رواياتي📖📚

عاينت لي تلفونها و قالت _ واي الليله امي بتقتلني اتأخرت شديد _ انتي ساكنه جمب عمر أنا اساساا ماشي هناك خليني اوصلك _ لا لا م..... قاطعتا _ ماف اعزار يلا فعلا وصلتها بس قالت اقيف قبل اخش الحله و كدا عشان الناس نزلت مني و تاني جات راجعه _ انتا قلت م عندك اصحاب صح؟ _ اي بس عندي اخوي عمر _ خلاص انا من الليله صحبتك و مدت لي يدها ابتسمت من الاضان للاضان _ خلاص يلا ي صحبي انا حمشي لانو بعد دا بدقوني يلا في امان الله 🤍 مشت مني و كانت بتلوح لي بي يدها نفس منظرها لمن كانت صغيرة🤍 فضلت بعاين ليها لحدت م اختفت .. ‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏----------------------------------------------- --------------------- *صلو علي النبي♡* *يتبــــــــــــــــــــــــــــــــــــــــــــع♡* ‌‌‌‌‌‌‌‌‌‌‌‌‌‌‏

_ انت عارف انو ربنا اذا احب عبد ببتليه ! _ بس انا م بستهل انو ربنا يحبني _ ماف زول م بستاهل انو ربنا يحبو في ناس ذنبوهم دي شفت النيل القدامنا دا؟ مش كبير ؟ في ناس ذنوبهم أضعاف النيل دا بس ربنا " غفور رحيم " _........ _ احكي امكن اساعدك _ انا حا احكي ليك نص القصه بس _ تمام " ملاك " : اتنهد و بدا يحكي _ انو يكون ابوك زول كبير فالبلد و يكون زول " ملياردير " دي كل الناس بشوفوها حاجة حلوة شديد بس ألما حلو انك تكون ولد إنسان زي دا ملامح وشو إتغيرت و بقى سرحاان _ كل يوم كان بجي راجع سكران لدرجه اني اتمنيت يجي يوم واحد طبيعي كان بدقها قدامي و هي م كانت بتعمل شي بعد يخلص منها بدقني فالاول كنت بصرخ بس مع مرور الزمن بقيت م بحس بقى لي حاجه عادية اني انضرب شوية و بقى يديني معاه كان بجبرني اشرب أنا كمان كان بقول " كدا بتبقى راجل " كان بشربني غصب و كنت كل مرة بستفرغ و بمرض لمن اقرب اموت و ياريت لو مت امكن كان ارتحت اكتر ولو رفضتا بنضرب و بقضي الليل فالمخزن انا م حكيت ليك عن المخزن صح؟ م حقول ليك سجن لانو اساسا البيت هو السجن و السجن هو البيت بس داك كان زي البيئر كان بارد و مضلم شديد و ملان حشرات وانا بكون راقد فالارض بحس نفسي زي كأني راقد لي لوح تلج المخزن داك بقعد فيه اكتر من غرفتي م كان عندي مشكلة لاني أتعودت بس هو كان بحبسها برضو كنت بحاول اكسر ليها الباب بس .. كنت ضعيف م كان بفتح كان كان بخونها كان بخونها قدامي و بحبسها فالمخزن كان م بجيب لي شي من م ولدوني محصل كان عندي لعبة زي كل الأطفال و كان مانعني اصاحب م كان عندي اصحاب و فالمدرسة كانو بتنمرو علي و بقولو لي عيونك شينه دا كلو كنت مستحلمو عشان هي كانت معاي🖤 لحدت م جاء اليوم داك و و طعنها بالسكين كان بطعن من غير ميوقف و و و ضربها فوشها لمن اتشوه و بقيت م قادر اشوف ملامح امي قال ليهم " ارموها في اقرب خور يلاقيكم " و مشى و خلاني بعدين هو زاتو مات و خالي أبو عمر جاء ساقني و رباني مع اولادو م حقدر احكي ليك اكتر من كدا عشان خايف تخافي مني لكن عموما الحصل بعدين م خطير بس انتقلت من بيت خالي و فضلت أعيش براي بس الليله ذكرة وفاتها " يوسف " : كنت بقول كلامي دا و بعاين للنيل لمن قبلت عليها لقيتا بتبكي لمن بتشهق قالت لي بي صوت مبحوح _ معقول انت عشت دا كلو ؟ _ " ابتسمت ليها و هزيت راسي " رجعت تبكي تاني قلبي و جعني عليها شديد و اتمنيت لو م حكيت و لا تبكي هي مسحت دموعها و عاين لي و قالت _ ربنا حيجبر بخااطرك صدقني و بعدين يوم الموقف العظيم حيتحاسب علي اي شي عملو فيكم شايف البحر داا _ شايفو _ شفت كل م تشتاق ليها تعال هناا و اشكي و احكي ليه همومك كلها ارميها ليه وهو بضيعها ليك🤍 قامت فوق و قالت لي _ قوم _ ماشين وين؟ _ قوم بس ارح مشيت وراها وانا مسحور بس بقينا ماشين لمن حصلنا محل كدا ببيع ازيار عاينت ليها باستغراب _ لي جينا هنا؟ _ عشان نشري زير و نعمل سبيل بإسم امك🤍 عجبتني الفكرة و فعلا اشترينا الزير و مشى معانا سيد المحل زاتو لمن وريناه اننا عايزين نختو هنا ختاه لينا جمب شجرة و سبتو كويس و جبنا كوز و ختيناه _ كدا انت عملت شي لي امك🤍 ابتسمت إبتسامه عريضه و فعلا حسيت بي راحه عجيبة و حسيت اني من يوم ولدوني أول مرة اعمل شي صح _ تعال عايزة أعرفك علي زول مشيت وراها برضو زي المسحور م عارف بحصل شنو بس لمن تعاين لي بعيونها البلوريه دي و صوتها الساحر و تقول لي تعال بكون في استعداد امشي معاها حتى فالجمر وصلنا لي مرة بتبيع جبنا و خاتا بنابر ف بالون الأزرق💙 و محلها علي النيل كدا و ختت بخور و راشا التراب بجد جو يرد الروح🤍 _ خالتوو منى _ ملووكه بتي السمحه كيفك مالك طولتي مننا كدا و الشفع ديل سالو منك كتيرر _ اي مشيت ليهم قبل شوية و لعبت معاهم معليش اعفو لي بس كانت عندي ظروف كتيرة _ ولا يهمك ي بتي عارفاك م بتقصري _ امم خالتو عايزة أعرفك علي .... و عاينت لي بنظرة مضحكه كداا لانها لي هسه م عارفه اسمي ضحكت من قلبي و قلت ليها يوسف اسمي يوسف _ عايزة أعرفك علي يوسف دا ي يوسف دي خالتو منى و عندها أحلى قهوة فالسودان دا كلو و الليلة حعزمك عندها قعدنا و جابت ليها الجبنه فعلا كانت حلوووة شديد🤍 كنت بعاين ليها و هي بتتونس مع خالتو دي و بتضحك بقيت سارح مع ضحكتها كنت م عايز اللحظه دي تنتهي و أفضل اشوفها بتضحك كدا طقطقت لي باصبعها و قالت لي _ مشيت وين ؟ _ لا لا معاك _ اها لقيتا كيف ؟ _ ما شاءالله بجد أحلى جبنه🤍 قعدنا عندها مسافة و قمنا

" ملاك " : انا بس بقيت مصدومه دا الجابو بيتنا شنو بقينا مقهين في بعض كويس م كان في زول مركز معانا شال الكبايه و قال لي شكرا واصلت و قدمت لي باقي الناس و سلمى كذالك و لقيتا بتعمل لي حركات بعيونا نظام عايني داا جااي معاهم بعد قدمنا قعدنا معاهم انا كنت منزله راسي و بعصر في يديني اساسا لمن اتوتر بعمل كداا رفعت راسي لقيتو بعاين لي شديد قمت طوالي نزلت راسي .. تاني عاينت ليهو لقيتو لسه بعاين لي في قلبي قلت دا مالو