Bac with Fidaa

البناااتت كامل هنا تعيشو صوتو على عبد الرحمان

بعد ما هدرنا البارح على خطة أكتوبر، وعلى وين لازم تكونوا واصلين في كل شعبة وموادها 👀 حبيت نعرف منكم: وش حابين نديرولكم ثاني في القناة؟ كاين فكرة، سلسلة، محتوى، شرح، تحدي، طريقة متابعة… أي حاجة حابين تشوفوها هنا، قولوهالي 🤏🏻 أي فكرة ولا اقتراح حابين تقولوه، اكتبوهولي في تعليقات هذا المنشور بالضبط، باش نجمعهم كامل ونشوف واش نقدر نطبّقلكم 🤍 وبالنسبة للـ بريفي 😭 راكم بعثتولي أكثر من 30 وحدة، راني نجاوب عليكم بالعقل بالعقل 😂 جاوبت على جزء ومازال نكمل على الباقي، يعني اصبروا عليّ شوية، ما نسيت حتى وحدة برك الجماعة لي عندها اكثر من يوم ما رديتش عليها ترسل تذكرني 🤍

توضيح البنات الكتبة راكي مهيش غير هاذي اضغطوا على هذاك السهم الصغير 🥹💡🫰🏻

🗒ملاحظة : نخليو نهار الجمعة مغلق 🔒 لا يوجد ارسال في القناة لتصل الخطة لأكبر عدد من الطالبات وفقكن الله ساهمن بنشر الفائدة لزميلاتكن وأجيب غدا ويوم السبت على من ارسلن لي خاص اي سؤال هنا 👇🏻 بوت القناة : @Bacwithfidaabot حسابي : @Bac2027ai ولا تنسوا المسابقة : https://t.me/c/4294621977/663

🌍 شعبة لغات أجنبية | أهداف أكتوبر 🎯

وين لازم نكونو تقريبًا مع نهاية أكتوبر؟ 🇬🇧 اللغة الإنجليزية — مادة أساسية - إكمال حوالي 70% من الوحدة الأولى. - بناء رصيد معتبر من المصطلحات والمفردات. - إتقان طريقة كتابة الفقرة واستعمال المفردات والقواعد فيها. - حل 4 مواضيع كاملة على الأقل خلال الشهر. - وما نستناوش حتى نكملو الوحدة باش نبدأو المواضيع؛ الموضوع نفسه راح يساعدنا نتعلمو ونكتشفو نقاط جديدة في الوحدة. 🇫🇷 اللغة الفرنسية — مادة أساسية - إكمال حوالي 70% من الوحدة الأولى. - حفظ وفهم عدد معتبر من المصطلحات. - التدريب على كتابة الفقرة واستعمال ما تعلمناه فيها. - حل 4 مواضيع كاملة على الأقل خلال أكتوبر. - نستعملو المواضيع كوسيلة للتعلم والتطبيق، ماشي غير كاختبار في نهاية الوحدة. 🇪🇸 الإسبانية / 🇩🇪 الألمانية — المادة الأساسية الثالثة كل طالبة تطبق الهدف حسب اللغة اللي تقراها: - إكمال حوالي 70% من الوحدة الأولى. - بناء رصيد جيد من المفردات والمصطلحات. - التدريب على القواعد واستعمالها في جمل وفقرات. - حل عدد من المواضيع والتطبيقات على ما تمت دراسته خلال الشهر، مع التركيز على المواضيع الموجودة في البرنامج. 📚 اللغة العربية - التقدم في الوحدة الأولى. - حل موضوع كامل واحد على الأقل خلال الشهر. - ما نستناوش حتى نكملو البرنامج كامل باش نبدأو المواضيع؛ الموضوع يساعدنا نفهمو طريقة الأسئلة ونكتشفو واش لازمنا نراجعوه. 🧠 الفلسفة - فهم المقالة الأولى المبرمجة بشكل جيد. - التركيز بقوة على المنهجية: فهم الإشكالية، بناء المقالة، ترتيب الأفكار وتوظيف الحجج. - ما نشتتوش رواحنا في عدة مقالات؛ الهدف في أكتوبر هو إتقان طريقة العمل على المقالة الأولى قبل الانتقال لغيرها. 📜 التاريخ - إكمال وحفظ الدرس الأول: بروز الصراع وتشكل العالم. - نقسموه على الأسابيع الأربعة لأنه طويل، مع مراجعة الأجزاء السابقة باستمرار. 🌍 الجغرافيا - إكمال وحفظ الدرس الأول. 🕌 العلوم الإسلامية - حفظ حوالي درسين وتثبيتهما جيدًا. 🎯 هدف أكتوبر في اللغات باختصار: 🇬🇧 الإنجليزية = 70% من الوحدة الأولى + 4 مواضيع + مفردات + فقرة 🇫🇷 الفرنسية = 70% من الوحدة الأولى + 4 مواضيع + مفردات + فقرة 🇪🇸/🇩🇪 اللغة الثالثة = 70% من الوحدة الأولى + تطبيقات ومواضيع 📚 العربية = الوحدة الأولى + موضوع واحد على الأقل 🧠 الفلسفة = مقالة واحدة + منهجية قوية 📜 التاريخ = الدرس الأول محفوظ 🌍 الجغرافيا = الدرس الأول محفوظ 🕌 الشريعة = حوالي درسين

