه لي و إن خالف هوايا ، ارجو ان تبلغني منايا وألا تبتليني بما لا أستطيع عليه صبراً 🩵 ... صلو ع من بكى شوقآ لرؤيتنا 🌹

الحب يضمد الجروح حب ف ظروف غامضة 🥰 الجـــــــــــــــــــــــزء الثاني الحلقة الثامنة بقلـــــ✍ــــــم رفيدة عبدو " ريـــــري " .. - ‏لم أخشىٰ يومًا هول النهايات، كل الذي أثار فزعي وحزني؛ سهولتها، أن يبدو الأمر وكأنه مزحة، أو حلم بدَّده التيقظ. .. يعني برضو قتلوها وقاصدين ليه الناس دي قلوبها منزوع منها الرحمة لالا انا ما قادرة أكمل أنا بنسحب ياحضرة الضابط حاتم أنا ما بقدر أكمل حاسة اني بلعب بالنار حاسة اني بتعامل مع ناس مافيا في فيلم أجنبي الموضوع أكبر من قدراتي لازم أمشي كان لازم أسافر مع ابوي بعتزر ياخضرة الضابط حاتم انا ماشة ... بتنسحبي عشان ما قادرة ولا عشان فقدتي اليد الكان بتمسكك قوي وتقول ليك أنا معاك؟ ؟ بتنسحبي عشان ما قادرة ولا عشان كنتي بتفتشي علي حققك ورجعتي خلاص فما بهمك ترجعي حق غيرك ... بس كفاية حرام عليك ما تقسي علي بالكلام لو ما كان بهمني حق غيري الليلة كنت بكون في جلسة ولا رقصة زومبا كنت عايشة حياتي مبسوطة ومرتاحة حتي لما جيت أخت هدف في حياتي كان هدفي أساعد الناس كان حلمي أعمل مستشفي والناس تتعالج فيهو مجان لو انا الليله جوة المتاهة دي فأنا جوة عشان انسانة جيت افتش حقها واعاقب الأجرم في حقها وقتلها انت ضابط نزية وشريف وكمان شجاع دخلت كلية الشرطة وانت عارف نفسك عايز شنو وبتعمل ف شنو اتدربت وواجهتك مخاطر كتير وحياة مليانة ألغاز دة شغلك ودة مجالك انت اتعودت عليهو بس أنا لا انا ما كان نفسي تصل بي المواصيل لحدي هنا أصلا وبعد دة كلو جاي جاي تشمت فيني عشان فقدت أغلى زول ف الوجود انا الفيني مكفيني مافي زول حاسي بي ... شال نفسو وأستغفر وجاها مسكها من كتفها آسف والله ما كان قصدي أقسي عليك بالكلام او أشمت فيك بس انا عاوز أوعيك عاوزك تثبتي جدارتك صدقيني بعد العملية دي تتم انتي حتكوني قدوة لكل مرأة سودانية حيتعلمو منك الشجاعه والبسالة كل مرة سودانية حتشوف نفسها فيك حيتعلمو منك كيف ياخدو حقهم من أي راجل ظالم عديم الإنسانية مافي راجل حيتجرأ يرفع عينو لي مرة يعاين ليها نظرة مافي محلها ما عاوزك تضعفي وتستسلمي بعد الشوط الكبير الإنتي قطعتيهو انا لو ما عارفك وااثق فيك انك أقوى من الظروف ما بدخلك في حاجة زي دي بس انت مخيرة ما مسيرة لو عايزة تمشي أمشي ما بضغط عليك وانتي حرة تقدري تتفضلي قال ليها كدة وطوالي مشى قعد ف الكرسي واتجه ع الشاشات ... وهي طوالي اتوجهت ع السلم البطلع فوق وحاتم اتلفت كان مرافبها بنظراتو وهي طالعه لما فجاءة وقفت هو طوالي رجع لف بالكرسي تاني ناحية الشاشات جات نازلة وقفت جمبو ... نسيتي حاجة؟ ... انت النسيت انك قلت لي من اول مرة شفتني شفت في عيوني الشجاعه صاح؟ مستحيل أنهزم بالسهولة دي وأنسحب أنا أتكتب لي أغامر وأعيش أجواء الحرامي والشرطة وأنا بعش التحديات هههه انا معاك للآخر ... للآخر للآخر ولا بكرة تجي تتجرسي تاني ... ههههه لا بالجد معاكم للآخر .... جاهو اتصال رد ورفيدة ربعت يدينها وبقت تعاين لي مازن الكان منهار تماما .. ايوة ياصهيب شنو؟ كيف يعني ما لقيتو زول معناها كانو عارفين خططتنا في أجهزة ف المكان؟ وكبابي شاي؟ خلو بالكم وانتبهو أوع تغفلو ف احتمالين الاول يكونو هربو لما عرفو اننا جايين والتاني انهم عايزين يعملو ليكم كمين في الحالتين خليكم منتبهين وانا جاي عليكم حالآ ... رفيدة قالت ليهو انت ظهورك وسط النهار كدة حيسبب مشكلة ليك انا بمشي اذا سمحت لي ... اوع تفتكري اني ما كنت بظهر عشان متخبي وخايف منهم لا انا كنت متخبي عشان أخطط وأنفذ من غير ما حد يدرى وأخليهم ماخدين راحتهم أرح خلينا نمشي ... طيب دقيقة ومازن ... حنتعامل معاهو بعدين خلينا نمشي هسي طلعو وكان علي أتصال دايم بصهيب لحدي ما وصلو المكان كان بفتشو ولقو أجهزة كتيرة صهيب قدر يخترق الأجهزة حقتهم وفتحها وحاتم كان بتفحص في المكان قال ليهم الكراتين دي فيها شنو؟ ... أدوية شكلها قديمة من زمن المصنع كان شغال ... حاتم ركز كدة واتفحص الكراتين كويس قال ليهم الكراتين دي جديدة ما قديمة شكلها تم ترحيلها لي هنا رفيدة ... نعم ... بما انك دكتورة شوفي لينا الأدوية دي حقت شنو؟ ... دة مضاد حيوي عادي ما فيهو حاجة ... مضاد حيوي؟ ... صهيب ناداهم تعالو شوفو دة لقيت الخريطة دي عليها كل مواقع المستشفيات بأساميها ... معناهو شنو؟ ... حاتم قال ليها معناهو الناس ديل ناوين علي شئ خطير وما متوقع ... قلتي الأدوية دي فيها شنو؟ ... مضاد حيوي ... مافي سبب يخليهم يجيبو كراتين بتاعت ادوية تابعه للمستشفي هنا الا اذا ... صهيب قال ليهو الا اذا شنو؟ ... اتصل ع شرطة الفحص الجنائي سريع ... صهيب اتصل وطلب حضورهم فورآ .. حاتم اتصل علي مكتب وزارة الصحة وأداهم أمر يحزرو كل المستشفيات ما تستلم اليوم أي كراتين أدوية ... علم ... رفيدة قالت ليهو في شنو؟ علي حسب استنتاجاتي عاوزين يخلطو مادة القفيون ف الدواء ... 😱😱😱

محتاجه بنات لشغل اونلاين شغل سهل وبسيط ومن تلفونك بس ارباحك في الشهر تطلع اكتر من 20 الف مصري او 400 الف سوداني او 10 الف ريال سعودي او 500دينار كويتي باذن الله كلام حقيقي وماكذب وبدون ماتدفعي ولا جنيه والله التدرييب و التسجيل مجاني جربي وماخسرانة شي والفرصة دي هتكون من اجمل فرص حياتك بعون الله🩷🤍✨ودة الرابط https://chat.whatsapp.com/GNJZcYA1sGz1yQkiH2srVe

👆👆👆اعلان مدفوع

