السيرة النبوية للكبار والصغار بالعامية

👏🌹🌹 قِراءة الجُزء الواحد في عشر ذي الحِجّة، بـ حوالى ٢٥ ختمة كاملة! د/حازم شومان. منقول 👌👈⭐و ده بناءاً على(أن الاعمال مضاعغة 700 ضعف) لقول ابن عباس فيكون قراءة جزء قرآن حوالي 23 ختمة 🌹والله أعلم

⭐المصادر⭐ http://www.sahaba.rasoolona.com/Sahaby/13007/تصفح-مفصل/عدي-بن-حاتم-الطائي https://www.withprophet.com/ar/سرية-الضحاك-بن-سفيان-الكلابي-إلى-بني-كلاب-9-هـ https://dorar.net/hadith/sharh/42454 https://www.withprophet.com/ar/سرية-علقمة-بن-مجزر-المدلجي-9-هـ https://www.islamweb.net/ar/fatwa/6899/ https://www.dorar.net/hadith/sharh/85682 https://ar.m.wikisource.org/wiki/البداية_والنهاية/الجزء_الخامس/قصة_عدي_بن_حاتم_الطائي https://www.islamweb.net/ar/article/176899/إسلام-عدي-بن-حاتم

#قصص_الأنبياء(٢) #السيرة_النبوية #الحلقة_مائة_وتسعة_وثمانون #أحداث_السنة_التاسعة_من_الهجرة #إسلام_عدي_بن_حاتم هنكمل أحداث السنة التاسعة من الهجرة إن شاء الله، واحنا كنا واقفين عند الأحداث في شهر ربيع الأول إللي كان أسلم فيه عروة بن مسعود الثقفي، في شهر ربيع الأول برده رسول الله ﷺ جهّز سريّة عشان تروح وتدعو قبيلة القُرطاء من بني كلاب للإسلام، وكانت السرية دي من ضِمن بعوث رسول الله ﷺ لنشر التوحيد في الجزيرة العربية وما حولها بعد فتح مكة، اختار رسول الله ﷺ الصحابي الضَّحاك بن سفيان الكِلابي قائد للسرية لأنه من بني كلاب وهو أدرى الناس بيهم، وكان الضحاك بيُسمى سيّاف رسول الله ﷺ، و كان يساوي مائة فارس رضي الله عنه ، وكان معاه في السرية دي الأَصْيَد بن سلمة بن قُرط، فلما وصلت السرية وبدأوا يدعوهم للإسلام؛ بني كلاب رفضوا الإسلام وأصروا على القتال فقاتلهم المسلمون وهزموهم، والأصيد بن سلمة قابل أبوه سلمة وكان راكب على فرس وكان كافر، فدعاه الأصيد للإسلام وأعطاه الأمان، فراح أبوه شتمه وشتم الإسلام 😑 فضرب الأصيد عرقوبي فرس أبيه، يعني ضرب قدم الفرس من الخلف، فلما وقع الفرس على عرقوبيه سند سلمة على رمحه ومسك فيه وجاءه رجل من المسلمين فقتله، وانهزمت القبيلة وقُتل بعض رجالها وأخذوا منهم غنائم ورجعوا للمدينة. و موقف الأصيد ده يعلمنا إن الولاء لدين الله يفوق صلات العشيرة والأهل👌 في نفس الشهر شهر ربيع الأول جاء مجموعة من الحبشة عشان يُغيروا على ساحل جدة على البحر الأحمر ويدخلوا ديار المسلمين، فجهز رسول الله ﷺ سرية من ثلاثمائة صحابي وخلّى قائدهم الصحابي عَلقمة بن مُجَزّر المُدْلِجي، انطلقت السرية باتجاه الساحل ولما وصل الجيش ودخلوا المياه متجهين نحو الأحباش، هرب الاحباش أصحاب الغارة من الصاحبة وراحوا راجعين لبلدهم، والصحابة همّ كمان قرروا الرجوع للمدينة، وهمّ راجعين بقى في مجموعة استأذنوا القائد إنهم محتاجين يرتاحوا، ويُوقدوا نار عشان يتدفوا، فوافق قائد السرية وجعل القائد عليهم عبدالله بن حذافة