Al-Azhar Zone 💪🔥

تقليل اغتراب المستنفذين والسنوات السابقة بداية من غدا الأحد من مكتب التنسيق في إدارة الجامعة بنين مدينة نصر الدور التاني ورسوم تقليل الاغتراب 413 من خلال فوري طريقة الدفع بص يسيدي 1️⃣ لينك الدفع https://www.azu.edu.eg/azharsr/Payment/AzharPayment وتختار خدمة تقليل الاغتراب مستنفذين - سنوات سابقة هتضغط عليها 2️⃣ هتكتب رقمك القومي وتعمل متابعة هتظهر بياناتك هتضغط على استكمال عملية الدفع 3️⃣ تكتب رقم تليفونك وتضغط استمر تكتب بريد الالكتروني بتاعك الا وهو الجيميل وتضغط استمر 4️⃣ طريقة الدفع ـ لو هتدفع على ماكينة فوري هتختار الرقم المرجعي ـ لو هتدفع ماي فوري في نفس اللحظة اختار ماي فوري ـ لو هتدفع فيزا اختار بطاقة الدفع أو بطاقة الخصم 🖋️لو اختارت الرقم المرجعي هيظهر الرقم المرجعي وهتروح لأي حد عنده فوري هتقوله السلام عليكم عاوز ادفع على كود 788 وتديه الرقم المرجعي وتحتفظ بالوصل وتصوره صورة وتتوجه للجامعة

🚨نتجية التحويلات وتقليل الاغتراب ظهرت https://azu.edu.eg/AzTanseekResult2026/

🚨 تم مد فترة التقديم للمدينة الجامعية ليوم الأحد القادم

🚨 كلية الطب البيطري بقت 6 سنين 5 دراسه + سنه امتياز

🚨 النهارده آخر يوم فى التسجيل للمدينه الجامعيه وتقليل الاغتراب والتحويل بين الكليات متضعيش الفرصه

جامعة الأزهر تعلن مد فترة التحويل إلى فصول التمريض ببني سويف حتى 8 أكتوبر المقبل تعلن جامعة الأزهر برئاسة الأستاذ الدكتور محمود صديق، مد فترة التحويل إلى فصول التمريض ببني سويف التابعة لكلية التمريض للبنات بالقاهرة، حتى الخميس الموافق ٢٠٢٦/١٠/٨م. وتُقدَّم طلبات التحويل إلى إدارة الكلية في المدة المحددة، حتى تتمكن من رفعها إلى إدارة الجامعة لإنهاء إجراءات قيد الطالبات. هذا وتحثُّ جامعة الأزهر الطالبات على سرعة التقدُّم للتحويل قبل انتهاء المدة المحددة، داعية الله- تعالى- للجميع بالتوفيق والنجاح.

الجماعه اللى طب النورمال عامل معاكم ايه 🙂 لو عاوزين حاجه ابعتو

🚨 الموقع رجع تانى

🚨 الموقع بتاع جامعة الأزهر واقع دلوقتي اول اما يفتح تانى هبلغكم

🚨قبل اما تدفعو الفلوس ادخلوا شوفوا الكليات المتاحه الاولى عشان الفلوس غير قابله للاسترداد يعنى لو دفعت ومحولتش مش هتعرف تاخد الفلوس تانى

🚨 التحويل المرادى ب 500 جنيه هتسجل بياناتك على الرابط وتروح تدفع وبعدين تروح الرابط التانى تستكمل إجراءات التحويل https://azu.edu.eg/Payment/AzharPayment

الكليات اللى هتظهرلك ده اللى ينفع تحولها أو تعمل فيها تقليل اغتراب لو الكليه مظهرتلكش يبقى مينفعش

التحويل وتقليل الاغتراب فتح لينك التحويل : https://azu.edu.eg/stdconv2026/ لينك تقليل الاغتراب: https://azu.edu.eg/AzMigration2026/

عاجل: بكرة بإذن الله، فتح ياب تقليل الاغتراب والتحويلات بين الكليات إلكترونيًا لطلاب الفرقة الأولى، وحتى يوم الجمعة المقبل بإذن الله - لينك تقليل الاغتراب والتحويلات في أول كومنت

