النهاردة احلى مع نونزي

#طاقة_الحب بنحب يا ناس نكدب لو قولنا ما بنحبش ليه نكدب لو قولنا ما بنحبش لان الكون اصلا مخلوق عالحب وربنا خلق الكون بالحب وخلق ادم وكرمه عن جميع مخلوقاته بالحب ويا سلام عالحب الحب جميل للي عايش فيه له ألف دليل اسالوني اسالوني عليه اه اسألوني عليه افتكر كدة احلى لحظة حب عشتها كلمة حلوة سمعتها غنوة ناعمة حركت فيك مشاعر حب خلي الناس تحب روح للناس يا حب الحب مالينا غيره والله مالينا عارفين ان فيه ناس بتموت من قلة الحب آه والله طيب إيه هي طاقة الحب وهل فعلا للحب طاقة وهل للحب مخزون ممكن يخلص في يوم من الايام؟ كلها تساؤلات في دماغ ناس كتير في الحقيقة مفهوم الحب بيختلف من كل شخص والتاني حسب تجربته الشخصية ومن خلال طبيعته وبيئته والمعتقد اللي اترسخ في دماغه لكن خليني اقولكم أن الحب هو اقوى طاقة في الوجود فالله خلق الكون على حب والحب هو الاساس المتين اللي تبنى عليه الحياة فبالحب تبني امم وبدونه تنهار حضارات فمين مننا ما بيحبش او حياته فاضية من الحب باختلاف أشكاله فاحنا بنقف بين ايد الله خمس مرات في اليوم عشان بنحبه ونحب لقاؤه وطالبين رضاه بنشتغل ونتعب عشان نوفي مسئولياتنا تجاه اللي بنحبهم وعشان قبل ده كله نوفر لنفسنا اللي عايزينه ونفسنا فيه عشان بنحبنا ونحب دايما نظهر بالشكل اللائق واللي ما يحبش نفسه مش هايعرف يحب غيره عشان انت اللي عايش جواك مش عارف تحبك متخيل الغريب عنك هايحبك ازاي خليني ابسطلكم الموضوع طاقة الحب عبارة عن مجموعة دواير بتلف حوالين بعض مركز الدواير ده هو حب ذاتك لما تعرف تحب نفسك هاتعرف تمتص طاقات الحب وتجذبها وبالتالي ترسلها وتنشرها بسهولة ويسر وفي حب الذات عايزة مقالات ومقالات لكن خليني اختصرها بكلمة واحدة وهي التقدير لما تقدر ذاتك وترتقي بيها وفي التعامل معاها هاتجبر الكل يقدرك والتعامل معاك بما يرضيك وتستحق وانك تترفع بيها عن طرق التهلكة فطريق الله بالحب والرحمة والجمال مش بالكراهية والحرب ده ما يمنعش انك بشر وطبيعي تغلط وتندم فترة لكن من غير ما تجلد ذاتك وتقسو عليها فبني ادم خطاء وديه طبيعة خلقه وعشان تستمر في حب ذاتك عليك انك تسامح نفسك على الغلط ووقت ما تعرف تعمل ده هاتعرف تسامح غيرك وعشان تعرف تعمل ده لازم تحافظ على وصلتك اللي بتشحنك من مصدر الحب الاكبر وهو الله بالعبادات والذكر اللي بيخلوك طول الوقت منور بهالة الحب اللي بيبتدي عنده كل المشاعر الجميلة من امتنان وعطاء وتسامح وسلام وجمال ووعي وعدل وغيرهم من القيم وللكلام بقية #احبكم_في_الله #حنان_زينال

استنوني النهاردة الثلاثاء 7 مايو 2024 الساعة 5 مساءا توقيت القاهرة على #radio9090 هواها مصري برنامج #خمسة_على_الطريق مع #رامي_الحلواني وكلام متجدد عن الطاقة 😍🥰 #احبكم_في_الله #حنان_زينال https://www.instagram.com/p/C6qUyyoM1vI/?igsh=MTQ4Z21wa2dna2lrag==