Sof.uz | Соф хабарлар

Хизматлар ҳажми 38,3 трлн сўмга ошган Ўзбекистон Республикаси Президенти ҳузуридаги Статистика агентлигининг дастлабки маълумотларига кўра, 2023 йилнинг январь-май ойларида кўрсатилган бозор хизматлари ҳажми 173,7 трлн сўмга етган. Ўтган йилнинг мос даврига нисбатан солиштирилганда кўрсатилган бозор хизматлари ҳажми 38,3 трлн сўмга ошган. Энг сўнгги хабарларга обуна бўлинг: 👉 @sofuzb

Ягона Европа валютаси ҳам рақамли бўлади Брюссель электрон еврони муомалага киритишни таклиф қилди. Европа марказий банки рақамли шаклда ягона валютага "яшил чироқ" ёқиши керак, дея хабар беради Euronews. Кўпроқ одамлар кундалик молиявий операциялар учун рақамли воситалардан фойдаланяпти. Шу нуқтаи назардан, Брюссель электрон еврони муомалага киритишни таклиф қилди. Европа Комиссияси вице-президенти Валдис Домбровскиснинг таъкидлашича, рақамли шаклдаги ягона Европа валютаси евроҳудуддаги истеъмолчиларга бугунги кунда мавжуд қоғоз, металл ва карта вариантларидан ташқари муқобил тўлов ечимини таклиф қилади. Батафсил: https://sof.uz/q3f0 Энг сўнгги хабарларга обуна бўлинг: 👉 @sofuzb

Электромобиллар импорт қарийб 4 баробарга ошган Статистика агентлиги маълумотларига кўра, Ўзбекистон 2023 йилнинг январь-май ойларида энг кўп Хитойдан электромобил импорт қилган. Ўзбекистон 5 ойда 10 та хорижий давлатдан электромобил импорт қилган. Энг кўп электромобил импорт қилинган давлатлар: — Хитой – 3 480 та — Гонконг – 256 та — Германия – 42 та — БАА – 16 та — Корея – 11 та — АҚШ – 6 та Электромобиллар импорти ўтган йилнинг мос даври билан солиштирилганда 2846 тага ёки қарийб 4 баробарга ошган. Энг сўнгги хабарларга обуна бўлинг: 👉 @sofuzb

📊 Дунё аҳолисининг ҳар миллиардга ўсиши Статистика агентлиги маълумотларига кўра, 2023 йилнинг 1 апрель ҳолатига республикамизнинг доимий аҳолиси сони 36 197 781 кишини ташкил этган.  АЁЛЛАР СОНИ – 17 981 152 киши ЭРКАКЛАР СОНИ – 18 216 629 киши Шаҳар аҳолиси – 18 459 763 киши Қишлоқ аҳолиси – 17 738 018 киши Дунё аҳолиси сонининг ҳар миллиардга ўсиши: — 1804 йил – 1 млрд. киши — 1927 йил – 2 млрд. киши — 1960 йил – 3 млрд. киши — 1974 йил – 4 млрд. киши — 1987 йил – 5 млрд. киши — 1999 йил – 6 млрд. киши — 2011 йил – 7 млрд. киши — 2022 йил – 8 млрд. киши Энг сўнгги хабарларга обуна бўлинг: 👉 @sofuzb

5 ойда 3 816 та электромобил импорт қилинган Статистика агентлиги маълумотларига кўра, Ўзбекистон 2023 йилнинг январь-май ойларида 10 та хорижий давлатдан қиймати 120 млн AҚШ долларига тенг бўлган 3 816 дона электромобил импорт қилган. Электромобиллар импорти ўтган йилнинг мос даври билан солиштирилганда 2846 тага ошган. Ўзбекистон 2023 йилнинг апрель ойида хорижий давлатлардан  876 дона электромобил импорт қилган. Энг сўнгги хабарларга обуна бўлинг: 👉 @sofuzb

