dil ocağı

#تۆرکجه_یاز بیر ایشین یالنیزجا سؤزونو دانیشماقلا دگیل، اوْنو یاپماقلا دئنه‌ییم (تجرۆبه) قازانیب بئجَریک‌لیگینی ألده ائتمک اوْلار. چاغداش دؤنَم‌ده، گۆنئی آذربایجان یۇردسئوَرلری‌نین بیرچـوْخو سانال اوْرتام‌دا (مجازی فضادا) یازی‌لارینی فارسا یازیب، بۇ ایشه ایکی  ندَن اوْرتایا قـوْیورلار: - تـوْپلوموموزون تۆرکجه اوْخویوب یازابیلمه‌دیگی اۆزوندن، سؤزلریمیزی فارسجا ایله اوْنلارا چاتدیرماق زوْرونداییق. - بیز گئرچک‌لری تـوْپلوما چاتدیرماداییق. بۇ اۆزدن،  هرهانکی دیلده اوْلورسا اوْلسون. دئمه‌لی، فارسجا یازیب تۆرکچولوک‌دن، یۇردسئوَرلیک‌دن دانیشان کیمسه‌لر، بۇ ایکی باهانا ایله اؤزگه دیلده یازدیق‌لارینی ساوۇنورلار. آنجاق اوْنلارا بؤیله دئمک اوْلار: - بیز فارسین دیلینده یازاندا، بیزیم دیلیمیزی یـوْخ سایان فارسین اؤنونده دئیه‌جک سؤزوموز نه اوْلابیلر!؟ - ألیمیزین یئتَن هر بیر آلان‌دا (ساحه‌ده) قیشقیریب «تۆرک دیلینده مدرسه، اوْلمالی‌دیر هر کسه» دئدیگیمیزی، ألیمیز یئتَن اؤزگور (آزاد) سانال اوْرتام‌لاردا (مجازی محیط‌لرده) سؤزلریمیزی فارسجا یازماقلا، آیاقلاماییریق می؟ - کندی‌لرینی تۆرکچو، میللَتچی، آذربایجانچی یا دا یۇرت‌سئوَرلیک یـوْلوندا چالیشقان (فعال) تانیتدیران‌لارین بیرچـوْخو سؤزلرینی فارسجا یازیرکن، گنَل کیتله‌یی (عمومی جماعتی) تۆرکچولوک اۆلکوسویله نئجه ایلگی‌لَندیرمک اوْلار؟ دئمزلر می اؤنجه سیز اؤزونوز آنادیلیمیزه دگَر وئریب اوْنونلا اوْخویوب یازین، سـوْنرا ایسه بیزی بۇ یـوْلا چاغیرین!؟ - قاباغا دۆشَن‌لر تۆرکجه یازماسالار، تـوْپلوموموزو کیم تۆرکجه یازماغا آلیشدیراجاقدیر (عادت وئردیره‌جکدیر)؟ - سـوْنوندا ایسه، فاشیست‌ پان‌فارس‌لارین بیزه آنادیلینده اوْخول آچاجاقلارینی می اۇمورسونوز!؟ نه ایسه، باجیم، قارداشیم! تۆرکجه یازمالی‌ییق. بیز تۆرکجه یازساق، تۆرکجه یازماق، تـوْپلوموموز ایچینده یایقینلاشار. اؤیله اوْلورسا، ایران‌داکی تۆرک‌لرده اۇلوسال اوْیانیش (میللی بیدارلیق) یارانار. دئمک اوْلار، آنادیلی ایندی بیزه اۇلوسال اوْیانیشین قیویلجیمی‌دیر (جرقّه‌سی‌دیر). آنجاق ایندی بۇ دۇروم‌دا، تۆرکجه یازماغیمیزلا پان‌ایرانچی‌لارین اوْیون‌لارینی آلت-اۆست ائده‌‌بیله‌ریک. دئمک اوْلار، سؤزوموز نه اوْلسا دا، بیز فارسجا یازاندا، فارس‌لار سئوینیرلر! چۆنکو اؤز دوْغما دیلیمیزی قیراق‌دا قـوْیوب اوْنلارین دیلی‌له قیر وئرمک‌ده اوْلوروق! ✍️ یاشار ائلچی‌خان @dilocaqi

telegramdakı üyəliklərini silənləri, axaqdan çıxartdım. istəyirəm bu axağın üyə sayısının düzü ortada olsun.