البنات توضيح الكتبة راهي بزاف اضغطوا على السهم الصغير وشكرا 🤗

📚 شعبة آداب وفلسفة — أهداف أكتوبر

📚 اللغة العربية - التقدم بشكل واضح في الوحدة/المحور الأول. - حل 5 مواضيع كاملة خلال الشهر. - المواضيع نجيبوها من اختبارات وفروض الفصل الأول الموجودة في Exam DZ/التعليمة الجزائري. - وما نستناوش حتى نكملو البرنامج باش نبدأو المواضيع؛ بالعكس، الموضوع نفسه راح يعلمنا دروس جديدة ويخلينا نتعودو على طريقة الأسئلة والإجابة. 🧠 الفلسفة - فهم المقالة الأولى المبرمجة بشكل جيد جدًا. - التركيز بشكل كبير على المنهجيات: كيفاش نفهمو الإشكالية؟ كيفاش نبنيو المقالة؟ كيفاش نوظفو الحجج والأمثلة؟ - ما نشتتوش رواحنا في عدة مقالات؛ مقالة واحدة نفهموها مليح خير من عدة مقالات محفوظة بلا فهم. - المعطيات والأقوال والحجج نحفظوها بعد ما نفهمو كيفاش تخدم المقالة. 📜 التاريخ - إكمال وحفظ الدرس الأول: بروز الصراع وتشكل العالم. - نقسموه على الأسابيع الأربعة لأنه طويل، مع مراجعة الأجزاء السابقة باستمرار. 🌍 الجغرافيا - إكمال وحفظ الدرس الأول. - مع مراجعة واسترجاع المعلومات، ماشي القراءة فقط. 🕌 العلوم الإسلامية - حفظ حوالي درسين خلال الشهر. - مع تثبيت العناوين والعناصر والمصطلحات المهمة. 🇫🇷 الفرنسية - الوصول إلى جزء كبير من الوحدة الأولى، حوالي 50% أو أكثر. - بناء رصيد معتبر من المصطلحات. - تعلم كتابة فقرة من البداية. - حل موضوع كامل واحد على الأقل، ونستعملو الموضوع باش نتعلمو منه، ماشي شرط نكونو كملنا الوحدة كاملة قبل ما نحلّوه. 🇬🇧 الإنجليزية - التقدم في جزء كبير من الوحدة الأولى، حوالي 50% أو أكثر. - حفظ عدد معتبر من المصطلحات والمفردات. - تعلم كتابة فقرة واستعمال المفردات والقواعد فيها. - حل موضوع كامل واحد على الأقل والتعلم منه أثناء التصحيح. 📐 الرياضيات - فهم جزء من دروس الوحدة الأولى. - ماشي شرط إكمال الوحدة كاملة. - تطبيق ما تعلمناه في تمرينين أو ثلاثة على الأقل. - الهدف هو نبنيو أساس مليح وما نخلوش الرياضيات تتراكم، بدون ما تاخذ مساحة أكبر من المواد الأساسية للشعبة. 🎯 هدف أكتوبر في آداب وفلسفة باختصار: العربية = الوحدة الأولى + 5 مواضيع الفلسفة = مقالة واحدة مفهومة + منهجيات قوية التاريخ = الدرس الأول محفوظ الجغرافيا = الدرس الأول محفوظ الشريعة = حوالي درسين الفرنسية = 50%+ من الوحدة الأولى + مصطلحات + فقرة + موضوع الإنجليزية = 50%+ من الوحدة الأولى + مصطلحات + فقرة + موضوع الرياضيات = جزء من الوحدة الأولى + 2–3 تمارين