Алоқа ва ахборотлаштириш хизматлари 24,6 фоизга ошди Статистика агентлигининг дастлабки маълумотларига кўра, 2023 йилнинг январь-май ойларида кўрсатилган бозор хизматлари умумий ҳажмида алоқа ва ахборотлаштириш хизматларининг улуши 6,8 фоизни ташкил этган. Бу 2022 йилнинг январь-май ойларига нисбатан солиштирилганда 24,6 фоизга ошган. Ҳудудлар кесимида алоқа ва ахборотлаштириш хизматларининг ўсиш суръатлари 🔸Қорақалпоғистон Р. – 121,7 фоиз 🔸Андижон вилояти – 124,7 фоиз 🔸Бухоро вилояти – 122,5 фоиз 🔸Жиззах вилояти – 122,8 фоиз 🔸Қашқадарё вилояти – 123,9 фоиз 🔸Навоий вилояти – 124,9 фоиз 🔸Наманган вилояти – 126,1 фоиз 🔸Самарқанд вилояти – 124,5 фоиз 🔸Сурхондарё вилояти – 126,8 фоиз 🔸Сирдарё вилояти – 125,0 фоиз 🔸Тошкент вилояти – 123,8 фоиз 🔸Фарғона вилояти – 121,7 фоиз 🔸Хоразм вилояти – 124,9 фоиз 🔸Тошкент шаҳри – 125 фоиз Энг сўнгги хабарларга обуна бўлинг: 👉 @sofuzb

Солиқ мобил иловаси орқали берилган жами кешбеклар 1 трлн 203 млрд сўмдан ошди Жорий йилнинг май ойида 2,3 млнга яқин истеъмолчилар томонидан 134,3 млрд сўм кешбек йиғилган. Шундан 25 июнда 1,6 млнга яқин истеъмолчига 41,4 млрд сўм кешбек тасдиқланди. 26 июнь куни яна 909 мингдан ортиқ истеъмолчига 60,9 млрд сўм кешбек тасдиқланяпти. Тасдиқланиш жараёнида кешбекни банк картасига ўтказиш бугун 23:00 дан эртага 10:00 га қадар тўхтатиб турилади. Энг сўнгги хабарларга обуна бўлинг: 👉 @sofuzb

Telegram июлда сторис форматини ишга туширади Telegram мессенжери июлдан бошлаб қисқа воқеалар функцияси – сторисни ишга туширади, дея хабар беради TASS агентлиги. Мессенжер асосчиси Павел Дуровнинг сўзларига кўра, ҳозирда формат синови якунланяпти. Бу функция июль ойи бошида фойдаланувчиларга тақдим этилади. Фойдаланувчилар сторисни ким кўришини танлашлари мумкин ва у чат рўйхатининг юқори қисмидаги бўлимга жойлаштирилади. Бундан ташқари, уни «Контактлар» бўлимидаги махсус «Яширин» рўйхатда яширишингиз мумкин. Сторисларда сиз фотосуратлар, видеолар ва эслатмаларни таҳрирлашингиз ва бошқа одамларни белгилашингиз мумкин. Бундан ташқари, Telegram смартфоннинг олд ва асосий камералари томонидан олинган сурат ва видеоларни бир вақтнинг ўзида эълон қилиши мумкин. Фойдаланувчилар ҳикоялар муддатини 6, 12, 24 ёки 48 соатгача узайтириши ёки уларни доимий равишда ўз профилида кўрсатиши мумкин. Энг сўнгги хабарларга обуна бўлинг: 👉 @sofuzb

Қозоғистоннинг энг бой фуқароси «Формула-1» жамоасини сотиб олди Қозоғистонлик тадбиркор Владимир Ким олтита пойга жамоасини ўз ичига олган Hitech Global Holdings компаниясининг акцияларини сотиб олди, дея хабар беради Sports.kz портали. Ҳозирда F2, F3 ва F4 мусобақаларида иштирок этаётган Сильверстоун жамоаси душанба куни унинг эгаси Hitech Global Holdings Limited 25 фоиз улушини қозоғистонлик тадбиркор Владимир Кимга сотганини эълон қилди. Кимнинг асосий машғулотлари тоғ-кон саноати, банк иши ва авиация билан боғлиқ. Шунингдек, у «Қазақмыс» ва «KAZ Minerals Group» компанияларини бошқариб, дунёдаги энг йирик мис ишлаб чиқарувчилар ўнталигига киради. «Мен ҳар доим автоспортга қизиқиб келганман ва кўплаб тоифаларда ғолиб чиққан ва келажак учун кучли режалари бор ташкилот билан ҳамкорлик қилишдан хурсандман. Спорт билан азалдан алоқаларимиз бор. Аммо бу бизнинг автоспортга биринчи йирик сармоямиз. Унинг динамик жозибадорлиги, оммабоп спорт турига айланиши, бизнес маркетинг имкониятлари ва ўсиб бораётган мухлислар базаси менинг шахсий ва тижорий амбицияларимга мос келади», – деди В.Ким. 2026 йилги мавсумдан бошлаб Hitech жамоаси Формула-1да иштирок этади. Forbes маълумотларига кўра, Ким Қозоғистоннинг энг бой одами ҳисобланади. Унинг мулки 4,6 миллиард долларни ташкил этади ва у жаҳон рейтингида 607-ўринда. Энг сўнгги хабарларга обуна бўлинг: 👉 @sofuzb

