🌼pişko yasînî🌼

پێشکەش بە ڕۆحی چیایی مامۆستا جەلال مەلەکشا، ساڵڕۆژی کۆچ و یاد و هزری بەرز و پیرۆز و هەرمان. 🆔 @pshko_yasini60

ڕازی ئێوارە سریوەی ڕازی گوڵ زارن، نیگای سای وازی ئێوارە گزینگ ڕەنگ زەرد و دڵتەنگی کەنیشکی شازی ئێوارە برینجەی ئاوی نێو کانی دەڵێ نەغمەی هەتاو بۆ کەژ کەژ و کۆسار مەقام دەچڕن بە سروەی سازی ئێوارە چیا و ڕووبار، لە سایەی سێبەری ئەشقا بوو ون تێکەڵ شەپۆلانی چرۆی ژینە لە سینەی وازی ئێوارە چنارستان لە پاش کۆچی هەتاو، ورد ورد گەڵا دەڕژێ شەقام و گوڵ، لە ئاوەنگا دەڵێن ئاوازی ئێوارە هەموو ئێوارەیەک یاد و خەیاڵ دەمباتەوە جێژوان لە پڕ ناخم دەژاکێنێ، گوڵی بێ‌نازی ئێوارە چەنێ بێ تۆیی ڕێ پێوم لە سەیرانگا و شەقامی شار لە تەنیایی ئەشک ڕێژم، منی هاوڕازی ئێوارە لە نێو ئامێزی ئێوارە هەموو دونیا دەبێ ئارام سپاردوومی بە ئەستێران لە سەر شێوازی ئێوارە هەناسەی نێو دڵی «پشکۆ» ئەوینی ڕاستەقینەی تۆن عەشق ئێوارەشی خۆشە بزانی ڕازی ئێوارە!                     ✍ پشکۆ یاسینی @pshko_yasini60

لە وێرانەی دەروونم هەر مەپرسە شەو‌ و ڕۆژی ژیانم بۆتە پرسە! خودام ناسی و پەرەستوومە وەتای هەم لە ناسینی مرۆ، دڵ پڕ لە پرسە؟!                 ✍پشکۆ یاسینی @pshko_yasini60

چیتر پێویستت بە تەختەکلیل نییە. خزمەتێکی نوێی ئاسۆسافت بۆ بەکارهێنەرانی باتێکی تێلێگرامە. ئێوە دەنگی خۆتانی پێ دەدەن و ئەو بۆتان دەکات بە نووسراوە. دەتوانن لە ڕێگەی ئەم بەستەرەوە کەڵک لەو خزمەتگوزارییە نوێیەمان وەربگرن: https://t.me/AsosSoftSTT_bot

پاییز 🍂پاییز منم هەموو ڕۆژێ هەڵدەوەرم بە دەستی دۆست و دوژمنم!🍂                        ✍ پشکۆ یاسینی @pshko_yasini60

‍          🍂 پاییز 🍂 شنە بای سەردی ئێوارەی پاییز         بۆچی دڵتەنگی بو کامە ئازیز             تۆش وەک من دەستی باهۆز و خەزان بە باڕێزەی گوڵ دڵتی هەڵتەزان    تۆش داری هیوات گەڵای وەریوە   کۆچی ئازیزان جەرگتی بڕیوە      هەواران چوڵ و ئاوا بوو زەردە   هەر من و پاییز دڵمان پڕ دەردە   شەوە و دەروونم پڕ لە سریوە  ئەستێرەی خۆزگەم تینووی زریوە مانگ وا چارشێوی شەوی پۆشیوە سیخوار و شەختە دنیای تەنیوە    هەواران چوڵ و زەردە بوو ئاوا  هەر من و پاییز چاومان پر ئاوە   پاییزی خەمین پاییزی خەمین    وەرە هەر دووکمان با بە کوڵ بگرین تۆش بەوێنەی من دڵت بوو تۆتۆ  تۆ بۆ من بگری من ئەگریم بۆ تۆ          ✍ پشکۆ یاسینی @pshko_yasini60