بعاين لي كداا ! المهم قعدو قعدتهم و اتحددت الخطوبه يوم التلات ودعونا و بقو مارقين " يوسف " : انا سايق العربيه و مبتسم من الاضان للاضان زي الاهبل عمر بعاين لي بقعر عينو _ ي مان مالك بتتبسم براك الله يستر م تكون جنيت ولا رديت عليهو زاتوو وصلنا البيت و مرت خالتي دي تشيل و تمدح في البت و في اهلها و كرمهم و و و مشيت المطبخ شربت مويه و بقيت مارق عمر شافني ماشي علي الباب _ ي برو ماشي وين؟ _ البيت _ م تبيت ياخ الزمن اتاخر _ لا لا م بقدر عندي مشوار اول _ خلاص تمام بيناتنا تلفونات طلعت من عندهم و انا ناوي لي ضحيتي الجايه .. بعد مرور زمن وانا حاليا شايف الراجل داك بقفل في باب عربيتو عشان يخش بيتو مشيت عليه _ السلام عليكم _ وعليكم السلام اتفضل _ عايزاك تختار رقم _ شنو _ انت بس اختار عندي لعبه حلوه _ " عاين لي باستغراب و تقريبا افتكرني مجنون " اممم 6 _ حلوو رقم حلو طيب يلا بسم الله _ بتقول فشنو ان...... م قدر يواصل جملتو بسبب سكيني الاخترقت بطنو قفلت ليه خشمو و جريتو لي حته فاضيه كداا و بقيت شغال طعين طعنتو 60 طعنه .. اساسا اي ضحيه لي بخليها تختار رقم و بضرب الرقم في عشره و الناتج بكون عدد طعناتي .. شوهت ليه و وشو ووقفت وعاينت لجثتو _ انا حنضف العالم من الناس الزيك انت ببساطه تستاهل تموت و مكانك .. تحت التراب ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏----------------------------------------------- --------------------- *صلو علي النبي♡* *يتبــــــــــــــــــــــــــــــــــــــــــــع♡* ‌‌‌‌‌‌‌‌‌‌‌‌‌‌‏

*# طائر_مكسور_الجناح🖤《13》* *#بقلم_نبض_فوضى* ‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ " قالت له : انت مخيف حقا قال لها : انا اعلم جيدا انكي تعشقين الرعب ".. ______ " ملاك " : _ واي ي ملاك طلع اخووه _ مقادرة استوعب معقول الدنيا دي ضيقة كدا؟ _ و أضيق من كدا بي كتير _ يربي يكون عرفني ؟ _ اكيد م حيعرفك انتي قايلة الناس دي كلها بتتزكر كويس و عندها قوة ملاحظة زيك _ همممم " يوسف " : كنت بغسل في سكيني و بلمع فيها .. مشيت على المكتب حقي و طلعت دفتري البكتب فيهو دائما فتحت آخر صفحه و كتبت " وقع رجل " .. قفلتو تاني زي م فتحتو و مشيت علي السرير و رقدت بقيت بتزكر في ملامحها البريئة السارحه .. مسحتيل يكون في انسان بالجمال دا لا م إنسان ملاك ! من الليله حسميها " ملاكي " ____ فاليوم التاني " ملاك " : كنت قاعدة زهجانه فالبيت عشان سلوم مشت .. و هبوية طلعت للدوام طبعا هي بتشتغل موظفه في شركة زين .. طلعت قعدت اتونس مع أمي لمن طردتني و قالت لي وراي شغل انا م فاضيه ليك عندي تصحيح قلت ليها _ يمه انا مارقة _ ماشة وين _ ماشة لي ناس خالتو حرم _ خلاص تعالي عندي حاجات عايزاك تشيليها معاك .. أدتني شوية بهارات كدا لبست عبايتي و بقيت مارقة ركبت مواصلات ووصلت دقيت الباب فتحت لي يارا _ ملوووكةة