Беларусь Россия газини энг паст нархда сотиб олади Беларусь ва Газпром ўртасидаги келишув 2031 йилгача Россия газини Минскка дунёнинг бошқа давлатлари билан солиштирганда энг паст нархда етказиб беришни назарда тутади. Бу ҳақда Беларуснинг Россиядаги элчиси Дмитрий Крутой маълум қилди, унинг сўзларидан иқтибос келтирмоқда “РИА Новости”. Элчининг таъкидлашича, бу мамлакатлар ҳукуматлари Россия энергия ташувчиларни етказиб бериш шартлари бўйича кейинги музокаралар доирасида сақлаб қолмоқчи бўлган асосий шартдир. “Нархлар бўйича президентлар сўнгги уч йил давомида амалда бўлган формулани кейинги уч йиллик муддатга, яъни 2026 йилгача узайтиришга келишиб олдилар”, — дея қўшимча қилди Крутой. Россия ва Белоруснинг ягона газ бозорини яратиш ҳақидаги саволга жавоб берар экан, у декабргача давлатлар раҳбарлари газ нархини ҳисоблаш формуласини мамлакатлар ўртасида конверсиялаш бўйича тайёрланган методологияни олишлари кераклигини айтди. Шундай қилиб, унинг сўзларига кўра, Белоруссияда бошқа истеъмол тузилмаси мавжуд - деярли барча газ аҳолига эмас, балки саноат ва электр тармоғига етказиб берилади, - дея қўшимча қилди Крутой. Энг сўнгги хабарларга обуна бўлинг: 👉 @sofuzb

Инфографика: 2017-2022 йилларда Ўзбекистон тўқимачилик ва тикув-трикотаж саноатининг ривожланиши Иқтисодий тадқиқотлар ва ислоҳотлар маркази инфографикасида Ўзбекистон тўқимачилик ва тикув-трикотаж саноатининг 6 йил давомида ривожланиш динамикаси келтирилган. 2017-2022 йилларда тўқимачилик ва тикув-трикотаж саноатида барча йўналишлар бўйича ижобий динамика кузатилди. Хусусан, 6 йил давомида тармоқда маҳсулот ишлаб чиқариш ҳажми 73 фоизга ўсди. Жумладан: ип-калава ишлаб чиқариш ҳажми 2,3 бараварга; газламалар ишлаб чиқариш 2,2 бараварга; тикишга тайёр трикотаж матолар ишлаб чиқариш 4,1 бараварга; тикув-трикотаж буюмлар ишлаб чиқариш 8,5 бараварга; пайпоқ маҳсулотлари ишлаб чиқариш 7,4 бараварга ўсди. 2017-2022 йилларда тармоққа жами 6,7 млрд доллар инвестиция жалб этилди. Тўқимачилик саноати ишлаб чиқаришида юқори қўшимча қийматга эга маҳсулотлар улуши 2017 йилдаги 27 фоиздан 2022 йилда 54 фоизгача ошди. Энг сўнгги хабарларга обуна бўлинг: 👉 @sofuzb

Долларнинг расмий курси кўтарилди Марказий банк 27 июндан хорижий валюталарнинг сўмга нисбатан расмий қийматини белгилади. Унга кўра: 1 АҚШ доллари – 11 488,12 сўм (+18,55); 1 Евро – 12 518,60 сўм (+61,50); 1 Россия рубли – 135,78 сўм (-0,73). Энг сўнгги хабарларга обуна бўлинг: 👉 @sofuzb

Эксперт: "Хитой долларга бўлган қарамлигини камайтиришга муваффақ бўлди" Хитой долларга қарамлигини камайтиришга муваффақ бўлди, аммо уни якуний тасарруф этиш ҳақида гапиришга ҳали эрта. Бу ҳақда АҚШ университетидан ташриф буюрган олим Биан Ёнгзу “РИА Новости”га маълум қилди. Батафсил: https://sof.uz/d84q Энг сўнгги хабарларга обуна бўлинг: 👉 @sofuzb

