خادم الحسین(ع)

باسلام تقدیم به روزه داران عزیز 👇👇 شعر از آقای همت یوسفی هشترودی ای اهل ایمان ایلدوز عالی عبادت بو ایستی گونلرده عجب ائتدوز دیانت هرگون سحر دوردوز که میل ائتدوز طعامی اوندان صورا ائتدوز گوزل قرآن تلاوت اون یدی ساعت آج سوسوز گرمای سوزان طاقت گتیردوز آلدوز اللهدان رضایت هر کس وئروب رونق بو آی صوم و صلاته طاها ائدر روز جزا اوندان حمایت شبهای قدری کیم ائدوب شب زنده داری مولایه ملحقدور یقین روز قیامت هر کس اولانمز فیض یاب اولسون بو آیدا اللهه مهمان اولماق ایستر چون لیاقت حقین یولون هر کیم گئده حقی ایتیرمز حکم ایلدی بیر خط یازوم وجدان و غیرت رسما بیلورسوز چوخ چکر زحمت خانملار خاتون محشر ایتسون اونلاردان شفاعت محشر گونی الده ،سند، اعمالیمیزدی خوش اولسا اعمالون مکانون اولدی جنت حتما عبادت ایلدوز ماه صیامی حقدن قبول اولسا اگر ایلر کفایت چوخ تز باشا چاتدی گئدوب فرصتلر الدن صدحیف صدافسوس بو ماه ضیافت ای کاش بوجمعه ظاهر اولسون صاحب عصر تا باغلییاخ مولائیله پیمان حجت اوچ یوز اون اوچدن یاز بو جمعی دفتروندا مولا ئوزون ایله بیزه لطف و عنایت شعر از مرحوم استاد یوسفی کانال شاعر اهل بیت (ع) زنده یاد استاد یوسفی هشترودی🖤 https://t.me/joinchat/AAAAAEDK741m5dDK5o2_SQ

روضه ی حضرت علی اصغر (ع) مداح بزرگوار کربلایی یعقوب عباسی پیشنهاد دانلود🌹🌹 https://t.me/joinchat/AAAAAEDK741m5dDK5o2_SQ

. 🌺زبانحال حضرت علی (ع)🌺 🌺بر سر قبر حضرت زهرا (س)🌺 گؤن باتوب سالدی سما صورتینه قاره نقاب ائله بیل چهره‌ی زهرانی نهان ائتدی حجاب گئجه نصفه یتیشوب گلدی علی قبر اوسته خلقیدن‌گیزلین اولان‌قبره بئله‌ائتدی خطاب فاطمه گؤزلرون آچ حقـی باتان حیــدرووم گَرد اندوهه باتان اشــکی روان همــسرووم دردی دیلــدن سالان آواره قالان دلبـــرووم یثرب اهلی یاتوب آســوده هله من اویاقام قبرون اوستونده‌سنه قلبی شکسته‌قوناقام عارف ایستر دانیشام دردیمی‌سؤزدن‌اوخیا صورا من تک یوزونه اشکـیله پرده توخــیا الله عالِمدی حسینی نئـــجه وئردیم یوخیا من کیمی‌ عشقووی‌باشدان او بالا آتموردی آنا تک ناز ائلـــیوردوم گیــنه ده یاتمـوردی

. 🌺زبانحال حضرت علی (ع)🌺 یارالی سیـــنووه سینمــده کی سـؤزوم قــوربان او قان دولان گؤزه قان آغلیان گؤزوم قوربان مَـــلَـــر قالان بالــووا عـــالم اولســـا گر قــوربان ســــنه ولــی بالالاروندا مـــن ئــــوزوم قـــوربان ئــــولونجه ساخلــیارام مـــن سنـــه عزا زه‍ــــرا عزالیــدور ســنه چـــون کــــل ماســــوا زهــــرا علی الیـــندن اوزوب ال،مـــزاره عــزم ائــتدون علینی بی کمــک ائتــــدون نـــیه رهــــا زهــــرا بو وسعتـیله جهــان تنـــگ و تار اولوبدی منـــه سنون یرونده غـم و غصـــه یار اولوبدی منـــه نه ائو آچــور دوتولان قلبیــمی نه باغ و چمــن جهاندا ،ائـوده ،گؤزومــده مــزار اولوبدی منــه

هر بلا گلسه باشا کبر و منیّتدن گلور بیر بلا دور بو بلا ناپاک فطرتدن گلور دوز تفکر دوز یولا انسانی ارشاد ایلیر بو غلط اندیشه‌لر قصد لجاجتدن گلور عارف انسان مکتب آل علیدن چکمز ال چکسه هرکیم ال اوکس راه جهالتدن‌گلور دامن آل علی حبل‌المتین حقیــدور بوی ختم‌الانبیا گلــزار عــترتدن گلور تفرقیلن قیرمیون حبل‌المتین وحدتی چونکه هر عزت اله مهر ‌و مودتدن گلور گئتمه‌بیجاآیری‌یول‌گئت‌دین‌اسلامون‌یولون گؤر‌نجه‌احسن‌سسی‌ختم رسالدتدن گلور بیـــر لجــن‌زار تعفـندور طریـق تفرقه گوهر پاکیــزگی دریای وحدتدن گلور

