She'r sehri

*** Dunyo anoyimas – mugʻombir, makkor, Mulkini olaman deganing bekor. To uning molini qilguncha bozor, U sening oʻzingga boʻlur xaridor. Ipak qurt oʻzini hibs etar erkan, “Dunyoni ipakka oʻradim”, derkan. © Isroil Subhoniy @sherSehri

#16_июль_Омон_Мухтор_таваллуд_топган_кун МИНГ БИР ҚИЁФА (Омон Мухторнинг шу номдаги романини ўқиб) Бир ажиб қамоқхона – деворсиз, панжарасиз. Бунда турфа қиёфа Дев, орсиз, шажарасиз. Бунда ҳеч ким ўйламас, Маҳкумман, мазлумман, деб. Ҳамма ўз дарди билан Юрибди умрини еб. Ҳукмфармо зиндонда Гоҳ у, гоҳи бу банда. Ҳур руҳлар нафси ила Бандиланган ҳар танга. Ҳар жойда бўлганидек Бу ерда ҳам бўлиб тўп Бир-бирин сотмоқ бўлган Ниқоб таққан хоин кўп. Деворсиз, панжарасиз Зиндонда на ҳакам бор. Ҳеч бандининг исми йўқ, Фақатгина рақам бор. Туғилган ва ўлган вақт Қўшилиб жисм бўлмиш. Шу рақам то қиёмат Бандига исм бўлмиш. Бунда ҳеч ким ўйламас, Маҳкумман, мазлумман, деб. Ҳамма ўз дарди билан Юрибди умрини еб. Ҳукмфармо бўлмоқ-чун Хоинлар баҳс этарлар. Маҳкумларнинг ризқини Сотмоқ учун элтарлар. Маҳкумлар насибаси Қўшни зиндонга кетар. Неки бор бари-бари Бу манзилни тарк этар. Вақт кўзига қум тўлар, Кун сайин, соат сайин. Хоинлар иши бир кун Ошкор бўлмоғи тайин. Ҳайратланмас кўриб ҳеч, Бунда кўзлар кўз эмас. Ичга ютилар мудом Ҳатто сўзлар сўз эмас. Аждодларин унутган Маҳкумлар – шажарасиз. Бу зиндон шундай ажиб Деворсиз, панжарасиз. Ҳукмфармолар учун Маҳбуснинг қиммати йўқ. Бир тийин – темир матоҳ, Тийинча қиймати йўқ. Лек ҳеч маҳбус ўйламас, Бандиман, деб ҳеч қачон. Чунки эркинмиз, дея Уқтиришади ҳар он. Хуллас, тушимда шундай Манзилда яшаб ўтдим. Умримни минг тақсимлаб, Минг жойга ташлаб ўтдим. Тушимни сувга айтдим, Сув элтар, балки сизга... Дунё – зиндон, девори Кўринмас сизу бизга. Биз шундай озод тутқун, Нафс эрур кишанимиз. Қачон уйғонур юрак, Ғурур, иззат, шаънимиз?! Дилмурод ДЎСТ Telegram | Facebook | You tube | Instagram

16_июль_Омон_Мухтор_таваллуд_топган_кун МИНГ БИР ҚИЁФА (Омон Мухторнинг шу номдаги романини ўқиб) Бир ажиб қамоқхона – деворсиз, панжарасиз. Бунда турфа қиёфа Дев, орсиз, шажарасиз. Бунда ҳеч ким ўйламас, Маҳкумман, мазлумман, деб. Ҳамма ўз дарди билан Юрибди умрини еб. Ҳукмфармо зиндонда Гоҳ у, гоҳи бу банда. Ҳур руҳлар нафси ила Бандиланган ҳар танга. Ҳар жойда бўлганидек Бу ерда ҳам бўлиб тўп Бир-бирин сотмоқ бўлган Ниқоб таққан хоин кўп. Деворсиз, панжарасиз Зиндонда на ҳакам бор. Ҳеч бандининг исми йўқ, Фақатгина рақам бор. Туғилган ва ўлган вақт Қўшилиб жисм бўлмиш. Шу рақам то қиёмат Бандига исм бўлмиш. Бунда ҳеч ким ўйламас, Маҳкумман, мазлумман, деб. Ҳамма ўз дарди билан Юрибди умрини еб. Ҳукмфармо бўлмоқ-чун Хоинлар баҳс этарлар. Маҳкумларнинг ризқини Сотмоқ учун элтарлар. Маҳкумлар насибаси Қўшни зиндонга кетар. Неки бор бари-бари Бу манзилни тарк этар. Вақт кўзига қум тўлар, Кун сайин, соат сайин. Хоинлар иши бир кун Ошкор бўлмоғи тайин. Ҳайратланмас кўриб ҳеч, Бунда кўзлар кўз эмас. Ичга ютилар мудом Ҳатто сўзлар сўз эмас. Аждодларин унутган Маҳкумлар – шажарасиз. Бу зиндон шундай ажиб Деворсиз, панжарасиз. Ҳукмфармолар учун Маҳбуснинг қиммати йўқ. Бир тийин – темир матоҳ, Тийинча қиймати йўқ. Лек ҳеч маҳбус ўйламас, Бандиман, деб ҳеч қачон. Чунки эркинмиз, дея Уқтиришади ҳар он. Хуллас, тушимда шундай Манзилда яшаб ўтдим. Умримни минг тақсимлаб, Минг жойга ташлаб ўтдим. Тушимни сувга айтдим, Сув элтар, балки сизга... Дунё – зиндон, девори Кўринмас сизу бизга. Биз шундай озод тутқун, Нафс эрур кишанимиз. Қачон уйғонур юрак, Ғурур, иззат, шаънимиз?! Дилмурод ДЎСТ Telegram | Facebook | You tube | Instagram