#اؤزگور_باخیش سئچیم‌لر اوْلقوسونا (پدیده‌سینه‌) گؤره قؽساجا گنَل (عمومی) باخیش؛ دۆزگون سئچیم‌لرده، سئچمَنین (سئچَنین) ده، سئچیلمَگه آدای (نامزد، کاندید) اوْلان‌لارین دا اؤزگور اوْلماسی، گرَک‌دیر. آدای‌لارین یئتکیلیلیگی (صلاحیتی)، أگه‌منلیک (حاکمیت) یؤنوندن دگیل، تـوْپلوم‌دان قازانیلمالی‌دیر. سئچمَن‌لره گلینجه، اوْنلارین دا گؤرَوی ایله اؤزگورلوک آدیم‌لاری، یالنیزجا بَگَندیک‌لری آدایی سئچیب کندی ایشلری‌نین دالیسیجا گئتمک دگیل، بلکی (بللی‌دیر کی) سئچمَنین تمَل (اصلی) ایشی، سئچیم‌لردن سـوْنرا باشلاییر. گئرچک‌ده ائل‌أرکلیک (دئموکراسی)، سئچمَن‌لرین سئچدیکلری‌نین باشی اۆسته دۇرمالاری‌یلا آنلام تاپیر. دئمه‌لی، سئچمن سئچدیگی کیمسه‌یی بـوْش بؽراخیب سـوْرقویا چکمه‌یه‌جکسه، اوْندا اوْنون سئچیم یاپماسی‌نین سـوْنوجو (نتیجه‌سی)، دۆشونتوجولری (فرصت‌طلب‌لری)، آلداتیجی‌لاری، هابئله اوْغرولاری یئتیشتیرمک (تربیت ائتمک) ایشینی یاپماق اوْلور. بؤیله اوْلورسا، اوْ تـوْپلومدا ائل‌أرکلیک یالنیزجا بیر دیلَک گیبی اۆرک‌لرده یاشایار. بۇ اۆزدن، ائل‌أرکلیک یالنیزجا سئچیم یاپماق دگیل، سئچیم‌لردن سـوْنرا، سئچیلیب گؤرَو (وظیفه) باشینا گئدَن‌لری گۆدوب اوْنلارین أگری یـوْل‌لارا گئتمه‌لری‌نین اؤنونو کسه‌بیلمک‌دیر. ✍️ یاشار ائلچی‌خان @dilocaqi

#özgür_baxış seçimlər olqusuna (pədidəsinə) görə qısaca gənəl (umûmi) baxış; düzgün seçimlərdə, seçmənin (seçənin) də seçilməğə aday olanların da özgür olması, gərəkdir. adayların yetkililiği (səlâhiyyəti), əgəmənlik (hâkimiyyət) yönündən dəğil, toplumdan qazanılmalıdır. seçmənlərə gəlincə, onların da görəvi ilə özgürlük adımları, yalnızca bəğəndikləri adayı seçib kəndi işlərinin dalısıca getmək dəğil, bəlki (bəllidir ki) seçmənin təməl (əsli) işi, seçimlərdən sonra başlayır. gerçəkdə elərklik (demokrasi), seçmənlərin seçdiklərinin başı üstə durmalarıyla anlam tapır. deməli, seçmən seçdiği kimsəyi boş bıraxıb sorquya çəkməyəcəksə, onda onun seçim yapmasının sonucu, düşüntücüləri (fürsəttələbləri), aldatıcıları, habelə oğruları yetiştirmək (tərbiyət etmək) işini yapmaq olur. böylə olursa, o toplumda elərklik yalnızca bir dilək gibi ürəklərdə yaşayar. bu üzdən, elərklik yalnızca seçim yapmaq dəğil, seçimlərdən sonra, seçilib görəv (vəzifə) başına gedənləri güdüb onların əğri yollara getmələrinin önünü kəsəbilməkdir. ✍️ yaşar elçixan @dilocaqi

#özgə_sözlərə_qarşılıq #intranet 🔹 kökən: ingilizcə. intranet 🔹 türkcə qarşılığı: #yerəl_ağ (yerəl: məhəlli, bumi. ağ: şəbəkə) 🔹 anlam: bilgisayar ağlarının (kompüter/kampiyuter) şəbəkələrinin) birbirinə bağlanması sonucu ortaya çıxan, sınırlaması ilə yönəticisi olan yalnızca (sadəcə) qurum (sazman) ya da iş yeri içində qullanılan bilgi ilətişim (çatdırım) ağı. ancaq bir sıra qapalı ülkələrdə, yerəl ağ, gənəl ağ (internet) yerinə işlənilir. 🔹 qaynaq: türk dil qurumu (tdk) @dilocaqi

