ووتارەکانی رۆژی ھەینی

دەگێڕنەوە پیاوێک چووە حەمامی عمومی چاوی بە ئافتاوەیەک کەوت هەڵیگرت و ویستی کاری خۆی پێ ئەنجام بدات‌ هێشتا هەندێک هەنگاوی نەناوەبوو کە دەنگێک لە گوشەیەکەوە هاواری‌لی‌کرد ئەوە دابنێ ئەو ئافتاوەیەی تەنیشتی هەڵبگرە پیاوەکە راوەستا و بە سەرسوڕمانەوە پرسی ـمەگەر چی جیاوازییەک لەنێوان ئەم دووانەدا هەیە؟ خاوەنی دەنگەکە بە شانازی و وقارێکەوە وتی هیچ جیاوازییەک نییە... پیاوەکە پێکەنینی کرد و گوتی ئەگەر هیچ جیاوازییەک نییەئەم هەموو پێداگرییەت بۆ چییە؟ ئەو پیاوە ساتێک بێدەنگ بوو‌پاشان وتی ـئەگەر جیاوازییەک نەبێت ئەوا من لێرە چکاره‌م چەندە ئەم چیرۆکە ئاشنا و ناسراوە لە هەموو سەردەمێک و لە هەر دامەزراوە و ئیدارە و کۆمەڵێکدا، کەسانێک دەبینرێن کە نە کێشەیەک چارەسەر دەکەن‌نە ڕێگایەک دەکەنەوە نە بارێک لە شانەی خەڵک کەم دەکەنەوە بەڵام بۆ ئەوەی نەبوونیان هەست پێ نەکرێت لە بچووکترین شتەکانەوە قدرت دروست دەکەن و لە ئاسانترین کارەکاندا ڕێوشوێنی بێهۆ و پڕ لە تەشریفات دادەنێن. بوونی خۆیان بە خزمەتکردن نیشان نادەن بەڵکو بە فەرمان‌کردن‌و دەستوردایین دەیانەوێت خویان‌بسه‌پینن گویا ئەگەر کەسێک بەبێ مۆڵەتی ئەوان ئافتاوەیەک هەڵبگرێت‌مانا و فەلسەفەی بوونیان نامینیت چەندە پلە و پۆست هەن کە ئەگەر لێیان بپرسرێت سوودی ئامادەبوونت چییە وەڵامێکیان نابێت جگە لەوەی ئەگەر من نەبم‌کێ ڕەنگی ئافتاوە دیاری دەکات.