السهمي، فكان عبد الله عايز يهزر معاهم، فقالهم قوموا اقفزوا في النار، فقام مجموعة فعلا منهم وبداوا يستعدوا إنهم يقفزوا في النار😳 فهنا عبد الله بن حذافة لما لقاهم أخدوا الموضوع بجد قالهم أنا كنت بهزر ، وهمّ سمعوا كلامه لأن طاعة قائد الجيش واجبة ومينفعش حد يخالف أمره، ففكروا إن الأمر ده كمان يدخل في طاعة القائد، فلما رجعوا للمدينة وأخبروا رسول الله ﷺ باللي حصل، قال لهم: "من أمرَكم بمعصيةِ اللَّهِ فلا تطيعوهُ" ودي قاعدة لكل مسلم، أي حد يأمرنا بمعصية الله لا نطيعه، وهنا المعصية كانت إهلاك النفس وأذيتها، همّ لما يرموا نفسهم في النار إيه إللي هيحصل لهم؟ أقل شيء لو لم يموتوا هيحصل لهم حروق شديدة🤷‍♂️ ورسول الله ﷺ قال: لا ضرر ولا ضِرار، أي حاجة هتضرنا منعملهاش، فأي حد يأمرنا بمعصية الله لا طاعة له حتى لو كان مين👌 استمر رسول الله ﷺ في إرسال السرايا لنشر التوحيد في الجزيرة العربية وهدم الأصنام، ففي شهر ربيع الأول برده جهّز سرية من مائة وخمسين واحد من الصحابة وخلّى على بن أبي طالب رضي الله عنه قائد للسرية دي، كانت مهمة السريّة هدم صنم الفُلس إللي كانت تعبده قبيلة طَيْء، ودعوتهم للإسلام، لما وصلت السرية لمكان الصنم هدموه وخرّبوه وأغارت السرية على أحياء من العرب، ومن إللي أغاروا عليهم كانت قبيلة طيء، و القبيلة دي هي قبيلة حاتم الطائي وهو شاعر جاهلي وكان أمير وزعيم قبيلة طيء قبل ما يموت وكان مشهور بكرمه لدرجة إنه بقى مضرب المثل في الكرم، وكان حَسن الخُلق ويساعد المحتاجين، ولكنه مات على الكفر، وبقى ابنه عَدِيّ هو أمير القبيلة، يعني هو الزعيم المسؤول عن القبيلة دي، وكان عدي بن حاتم على النصرانية، وكان قومه بيعبدوا الأصنام، ولما سمع عدي بن حاتم الطائي عن خروج رسول الله ﷺ وعرف الدين إللي بيدعو له رسول الله ﷺ ،كرهه عَدِيّ وكان رافض فكرة الدخول في الإسلام، وكان عارف إن رسول الله ﷺ بيرسل السرايا عشان يدعو الناس للإسلام، والدور كان هييجي عليه، فقال لغلام له كان بيرعى الإبل بتاعته: جهز لي من الجمال بتاعتي دي كم جمل كده سمين وحلو أخليهم قريبين مني، و أول ما تسمع إن جيش محمد وصل لأرضنا قولي على طول👌 ففي اليوم إللي جاء فيه علي رضي الله عنه وهجم على قبيلة طيء زي ما قلنا من شوية؛ الغلام راح لعدي بن حاتم وقاله إن خيل رسول الله ﷺ جاءت، فأخذ عدِي الجمال إللي كان مخليها معاه ومجهزها وأخذ زوجته وعياله وانطلق باتجاه للشام، إللي كانت تحت حكم الروم النصارى، وهو على دينهم فهيعيش معاهم، فمشي في الصحراء باتجاه الشام وساب أخته مع باقي القبيلة، إللي أسرتها خيل المسلمين مع باقي الأسرى من النساء والأطفال و هرب الرجال😬 ورجعت السرية للمدينة ومعاهم الأسرى، وعرف رسول الله ﷺ خبر فرار عدي بن حاتم للشام، و وُضِع النساء السبايا عند باب المسجد في مكان مخصص للسبايا، وكانت ابنة حاتم ال