Ўзбекистон импортидаги ТОП: 10 давлатлар Статистика агентлигининг дастлабки маълумотларига кўра, 2023 йилнинг январь-май ойларида Ўзбекистон импортида юқори улушга эга бўлган ҳамкор давлатлар: — Хитой – 3,7 млрд — Россия – 2,8 млрд — Қозоғистон – 1,4 млрд — Корея – 1,0 млрд — Германия – 862 млн — Туркия – 749 млн — Бразилия – 311 млн — Туркманистон – 299 млн — Литва – 268 млн — Ҳиндистон – 216 млн АҚШ доллари Энг сўнгги хабарларга обуна бўлинг: 👉 @sofuzb

Қурбон ҳайити муносабати билан кетма-кет 5 кун дам олиш куни бўлади Президент фармонига биноан 29 июнь (пайшанба) куни ҳам иш ҳафтасидан қатъи назар барча учун қўшимча дам олиш куни сифатида эълон қилинди. Демак, қуйидаги кунлар дам олиш куни бўлади: ➖28 июнь, чоршанба (Қурбон ҳайити); ➖ 29 июнь, пайшанба (барча учун қўшимча дам олиш куни); ➖30 июнь, жума (барча учун қўшимча дам олиш куни); ➖1 июль, шанба (6 кунликлар учун қўшимча дам олиш куни); ➖2 июль, якшанба. Энг сўнгги хабарларга обуна бўлинг: 👉 @sofuzb

Россия банклари доллар ва евро курсини кескин оширди Россиянинг энг йирик банкларида асосий валюталарнинг курслари кескин кўтарилди. Бу ҳақда РИА Новости хабар бермоқда. Доллар ўртача 90 рубл, евро 100 рубл учун таклиф этилади. Агентлик маълумотларига кўра, энг юқори кўрсаткич Росбанкда қайд этилган. У ерда доллар 105 рубл, евро 115 рублдан сотилади. Энг паст курс долларни 84,87 рублдан, еврони эса 93,06 рублдан сотаётган Промсвязбанк томонидан белгиланган. Энг сўнгги хабарларга обуна бўлинг: 👉 @sofuzb

Хитойнинг Сиямен портидан Ўзбекистонга Эрон орқали контейнер поезди ҳаракати йўлга қўйилди Хитойнинг Сиямен портидан Сергели станциясига Эрон орқали биринчи контейнер поезди ҳаракати йўлга қўйилди. Таркибида маиший техника юклари (музлатгич, кир ювиш машинаси, газ плиталари) бўлган контейнерлар Хитойдан денгиз орқали Бандер-Аббас портига олиб келинади ҳамда Эроннинг Бандер-Аббас портида темир йўл платформаларига ортилган ҳолда Туркманистон орқали Ўзбекистонга кириб келади. 39 та 40 футлик контейнерлардан ташкил топган блок поезди Бандер-Аббас портидан Сергели станциясигача 14 кунда етиб келиши белгиланган. Ҳозирда контейнер поезди Ўзбекистон ҳудудига ўтган бўлиб, бугун Тошкент шаҳрига етиб келиши режалаштирилган. Энг сўнгги хабарларга обуна бўлинг: 👉 @sofuzb

“Қурбон ҳайити” намози ўқилиши муносабати билан 60 та махсус автобус йўналишлари ташкил этилади 2023 йил 28 июнь куни “Қурбон ҳайити” байрами нишонланиши муносабати билан, йўловчилар ташиш узлуксизлигини таъминлаш ва аҳолига кўрсатилаётган транспорт хизматлари сифатини ошириш мақсадида, Тошкент шаҳридаги 151 та автобус йўналишларига жами 1060 та автобуслар ишга чиқарилиши белгиланган бўлиб, автобус йўналишларининг фаолияти соат 4:00 дан бошлаб йўлга қўйилади. Бундан ташқари, “Қурбон ҳайити” намози ўқилиши муносабати билан, масжидларга келиб кетишда пойтахтимиз аҳолисига қўшимча қулайлик яратиш мақсадида, Тошкент шаҳрида жойлашган 100 га яқин масжидларга соат 03:00 дан, соат 05:00 гача бўлган вақт мобайнида вақтинчалик 60 та махсус автобус йўналишлари ташкил этилиб, ушбу йўналишларга 160 дона автобуслар чиқарилади. Энг сўнгги хабарларга обуна бўлинг: 👉 @sofuzb