#atalar_sözü 📜 onmadıq yılın yağmuru, xırman çağı yağar. 🔹 anlam: çağında olduğunda böyük yarar (fayda) sağlayacaq bir durum, çağı (zamanı) keçtikdən sonra gerçəkləşirsə itəm (zarar) bilə verəbilər. 🔸 onmadıq (onmaq: olğunmaq, yaxşılaşmaq, düzəlmək, dirsəlmək/dirçəlmək): verimsiz (bərəkətsiz). @dilocaqi 📌@turuz 📌@Az_edebiyyat 📌@turkce_ilgi1 📌@ucan39 📌@MaAzturk 📌@Erdemaz 📌@dilimdir 📌@tarixbil 📌@Bizimbijar 📌@ana_dilim_az 📌@a_z_soz 📌@TURK_LN 📌@DilSavasi 📌@SancaqDergisi 📌@TurkMillatlari1 📌@Ttariximiz 📌:sozluk.gov.tr 📌:turuz.com 📌 adasozluk.com

📃 #qoşuq #əğilmə əsən yellər, əğirsə səni bir gün o yönə bir gün bu yönə deməli sənin istəncində dayam yoxdur güc hayanda, sən o yanda ışın hayanda, sən o yanda soluq hayanda, sən o yanda yelqovan tək sürülürsün yellərdə inancının dirəği yox mu? istəğinin ərəği yox mu? bir yerdə dur, dərin düşün ülkü əğim götürməz tutduğun yol, ayrımlarda dönməməli içindəki odlağanlar, əsimlərdə sönməməli qarmaşalıq ortamlarda kəndin ol bəzəklərlə düzənmə aldatılar, fırlanırlar hər yerdə gözətləmək gərəkir ✍️ yaşar elçixan @dilocaqi

لاپ بئله پزشکیان‌دان یئکه‌سی ده گلسه، من کسینلیکله سئچیم‌لره قاتیلیب اوْی (رأی) وئرمه‌یه‌جه‌یم. (بۇنون ندَنی‌ سـوْنرا بیلینه‌جکدیر.) جلیلی‌یه گؤره ده هئچ سؤزوم یـوْخدور. چۆنکو اوْنا گؤره بیر سؤز بیله دئمک، باش‌آغریسی گتیریر. آنجاق بۇنو کسینلیکله بیلیرم؛ گۆن گله‌جک، سیز پان‌فارس‌لار دا صربستان گیبی کیچیلیب آچیق دنیزلردن بیله آیاغینیز کسیله‌جکدیر. اۇنوتمایین، تۆرک دؤنیه‌سی‌نین (دۆنیاسی‌نین) اوْیون‌لاری هله تزه باشلاییب. بۇ اۆزدن، اوْ قارا پیشیگینیزله یاواش یاواش أسَنلَشمَگه دۆشونون ... @dilocaqi

#türkcə_deyim 📜 Gecəyi gündüzə qatmaq  ara vermədən, dayamlı (dəvamlı) çalışmaq, böyük çaba göstərmək. 🔹 örnək tümcələr (misal cümlələr): - gecəyi gündüzə qataraq çalışıb bu evi yaptıq. - biz bu çətin durumda umudumuzu itirməyib gecəyi gündüzə qataraq yurdumuz için çalışmalıyıq. @dilocaqi 📌@turuz 📌@Az_edebiyyat 📌@turkce_ilgi1 📌@ucan39 📌@MaAzturk 📌@Erdemaz 📌@dilimdir 📌@tarixbil 📌@Bizimbijar 📌@ana_dilim_az 📌@a_z_soz 📌@TURK_LN 📌@DilSavasi 📌@SancaqDergisi 📌@TurkMillatlari1 📌@Ttariximiz 📌:sozluk.gov.tr 📌:turuz.com 📌 adasozluk.com