طائي معهن، فمرّ بها رسول الله ﷺ فقامت إليه وقالت: يا رسول الله، هلك الوالد وغاب الوافد فامنن عليّ مَنَّ الله عليك! فسألها رسول الله ﷺ: قال: "مَنْ وَافِدُك؟" فقالت: عَدِيّ بن حاتم. فقال لها: "الهارب من الله ومن رسوله؟ فسكتت وتركها رسول الله ﷺ ومشي، تاني يوم مَر عليها رسول الله ﷺ مرة تانية وقالت له نفس الكلام فرد عليها رسول الله ﷺ بنفس الرد، فسكتت وتركها رسول الله ﷺ ومشي، وجاء رسول الله ﷺ تالت يوم، لكنها يئست وفضلت قاعدة مكانها متكلمتش، فكان علي رضي الله عنه موجود فشاور لها إنها تقوم وتكلم رسول الله ﷺ، فقامت وقالت: "يا رسول الله هَلَك الوالد وغاب الوافد فامنن عليّ مَنَّ الله عليك" فقال رسول الله ﷺ: "فإني قد فعلت، ولا تَعجلي بخروج حتى تجدي من قومك مَن يكون لكِ ثقة حتى يبلغك إلى بلادك ثم آذنيني" يعني أنا هسيبك تمشي، لكن متستعجليش في الخروج لحد ما تلاقي حد ثقة يوصلك لبلدك وبعدها تعالي قوليلي، ففضلت قاعدة في المدينة لحد ما جاء رَكْب من قُضاعة فقالت لهم إنها عايزة تروح لأخوها في الشام، فراحت لرسول الله ﷺ وقالت له: "قد جاءني من قومي مَنْ لِي ثقَة وَبلاَغ" يعني لقيت الثقة إللي هيوصلني للمكان إللي أنا عايزاه، فجهزها رسول الله ﷺ للسفر وأعطاها بعض المال وخرجت معهم لحد ما وصلت للشام، في الوقت ده كان عدِي قاعد وسط أهله، فلقى امرأة متجهة ناحيته، فقال : ابنة حاتم😳 فلما قربت منه فعلا لقاها أخته، فلما وصلت عنده قعدت تلومه بقى وقالت: القاطع الظالم، احتملتَ بأهلك وولدك وتركت بقية والدك😠 يعني انت أخدت أهلك وعيالك وسيبت أختك، فقال لها عدي: يَا أُخَيَّة، لا تقولي إلا خيرًا، فوالله مالي من عُذر، قد صنعتُ ما ذكرتِ😅 يعني معلش متزعليش أنا غلطان فعلا ومليش أي عذر، فأخته قعدت معاه في الشام، فسألها عدي عن رسول الله ﷺ وكانت امرأة عاقلة حازمة فقال: ما تَرَين في أمر هذا الرجل؟ قالت: أرى والله أن تَلْحقَ به سريعًا، فإن يكن الرجل نبيًا فللسابقِ إليه فضلُه، وإن يكن ملكًا فلن تَذِلّ في عزّ اليمن، وأنت أنت" يعني بتقوله رأيي إنك تروح وتتبعه، فلو كان نبي أي حد بيسابق بالإسلام بيكون له فضل، ولو كان ملك وانت اتبعته فانت أكيد مش هتبقى ذليل وهيبقى لك مكانة، وانت أصلا زعيم قومك، فقال: واللهِ إنَ هذا الرأيُ👌 يعني هو ده الراي الصحيح، فخرج من الشام واتجه للمدينة ودخل المسجد وسلم على رسول الله ﷺ، فسأله رسول الله ﷺ: من الرجل؟ فقال: عدي بن حاتم😅 فقام رسول الله ﷺ أخذ معاه عدي بن حاتم واتجهوا لبيته، وهم لسه ماشيين قابلت رسول الله ﷺ امرأة ضعيفة كبيرة فوقفته، فوقف معاها رسول الله ﷺ يكلمها ويشوفها محتاجة إيه، ووقف معاها وقت طويل وكل ده وعدي بن حاتم واقف معاه، فقال عدي في نفسه: والله ما هذا بملك 🤔 يعني محمد ﷺ مش ملك؛ لأن مش من عادة الملوك إنهم يقفوا مع عامة الناس كده ويسمعوهم ويشوفوا حاجتهم، لما المرأة خلصت مع رسول الله ﷺ كملوا الطريق لحد ما دخلوا بيت رسول الله ﷺ، فلما دخلوا البيت، رسول الله ﷺ أخذ وسادة من جلد محشية