تيسيرًا على الطلاب...جامعة الأزهر تتيح سداد مصروفات البرامج المتميزة إلكترونيًّا تعلن جامعة الأزهر إتاحة سداد مصروفات البرامج المتميزة للطلاب المتقدمين للالتحاق بها إلكترونيًّا وورقيًّا. وأوضحت جامعة الأزهر أنه تيسيرًا على الطلاب؛ تقرر سداد المصروفات إلكترونيًّا على هذا الرابط: https://azu.edu.eg/sep/DirectRegistration/index هذا، وتنبه الجامعة الطلاب إلى التأكد من صحة البيانات المسجلة قبل إتمام عملية السداد، والاحتفاظ بإيصال السداد الإلكتروني لتقديمه عند استكمال إجراءات الالتحاق، مع العلم أن سداد مصروفات طلب الالتحاق لا يُعد قبولًا نهائيًّا بالبرنامج إلا إذا كان الطالب مستوفيًا للشروط والضوابط المعلنة، وفي حدود الطاقة الاستيعابية المقررة لكل برنامج.

🚨 نتيجة المعاهد العليا ظهرت https://tansik.digital.gov.eg/application/Certificates/TAzhar/defaultAThanwy.aspx

الفرق بين انواع السكن عشان الناس اللى بتسأل عليه

🔴 الفرق بين أنواع السكن الجامعي - جامعة الأزهر.👇 📌 بمناسبة فتح التقديم للمدينة الجامعية بجامعة الأزهر فكتير منكم بيسأل وخصوصًا طلاب الفرقة الأولى فتعالوا نعرف مع بعض. 👇 🏠 أنواع السكن الجامعي 4 أنواع: 1️⃣ السكن العادي 2️⃣ السكن الاقتصادي 3️⃣ السكن المميز 🟢 أولًا: حاجات مشتركة بين الأنواع الأربعة 🔹 رسوم التسجيل على الموقع: 155 جنيهًا. 🔹 رسوم التقديم بعد القبول: 460 جنيهًا. 🔹 جميع الأنواع تشمل الأكل والشرب وفق نظام التغذية. 🔹 جميع الأنواع تخضع لنفس الغرامات والإنذارات والعقوبات عند وجود مخالفات. ━━━━━━━━━━━━━━ 1️⃣ السكن العادي 🏠 سكن قديم نسبيًا، ومن خدماته: 💧 مياه ساخنة 3 أيام أسبوعيًا. 🛏️ لكل طالب سرير وكرسي خاص. 🪑 المكتب والدولاب قد يكونان مشتركين. 👥 الغرفة من 2 إلى 6 طلاب حسب حجمها. 👥 بعض الصالونات يصل عدد الطلاب فيها إلى 12 أو 14 طالبًا. 🌬️ مروحة في الغرفة غالبًا. 🌿 بلكونة في كل غرفة. 💰 الرسوم الشهرية: ▫️ إقامة فقط: 110 جنيهًا. ▫️ إقامة + تغذية: 410 جنيهات. ━━━━━━━━━━━━━━ 2️⃣ السكن الاقتصادي – موجود في القاهرة فقط 🏠 سكن أحدث نسبيًا، والأثاث فيه أحدث من السكن العادي. 💧 مياه ساخنة طوال أيام الأسبوع. 🧊 ثلاجة داخل كل غرفة. 🛏️ لكل طالب سرير ودولاب ومكتب وكرسي خاص. 👥 الغرفة من 3 إلى 4 طلاب. 🌬️ مروحة في كل غرفة. 💰 الرسوم الشهرية: ▫️ إقامة فقط: 460 جنيهًا. ▫️ إقامة + تغذية: 760 جنيهًا. ━━━━━━━━━━━━━━ ━━━━━━━━━━━━━━ 3️⃣ السكن المميز – موجود فى القاهرة فقط ⭐ يعتبر من أعلى وأحدث أنواع السكن، ويوفر خدمات وتجهيزات أفضل. 💧 مياه ساخنة باستمرار. 🛏️ لكل طالب سرير وكرسي ومكتب ودولاب خاص. 🧊 ثلاجة داخل الغرفة. 🌬️ مروحة. 🌿 بلكونة. 💰 الأسعار حسب عدد الأفراد في الغرفة: 👤 فرد واحد: ▫️ بدون تغذية: 1110 جنيهًا ▫️ بالتغذية: 1410 جنيهًا 👥 فردان: ▫️ بدون تغذية: 860 جنيهًا ▫️ بالتغذية: 1160 جنيهًا 👥 3 أفراد: ▫️ بدون تغذية: 660 جنيهًا ▫️ بالتغذية: 960 جنيهًا 👥 4 أفراد: ▫️ بدون تغذية: 560 جنيهًا ▫️ بالتغذية: 860 جنيهًا

اللى واقف معاه حاجه فى طلب الالتحاق يبعتلى على رسايل القناه وانا هعملهوله