كيفكك نورتي _ بنورك خشينا جوا لقيت خالتي قاعدة باين عليها زهجانه من القفله دي .. طبعا هي لسه فالعدة عشان كدا سلمت عليها في راسها و قلت ليها يمه قالت لي اسلمك ديل شالوهم مني و قعدو يتونسو معاي باين عليهم حزناني و بي جيتي دي فرحو شديد ختو الفطور و فطرنا و قمنا انا و نور نعمل الشاي عملناه و شربناه و اتونسنا و غيرو شديد بعدين استاذنت منهم عشان امشي قدر م حنسوني قلت ليهم ماشة والله عندي مشوار تاني بعد طلعت منهم مشيت شارع النيل كان في حتى كدا فيها أطفال مساكين دائما بكونو قاعدين هنا اول م وصلت و شافوني كلهم جوني جارين🤍 حضنتهم و قلتهم و قلت ليهم كويسين ردو علي كلهم بي حماس شديد سقتهم معاي و بقينا ماشين وقفنا في محل حلاوة قطن اشتريت ليهم كلهم و بقيت بضحك فيهم و اي واحد فيهم يجي يحكي لي شي براهوو بعدين اشتريت ليهم سندوتشات طعميه و اكلو و جينا قعدنا في محل كدا جمب الموية فيهو طين و بقو يلعبو بيه و يبنو بيوت اتزكرت زمان لمن كنت بعمل كدا و ابوي بساعدني عيوني لا اراديا دمعو قعدت معاهم تاني حبة و ودعتهم و قلت ليهم بجيكم تاني لأني حسيت لو قعدت اكتر حبكي حرفيا بزكروني بروحي زمان مع ابوي مشيت و مشيت عندي حتى كدا ماف زول بعرفها تقريبا غيري بعيده و علي النيل مباشره و في صخور في بداية الموية عندي صخرة كبيرة متعودة كل م اجي امشي ليهاا الجو الليله كان مغيم و حلوو شديد قعدت و بقيت بعاين للنيل🤍 حرفيا المكان دااا استكانتي بقيت براقب فالامواج وهي بتتدافع في بعضهاا 🤍 فجاه سمعت صوت خطوات قبلت سريع شفت ولد مدييني ضهرو وماشي مشى بعيد كداا شفتو قعد فالارض جمب الموية شديد ختتا يدينو في وشو باين انو ببكي ولا حيبكي م عارفة قمت من صخرتي و مشيت عليه ووقفت قداموو " يوسف " : الليله كان تاريخ وفاتها كل م اتزكر ماتت كيف بتملي غضبب والم و قهر للحظه رجعتا لي ورااا اتزكرت منظرها كيف كانت بتصرخ كيف كانت بتحاول تتفكى منو رجعت تاني للطفل العمرو 10 سنين العاجز انو يحمي امو💔 سقت عربيتي و م عارف وصلت هناك كيف نزلت و مشيت مشيت كتير لمن حصلت قدام النيل م كنت سامع ولا شايف اللحظه ديك كنت غرقاان في زكرياتي السوداا قعدت فالارض بخيبة أمل غطيت وشي بيديني م عشان كنت حبكي لا انا م ببكي الطفل العمرو 10 سنين داك انا قتلتو بس كنت بحاول انظم انفاسي حاسي جسمي كلو برجف انا انا شايفها قدامي بتصرخ فجاه سمعت صوت طلعني من بحر الافكار الانا غرقان فيه .. _ انتا كويس ؟ رفعت راسي و عاينت ليها سبحان الله نفس الموقف الاتلاقينا فيه أول مرة بس حاليا نحنا اكبر م رديت عليها _ علي فكرة _ شنو _ ربنا بحبك _........ قعدت جمبي بس م شديد وواصلت كلامها