روضه ای دلنشین از کربلایی یعقوب عباسی 🌹🌹 پیشنهاد دانلود

شعبان آینین شانیه چوخ آیه گلوبدی بو آیدا نچه سویگولی زهرایه گلوبدی عباس آقادا، باخ ادب و اوج کماله شاهیندن،او بیر گون صورا دنیایه گلوبدی

دور بقیعدن محبس بغداده گل یافاطمه جان وئرور موسی بن جعفر داده گل یافاطمه —------------------- اون بیرایلدی خو تاپوبدی گوشهٔ زندانیله روز و شب راز و نیاز ایلیر،یانور هجرانیله غُل و زنجیریله مونسدور دل سوزانیله آغلوری احوالینه جنّ و ملک یافاطمه اون بیرایلدی ایستیری سیزدن کمک یافاطمه یاره لر اعضای جسمینده سراسر قان وئرور حالینی بوینونداکی زنجیرلر اعلان وئرور جدّی ثارالله کیمی غربتده اوغلون جان وئرور لطف ایله گل، یوخدی زنجیرین آچان یافاطمه ال گوتورمور، صون نفسده باش ویران یافاطمه بیرنفر یوخدی سوروشسون بو غریبین حالینی گورنجه ویردی فلک پوزدی گوزل اجلالینی گوزلروی یولدا قالوب هجران پوزوب احوالینی نی کیمی ایلیر مصیبتدن نوا یافاطمه زادهٔ زهرا هارا زندان هارا یافاطمه روز شب وِرد زبانی دیلده یاحیدرمدد فاطمه جانی سوروشمور حالینی هیچ بیراحد نه گناه اوسته اولوبدور بو آغا حبس ابد نارهجراندا یانور یکسر دیلی یافاطمه سسلوری هر فجر و مغرب یاعلی یافاطمه دوغمیوب سِندبن شاهک تک دنی مام جهان چوخلی ایذا گوردی او خونخواریدن شاه جنان ایلورم سندن حیا یافاطمه قالسون نهان کینهٔ دیرینه سین ایتدی عیان یافاطمه قمچیلر آلتوندا وئردی جانه جان یافاطمه شمریدنده سنگدلدور اول شرور روزگار هرگجه گوندوز ویراردی اوغلوی دیوانه وار قانیاش آغلاردی امامین حالینه خرد و کبار اولمادی گلسین بیری مظلوم امامین دادینه

احوالات امام موسی کاظم(ع) ........................................... بیلمورم سِنمورندن بوچرخ دونین پایه سی سعی ائدیرچوخ تنگناده قالسین حقّین آیه سی موسیِ جعفرحقیقت ملکینین پیرایه سی اون بیرایل ظلمیله ظلمتخانه ده گون گؤرمدی جّدی تک فرعونِ عصره دستِ بیعت وئرمدی .......................................... حُبِّ دنیابسکه هارونین گؤزین کورایلدی قلبِ ناپاکیندن عشقِ خالقی دورایلدی سِندِابن شاهکی زندانه مأمورایلدی سِند، بیرمأمورِبی رحمیدی ایماندان بری قصدائدیبدوریاندیراقلبِ بتولِ اطهری ........................................ گؤنده اوچ موردگلردی صبح وظهروشامیده هرگلنده بیرقَدَرآب وغذاسی جامیده درک ائدوردی کاظمی قیدِ غم وآلامیده پورزهرامونسیدی آهلن گؤزیاشینه سِند،اوحالتده ووراردی تازیانه باشینه ........................................ قوزیوب باشین دییَردی من اسیرِمَحبَسم وارنه اشکالی بوخلوتگاهده ذکرایلَسم بیگناهم،سیّدم،شرم ایله وورما بیکسم سن وِرانداطاقتیم یوخدی دوداقه جان گلیر تَرپَننده فوری زنجیریاره سیندن قان گلیر ......................................... بیرقرانلیق یئرده ام صبحین گئجملن فرقی یوخ گوئیا زندان بناسی غربدندی شرقی یوخ من کیمی دنیاده دریای بلانین غرقی یوخ هانسی بیرخلقین گئجیلن گوندوزی بِلَّنمدی هانسی بیرزندانی،زندانبان وِروب دیلنمدی ........................................ ای صبانین بادپرپیکی حجازه قیل گذر گئدمنیم احوالیمی اوغلوم رضایه وئرخبر عرض ائله جان اوسته ام بغداده ایله تئزسفر قبلیه ساری منی دؤندرگؤزیمی باغلاگئت آغلیانیم یوخدی قوی قبره دویونجا آغلاگئت ...................................... بیرکسیم یوخدی ائشیدسین ناله وفریادیمی تئزیئتیش جان اوسته شادایله دلِ ناشادیمی قبریمون اوستینده یازبابالحوائج آدیمی تاگلن زواریم احساس بلیّپات ائتمسین دردینین درمانین آلسین بی نتیجه گئتمسین ........................................ آشیانیندن چیخان قوش تک چمن فکرینده ام بیرغریب وبیکسم دائم وطن فکرینده ام جسمده سالم لباسیم یوخ کفن فکرینده ام گرچه رنجِ غربتیم چاتماز وطنسیزجدّیمه یاره لی قلبیم،گؤزوم قربان کیفنسیزجدّیمه ........................................