بالليف و ألقاها لحاتم وقاله يقعد عليها، فقال له عدي لأ انت إللي تقعد عليها، فقال له رسول الله ﷺ: بل أنت👌 فجلس عليها عدي، وجلس رسول الله ﷺ على الأرض، و رأى رسول الله ﷺ في رقبة عدي سلسلة متعلق فيها صليب، فقال له: "يا عديُّ اطرح عنْكَ هذا الوثَنَ" يعني انزع الصليب إللي في رقبتك ده وارميه، وسمع عدي رسول الله ﷺ وهو بيقرأ: "اتَّخَذُوا أَحْبَارَهُمْ وَرُهْبَانَهُمْ أَرْبَابًا مِنْ دُونِ اللَّهِ" فقال عدي: إنَّا لسنا نعبدُهم ، يعني احنا مش بنعبدهم، فقال له رسول الله ﷺ : أليسَ يُحرمونَ ما أحلَّ اللهُ فتحرِّمونَه ، ويحلُّونَ ما حرَّمَ اللهُ فتحلُّونَه؟ يعني هم بيحللوا ويحرموا على مزاجهم وانتم بتسمعوا كلامهم، صح؟ فقال له عدي: بلى ، فقال رسول الله ﷺ : فتلك عبادتُهم👌 لأن التحليل والتَّحريم مِن خَصائصِ الله عز وجل، وإللي يتبع حد في التحليل والتحريم يبقى كده اتخذه إله من دون الله والعياذ بالله😶 بدأ رسول الله ﷺ يدعو حاتم للإسلام لكن بطريقة مختلفة، فسأله وقال له: "إِيهٍ يَاعَدِيّ! ألم تكن رَكُوسِيًّا؟" يعني بيقوله مش انت على الركوسية ياعدي، ودي طائفة من طوائف النصارى، فقال له عدي: بَلَى😕 فقال له رسول الله ﷺ: "أو لم تكن تسير في قومك بالمِرْبَاع!" يعني مش انت كنت بتاخد من قومك ربع الغنائم، فقال له عدي: بَلَى🤨 فقال له رسول الله ﷺ: فإن ذلك لم يكن يَحلّ لك في دينك👌 يعني إللي انت بتعمله ده حرام في دينك، فقال له عدي قال: قلت: أجل والله😳 فهنا قال عدي فعرفتُ أنه نبي مُرسَل يَعْرِف ما نَجْهَل👌 رسول الله ﷺ عارف الدين إللي بيتبعه عدي وكمان عارف أحكامه، وعدي عارف إن أخذه لربع الغنيمة حرام في دينه ومع ذلك كان بياخده، ماهو محدش من قومه عارف حاجة😅 فكده بقى واضح جدا لعدي إن رسول الله ﷺ نبي مرسل من عند الله عنده علم مش أي حد يعرفه، وكمل رسول الله ﷺ حواره مع عدي وقال له: لَع

لك يا عدي بن حاتم إنما يمنعك من الدخول في هذا الدين ما ترى من حاجتهم، فوالله لَيُوشِكَنَّ المالُ يفيض فيهم حتى لا يوجد مَنْ يأخذه، ولعله إنما يمنعك ما ترى من كَثرة عدوِّهم وقلة عَدَدِهم، فوالله ليوشكن يُسمع بالمرأة تخرج من القادسية على بعير حتى تزور هذا البيت لا تخاف، ولعلك إنما يمنعك من الدخول فيه أن المُلْك والسلطان في غيرهم، وايم الله ليوشكن أن يُسْمَع بالقصور البِيض من أرض بَابِل قد فُتِحَتْ عليهم". يعني رسول الله ﷺ بيقول لعدي بن حاتم انت مش عايز تدخل في الإسلام ومتردد لأنك شايف أد إيه المسلمين فقراء ومعندهمش المال الكافي، فوالله لييجي اليوم إللي المال هيفيض ويبقى كتير في إيد المسلمين لدرجة إنهم مش هيلاقوا حد ياخد منهم الصدقات، ولعل إللي مخليك برده مش عايز تدخل الإسلام إنك شايف عدد المسلمين قليل وأعداؤهم عددهم أكتر منهم، فوالله هييجي اليوم إللي تسافر فيه المرأة من القادسية في العراق وتيجي تحج البيت وهي لا تخاف من أحد ومش محتاجة تدخل في جوار حد يحميها، ولعلك