اشعار بختیاری مهردادناصری

یه بیکَس، یه بیخَو، منِ شَو اِگردُم ز تَه دل اِنالُم، اِکینُم، ز دَردُم منِ ئی زمونه دل خوش ندارُم همس بیقرار و همس غم به بارُم دو تا تی مو اَورِ بهارِن زِ داغِت شِرینُم شَو و روز اِبارن زِ داغِت زَمونه دوتامونه از یَک جدا کِرد تونه بُرد و من جونِ مو غم به پا کِرد فلک تَش نِهاده، مِنِ حونه هامون ز شادی نِشونی، نمنده به جامون جدایی تو سی مو چُنو سَخت اَویده دِلِ غم به بارِ مو بَدبَخت اَویده. #مهردادناصری

یه بیکَس، یه بیخَو، منِ شَو اِگردُم ز تَه دل اِنالُم، اِکینُم، ز دَردُم منِ ئی زمونه دل خوش ندارُم همس بیقرار و همس غم به بارُم دو تا تی مو اَورِ بهارِن زِ داغِت شِرینُم شَو و روز اِبارن زِ داغِت زَمونه دوتامونه از یَک جدا کِرد تونه بُرد و من جونِ مو غم به پا کِرد فلک تَش نِهاده، مِنِ حونه هامون ز شادی نِشونی، نمنده به جامون جدایی تو سی مو چُنو سَخت اَویده دِلِ غم به بارِ مو بَدبَخت اَویده. ترانه سرا: #مهردادناصری

مینِ هر بیت که بو عشق نبو بی تُم و تَحله آسِمون وختِی اِبو بی مَه نو بی تُم و تَحله هر شِرینی بدنُم جلدِ دِلُم سیر زِس ایبو یارِ دل تا که نبوهه چِیِ خو بی تُم و تَحله ایگِریوُم ز غمِ دیریِ تو تا که بِیا سَیل اَر نوینُم تونه مُردَن منِ رو بی تُم و تَحله آرِمون داره دلُم وا تو نشینه سَرِ سُرفه اَر نبوی خَردنِ نون و اَوِ دو بی تُم و تَحله جورِ سُهراوه دلُم و غمِ تو رستمِ زاله بو خدا کُشتنِ کُر دستِ بوو بی تُم و تَحله مَردمِ دور و ورُم وا دلِ یَک خیله غَریوِن زنده ای زندیَلِ بی بِر‌ِبو بی تُم و تَحله تی به رَهتُم که بیاهی بکُنی تی مونه روشن بی تو هر چی که بوینُم شَو و رو بی تُم و تَحله شاعر: #مهردادناصری

خواننده: جهانبین احمدی ترانه سرا: #مهردادناصری

بَهارِ بَختِ مو زَرده، دِلُم شیشه دِلِت بَرده ز او روزی که تو رَهدی، خوراکِ مو غَم و دَرده میر از مو بَدی دیدی، که رَهدی و نوَرگَشتی پَسینی بی که چِی اَفتَو، دَرَهدی و نورگشتی مَده گوشی به هر ناکَس، چَک و چَو بَستَن آسونه کَسی چی مو تونه نیخو، کَلوتُم مو خدا دونه اَیَر مالِ دِلُم بوهی، مو ایبُوم چی خدادارو یَه شَو تِهنا کِلُم بوهی، مو ایبُوم‌چی خدادارو نکردی پُشت سَر سَیلی، به دینِت سَیل تی رَه وَست به دینت بَسکه دونِستُم، دو زونی چی دِلُم اشکَست تونه بِرچِ تِیا کالِت، اَر ایبو بِم بکُن سَیلی گِرفتارُم دَرِ مالت، اَر ایبو بم بکُن سَیلی گِره وَسته گِره کولی،منِ دنیا و مِنِ کارُم مِنِ وارِ بَد اِقبالو‌، نِدونُم وَسته سی بارُم؟ خیالُم وا سَر ایدونه، همس سمت تِیاکالِت مو آبیمه لَک و لیوه، مو آبیمه شِر و دالِت به قربون مَهِ بُرگ و تِیات و نیته نیته میت بدونُم جونه اَر ایخوی، اِنُم ری دَست اِیارُم سیت. ترانه سرا: #مهردادناصری

سایه از روی سر ادبیات رفت

‌⚫️مثنوی عاشورایی ⚫️ کُرِ بی دا اَی که سِتینِ دلِ پیغُمبَری خوت تَک و تِهنا گُلِ نیلوفَری سی تو زمین گوی جِیَرِس تَش گِرهد! سی تو فلک بال و پَرِس تَش گِرهد! سی تو سَراپانه سِیا کِردُمه قیچیِ غم مینِ مِیا کِردُمه تَک کُرِ بی دای زمونه تونی سی همه ایل اَفتَوِ حونه تونی سینه وَرِه داغِ تو وَر نیگِره دار وَره ضربه توَر نیگِره چاله تَشِ داغِ تو مِنْ جونُمه صُحو و پَسین یادِ تو مهمونُمه سی تو به زنجیر به سَر ایزنُم تا چِلُمِت سیر به سَر ایزنُم اَور گِرهده ز غمت آسِمون تا که سَرِ نیزه نِهادِن قُرون پوکِ غَمِت لاشه تَلو ایکُنه ایلِ سِیاپوشه کَلو ایکُنه بی تو عزا نون و اَوِ مَردُمه بی تو غَمِ عالَمِنه خَردُمه جورِ تو کَس جونه فدا دین نکرد چی تو دِلِ دشمنه کَس حین نکرد چاله غَمِت سینه کِواو ایکُنه قافیه شعرامه خِراو ایکُنه چشمه زِ شَرمِت سِرِ زیر ایرِوه! اَور زِ داغِت به گِریو ایرِوه! سی تونه اَر زیرِ غم اَشکَستُمه جورِ کُناری سَرِ رَه وَستُمه دی کُمکُم کن که نسوسُم سِتین خوم کَفِ پاهاته بِووسُم سِتین. شاعر:مهردادناصری

به خَنجَر بَندِ تِشنی ایبُریدِن گُلا سُهره زِ دشتی حُشک اِچیدِن به هَفتاد و دو دنیا تَش نهادِن غمِ تَحلی به تاریخ آفِریدِن. #مهردادناصری