تعابير وشها كانت عادية وقربت منو قالت ليهو دة منو كمان ؟ ... ما حصل شفتيهو؟ ... ابدآ ...مازن فارس سراج الدين لبناني دخل السودان مرتين المرة الاولى معاهو صديقة طفولتو ثريا عدنان والمرة التانية عشان يبحث عنها ... وصديقتو دي وين هي ؟.مفقودة ليها تقريبآ سنة ... سنة ؟ وهو يادوب جاي يبحث عنها؟ بعد سنة كااااملة ... لا هو كان أتصل وطلب من الشرطة تدور عليها لانه أرقامها مقفولة وما منها خبر ليها 4 شهور هو كان محبوس ف لبنان ف قضية مخدرات ويادوب طلع قبل يومين وطوالي جاء ع السودان عشان كدة ما جاء وفتش عليها ... طيب ما فهمت علاقتنا بيهو شنو ودخلو شنو ف القضية؟ ... لفاهو كدة بالكرسي واتقدم ناحية الشاشات لو سألتي فريدة حتوريك هو علاقتو بالقضية دي شنو؟ ... فريدة؟ انتو بتعرفو فريدة يعني؟ ... مافي حاجة فايتة علينا ولا قاعدين ساي نحن ... مازن وفريدة كانو مناديب لتجارة المخدرات واحد يهرب من بلدو ووالتاني يدخلها بلدو لا بفكرو في نفسهم ولا حتى شباب بلدهم خاتين في فكرهم انو بخدمو في شباب البلد بس هم قاعدين يدمرو فيهم بقتلوهم بالبطئ ... فريدة اعترفت لي بكل الكلام دة وحلفت لي انو ما كان عندها علم بتهريبهم الأسلحة والأطفال والنساء وجرائم القتل دي كلها ... عارف بس برضو تجارة المخدرات وتعاطيها جريمة بعاقب عليها القانون صاح؟ فكرك لو تابت وسابت البلد ما حتتعاقب لا خليك عارفه في اي وقت ختت رجلها في البلد دي حتتدخل السجن وتاخد عقابة هي و العبيد. كمان ... 😳 كانت في حالة بتاعت زهول ما قادرة تصدق انهم عارفين كل المعلومات بالدقة دي ... ما تستغربي نحن ادينا القسم عشان نحمي البلد دي ونحمي أرضها وشبابها ما بنقعد ف المكاتب ونضرب التكيف ونطلب شاي وجبنة ساي زي ما انتو بتفكرو لا شغلنا ساري حتى لو انتو بتشوفو اننا ما بنعمل حاجة خلينا ف المهم ... طيب المطلوب شنو حاليآ أفتش علي ثريا ... تحرياتنا أثبتت بأنها ماتت في نفس اليوم الأتخطفتي فيهو ... رفيدة ختت يدها ف خشمها ماتت؟ ومازن زاتو اتخلع وقلع عيونو لأنو ما كان عارف انها ماتت وبقي يصرخ طبعا رابطين ليهو خشمو ... حاتم واصل كلامو هي ما ماتت هي أتقتلت في اليوم الأتصل فيهو وقاص وطلب منك تجي عشان تنقذي الصافي متزكرة ... هزت راسها وهي شاعرة بالحزن الشديد ... متزكرة انو انتي عملتي حادث وبعدها أهلك أفتكرو انك ميتة لانو لقو جثة محرقة في عربية أمك وشالو الجثة عبارة عن عظام ودفنوها مافي زول خطر علي بالو يحمل تحليل ... رجعت لورا وقعدت ف أقرب كرسي وخاتة يدها واحدة في جبهتها والتانية في جمبتها الشمال لانو حست بوجع ... طبعا انا قبل كدة وريتك انو أنا كنت عارف انك حية بس ما حكيت ليك تفاصيل صاح انتي كان قبل الحادث اتصلتي علي ورسلتي لي الموقع وانا اتحركت سريع لمن وصلت النار كانت شاعلة ف العربية بس لسه ما حرقت كلها وشفت الجثة الكانت جوة وعرفت انها ما انتي واتضح لي انها كانت ميتة من قبل يختوها ف العربية وقتها عرفت انو ما كان هدفو يقتلك والا كان خلاك تحرقي ف العربية بس هو كان عايز يضرب عصفورين بحجر واحد يثبت انك متي ف العربية والتاني يخفي آثار جريمتو اللهي قتلو العمد لي ثريا وبكدة مافي زول حيفقد لا رفيدة ولا حتى ثريا ولافي زول حيشك ف الموضوع بس نحن بدورنا كان لازم نبحث ونعرف الجثة الكانت ف العربية دي منو؟ وعشان حسو بالخطر دبرو لي المكيدة دي بس صهيب واصل بحثو وقدرنا نعرف انها لوحدة لبنانية تم البلاغ بأنها مفقودة وبعد التحقيق ف قضيتها عرفنا انو قتلها وقاص بسبب انها كان عاوزة تسيب الشغل وترجع لبنان رفيدة كانت لسه مصدومة ومازن مصدوم أكتر منها وببكي .. ‏لَا الْيَأسُ ثَوبي ولا الأحزان تَكْسِرُني جُرْحَي عَنِيدٌ بلَسعِ النَّارِ يَلْتَئِمُ .. صلو ع الحبيب 🌹

الحب يضمد الجروح حب ف ظروف غامضة 🥰 الجـــــــــــــــــــــــزء الثاني الحلقة السابعة بقلــــــ✍ـــــم رفيدة عبدو " ريــــري " .. لا السَّيْفُ يَفْعَلُ بِي مَا أَنْتِ فَاعِلَةٌ ولا لِقَاءَ عَدُوِّي مِثْلَ لُقْيَاكِ لَوْ بَاتَ سَهُمْ مِنْ الْأَعْدَاءِ فِي كَبِدِي مَا نَالَ مِنِّي مَا نَالَتْهُ عَيْنَاكِ💜 .. رفيدة جاتها طعنة وحست سكين انقرزت في قلبها كان عندها زرة أمل يكون مصطفي متزكرها وما نساها بس دي طبعا حاجة ما بيدو "" والله قلبي معاها المسكينة دي لو زول مكانها ما كان اتحمل الله المستعان "" أمو قالت ليهو دي بت صحبتي دي خالتك احلام دي بتها الكبيرة ... ابتسم ابتسامة خفيفة وحاول يمد يدو ... رفيدة بلعت عبرتها وحاولت تبتسم ومشت مسكت يدو 🤝 حمدلله ع السلامة 🥹 خوفتني عليك اااااا بقصد خوفتنا عليك ... مع مسكة يدها شعر زي الكهرباء سرت ف جسمو جاهو احساس غريب حاول جاهدآ تجاهلو ورد ليها بصعوبة الله يسلمك ... الدكتور جاهم قال ليهم بعد كدة تطلعو عشان ياخد راحتو ... ياسر قال ليهو ممكن اكون جمبو لو احتاج حاجة؟ ... قال ليهو لا نحن جمبو ما تخافو عليهو والممرضين والممرضات قايمين بالواجب ... طلعو كلهم برة مبسوطين انو مصطفي بقي كويس وياسر وهيثم مشو جابو حلاوة وزعوها ع المستشفي كلها الا رفيدة كانت قاعدة بعيد ف الأرض وتاكله راسها ع الحيطة وعايشة حزنها براها أنا فقدت مصطفي خلاص؟ انا فقدت سندي الزول الوحيد البحميني وبطمئن بوجودو طيب انا كيف أقدر أعيش من غيرو كيف اقدر اتعايش مع فكرة انو هو موجود بس ناسيني وناسي علاقتنا والرابط البينا وهل ممكن يجي يوم يتزكر انو كان بحبني ولو اتزكر حيجي بتين اليوم دة ياالله طيب ولو ما اتزكر خالص معناها مصطفي ضاع مني؟ تلفونها رنه قامت طلعت برة وردت حضرة الضابط حاتم ف جديد ؟ ... تعالي جمب كبري كوبر ... ف شنو ؟.. تعالي وحتفهمي اتلفتت ع المستشفي وهي مترددة ترجع لمصطفي وتودعو ولا تمشي لي حاتم بعدها اتزكرت انو ما عاد ليها حق ف مصطفي دة بالنسبة ليهم طبعا وانو هي شخص غريب عنو وما بعرفها طوالي طلعت ...