مش عايز تدخل الإسلام عشان شايف الملك والسلطان في غير أيدي المسلمين فوالله هييجي اليوم إللي تُفتح فيه القصور البيضاء بتاعة كسرى في العراق وتبقى في إيد المسلمين👌 طبعا عدي بن حاتم كان بيسمع كلام رسول الله ﷺ وهو مذهول😳 إزاي يعني المرأة هتسافر من غير جوار، أمّال فين قطاع الطرق ساعتها، وإزاي المسلمين هينتصروا على كسرى أعظم ملك على وجه الأرض ساعتها وياخدوا قصوره😮 ودخل عدي في الإسلام وبعد الموقف ده بحوالي ست سنين المسلمين فتحوا بلاد فارس والروم وأسقطوا أعظم إمبراطوريتين على وجه الأرض ساعتها، وقال حاتم لما كان بيحكي قصة إسلامه إللي قلناها دي: قد مضت اثنتان وبقيت واحدة: لَيَفِيضَنَّ المالُ حتى لا يُوجد من يأخذه. يعني هو شاف حاجتين من التلاتة اتحققوا من إللي رسول الله ﷺ قال عليهم: فتوح فارس والروم وانتصار المسلمين عليهم، وشاف المرأة تسير من العراق لبيت الله الحرام من غير ما تكون في جِوار أحد، أما الثالثة إللي مشفهاش حاتم كانت استفاضة المال ودي حصلت في عهد الخليفة عمر بن العزيز واتكلمنا عنها واحنا بنتكلم عن علامات الساعة لو تفتكروا😁 ☆ملحوظة: طبعا يا جماعة قصة إسلام حاتم الطائي دي محصلتس في يوم ولّا اتنين، ده الموضوع أخد له فترة، يعني على ما أخته استنت حد تثق فيه وتسافر معاه، وبعدين سفرها للشام إللي لوحده بياخدله حوالي شهر رايح جاي😅 بس أنا قلت القصة كلها هما على بعضها عشان مننساش الأحداث بتاعتها👌 كده بقى واضح إن الدولة الإسلامية بقت قوية جدا، وكل شوية عمالة بتكبر، وشوفنا إزاي اتحولت من حركة مُضطهدة في مكة إلى دُوَيلة صغيرة في المدينة، ثم إلى دولة عظمى تأخذ مساحة ضخمة في الجزيرة العربية بكاملها، وطبعا ده أدى لإيه😀 أدى إلى إن الدولة الرومانية تاخد قرار بإنهاء التواجد الإسلامي في شبه الجزيرة العربية😶 إيه إللي حصل، وإزاي رسول الله ﷺ هيتعامل مع الموضوع ده؟ ده إللي هنعرفه الجزء الجاي إن شاء الله 😊 ☆ملحوظة: أي حد عايز يأخذ القصص وينشرها يتفضل أنا معنديش مانع نهائي😊 #Eman_Shalapy

ابد لله بيدافع عن دين الله تلاقيه بقى هو إللي بيحارب دين ربنا وبيضل الناس و يبعدهم عنه😓 وربنا اختار لنا كلمة 《 انسلخ》 عشان يعرفنا أهمية العمل مع العلم، يعني العبرة مش بالعلم بس، احنا بنتعلم عشان نعمل، إيه الفايدة لما أمية بن أبي الصلت يبقى عنده العلم لكنه لا يعمل بيه وينسلخ منه🤷‍♂️ فالعمل بالنسبة للعلم زي الجلد بالنسبة للبشر كده، يعني إللي بيتعلم بدون ما يعمل بيبقى عامل زي المُنسلخ كده معندوش جلد، جسمه مُشوّه ..شكله وحش ..