Anadili

یالانلارلا باشلاییریق گونوموزو ایلک یالانی آنالاردان ائشیدیریک سحر تئزدن گون چیخمامیش: "آی بالا دور گون اورتادیر" حئیرانام آی آنا! دئدییین گؤزل یالانا...! علی جوادپور @Axaaq

یاغیش یویور، گون قورودور بو یئرلری، بو گؤیلری یاغیش یویور، گون قورودور بو دونیادا چوخ شئی‌لری یاغیش یویور، گون قورودور گؤزوموزون یاشینی‌دا باغریمیزین باشینی‌دا قبریمیزین داشینی‌دا یاغیش یویور، گون قورودور گلن نه‌دی، گئدن نه‌دی؟ بَلَک نه‌دی، کفن نه‌دی؟ بو دونیا اؤز کئفینده‌دی یاغیش یویور، گون قورودور اولدوزلارین توزونودا لاپ گونشین اؤزونوده لاپ یاغیشین اؤزونوده یاغیش یویور، گون قورودور سؤز:رامیز روشن سس:مهریبان زکی @Axaaq

آنا بیر آنا بورجونو قایتارماق اوچون بیر عؤمور یاشاماق آز ایمیش دئمک بیر آنا بورجونو قایتارماق اوچون طالع‌دن بئش عؤمور آلاسان گرک بویوم‌دا اوزوندی بویون‌دان سنین بس نیه سن مندن اوجاسان آنا بوتون گئجه‌لرین سن اَن جاوانی بوتون گوندوزلردن قوجاسان آنا الینی چکسن تورپاغا تورپاغین قاریشی قیزیلا دؤنر آخسان اؤرپه‌یینی قورو بوداغا بوداق چیچکله‌نر بوداق گؤیه‌رر چنگيز علی اوغلو @Axaaq

پارسابادیم وار آغ قیزیل بئجردیر قیزیل تورپاغیم تانیشدیر دونیایا بول مئیوه‌م باغیم داد وئریر داماغا پنیریم یاغیم دادانلار بیلیر کی نئجه دادیم وار جننته برابر پاسابادیم وار ساوالان قوینوندا بویا چاتمیشام یوکسک زیروه‌لره اَل اوزاتمیشام دئمه کئچمیشیمی باشدان آتمیشام آذر ائولادییام بؤیوک آدیم وار جننته برابر پارسابادیم وار وطنیم گؤزلدیر مرد نسیللییم عاجیزدیر قلَمیم بو یئردن دئیم بابام قورقود، اؤزوم اوغوز ائللییم کیمسه دئیه بیلمز بیر ایرادیم وار جننته برابر پارسابادیم وار اؤلکه‌مین عادتی، دبی منده‌دیر ائلیمین، اوبامین طبعی منده‌دیر کور اوغلو، جوانشیر، نبی منده‌دیر تاریخده مینلرجه اَر افرادیم وار جننته برابر پارسابادیم وار یادا قان قوسدوروب ائللریم منیم برکت بئجه‌ریب اللریم منیم آل-الوان چیچکدیر چؤللریم منیم ائشیتسین یاد ائللر هر بیر زادیم وار جننته برابر پارسابادیم وار باشدا تبریزیم وار، سراب، اردبیل مشکین، بیله سوار، گرمی، موغان، میل اوتوز ایکی طایفا، اوتوز ایکی ایل عالیمیم، شاعیریم، مین اوستادیم وار جننته برابر پارسابادیم وار آرازدان تئلله‌نیر باغ-باغچام، چؤلوم روح وئریر اینسانا موغانیم میلیم ساحیلدن ساحیله اوزانان الیم دوغرو حاققیم-ساییم، دوز مورادیم وار جننته برابر پارسابادیم وار موغان‌دیر سس سالیب بوتون ائللره حوسنو داستان اولوب دوشوب دیللره آرپاسی، بوغداسی دؤنوب سئللره توکنمز ثَروتیم قول-قانادیم وار جننته برابر پارسابادیم وار "مالک"م کؤکسومده دؤیونن اورک نسیلدن نسیله یئته‌جک بو سس وطنیم گؤزلدیر، آنام موقددس یاشا آذربایجان! سن‌ده آدیم وار جننته برابر پارسابادیم وار مالک رهنما بهزاد @Axaaq

