جــرعــة طــب

كل اللي ف القناة يبعت فيديو قرآن كريم.. قصير ف التعليقات 🤍 + الأجر إن حد يسمعه #شاركنا_الخير

على فكرة انت جاي الدنيا عشان تبني لنفسك مكان في الجنه.. أوعى تنسى وتخدك الدنيا

هل يعلمُ الليلُ كم ذكرى تمرُّ بنا ‏من أوّل الحُلمِ حتّى طلعةِ الفَجرِ؟

يا ترى كيف ينام المرء في ليلة حققت فيها أحلامه ؟

من لمح خفيَّ لُطْفه= رَضِي بجميع فعله!

بين الفهم والوهم، تعجُّل مجوف 📚 بسم الله الرحمن الرحيم،

الحمد لله وحده والصلاة والسلام على من لا نبي بعده، وبعد..

قال العقلاء، من طلب العلم جملة، ذهب عنه جملة. وفي الزمن الـ إحنا فيه دا، بقا شعار الفرد فينا، الإنجاز السريع. وبناء على كدا انتشرت عدوى التعجل إلى ميدانٍ لا يثمر إلا بالصبر؛ وهو ميدان القراءة والتعلم. بقت القراءة السريعة، وبلع الفيديوهات الكتير، وجمع المصادر، بوابة توهم كتير مننا أن التحصيل يدرك من مجرد العبور السريع على السطور. وهذا لا محالة غير كافٍ لتحصيل المعاني، واكتساب الفهم وبناء وعي منهجي صحيح.

ولذلك بات الكتير عنده سطحية في الإدراك، وهشاشة معرفة.

في ظاهرة كدا إسمها Dunning Kruger، بتفسر الحالة دي، وهي أن واحد عنده كفاءة منخفضة في مجال معين ممكن يتوهم ويبالغ في أنه يقيم قدراته. بالبلدي كدا انت مش عارف الـ متعرفهوش، بالتالي معندكش إستعداد انك تدرس أو تحصل معلومة لانك مش عارف ان المعلومة دي موجودة أصلا. على عكس انك تكون عارف بوجود معلومة انت مش دارسها بشكل كويس، عندك استعداد انك تسترجعها لادراكك بوجودها. ودي من المهارات الـ انت كطالب طب، خاصة، محتاج انك تتحصل عليها اكتر من غيرك، ألا وهي مهارة تقييم مؤهلك العلمي وآدائك المهني. تعرف تقيم نفسك انت عارف ايه، ومش عارف إيه، وأيه الـ متعرفش انك متعرفهوش.

ودا لن تناله الا بكثرة الإستطلاع، وكثرة تهاهد المعلومة، وأُلفة التكرار.

عشان مهنتك عهدة، وثغر، وأمانة هتسأل عنها قدام ربنا يوم يقوم الأشهاد. لو هتحمل نفسك الامانة دي، محتاج تصبر، وتألف التكرار، وتدمن الوقوف على المعاني حتى تتشربها، وذلك لأن التمهل طريق الى التمكن. ولو مش قد مسؤلية المرضى الـ هَيَرِدوا عليك، إذا اطلع برا، ولا تكن ظلوما جهولا؛ ظلوما لنفسك جهولا بعاقبة تحميل نفسك هذه الأمانة. 📍 أذكر نفسي وإياكم بحديثٍ أخرجه الألباني، وحسنة، من طريق أم المؤمنين عائشة بنت أبي بكر – رضي الله عنهما – أنها قالت، قال النبي ﷺ، إنَّ اللهَ تعالى يُحِبُّ إذا عمِلَ أحدُكمْ عملًا أنْ يُتقِنَهُ.