بيعاني من أزمات نفسية، فزي ما الجلد بيزين الجسد كذلك العمل هو إللي بيزين العلم👌 فاللي بيذوق حلاوة الإيمان فترة معينة وبعدين يترك العمل بيعاني من أزمات نفسية؛ لأنه مش بيبقى عارف يبقى فاجر مع الفُجّار تماما ولا هو عارف يرجع لطريق ربنا😞 فاللي يترك العمل بآيات الله ربنا شبّهه بالانسلاخ، وطبعا أول ما الشيطان يلاقي الإنسان بدأ يترك العمل يقوم مُتّبِعه على طول عشان يستعمله ويخليه جندي من جنوده، زي أمية بن أبي الصلت كده، أو زي بَلْعَمُ بْنُ بَاعُورَاءَ أو بَلعَام بن باعور😬 وبلعام أو بلعم ده كان واحد من علماء بني إسرائيل، وقيل إنه كان من القوم الجبارين إللي كانوا ساكنين في بيت المقدس إللي موسى عليه السلام أخذ بني إسرائيل عشان يقاتلوهم وبنو إسرائيل رفضوا، واتكلمنا عنهم بالتفصيل قصص الأنبياء، المهم، بلعام ده ربنا أعطاه آيات وعلّمه علوم كثيرة، و يقال إنه كان عنده اسم الله الأعظم، الذي إذا دعي به أجاب، يعني بلعام كان مستجاب الدعوة، أي حاجة يدعو بيها ربنا يستجيب له على طول، لكن كل العلم ده لم يفيده، قلبه كان فيه مرض حب الدنيا والرياء والسُّمعَة، قوم بَلعام كانوا عايزين يحاربوا نبي من الأنبياء، ويُقال إن النبي ده هو موسى عليه السلام، الله أعلم🤷‍♂️ لكنهم كانوا خايفين، فقالوا لبلعام احنا عايزينك تدعي على نبي الله، طبعا هو في البداية اتخض وقالهم إزاي أدعو على نبي الله، ثم انتم عايزيني أدعي عليه ليه 🤨 فقالوا له إنهم هيحاربوه، وعايزينه يبقى هو في مواجهة النبي، فيدعو عليه، في البداية كان خايف ومتردد ومش مقتنع، لكنهم قعدوا يُغروه بالمال والرئاسة والمنصب، وهو ده إللي كان عايزه😑 فوافق على طلبهم بإنه يدعي على النبي😶 وهو عارف إنه نبي، وعارف إنه مُؤيد من الله، وعارف قدرة ربنا وإنه لن يضر أوليائه ومع ذلك رفع إيده للسماء ودعا على نبي الله في الزمن ده😳 طبعا ربنا لم يستجب له، وكان لما ييجي يدعو بالشر على نبي الله كان لسانه يتحول ويقوم داعي على قومه، وعرف ساعتها إنه خسر الدنيا والآخرة ولم ينفعه علمه وانسلخ من الإيمان زي ما الثعبان بينسلخ وبيغير جلده، فبعد ما كان رجل مؤمن تقي؛ بقى فاجر كافر مجرم شقي👌 ربنا عقّب بقى على إللي عمله بلعام أو أمية بن أبي الصلت أو أي حد هيمشي على نفس منهجهم ويعمل زيهم، قال الله عز وجل: " وَلَوْ شِئْنَا لَرَفَعْنَاهُ بِهَا وَلَٰكِنَّهُ أَخْلَدَ إِلَى الْأَرْضِ وَاتَّبَعَ هَوَاهُ ۚ فَمَثَلُهُ كَمَثَلِ الْكَلْبِ إِن تَحْمِلْ عَلَيْهِ يَلْهَثْ أَوْ تَتْرُكْهُ يَلْهَث" يعني لو كان استمر على علمه و عمل باللي بالعلم إللي عنده واستمر على تقواه؛ كان ربنا رفع مكانته في الآخرة ولكنه رضي بالحياة الدنيا وباع آخرته الباقية بالدنيا الفانية، وبقى عبد لهواه وتابع له😞 وبقى زيه زي الكلب إن تحمل عليه يلهث أو تتركه يلهث، لو الكلب واقف هتلاقيه بيلهث، لو بيجري برده هتلاقيه بيلهث، فهو في حالة لَهث دائم، فالشخصية دي سواء اتعلم أو متعلمش مفيش فرق في حياته، كده كده مش هيعمل بالآيات دي، وجمهور المفسرين قالوا إن ربنا ضرب المثل ده للشخص الذي لا يتأثر بمواعظ القرآن، يعني واحد تحمل عليه : تخوّفه بآيات الله وبالآخرة وبالعذاب لا يتأثر؛ ويظل يلهث في الشهوات، تبعد عنه متكلموش في حاجة برده بيلهث في الشهوات، زيه زي الكلب، واقف.. قاعد.. بيجري.. برده