*# طائر_مكسور_الجناح🖤《12》* *#بقلم_نبض_فوضى* ‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ " في عيناكي سحر لا يقام .. بها لون اشبه بالحلم .. بها بريق و كانهو من الجنه .. سارفع رايتي البيضاء .. فقد غرقت "..😴🤍✨ ______ " ملاك " : صحيت من النوم بصوت هبويه بتصرخخ فتحت عيوني لقيتا بتنطط فالغرفه و حاضنه التلفون _ اللهم عافي مرضى المسالمين لا اراديا فلقتني بالتفون😂😭 و جات جاريه _ واااااي م يكون اتكسر واااي ي امي لاا _ هااك يااخ هرستيني قوميي _ حمد الله حمد الله _ مالك بتنططي زي الطاقاك كهرباء عاينت لي وعيونا عاملين كدا " 😻😻 " قلوب قلوب حرفياا _ عمررر جااايب اهلوو و جااي يطلبني😭😭😭❤️❤️ _ وااااايي كذابه _ وربي جاااي😭❤️ حضنتها و بقيت انا زاتي بنطط معاها سلمى رفعت راسها _ ديل مالم ديل !!! _ يدلوك لجهنم _ اعوذ بالله منك دعايه خلااص _ قومي ي بت عندنا عرس _ فوتو انتو ولا شنو؟ _ لا ي غبيه الهانم دي جاي واحد يخارجنا منهاا قامت ناطه من السرير و بقت تنطط معانا😭😂 " يوسف " : كنت راكب مع عمر فالعربيه و ماشين محل تلفونات قال عايز يشتري واحد لزوجتو المستقبيله .. وصلنا محل كدا و اشترى ليها التلفون و نحنا طالعين شفت لي راجل خمسيني كداا مهندم و نازل من عربيه و كان بتنهر و بكورك في سيد المحل حق التلفونات و بذل فيه قدام الزباين و داك لمن دنقر ونحنا طالعين اديت الراجل داك نظرت توعد و بقينا مارقين .. " ملاك " : هبويه ورت امي وهي فكت الزغاريت و ضربت لي اعمامي وورتهم و ضربت لي خالي عمر ورتو و كلهم حيجو بعدين انا و سلووم نضفنا البيت خليناه يلمع زي كانو بكره العيد .. و امي مشت تجهز الضيافه سمعتها بتناديني _ ايوه يمه _ عايزاك تظبطي ليهم كيكتك حقت الشكلاته الظاابطه ديك _ حااضر من العين دي قبل العين ديك .. بقيت بعمل فيها سلمى جات و خلطت ليها عصير مشكل و دخلتو الفريزر عشان بعدين يكون ظاابط وقعدت تتفرج في كيكتي و تونس فيني _ دا شنو دا فزول بعمل كيكه من غير بيض؟؟؟ _ اااي انا _ الشي المحير بتطلع ليك سمحه شديد _ انتي لو كبيتي كاستر بدل البيض بكون ماف اي فرق بس الشي البختلف انو م بكون في ولا نكهت بيض لو لاحظتي نص الناس كيكهم بتكون نكهت البيض ظاهره و بكون م حلو بس يلا انا بحب الكاستر فبعملو و بطلع احلى من بي بيض بكتيير _ فعلا والله كيكك فظيعع خلصت و دخلتها الفرن .. بعداك مشينا لي هبويه لقيناها عامله ماسك لي وشها _ اعوذ بالله _ بتتعوذي مالك شفتي شيطان _ لا .. شفت شيطانه😂 مسكت التلفون عايزه تفنني بيه تاني ركزت في اخر لحظه المهم الزمن مشى لمن عاينت للساعه لقيتها عامله 5:30 _ هوي الزمن مشى هو قال ليكم بجو الساعه كم _ قال بعد المغرب _ طيب تعالي اكوي ليك شعرك كويت ليها شعرها و سلمى طلعت ليها فستان ظابط محصل لبستو طبعا حمكيجها انا احم احم ميكب ارتست .. عملت ليها ميكب بسيط و ناعم و طلع ظابط شديد و سرحت تسريحه ظريفه كدا و لبست فستانها و ختت الطرحه قلت ليها _ عسل بس والله _ طالعه قمر ما شاءالله _ خجلت🙈🤍 _ من متين داا _ دا العرس ي بيب عايز يغيرهاا مشينا لبسنا نحنا انا لبست فستان كحلي ظاابط كدا و معاه طرحه مشكله و جزمه فلاات