گله‌جه‌یی سورورام، باخیب گوزگوده دئییر: اؤزل صاباحلارین وار! سوکوت، تنهالیق، شعیر... محمد پاشاپور-پاشا موغانلی @SheirOcagi @Axaaq

وارلیغینیز آرخایینلیق قایناغی‌دیر. @Axaaq

سنسن منیم سولوم، ساغیم سنسن یاخینیم، اوزاغیم سندن اؤزگه کیم وار آخی میدان‌دا آللاه! کِشیکچی‌سن یئرین اوجا دوستاغینیق گوندوز، گئجه دونیا آدلی بو قوپ قوجا زیندان‌دا آللاه! نه بیر دینیب دانیشیرسان نه حال،احوال سوروشورسان بیر روح کیمی دولاشیرسان هر جان‌دا آللاه! سنسن هامینین سون آندی سنسیز نه وارسا یالان‌دی ملک‌ده سنین قولون‌دو،شیطان‌دا آللاه! گؤزوموزو اؤزون قاپا گؤز یومونجا حاققی تاپاق هر آغیزدان‌ بیر سؤز قوپار سون آن‌دا آللاه،آللاه،آللاه! * نه وار آللاه‌دان یوخاری؟! نه وار قبیردن آشاغی؟! چکدیگیم آه‌دان یوخاری بیلدیگیم سیردن آشاغی نیه گونون گوندوزونده قوشلار آزیر گؤی اوزونده؟! گؤز یاشلاری قوش گؤزوندن تؤکولور دن-دن آشاغی‌ دئمه کی بیز قوش دئییلیک آللاها تانیش دئییلیک روحوم!دور ییغیش،گئدیریک سن یوخاری،من آشاغی رامیز روشن @Axaaq

من بوتون ایپ‌لرین ایتن اوجویام! فروید دئمیشکن:بزرگترین راز تاریخ تمدن رقیه هاشم‌زاده-خان صنم @Axaaq

آی آللاه! یولداشلارینین قیافه‌سی نه تهردی؟ ساققال... تسبئح...سجّاده؟ سنین آدینلا عجب حؤرمت‌لری وار! ساققال‌سیز-تسبئح‌سیز یولداش قبول ائدیرسن‌سه، بیزده واریق... حسین پناهی @SheirOcagi @Axaaq

اولموشام الله اکبر ای صنم حوسنونه حیران اولموشام قوس قزح‌دیر قاشلارین یایینا قوربان‌اولموشام اوزوندور اول جننت گولو، بویون حقیقت سِدره‌سی عشقینده من بولبول کیمی عالمده دستان اولموشام کون و مکاندان کئچمیشم، معنا شرابین ایچمیشم جانانین اوزون گؤرموشم باشدان ایاق جان‌ اولموشام دَعوی منم، قاضی منم، مُنکَر منم، راضی منم طاغی ایله هم یازی منم من کل دوران اولموشام صوفی منم، صافی منم، عنقا منم، قافی منم کافی منم، شافی منم، درد ایله درمان اولموشام زاهید منم، عابید منم، عاصی منم، فاسیق منم مؤمن منم، کافر منم، من کل اینسان اولموشام اوچماق ایله ریضوان منم، موسی ایله‌ ثعبان منم دانا ایله نادان منم گه این و گه آن اولموشام گاه چیخمیشام عیسی کیمی چرخ اوستونه اوتورموشام گاه وارمیشام یوسف کیمی اول میصره سولطان اولموشام صراف بحر قودرتم، یاقوت کان وحدتم شیمدی گلیب "نسیمی‌"یم خاک ایله یکسان اولموشام سؤز:عماد الدین نسیمی تامادا(دیکلمه):آقالار بایرام اوو و ؟؟؟ @Axaaq