هيثم جاء طلب من خالتو احلام ترجع البيت وخالتو زينب زاته قالت ليها ما قصرتو معانا ما نخدمكم ف كعب بس بعد كدة ارجعي عشان ترتاحي الحمدلله مصطفي هدا بقى كويس ... بتشكريني ع شنو مصطفي دة ولدي الله عوضني بيهو عشان ما عندي ولد والبمسو بمسني ربنا يتمم فضلو عليهو ... آمـــيــــن يارب بعدها هيثم رجع مع خالتو احلام وصلها واستحمى ومشى بيتو سلم ع ناس البيت وابوهو وأختو زاتو جو معاهو عشان يتحمدو السلامة .. دة شنو ياحضرة الضابط ما فهمت؟ ... البضاعة الدخلت قبل تلاته سنة كانت مدفونة هنا .. كاااانت .... ايوة انتبشت امبارح بالليل وبالصدفة جانا بلاغ واحد بقول شفت زول واقف بعربية وببحت هنا والزول البلغ كان مفتكر انو هو بدفن ف جثة او كدة بس نحن عرفنا لما جبنا فريق الفحص الجنائي وبعد فحص بعض المواد العالقة ف الأرض أكد لينا انها نوع خطير من المخدرات قاتل أسمو القنفيون ... وناوين يعملو بيهو شنو؟ بقصد هم دخلوهو البلد من قبل تلاته سنة ليه طلعوهو هسي بالتحديد ؟ ... ما معروف خططهم شنو والغريب في الأمر انو الزول البلغ لما أدانا رقم لوحة العربية ومواصفاتها تطابقت مع العربية الأجروها من قبل وكان بسوقها نور الدين .... طيب نور الدين هسي موش معاكم .... ايوة بس نحن كنا متأكدين انها قبل اسبوع أتأجرت تاني من المالك اللهو ف نفس اليوم النحن قبضنا فيهو ع المالك وعلي نور الدين نفسو معناها في شخص تاني حيتم العملية ... لسه في كم يد عاوزة القطع الأمر كل ما ليهو زايد تعقيد ... بالعكس هم كدة غلطو أكبر غلط وسهلو علينا كتير لانو نحن حاليآ حددنا موقع العربية وصهيب والقوات متحركين عليهم ... طيب حلو وين المنطقة بعيدة يعني ... ايوة الموقع دل علي مصنع أدوية قديم تم أغلاقو من 11 سنة وبعيد جدآ مسافه ساعه من هنا خلينا نمشي المقر حقنا واوريك حاجة ... تمام اتجهو سوا علي مقرهم السري الفي طيبة في الشارع اتصلت علي هيثم سألتو من مصطفي وطمنها عليهو وحكت ليهو الحاصل كلو وقالت ليهو بالمناسبة دي جيب الشريط الفيهو أعتراف وقاص لانو الليله حنسلمو للشرطة ... حاتم عاين ليها بأستغراب ... عاينت للضابط قالت ليهو قالو قبل كم يوم مصورنو معترف بكل جرائمو وانا نسيت الموضوع دة ... طيب خليهو يبعت لي الشريط حالا او يجيبو هو ... خلاص ياهيثم شوف طريقة تجيب لينا الشريط ف المكان الاتبعتوني فيهو ... ايوة لكن الشريط كان مع مصطفي آخر مرة ... 🤦‍♀ طيب والعمل أكيد هو ما حيكون متزكرو حاليا ياربي كدي طيب شوفو في العربية فتشو كويس ولو ما لقيتو ممكن تسأل الممرضات الغيرو ليهو لبس العملية ... طيب تمام ... وصلو المقر ونزلو تحت قال ليها عاوزك تشوفي الزول دة؟ ... اتلفتت شمالها الكرسي لفه شافت واحد مكتف ومغطين ليهو وشو مشى عليهو رفع منو الغطاء