بعض المعاني استوحيتها من استطلاعي في كتابات شيخنا علي بن آل حواء، لا تنسونا وإياه من صالح الدعاء، والسلام.. 🤍

#إجازة_برا_الجدول

أتبكي من فقدان شيء وأنت الذي قلت ( واصرف عنا شر ما قضيت )

ياااااااه تخيل يا أخي لما يكون الإنسان واثق وعنده هدف واحد وهو نفع الناس !؟ تخيل هذا التعليق من 7 سنوات ونصف الأخ يقول المهندس علاء مشاهداتك قليله ولكن استمر وذكر له حديث النبي صلى الله عليه وسلم رد المهندس علاء حامد حفظه الله وقال : الحمد لله نسأل الله القبول والبركه والله وبالله وتالله أظن أن من افضل من شرح السيره النبويه هو المهندس علاء حامد اللهم بارك شرح سيرة أو عقيدة أو قصص الأنبياء الصحيحه أو تفسير ، تلاقي نفسك فاهم وواعي بعد السماع للشيخ حفظه الله اللهم بارك وضع القبول للشيخ جميع دورات الشيخ ناجحه ونافعه بفضل الله اسأل الله أن يبارك في الشيخ ويحفظه اللهم آمين 🤍

سُئل: مَن أنت؟ فقال ببساطة الأكابر: "أنا اسمي أحمد الطيب، ولو سألتيني عن شغلانتي فأنا شيخ الأزهر" إِنَّ العَظِيمَ إِذَا تَوَاضَعَ رِفْعَةً ... سَادَ القُلُوبَ وَسَخَّرَ الأَجْيَالا

السلام عليكم ايه الأخبار الرسالة دي ليك لو أنت زعلان من نتيجتك أنا مش هقولك متزعلش لو أنت بذلت مجهود وكنت منتظر شي معين ومجاش فمن حقك تزعل وتعيط وتحترم ضعف نفسك عادي وطبعًا مستحيل تضحك وتبتهج عادي لأن أنت إنسان بيحس ويشعر ويتأثر بما يحيط به لكن اللي هقولهولك واللي لازم تكون متأكد منه هو الآتي: أولا: النتيجة طلعت خلاص وبقت أمر واقع فزعلك الطويل أو اكتئابك مش هيغيرها ثانيا: لا تسخط وأظهر الرضا لله عز وجل لأن ربنا شايلك حاجة حلوة قدام متقلقش ثالثا: أنت عملت اللي عليك ودا نصيبك ومهما حصل مكانش في حاجة هتتغير فمتقعدش تندم وتقول لو لو لأن لو تفتح عمل الشيطان رابعا: الثانوية مش نهاية العالم والمكان اللي انت رايحه هو دا بداية رحلتك أصلا فلازم تكون مستعد بقوة خامسا: ركز مجهودك دلوقت على اختيار أفضل مجال مناسب لمجموعك يعني شوف المتاح بالنسبالك واختار الأنسب والأفضل ليك (متختارش أعلى حاجة وخلاص) سادسا: أنا شوفت ناس كتير دخلت طب معايا وكليات قمة كتير ودلوقت بيحتسوا الندم احتساء كدا زي الشاي بالظبط سابعا: أنا برضو شوفت ناس المجموع مخدمهاش في الثانوية ولكنهم أبدعوا والله في مجالات مختلفة وتميزوا من صغرهم عادي جدًا ثامنًا: متحقدش على حد من صحابك لأن محدش خد حقك ولا خد نصيبك تاسعا: تقبل زعل أهلك لو زعلانين شوية لكنهم بيحبوك وبالنسبالهم أنت أهم شي فالدنيا بس عادي طبيعي يكونوا رافعين التوقعات وانت هتثبتلهم فيما هو قادم انك مميز وناجح عاشرا: يا صديقي الدنيا لا تستحق وأنت تعيش الحياة مرة واحده فخذ نفسًا عميقًا وقل الحمد لله ولا حول ولا قوة الا بالله رضيت يارب رضيت يارب فعوضني بما هو خير واترك نفسك لله وسلّم أمرك لله... ولا تخف، لا تخف فالله حافظك ومدبر أمرك لا تخف ولا تحزن فالله منجيك من كل كرب لا تجزع واطمأن وصلي هذه الليلة قيام ليل الحمد لله على كل حال وفي كل حال الحمد لله الحمد لله ـــ د. أسامة هاني