م عملت ميكب اساسا م بحتاج 🙈😂 عارفه حتقولو شكار نفسو ابليس عارفاكم اناا " يوسف " : كنت واقف قدام المرايه برش في عطري كنت عايز اخلص من موضوع عمر عشان ارجع لانو وراي مشوار تاني الليلة جاء داخل عمر _ والله ي مان طالع اوسم من العريس م تعال نعرس ليك اختها _ م داير شيلهم الاتنين😂 ركبنا العربيه كلنا و مشينا علي بيت البت .. لمن وصلنا و دقينا الباب فتح لينا الباب راجل كدا و سلم علينا و فضلنا لي جواا فالهول .. قعدنا و جو قعدو معانا اعمام البت و خالها و امها و مرت خالها قالو عاينت لي عمر لقيتو يتلفت ساي .. قلت ليه بصوت واطي _ متحمس تشوفها هاا _ متحمس دي بسيطه بعد شويه خالي اتكلم و طلب البت من اعمامها وافقو بس قالو فالنهايه الراي راي البت امها مشت تسالها بعد شويه جات و قالت البت موافقه قرينا الفاتحه مرت خالي قالت نشوف البت امها مشت نادتها و بعد شويه جات و سلمت علينا و البت عجبت مرت خالي شديد و قعدتها جمبها .. شويه كدا و جو بتين يقدمو لينا الضيافه انا كنت بعاين فالارض لمن مدو لي الصينه عشان اشيل العصير رفعت راسي عايز اقول شكرا بس اشوفها ليكك انا بقيت منطط عيوني و بعاين ليها وهي نفس الشي

*# طائر_مكسور_الجناح🖤《11》* *#بقلم_نبض_فوضى* ‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ " انا لست بهذا السوء .. ولكن م مررت به .. كان الأسواء ".. ______ " ملاك " : ماسكه تلفوني و مستنيه الرساله حقتي المؤتمر انتهى و بقينا مستنين رسائل النتيجه .. شويه كداا سلمى وقفت و بقت تكورك _ ااااعععع نجحتا نجحتاااااااا قمت قعدت اكورك _ جيبتيي كممم جبتي كممم اتكلميييي _ 89😭😭😭😭🤍 _ وااااااااااايييي 😭😭😭 الحمدلله🤍🤍😭😭😭 و بقينا حاضين بعض و نبكي و نضحك و الزغاريت ديي ماليه المكاان امها جات حصنتها و كانت مدمعه و باركت ليها و كلهم باركو ليها _ انتي حقتك م طلعت ي ملاك؟؟ دا كان احمد بسال هنا انا ياادوب اتزكرت نفسي فتحت التلفون لقيت في رساله _ وااي وااي في رسالة😭 _ افتحيهاااا ي بت _ م قادره😭😭 هبويه قلعت مني التلفون و قرتها ملامح وشها إتغيرت بطريقه خوفتني _ هبه قولي جبت كم😭 _ والله ي ملاك م عارفه اقول ليك شنو كنت متوقعه منك اكتر من كدااا _ رسبت صح رسبت😭 _ يعني نوعاا ما جبتي 92 قعدت ابكي بكى كنت فرحاانه شديد بس داخله فيني خوفه ههه هبويه حضنتي قالت لي _ لازم العب ليك بي اعصابك ! _ حيوانه وحده😭 بقو كلهم يجو يباركو لينا قلنا ليهم ماشين انا و سلمى نجيب حلاوه من الدكان شلنا قروشنا و اتحركنا لقينا عثمان مقفل _ خلاص ارح في دكان ظابط فالحله التانيه دي _ ارح " نفس الحله الحصل ليها الموقف دااك " بقينا ماشين اشترينا حلاوتنا و بقينا راجعين اي زول نلاقي فالشارع ندي حلاوه و نقول ليه نجحنا😂😂 ونحنا ماشين لمحنا ولد ماشي كداا _ وااااااي ي ملاك شايفه الانا شايفاه دااااا _ مالك فشنو؟ لفتت لي راسي بي يدها شفت لي ولد ما شاءالله بجدد واقف قدام بيت كداا زاتو نفسيات _ ارحح نديه حلاوه _ بت ملاك بقول علينا مجانين _ من قبيل بندي فالناس م هماك قالو عننا شنو بس دا عشان انبرشتي فيه صح😏 _ ههه اي ارح خلاص _ السلام عليكم _........ _ " سلوم همست لي " دا اطرش ولا شنو قرصتهاا لمن كوركت _ و..وعليكم السلام _ اتفضل دي حلاوه نجاحنا الليله كانت نتيجتنا و بنوزع حلاوه بالمنسبة دي _ اا الف مبروك مديت ليه الحلاوة لقيتو بعاين لي فعيوني شديد انا لمن ركزت فعيونو حسيت اني شفتها قبل كداا م عارفه بس م قادره اتزكر _ يلا عن اذنك ومشينا منو _ شفتي بعاين ليك كيييف ! _ مممم م عارفه م ركزت _ ي بت كان بياكلك بعيونو اكل و حسيت بيه لمن شهق اول م شافك _ عيونو م غريبه علي _ شنو _ حاسه اني شايفه عيونو دي في مكان _ لونها بخوف شددييدد _ رمادي في ازرق لون اشبه بالقطب الجنوبي حاجة جميله شديد. _ جميله؟ انتي م خايفه من لون عيونو داا لونها غريب شديد اول مره اشوف لون زي دا _ حاسه اني شفتها قبل كدا والله _ لكنن النصحيه ي ملاكككك حاجة في قمه الوب علي ولا صوتوو واااايي اللهم الثبات _ ربنا يحفظو 🤍 " يوسف " : فضلت واقف كم دقيقه و انا حرفيااا م برمشش دي هي دي هيي اخخخ والله كنت عارف احساسي م بخيب سبحان من خلقها سبحان الله م قادر اصدق اني لاقيتها بعد السنين دي كلها كل السنين دي الحاجه الوحيده الكنت مشتاق ليها غير امي هي البت دي فجاه حسيت بزول بخت يدو فكتفي لمن اتخلعت _ يوسف مالك ههه اول مره اشوفك مخلوع في شنو منطط عيونك كدا شكلك يضحك _ لقيتا _ شنو هي _ لقيتا لقيتااااا و حضنتووو و قلت ليه اخوك و اخيرا لقاهاااا " ملاك " : رجعنا و من دخلنا الناس دي تبارك و ما شاءالله لمينا ثروه فظيعه 😂😂 و التلفونات دي تلفون ورا تلفون كل مره يدوني التلفون يقولو هاك فلان عايز يبارك ليكك مشينا ختينا الفطور وودينا للرجال حقهم و ختينا لينا نحنا و اكلنا و هبويه عملت القهوه و انا عملت الفنكوش و قعدنا بمزاااج " يوسف " : قاعدين انا و عمر في غرفتو و هو بحكي لي بالبت العايز يتقدم ليها شايف في عيونو الحب الشديد للبت دي بختها تلقى واحد زي عمر دا _ م وريتني اسمها منو _ هبه علي " ملاك " : مراا اليوم المتعب دا و سلمى طبعا حتبيت معاناا رتبنا البيت بعد الناس مشوو و جينا بقينا نتونس اما هبويه قاعده في ركن الغرفه بتخلط مع حبيبها عمر عاد ما شاء الله عمر السرور زول عسل ما شاءالله و ود ناس بجد و حتى امي بتعرفو وهو اساسا صاحبها من ايام الجامعه ..

_ عارفه ي سلمى _ احكي _ تقريبا اتزكرت دا منو _ اهاااا قولي _ دا نفس الولد الكان لاقيتو زماان مع ابوي كان ببكي جمب المكتبة مستحيل انساه بتذكرو كويس متاكده انو دا هو _ و الاكد ليك دا هو شنو _ عيونو ! ‌‌‌‌‌‌‌‌‌‌‌‌‌‌‌‌‏----------------------------------------------- --------------------- *صلو علي النبي♡* *يتبــــــــــــــــــــــــــــــــــــــــــــع♡* ‌‌‌‌‌‌‌‌‌‌‌‌‌‌‏