מערכת טאהש

מהנעשה והנשמע בצל הקודש דינסטאג פר' ברכה א' נאכמיטאג האט זיך דער רבי משתתף געווען ביי די לוי' פון הרב החסיד מוה"ר אלי' שפיטצער ז"ל, פארנט פון זיין שטוב און מיטגעהאלטן די הספדים, און ארויסבאגלייט אין פעלד ביז נאך די לוי'. דערנאך איז פארגעקומען די ברית מילה פון בן הנולד צו מוה"ר משה יצחק הערשקאוויטש הי"ו חבר הנהלת המוסדות, חתן הרה"ח ר' אלי' שפיצער ז"ל, אין שטוב פון די אלמנה שתחי', דער רבי איז מכובד געווארן מיט סנדקאות און עס איבערגעגעבן פאר הרב ר' יחיאל יצחק שפיטצער שליט"א, און אמירת הברכות פאר הרב ר' מרדכי ארי' שפיטצער שליט"א, ויקרא שמו בישראל אליהו. דערנאך האט דער רבי געבענטשט די קינד און אנגעוואונטשן ברכת קדשו פאר די אלמנה שתחי' און די קינדער הי"ו. * ביי די זמני כניסה נאך מנחה מעריב זענען אריין אל הקודש פנימה תלמידי מכינה לישיבה אינאיינעם מיט די מנהלים ומגידי שיעורים שליט"א, נאכדעם וואס זיי האבן זיך פארהערט מס' קידושין ביי הגה"צ ראב"ד סקווירא שליט"א, עס איז פארגעקומען א מעמד ווי מען האט געזינגן פאסיגע ניגונים און דער רבי האט משמיע געווען דברות קודש דברי חיזוק, דערנאך האט דער רבי פארטיילט א סעט אור החיים הקדוש פאר אלע תלמידים.   מיטוואך פר' ברכה א' נאכמיטאג האט דער רבי מנחם אבל געווען ביי משפחת שפיטצער, ווי עס האט זיך אנטוויקלט א שיינע שמועס פון ר' אלי' ז"ל פון די בראשית יארן, דער רבי האט געטרייסט און מחזק געווען די גאנצע משפחה און אנגעוואונטשן ברכות לרוב. דער רבי איז דערנאך צוגעגאנגען צו די עזרת נשים און געטרייסט די אלמנה שתחי' און די קינדער הי"ו. שפעטער האט זיך דער רבי משתתף געווען ביי די סעודת השלושים פון האשה החשובה והישישה מרת וויינבערגער ע"ה, אשת הרה"ח ר' הערש לייב ע"ה, אין שטוב פון חתנה הרה"ח ר' אפרים פישל פעלבערבוים הי"ו, דער רבי האט דארט געדאווענט מנחה, און דערנאך געמאכט א לחיים און געזאגט דברי זכרון והתחזקות. ביינאכט איז דער רבי ארויס צום ציון פון רבינו הקדוש זי"ע לאמירת תהלים, אזוי אויך איז דער רבי צוגעגאנגען מיט א מנין צו די מציבה פון האשה החשובה מרת דבורה ב"ר מנחם ווייס ע"ה, אשת הרה"ח ר' מרדכי ע"ה, וועלכע האט נישט איבערגעלאזט קיין זש"ק, געזאגט א ספר תהלים, געלערנט משניות און געזאגט קדיש.   עש"ק פר' ברכה – ערב סוכות אינדערפרי איז פארגעקומען ביי רבינו שליט"א די תפלין לייגן פאר הבחור הבר מצוה בן מוה"ר אהרן יחזקי' קריצלער הי"ו, דער רבי האט געגעבן ווארימע דברי הדרכה, און נאכן תפלין לייגן אנגעוואונטשן ברכת קדשו פארן בר מצוה בחור און די עלטערן, און געגעבן במתנה די ספרי הקודש עבודת עבודה. נאכמיטאג איז פארגעקומען ביי רבינו שליט"א די אפשערן פון בן מוה"ר חיים יודא גראד הי"ו, ווי דער רבי האט אפגעשוירן די האר אנגעטון קאפל און ציצית און געבענטשט די קינד, און אנגעוואונטשן ברכת קדשו פאר די עלטערן ובני משפחה. נאכמיטאג האט רבינו שליט"א באזיכט ביי הרה"ח ר' ישראל הערש מערמעלשטיין שליט"א, און ביי אלמנת הרה"ח ר' אליעזר עהרענפעלד ע"ה אין שטוב, און אנגעוואונטשן ברכת קדשו.