من جميل ما يُهدى:

ترشيح نافع. ✨

ما البودكاست، أو القناة، أو المادة الصوتية، او الكتاب/الرواية التي تركت فيكم أثرًا؟ شاركونا اختياراتكم، فضلا وليس أمرا. 🤍

قبل أي حاجة... مش من عادتي أتابع نتيجة الثانوية العامة أو أخبار الأوائل، لكن موقف حصل النهارده شد انتباهي جدًا، وحسيت إنه يستحق الوقوف عنده. فضيلة الإمام الأكبر شيخ الأزهر اتصل بالطالبة سما علشان يهنئها بعد ما حصلت على المركز الأول في الشعبة الأدبية بمجموع 99.15%. اللي رد على التليفون كانت والدتها. بعد ما باركلها على نجاح بنتها، قالتله بمنتهى البساطة والعفوية: "يا فضيلة الإمام... ممكن تشوفلي نتيجة سلمى؟ دي أختها التوأم، وهي في القسم العلمي." أي مسؤول في الدنيا كان ممكن يعتذر بأدب ويقول: "إن شاء الله حد هيتواصل معاكم." أو ينهي المكالمة لأنه أكيد كان وراه عشرات الاتصالات والارتباطات. لكن هنا ظهر الفرق... قدر قلب الأم. وعرف إن فرحتها مش هتكمل غير لما تطمن على بنتها التانية. فطلب يجيبوا النتيجة... واستنى بنفسه لحد ما ظهرت... ومقفلش المكالمة. ولما عرف إنها جابت 96% في الشعبة العلمية، قال للأم: "مبروك... كل الكليات مفتوحة قدامها." في لحظة بسيطة... حول فرحة في بيت إلى فرحتين. والجميل إن الموقف مخلصش عند كده... سأل عن والد البنتين، فلما الأم قالتله إنه مش موجود، قال بكل تواضع: "طيب... سلميلي عليه وقولي له فلان بيسلم عليك." مقالش: "شيخ الأزهر بيسلم عليك." ولا: "الإمام الأكبر بيسلم عليك." مع إن مكانته يعرفها القاصي والداني. لكن المتواضع الحقيقي لا يحتاج أن يذكّر الناس بمنصبه، لأن أخلاقه هي التي تعرفه. قال رسول الله ﷺ: «وما تواضع أحدٌ لله إلا رفعه الله.» رواه مسلم. وقال الله تعالى: ﴿وَعِبَادُ الرَّحْمَٰنِ الَّذِينَ يَمْشُونَ عَلَى الْأَرْضِ هَوْنًا﴾ [الفرقان: 63]. بصراحة... دي مش مجرد مكالمة تهنئة. دي درس في التواضع... ودرس في مراعاة مشاعر الناس... ودرس في احترام الأب والأم... ودرس إن عظمة الإنسان مش في منصبه، ولكن في أخلاقه. نسأل الله أن يبارك في فضيلة الإمام الأكبر، وأن يجزيه خير الجزاء، وأن يرزقنا جميعًا حسن الخلق والتواضع، فإن أخلاق الصالحين أثرٌ من أخلاق الأنبياء عليهم الصلاة والسلام. - د/ محمد سلامة.

"لكنني صبور يا الله، وضعتُ يدي فوق قلبي مئات المرّات في الأيام التي مضت، يَارب يدُك أرحم من يدي وعطفُك ولُطفك أعظم من خوفي وقلقي."

سلسلة ( أنت تقدر ) 🔥 1- وراء كل درجة حكاية لا يراها أحد

سلسلة ( أنت تقدر ) 🔥 1- وراء كل درجة حكاية لا يراها أحد

سلسلة وعي 🤍🩺 1- سوء استخدام الكورتيزون

لو هتختار رسالة توعوية واحدة توصلها للمرضى، هتكون إيه؟

فرحاً يصيب كل ديار الثانوية يارب العالمين ♥️🤲

كل ما يخص الكورتيزون 🔥

هل الكورتيزون صديق أم عدو ؟