Қурбон ҳайити байрами муносабати билан ички саёҳатга катта чегирмалар эълон қилинди Маълумки, шу йилнинг 19 июнь куни Ўзбекистон Республикаси Президенти Шавкат Мирзиёев томонидан асрлар давомида халқимизга хос меҳр-оқибат, хайр-саховат каби эзгу умуминсоний қадриятларни намоён этиб келаётган Қурбон ҳайитини мамлакатимизда муносиб нишонлаш мақсадида тегишли қарорни қабул қилди. Қарорга мувофиқ Қурбон ҳайити муносабати билан халқимизга яна 5 кунлик дам олиш берилиши алоҳида қайд этилди. Маданият ва туризм вазирлиги қатор давлат ташкилотлари билан ҳамкорликда аҳолининг ушбу байрам муносабати билан дам олиш кунларини мазмунли ўтказиши учун мамлакат бўйлаб махсус чегирмалар эълон қилинди. Маданият ва туризм вазирлиги ҳамда қатор давлат ташкилотлари томонидан аҳолининг ушбу байрам муносабати билан дам олиш кунларини мазмунли ўтказиши учун мамлакат бўйлаб махсус чегирмалар эълон қилинди. Қурбон ҳайити байрами муносабати билан 5 кун, яъни 28 июнь – 2 июль кунлари давомида: 1. "Uzbekistan Airways" АЖ томонидан байрам муносабати билан 2023 йил 28 июнь – 2 июлгача амалга ошириладиган маҳаллий авиақатновларнинг барча тарифларига 50 фоиз чегирма жорий қилинди. 2. “Ўзбекистон темир йўллари” АЖ томонидан Қурбон ҳайити байрами арафасида йўловчиларга янада кўпроқ қулайлик яратиш мақсадида, жорий йилнинг 26 июнь кунидан 3 июль кунигача “Тошкент – Қарши – Тошкент”, “Самарқанд – Тошкент – Самарқанд” ҳамда “Тошкент – Наманган – Тошкент” йўналишларида ҳаракатланувчи поездларнинг қўшимча қатнови йўлга қўйилади. Энг сўнгги хабарларга обуна бўлинг: 👉 @sofuzb

Канадалик лотереяда 35 миллион доллар ютиб олди Канадада яшовчи Джаясингхе қизи ўқишни тамомлаганидан бир ҳафта ўтиб Lоttо Мах ўйинида 35 миллион долларлик жекпот ютиб олди, дея хабар беради Globalnews.ca сайти. «Бу икки ғалабага ўхшайди!» - деди омадли ғолиб Торонтодаги совринлар марказида чек олаётганда. У 35 миллион доллар ютган ягона одам эмас. Илгари Британия Колумбиясидаги эр-хотинлар бир хил миқдорни олишган. Джаясингхе Канадага кўчиб ўтгандан бери мунтазам равишда лотерея чипталарини сотиб олган. Lоttо Мах чипталари фақат жекпот катта бўлганда сотиб олинди. «Мен»Lоttо Мах«сўзларини айтганимда, хотиним жуда хурсанд бўлиб, кулиб юборди! Билетни бирга текширишимиз учун уни уйдан олиб кетиш учун бордим. Баъзида келажагимиз учун кўп нарсани қурбон қилишимиз керак бўлган пайтлар эсга тушади. Лотерея ютиб олиш яхши ҳаёт учун имкониятдир. Келажагимни қуриш учун Канадага келганимдан миннатдорман. Мен бу қарор ҳаётимни ўзгартиришини билардим, лекин бунчалик омадли бўламан деб ўйламагандим. Энди орзуларимиз чегараси йўқ», - дейди у. Унинг сўзларига кўра, ютуқни янги уйга киритади, қизининг ўқиши учун тўлайди, саёҳатга чиқади, хайрия ишларига сарфлайди. »Мен саёҳат қилишни яхши кўраман. Мен ҳар доим мамлакатни ўрганиб, Рокки тоғларни кўришни ва Канаданинг табиий гўзаллигини қадрлашни хоҳлайман«, - деб қўшимча қилди лотерея ғолиби. Энг сўнгги хабарларга обуна бўлинг: 👉 @sofuzb