Сен ташриф буюриб бизнинг ёқларга. Қаро кўзлариигга ошиқ этибсан. Фақат Дийдорингга тўймадим сени, Дарё бўлиб оқиб кетибсан!..

Йиллар шундай кечар, Сокин ва нотинч. Йиллар нимадандир безовта. Фақат ўтиб борар ҳаммаси беиз. Фақат учрашмадик сен билан қайта. …Қарагим келади ўтган кунларга, Хотиралар дилда уйғотиб шафқат. Фақат қаролмайман, қарасам агар, Жудоликлар кўринар фақат… Сен ташриф буюриб бизнинг ёқларга. Қаро кўзлариигга ошиқ этибсан. Фақат Дийдорингга тўймадим сени, Дарё бўлиб оқиб кетибсан!.. © Фарҳод Арзиев @sherSehri

* * * Яшаётган одамни кўрдим, Чумолидек ташир ғимирлаб. Aста қўлин тутиб, эргашдим, "Яшаш керак", қўйдим шивирлаб. Ўлаётган одамни кўрдим, Яшагиси келарди унинг. Қўлларидан маҳкам тутдиму, Эргашиб ҳам бўлмас, тушунинг. Яшаётган одамни кўрдим, Не учраса ғажирди мудом. Бир-бирини еб қўймасин, деб, Aзроилни яратмиш Худо. Ўлаётган одамни кўрдим, Капалакдай ётар питирлаб. Бўғзимдаги нонни ютдиму, " Ўлим ҳақдир! ", қўйдим шивирлаб. ©️Мансур Назаров @sherSehri

#dengiz —Sen dengizni ko'rganmisan? —Ha,ko'rganman. —Menga u haqida gapirib ber... —U ko'z yoshlardan yaralgan. —Nega unday deyapsan? —Chunki uning ta'mi sho'r... U sevgilisidan ayrilgan. —... —Shuning uchun u ayriliqqa bardosh berolmay,hayqirgani hayqirgan... U alamzada. —... —Shu sabab u halokatlar uyushtirib turadi... —Azizim,sen dengizga o'xshamaysan? —Nega? —Chunki yoningda men borman... ■Yulduz Ro'ziyeva Oyzoda @sherSehri

*** Бизни чалкаштирди соат миллари, Соатинг тўхтади ўн йил муқаддам. Ўн марта айланди менинг йилларим. Сен ўн йил кечикиб келдинг, Муҳаррам. Ҳаво қуюқ эди. Кеча бежон, кенг... Ҳеч умид йўқ эди ойдин рўзимдан. Вақтга (ўн йил аввал) келолмадим тенг, Вақт учди ажратиб мени ўзимдан. Бир сўзим бор эди — у сўз тўзиди, Бир ўйим бор эди — қуриди у ўй. Сен келдинг эритиб йиллар музини, Қаршимда бир олам турар баҳоррўй. Бесабр боқурсан, нотинч боқурсан, Уйқу бермагайсан шеърлар ёздириб. Бормасам — оламни ўтда ёқурсан, Кўзларинг қалбимга кирар бостириб. Тоқат қил. Шоширма, Мен бораяпман. (Пойимдан нур каби оқа бошлар Ер). Кетмагин. Мен сендан ўн йил нариман. Ўн йилдан ўтишга ўн дақиқа бер... Усмон Азим @sherSehri

*** Сен мактублар ёзасан ҳар кеч, Ўқимайман уларни аммо. Мен термайман рақамингни ҳеч, Келишингни кутаман ҳамон. Ваъдалар йўқ, келишувлар бор, Суратлар бор, термулай десанг. Ҳануз кетмай турибди баҳор, Мактублардан олдинроқ келсанг... Таскинимиз – шеър, қўшиқ, соғинч, Мен кутаман биргина имо. Сен мактублар ёзасан ҳар кеч, Юбормайсан уларни аммо. ©️Дадахон @dadaxonmuhammadiy