البنات توضيح الكتبة راهي بزاف اضغطوا على السهم الصغير وشكرا 🤗

⚙️ شعبة تقني رياضي — أهداف أكتوبر

⚙️ الرياضيات نعتمد نفس السقف تاع شعبة الرياضيات: - إكمال الدوال العددية 100%. - تمارين متنوعة وكثيفة عليها. - البدء في الدوال الأسية. - حل تمرين أو تمرينين على الأقل عليها. ⚡ الفيزياء - فهم جزء كبير من الوحدة الأولى. - حوالي 10 تمارين متنوعة على الوحدة الأولى. - التركيز على الفهم والتطبيق وتصحيح الأخطاء. 🛠️ التكنولوجيا هنا ما راحش نخترعو هدف من عندنا. بما أن الخطة ما فيهاش شخص درس تقني رياضي ويقدر يحدد بدقة وين لازم تكون المادة في نهاية أكتوبر، نخليوها مفتوحة مؤقتًا. 📌 الطالبات المجتهدات في الشعبة، اللي عندهم تصور واضح على تقدم البرنامج، يقدرو يشاركو مع الباقي واش لازم يكون الهدف الواقعي للمادة في نهاية أكتوبر. الفكرة أن الهدف يكون من داخل الشعبة نفسها، ماشي تخمين. 📜 التاريخ - حفظ الدرس الأول: بروز الصراع وتشكل العالم. 🌍 الجغرافيا - إكمال وحفظ الدرس الأول. 🕌 العلوم الإسلامية - حوالي درسين محفوظين ومثبتين. 🇫🇷 الفرنسية - حوالي نصف الوحدة الأولى أو جزء كبير منها. - رصيد معتبر من المصطلحات. - تعلم كتابة فقرة. - حل موضوع كامل واحد على الأقل. 🇬🇧 الإنجليزية - جزء كبير من الوحدة الأولى. - حفظ مصطلحات كثيرة. - تعلم كتابة فقرة. - حل موضوع كامل واحد على الأقل. 🧠 الفلسفة - فهم المقالة الأولى المبرمجة. - التركيز الكبير على المنهجيات. - فهم طريقة بناء المقالة قبل حفظ المعطيات. 📚 العربية - التقدم في الوحدة الأولى. - حل موضوع كامل واحد على الأقل. 📌 ملاحظة: العلوم الطبيعية ليست ضمن مواد شعبة تقني رياضي، لذلك ما نديرولهاش هدف.