تعابير وشها كانت عادية وقربت منو قالت ليهو دة منو كمان ؟ ... ما حصل شفتيهو؟ ... ابدآ ...مازن فارس سراج الدين لبناني دخل السودان مرتين المرة الاولى معاهو صديقة طفولتو ثريا عدنان والمرة التانية عشان يبحث عنها ... وصديقتو دي وين هي ؟.مفقودة ليها تقريبآ سنة ... سنة ؟ وهو يادوب جاي يبحث عنها؟ بعد سنة كااااملة ... لا هو كان أتصل وطلب من الشرطة تدور عليها لانه أرقامها مقفولة وما منها خبر ليها 4 شهور هو كان محبوس ف لبنان ف قضية مخدرات ويادوب طلع قبل يومين وطوالي جاء ع السودان عشان كدة ما جاء وفتش عليها ... طيب ما فهمت علاقتنا بيهو شنو ودخلو شنو ف القضية؟ ... لفاهو كدة بالكرسي واتقدم ناحية الشاشات لو سألتي فريدة حتوريك هو علاقتو بالقضية دي شنو؟ ... فريدة؟ انتو بتعرفو فريدة يعني؟ ... مافي حاجة فايتة علينا ولا قاعدين ساي نحن ... مازن وفريدة كانو مناديب لتجارة المخدرات واحد يهرب من بلدو ووالتاني يدخلها بلدو لا بفكرو في نفسهم ولا حتى شباب بلدهم خاتين في فكرهم انو بخدمو في شباب البلد بس هم قاعدين يدمرو فيهم بقتلوهم بالبطئ ... فريدة اعترفت لي بكل الكلام دة وحلفت لي انو ما كان عندها علم بتهريبهم الأسلحة والأطفال والنساء وجرائم القتل دي كلها ... عارف بس برضو تجارة المخدرات وتعاطيها جريمة بعاقب عليها القانون صاح؟ فكرك لو تابت وسابت البلد ما حتتعاقب لا خليك عارفه في اي وقت ختت رجلها في البلد دي حتتدخل السجن وتاخد عقابة هي و العبيد. كمان ... 😳 كانت في حالة بتاعت زهول ما قادرة تصدق انهم عارفين كل المعلومات بالدقة دي ... ما تستغربي نحن ادينا القسم عشان نحمي البلد دي ونحمي أرضها وشبابها ما بنقعد ف المكاتب ونضرب التكيف ونطلب شاي وجبنة ساي زي ما انتو بتفكرو لا شغلنا ساري حتى لو انتو بتشوفو اننا ما بنعمل حاجة خلينا ف المهم ... طيب المطلوب شنو حاليآ أفتش علي ثريا ... تحرياتنا أثبتت بأنها ماتت في نفس اليوم الأتخطفتي فيهو ... رفيدة ختت يدها ف خشمها ماتت؟ ومازن زاتو اتخلع وقلع عيونو لأنو ما كان عارف انها ماتت وبقي يصرخ طبعا رابطين ليهو خشمو ... حاتم واصل كلامو هي ما ماتت هي أتقتلت في اليوم الأتصل فيهو وقاص وطلب منك تجي عشان تنقذي الصافي متزكرة ... هزت راسها وهي شاعرة بالحزن الشديد ... متزكرة انو انتي عملتي حادث وبعدها أهلك أفتكرو انك ميتة لانو لقو جثة محرقة في عربية أمك وشالو الجثة عبارة عن عظام ودفنوها مافي زول خطر علي بالو يحمل تحليل ... رجعت لورا وقعدت ف أقرب كرسي وخاتة يدها واحدة في جبهتها والتانية في جمبتها الشمال لانو حست بوجع ... طبعا انا قبل كدة وريتك انو أنا كنت عارف انك حية بس ما حكيت ليك تفاصيل صاح انتي كان قبل الحادث اتصلتي علي ورسلتي لي الموقع وانا اتحركت سريع لمن وصلت النار كانت شاعلة ف العربية بس لسه ما حرقت كلها وشفت الجثة الكانت جوة وعرفت انها ما انتي واتضح لي انها كانت ميتة من قبل يختوها ف العربية وقتها عرفت انو ما كان هدفو يقتلك والا كان خلاك تحرقي ف العربية بس هو كان عايز يضرب عصفورين بحجر واحد يثبت انك متي ف العربية والتاني يخفي آثار جريمتو اللهي قتلو العمد لي ثريا وبكدة مافي زول حيفقد لا رفيدة ولا حتى ثريا ولافي زول حيشك ف الموضوع بس نحن بدورنا كان لازم نبحث ونعرف الجثة الكانت ف العربية دي منو؟ وعشان حسو بالخطر دبرو لي المكيدة دي بس صهيب واصل بحثو وقدرنا نعرف انها لوحدة لبنانية تم البلاغ بأنها مفقودة وبعد التحقيق ف قضيتها عرفنا انو قتلها وقاص بسبب انها كان عاوزة تسيب الشغل وترجع لبنان رفيدة كانت لسه مصدومة ومازن مصدوم أكتر منها وببكي .. ‏لَا الْيَأسُ ثَوبي ولا الأحزان تَكْسِرُني جُرْحَي عَنِيدٌ بلَسعِ النَّارِ يَلْتَئِمُ .. صلو ع الحبيب 🌹

الحب يضمد الجروح حب ف ظروف غامضة 🥰 الجـــــــــــــــــــــــزء الثاني الحلقة السابعة بقلــــــ✍ـــــم رفيدة عبدو " ريــــري " .. لا السَّيْفُ يَفْعَلُ بِي مَا أَنْتِ فَاعِلَةٌ ولا لِقَاءَ عَدُوِّي مِثْلَ لُقْيَاكِ لَوْ بَاتَ سَهُمْ مِنْ الْأَعْدَاءِ فِي كَبِدِي مَا نَالَ مِنِّي مَا نَالَتْهُ عَيْنَاكِ💜 .. رفيدة جاتها طعنة وحست سكين انقرزت في قلبها كان عندها زرة أمل يكون مصطفي متزكرها وما نساها بس دي طبعا حاجة ما بيدو "" والله قلبي معاها المسكينة دي لو زول مكانها ما كان اتحمل الله المستعان "" أمو قالت ليهو دي بت صحبتي دي خالتك احلام دي بتها الكبيرة ... ابتسم ابتسامة خفيفة وحاول يمد يدو ... رفيدة بلعت عبرتها وحاولت تبتسم ومشت مسكت يدو 🤝 حمدلله ع السلامة 🥹 خوفتني عليك اااااا بقصد خوفتنا عليك ... مع مسكة يدها شعر زي الكهرباء سرت ف جسمو جاهو احساس غريب حاول جاهدآ تجاهلو ورد ليها بصعوبة الله يسلمك ... الدكتور جاهم قال ليهم بعد كدة تطلعو عشان ياخد راحتو ... ياسر قال ليهو ممكن اكون جمبو لو احتاج حاجة؟ ... قال ليهو لا نحن جمبو ما تخافو عليهو والممرضين والممرضات قايمين بالواجب ... طلعو كلهم برة مبسوطين انو مصطفي بقي كويس وياسر وهيثم مشو جابو حلاوة وزعوها ع المستشفي كلها الا رفيدة كانت قاعدة بعيد ف الأرض وتاكله راسها ع الحيطة وعايشة حزنها براها أنا فقدت مصطفي خلاص؟ انا فقدت سندي الزول الوحيد البحميني وبطمئن بوجودو طيب انا كيف أقدر أعيش من غيرو كيف اقدر اتعايش مع فكرة انو هو موجود بس ناسيني وناسي علاقتنا والرابط البينا وهل ممكن يجي يوم يتزكر انو كان بحبني ولو اتزكر حيجي بتين اليوم دة ياالله طيب ولو ما اتزكر خالص معناها مصطفي ضاع مني؟ تلفونها رنه قامت طلعت برة وردت حضرة الضابط حاتم ف جديد ؟ ... تعالي جمب كبري كوبر ... ف شنو ؟.. تعالي وحتفهمي اتلفتت ع المستشفي وهي مترددة ترجع لمصطفي وتودعو ولا تمشي لي حاتم بعدها اتزكرت انو ما عاد ليها حق ف مصطفي دة بالنسبة ليهم طبعا وانو هي شخص غريب عنو وما بعرفها طوالي طلعت ...