شعر سوداني

"ﻭ ﺣِﻠﻢ ﺍﻟﻌﺎﻟﻢ ﻧﺎﺱ ﺗﺘﺴﺎﻟﻢ ﻭ ﺍﻟﺒﻨﻰ ﺁﺩﻡ ﺻﺎفي ﺍﻟﻨﻴﺔ ﻭ ﺍﻷﻃﻔﺎﻝ ﺍﻟﻨﺎﺷﻔﺔ ﺿﻠﻮعها ﻳﻄﻤِّﻦ ﺭﻭعها ﻭ ﺗﺒﻘﻰ تغني ﻏﻨﺎﻭي ﺍﻟﺒﻜﺮﺓ ﺍﻟﻜﻢ ﻣﺴﻤﻮﻋﺔ ﺣﺴﻴﺲ ﻃﻨﺒﺎﺭﺓ ﻣﻊ ﻧـُﻘﺎﺭﺓ ﺻﻔِﻘﺘﺎً ﺣﺎﺭﺓ ﻭ ﺩﺍﺭﺓ تغني🤎"

انساكي كيف وانسي الغرام ولسة جواي العشم محروم من الحب والحنان يا قلبي زولك انظلم مجروح غرامك كيف يطيب وكيف يداويهو النغم مظلوم من الريد والغراااااام ولسة عايش في ندم قدمت ليك عرض الزواااااج وتقولي لي ما دايرة هم مفروض تعرفي غرامي ليك ما اصلي ودعمك لزم يا قلبي همك والعذاااااب الباقي ليك في دنيا هم احسن تسيب دنيا الغرام ما الريده ما بتجي بالقسم

صباحكم يا صباح الخير صباح البهجة والفرحة صباحكم زي صباح العيد ورسمة جميلة في لوحة سعادة زول صبح مسرور وصوت عصفور وقت يصحي قراية شيخ مع الجيران حلاوة طفلة بي طرحة حبابكم زين ومرحبتين حقيقة قلوبنا منشرحة

بهوى العيون السودة وأحب السمار في خدودة إنت الصباح الضاحي إنت الغروب الباكي إنت المياه العذبة إنت النسيم الصافي

البنتُ نورٌ سماويٌّ.. و أُمنيةٌ للكاملينَ.. و للأرزاقِ مفتاحُ إن البنات حياةٌ في منازلنا كُل البنات مسراتٌ و أفراحُ

الانصـــــــــــارية انصاريه شفتها كل كياني اهتزه نظرة عين يمين كل الجبال ترتجه لابساو لي نقابا وجوه فيهو منغزه يوم تقدل تمش بيها الارض تعتزه جيتك بالجديد شايل لي ليك افاده انصاريه في خلق الله واقعه اباده وحات المولى يا الصادق يمين نجاضه صابت بي العيون وسلاحا جايده اجاده نيشان عينا صاب قلبي وهرد احشايا في كل لحظه بتمناها تبقى معايا بسرح في وصفها قسم بغني برايا انصاريه شالت قلبي من جوايا حلات عينيكي يا ست النقاب الزاهيه ذات النظره والارهب يمين ما واهيه حياتنا فداك عشانك بنروح في داهيه سمحه اخلاقا عن كل شي مشين متناهيه لابساو لي نقابك و ساتره تب لي عيوبك ما يغشاك حزن تلقيني شايلو نصيبك فيكي نضاره فيكي سماحه تاني بريقك من دون البنات قسما تراني بريدك فيكي جمال وفيكي نباهة فيكي سماحه انتي الورده يا الجوريه يوت فواحه اسرتي فؤادنا جوه وتاني ليكي مساحه عندك جوز عيون آه من نظرتا التواهة زولتي رزينه ما وصفوها باستخفاف وريحة فيها زي عود المسك والشاف حلاتا حروف يحفظا ليّا منزل قاف شبيهتك في البلد معدومه في الكون ماف مقصووووووده 😍😍😍