#اؤزگور_باخیش بیر آتالار سؤزوموز واردیر: بیر أل ایله ایکی قارپیز گؤتورمک اوْلماز. دئمه‌لی‌یم، بیز تۆرک‌لر آشامالاری (مرحله‌لری) آشا آشا گلیب بۇرایا چاتمیشیق؛ سلجۇقلولار، اوْرتادوْغودا (خاورمیانه‌ده) تۆرک أگه‌منلیگینی (حاکمیّتینی)  دیرچَلتدیلر. نادیرشاه، تۆرک‌لری بیرلشدیرمَگه چالیشدی. ستارخان، باقیرخان ائله‌جه ده شئیخ محمد خیابانی تبریزین اؤزگورلوک قایناغی اوْلماسینی گؤستردیلر. محمدامین رسول‌زاده، آذربایجان أگه‌منلیگی‌نین بینؤوره‌سینی ایشله‌دی. کامال آتاتۆرک، تۆرکچولوک دۆشونجه‌سینی اوْرتایا قـوْیدو. جعفر پیشه‌وری، گۆنئی آذربایجان أگه‌منلیگی‌نین تمَلینی قـوْیدو. ابوالفضل ائلچی‌بَی، بۆتؤو آذربایجان اۆلکوسونو (آرمانینی) یاراتدی. حئیدر علی‌یئو، گۆزئی (قۇزئی) آذربایجان جۇمهوریّتی‌نین آیاق‌دا قالیب گۆجلَنمه‌سینی ساغلادی. ایلهام علی‌یئو ایسه پارچالانمیش بؤیوک آذربایجانین پارچالارینی بیر آرایا گتیرمَگه یـوْل آچماقدادیر. گؤردوگونوز گیبی، سلجۇقلولاردان اؤنجه اوْرتادوْغودا تۆرکون بـوْیاغی (رنگی)، سـوْلموش دۇرما گلیب چاتمیشدی. آنجاق اوْ چاغدان باشلایاراق، آردآردا گلن دؤنَم‌لرده ائتکیلی (تأثیر قـوْیوجو) باشچی‌لاریمیزین هر بیریسی اؤز چاغ‌لاری‌نین قـوْشول‌لارینا (شراییطینه) گؤره داشی داش اۆسته قـوْیماقلا، اوْرتادوْغودا تۆرکون دۇرومونو ایندیکی بیچیمه گتیریب چاتدیردیلار. ألبت‌ده بۇ یاپی‌لار، تکجه بیر کیشی‌لیک ایشلر دگیلدیلر. دئمه‌لی، هر چاغین یـوْل آچیجیسی‌نین یانیندا کسینلیکله بیر چـوْخ‌لاری آرخادا یا دا اوْرتادا چالیشمیش اوْلوبلار. آنجاق ایندی ائله‌جه ده بۇندان سـوْنرا ایش بیتمه‌ییب دئیه‌رک، یـوْلون آردینی تۇتماغا دۆزگون یـوْلجولارین چالیشماسی گرَکیر. بۇ آرادا، ایندی بیر سیرا آدام‌لاریمیز ایران‌داکی سئچیم‌لرده پزشکیانین جۇمهور باشقان سئچیلیب قـوْرباچـوْو اوْینامینی (نقشینی) ایران‌دا اوْینایاجاغینی دۆشونه‌رک، اوْنون آردیندان اوْرتادوْغودا تۆرکون گلیشمه‌سینده داها یئنی بیر آچیشقا (پنجره) آچیلماسینا گؤز تیکیبلر. بۇنا گؤره، اوْنلار یایین اوْن‌بئشینده کئچیریله‌جک جۇمهور باشقانلیغی سئچیم‌لرده پزشکیانا آرخا دۇرماغی، بۆتون ایران تۆرک‌لرینه اؤنَریرلر. سـوْنوج‌دا (نتیجه‌ده)، منیم باخیشیما گؤره، پزشکیان أگه‌منلیگین یۇمشالدیجی آپاریجیسی اوْلاراق سئچیم‌لره بیراخیلیبدیر. آنجاق گئرچک‌ده، پزشکیان سئچیم‌لری قازانیرسا، أگه‌منلیگه ایکی یؤنلو قیلنج اوْلابیلر؛ یا اوْرتامی یۇمشالدیب أگه‌منلیگه یاشام قازاندیراجاقدیر، یا دا اوْنون «ایران اۇلوس‌لاری» سؤیلَمی‌نین (گفتمانی‌نین) آردیندان گلن فیرتینا، پان‌ایرانچی‌لارین اوْیون‌لارینا قارا بۇلوت‌لار کؤلگه‌سی سالیب بیر قـوْرباچوْو اوْلاجاقدیر. ✍️ یاشار ائلچی‌خان ۱۴۰۳/۰۴/۱۲ @dilocaqi