هيثم جاء طلب من خالتو احلام ترجع البيت وخالتو زينب زاته قالت ليها ما قصرتو معانا ما نخدمكم ف كعب بس بعد كدة ارجعي عشان ترتاحي الحمدلله مصطفي هدا بقى كويس ... بتشكريني ع شنو مصطفي دة ولدي الله عوضني بيهو عشان ما عندي ولد والبمسو بمسني ربنا يتمم فضلو عليهو ... آمـــيــــن يارب بعدها هيثم رجع مع خالتو احلام وصلها واستحمى ومشى بيتو سلم ع ناس البيت وابوهو وأختو زاتو جو معاهو عشان يتحمدو السلامة .. دة شنو ياحضرة الضابط ما فهمت؟ ... البضاعة الدخلت قبل تلاته سنة كانت مدفونة هنا .. كاااانت .... ايوة انتبشت امبارح بالليل وبالصدفة جانا بلاغ واحد بقول شفت زول واقف بعربية وببحت هنا والزول البلغ كان مفتكر انو هو بدفن ف جثة او كدة بس نحن عرفنا لما جبنا فريق الفحص الجنائي وبعد فحص بعض المواد العالقة ف الأرض أكد لينا انها نوع خطير من المخدرات قاتل أسمو القنفيون ... وناوين يعملو بيهو شنو؟ بقصد هم دخلوهو البلد من قبل تلاته سنة ليه طلعوهو هسي بالتحديد ؟ ... ما معروف خططهم شنو والغريب في الأمر انو الزول البلغ لما أدانا رقم لوحة العربية ومواصفاتها تطابقت مع العربية الأجروها من قبل وكان بسوقها نور الدين .... طيب نور الدين هسي موش معاكم .... ايوة بس نحن كنا متأكدين انها قبل اسبوع أتأجرت تاني من المالك اللهو ف نفس اليوم النحن قبضنا فيهو ع المالك وعلي نور الدين نفسو معناها في شخص تاني حيتم العملية ... لسه في كم يد عاوزة القطع الأمر كل ما ليهو زايد تعقيد ... بالعكس هم كدة غلطو أكبر غلط وسهلو علينا كتير لانو نحن حاليآ حددنا موقع العربية وصهيب والقوات متحركين عليهم ... طيب حلو وين المنطقة بعيدة يعني ... ايوة الموقع دل علي مصنع أدوية قديم تم أغلاقو من 11 سنة وبعيد جدآ مسافه ساعه من هنا خلينا نمشي المقر حقنا واوريك حاجة ... تمام اتجهو سوا علي مقرهم السري الفي طيبة في الشارع اتصلت علي هيثم سألتو من مصطفي وطمنها عليهو وحكت ليهو الحاصل كلو وقالت ليهو بالمناسبة دي جيب الشريط الفيهو أعتراف وقاص لانو الليله حنسلمو للشرطة ... حاتم عاين ليها بأستغراب ... عاينت للضابط قالت ليهو قالو قبل كم يوم مصورنو معترف بكل جرائمو وانا نسيت الموضوع دة ... طيب خليهو يبعت لي الشريط حالا او يجيبو هو ... خلاص ياهيثم شوف طريقة تجيب لينا الشريط ف المكان الاتبعتوني فيهو ... ايوة لكن الشريط كان مع مصطفي آخر مرة ... 🤦‍♀ طيب والعمل أكيد هو ما حيكون متزكرو حاليا ياربي كدي طيب شوفو في العربية فتشو كويس ولو ما لقيتو ممكن تسأل الممرضات الغيرو ليهو لبس العملية ... طيب تمام ... وصلو المقر ونزلو تحت قال ليها عاوزك تشوفي الزول دة؟ ... اتلفتت شمالها الكرسي لفه شافت واحد مكتف ومغطين ليهو وشو مشى عليهو رفع منو الغطاء