Délégation euphorix alliance promo 24

السلام عليكم و رحمة الله و بركاته

💢 توضيح و بيان .

طلبة سنة ثالثة طب دفعة euphorix alliance. ندعوكم جميعا من خلال هذا البيان إلى القراءة و الإستماع بعقلانية لفهم الأوضاع التي تجري من حولنا كطلبة و التي تمر بها دفعتنا خاصة . نرجوا منكم تفهم الوضع حتى تكون مطالبكم واقعية و مساعدة . حنا طلبة سنة ثالثة طب من المقرر و ككل عام نقراو في Amphi 4 ب emploi du temps كالتالي 12:30 _ 17:00 و هكا كانت بداية الأمر . من بعد واش صرا ؟ ال Amphi 4 صغير و ما كفاناش و اغلبكم ما ولاش يلقى بلاصة وين يريح . هنا وجب التدخل و رفع الوضع للإدارة . الإدارة واش دارت ؟! . تدخلت و دارت تعديل شامل في مخطط التدريس و l'emploi du temps . وين رجعت البرومو تاعنا تقرا ف Amphi 2 و 3 و هنا حلينا مشكل البلاص و وليتو كامل تريحوا و تستفادو من الكور . و لكن قلنا l'emploi du temps تبدل . كيفاش ؟! ولينا نبداو 14:00 و نكملوا على 18:30 . علاه تبدل هكا ؟! . لأنو كاين Promo 4 ème année يقراو قبلنا ف l'amphi 1.2.3 .و هوما علاه ما يرجعوش يقراو ف Amphi 4 كيما كنا حنا ؟؟!! . لأنو حتى هوما عددهم +1500 و خاصهم يقراو في مكان مساعد . صح علاه ما يديروهمش هوما يقراو حتى لل 18:30 ؟! . في برنامجهم عندهم les stages صباح من 8_12 . و يزيدو موراها ديركت les cours و بعدها يقراو des TD's اللي لازم يكونوا بعد les cours . و لهذا الأولوية ليهم . • قاع هكا ما تقبلناش الوضع و رفع شكاويكم للإدارة . و الإدارة طرحت كل محاولاتها باش تلقى مخطط مناسب و نظرا لقلة الإمكانيات من les Amphi و قاع . ما لقاتش مخطط انسب من هذا . و طلبت تفهمكم للوضع. التوقيت الحالي واش بيه ؟! . التوقيت قانونيا ما فيه حتى إشكال لأنو آخر التعليمات الوزارية تمديد الدراسة الليلة في الجامعات الجزائرية . تعليمة تقلعنا الحق في المطالبة باش نرجعوا فالوقت ( لو كان كاين حل او توقيت مناسب من الأساس ) . صح معليش نقراو . و لكن ظهر مشكل آخر ألا و هو النقل !! . الطلبة الداخليين المقيمين في الإقامات الجامعية النقل تاعهم يحبس على 17:15 . بينما الطلبة المقيمين في وهران و خاصة المناطق البعيدة ما عندهمش باش يروحوا لمنازلهم على ال 18:30 و خاصة في الشتاء . و هذا مشكل حقيقي وجب رفعه للإدارة و هذا واش درنا . ماشي تقرير و ماشي زوج . رفعنا شحال من تقرير بداية من أقل منصب في ادارة الكلية وصولا لل secrétaire général ( SG ) . و قالنا عليا انا نتكفل بالوضع و اتصل بالخدمات الجامعية الثلاثة (بير الجير. بلقايد . السانية) و سيتم توفير خطوط تمتد إلى غاية 18:30 حين خروج الطلبة . و كذلك خطوط أخرى خارج اطار الخدمات و اللي راح تكون من تكلفة الكلية لطلبة وهران بعد احصاء شامل للمناطق و عدد الطلبة اللي بحاجة للنقل . هذا أقصى حل ممكن تديروا الإدارة . لذلك راهي تطلب تفهمكم للوضع و لقلة الإمكانيات كطلبة واعيين و نخبة . تغيير التوقيت أمر صعيييب و شبه مستحيل. لانه مكاش اماكن نقراو فيها . و الحل هو توفير النقل اللي راح يكون ضمن أولوياتنا كمسؤولين باش نضغطوا على الإدارة باش توفروا في اقرب وقت. ضرك تبقى عندكم و نتمناو تتفهموا الوضع . باش ما نتأخروش بزاف و نضروا الدفعة من جوانب أخرى . التوقيت كما قلنا هو توقيت عادي و قانوني جدا استنادا للتعليمات الوزارية الأخيرة . و لا يوجد توقيت آخر مناسب . الحل هو توفير النقل و هذا الشي اللي راح نضربوا عليه . نرجوا تفهمكم دمتم بخير

Voilà le rapport :

Bonsoir tout le monde , pour les professeurs; J’ai discuté hier et aujourd’hui avec plusieurs enseignants, notamment la responsable d’Anapathologie ainsi l'enseignante de Sémiologie. Elles ont catégoriquement refusé cet emploi du temps. Plusieurs autres enseignants ont également indiqué qu’ils travaillent toute la journée entre les stages et l’hôpital, et qu’il leur est donc très difficile d’assurer des cours à des horaires aussi tardifs. Et donc pour bien comprendre la réalité de la situation, il faut savoir que le problème ne concerne pas uniquement les étudiants, mais aussi les enseignants.

📌▶️Programme d'enseignement de biochimie

Il y a un cours de physiopathologie à 15h30 avec le professeur Errouane.