بيلهث، فالكلب في أصل خِلقته عنده مشكلة في التنفس عن باقي الحيوانات بتخليه يلهث كده، فالعلماء قالوا إن إللي بيبعد عن الوحي والعمل بيه كأنه حصل عنده تغيير في أصل خلقته يعني تغيير في الفطرة، وكلمة يلهث دي بتيجي مع العطشان، فالإنسان لا يشبع من الشهوات👌 فطول ما الواحد بعيد عن الوحي هيفضل عطشان و مش هيشبع أبدا من الشهوات، فأي شهوة الإنسان بيعملها بيحس بمتعتها لفترة بسيطة وبعدين يرجع للعطش تاني ويبدأ يدوّر على شهوة جديدة، زي إللي بيحب يسمع أغاني مثلا، هتلاقيه بيستمتع بأغنية طول ما هي شغالة وبعد ما تخلص بيبقى عايز يسمعها تاني أو يسمع حاجة زيها وهكذا، ودايرة مش بتخلص وقيسوا على كده، زي إللي بيشرب من الماء المالح مش هيشبع بالعكس هيزيد عطشه، فالحل بتاعه إنه يرجع للوحي مرة تانية، وزي ما ابن القيم قال إن القلب فيه فاقة يعني فيه فقر، ومش هيسد الفقر ده غير إن الإنسان يبقى عبد لله، ومش بالعلم بس لازم علم وعمل، فالعلم مش بس هو إللي بيرفع صاحبه، إللي بيرفعه هو العمل بالعلم، ويكون العمل خالصا لوجه الله

👌 ولو تاخدوا بالكم في الآية ربنا بيقول: 《فَانْسَلَخَ》 《فَأَتْبَعَهُ》《 فَكَانَ》 مِنَ الْغَاوِينَ، الفاء دي بتدل على السرعة، يعني كل حاجة حصلت بسرعة، بعد ما كان من أهل الإيمان، على طول بقى من أهل الغِواية والضلال، فربنا بيحذرنا وبيقول لنا إن السقوط سهل، يعني الواحد عشان يوصل ويستقر في عبادة معينة بيكون جاهد نفسه فيها وتعب، زي إللي بيطلع السلم كده، بيتعب على ما يطلع، بعكس إللي بينزل السلم، بيكون نزوله سهل، فسهل إن الواحد يسيب العمل بالطاعات بسرعة وبيبقى مفكرها في البداية حاجات بسيطة و فجأة بيلاقي نفسه في أسفل سافلين للأسف، وعمره ما كان يتخيل إنه يوصل للوضع ده😞 ☆عارفين، كل واحد فينا كل يوم تقريبا بيتعرض لموقف بلعام أو موقف أمية بن الصلت، حاجات كتير اتعلمناها وبنتعلمها، ومن إللي اتعلمناه ده في إللي لم نعمل بيه، وفي إللي عملنا بيه و توقفنا عن العمل بعد فترة، في إللي عرفت إن النقاب فرض في زمن الفتنة على الأقل وملبستوش، وفي إللي لبسته وقلعته، والموضوع موقفش عند خلع النقاب، ده اتطور للبس بناطيل ومساحيق تجميل، ميكب أب يعني، في إللي عرف إن الربا حرام ولسه بيتعامل بيه، وفي إللي كان توقف عن التعامل بالربا ورجع له تاني، وفي إللي عارف إن الأغاني والأفلام والمسلسلات حرام ومع ذلك مكمل عادي وبيتفرج، وفي إللي توقف ورجع تاني، وفي....وفي....وفي.... حياتنا مليانة بالمواقف المشابهة لهم، عشان كده بتلاقوا ناس كتيييير بتقع حوالينا وحالها بيتغير تماما بعد ما كانوا في منزلة عالية وكان في منهم حتى ناس مشهورة وبنستغرب ليه حصل كده، و الإجابة عندنا في القرآن : آتيناه آياتنا فانسلخ منها فكان من الغاوين👌 ربنا يثبتنا وإياكم على الحق حتى نلقاه ولا يجعلنا من الغاوين🤲 ☆ملحوظة: أي حد عايز يأخذ القصص وينشرها يتفضل أنا معنديش مانع نهائي😊 #Eman_Shalapy