البنات توضيح الكتبة راهي بزاف اضغطوا على السهم الصغير وشكرا 🤗

📐 شعبة الرياضيات — أهداف أكتوبر

📐 الرياضيات هنا نرفعو السقف شوية: - إكمال الدوال العددية 100%. - تطبيق مكثف عليها، مع تمارين متنوعة في دراسة الدوال، النهايات، الاشتقاق، التغيرات والتمثيل البياني. - حل وضعيات تجمع أكثر من فكرة، وما نبقاوش في التمارين المباشرة فقط. - البدء في الدوال الأسية. - حل تمرين أو تمرينين على الأقل في الدوال الأسية باش تكون البداية صحيحة. ⚡ الفيزياء - فهم جزء كبير من الوحدة الأولى. - تلخيص النقاط المهمة. - الوصول إلى حوالي 10 تمارين متنوعة على الوحدة الأولى خلال الشهر. - التركيز على فهم طريقة الحل، وليس حفظ نماذج التمارين. 🧬 العلوم الطبيعية - إكمال دروس الوحدة الأولى. - فهم الأفكار الأساسية والروابط بينها. - حل تمرين واحد على الأقل على الوحدة. - الهدف هنا ماشي نعطي العلوم نفس حجم الرياضيات والفيزياء، لكن ما نخليوهاش مهملة. 📜 التاريخ - حفظ الدرس الأول: بروز الصراع وتشكل العالم كاملًا. - تقسيمه على الأسابيع الأربعة مع مراجعة الأجزاء السابقة. 🌍 الجغرافيا - إكمال وحفظ الدرس الأول. 🕌 العلوم الإسلامية - حفظ حوالي درسين مع تثبيت العناصر والعناوين. 🇫🇷 الفرنسية - إكمال جزء كبير من الوحدة الأولى، تقريبًا 50% أو أكثر. - بناء رصيد معتبر من المصطلحات. - تعلم كتابة فقرة. - حل موضوع كامل واحد على الأقل. 🇬🇧 الإنجليزية - التقدم في جزء كبير من الوحدة الأولى. - حفظ عدد معتبر من المصطلحات. - تعلم كتابة فقرة واستعمال المفردات والقواعد فيها. - حل موضوع كامل واحد على الأقل. 🧠 الفلسفة - فهم المقالة الأولى المبرمجة. - التركيز بشكل كبير على المنهجيات. - تعلم كيفاش نفهم الإشكالية ونبني المقالة ونوظف الحجج. - ما نشتتوش رواحنا في عدة مقالات؛ مقالة واحدة نفهموها مليح. 📚 اللغة العربية - التقدم في الوحدة الأولى. - حل موضوع كامل واحد على الأقل، والاستفادة منه في تعلم الدروس وطريقة الإجابة.

البنات توضيح الكتبة راهي بزاف اضغطوا على السهم الصغير وشكرا 🤗

🎯 شعبة العلوم التجريبية — وين لازم نكونو في 31 أكتوبر؟ 👇🏻😌

🧬 العلوم الطبيعية بنهاية أكتوبر، لازم نكونو: - كملنا الوحدة الأولى فهمًا وتطبيقًا. - ماشي غير قراينا الدروس؛ لازم طبقنا عليهم وحللنا وثائق وتمارين. - وبدأنا الوحدة الثانية، يعني دخلنا فيها فعلًا: فهمنا بدايتها وبدينا نطبق عليها بالتدريج. 📐 الرياضيات الهدف واضح: - نكونو كملنا الدوال العددية 100%. - ماشي إكمال الدروس فقط؛ لازم تكون خدمتنا عليها معتبرة من التمارين. - نطبق على مختلف أنواع الدوال والوضعيات، ونركز على دراسة الدالة، النهايات، الاشتقاق، التغيرات والتمثيل البياني حسب ما تمت دراسته. ⚡ الفيزياء - نكونو فهمنا جزء كبير من الوحدة الأولى. - نكونو طبقنا عليها، والهدف حوالي 10 تمارين متنوعة خلال الشهر. - التركيز يكون على الفهم ثم التطبيق، ماشي جمع عدد كبير من التمارين بلا تصحيح وفهم للأخطاء. 📜 التاريخ - نكونو حفظنا الدرس الأول كاملًا: «بروز الصراع وتشكل العالم». - لأنه درس طويل، ما نخلوهش لآخر أسبوع؛ يتقسم على الأسابيع الأربعة مع مراجعة ما سبق حفظه. 🌍 الجغرافيا - نكونو كملنا وحفظنا الدرس الأول. - مع مراجعة واسترجاع، ماشي قراءة متكررة فقط. 🕌 العلوم الإسلامية - الهدف حوالي درسين محفوظين ومثبتين. - ومع كل درس، التركيز على العناوين والعناصر والمصطلحات المطلوبة، ماشي حفظ المعنى العام فقط. 🇫🇷 الفرنسية - نكونو قطعنا جزءًا معتبرًا من الوحدة الأولى، تقريبًا نصفها أو أكثر حسب التقدم. - نبنيو رصيد مليح من المصطلحات والمفردات. - نتعلمو كيفاش نكتبوا فقرة بطريقة صحيحة. - ونكونو حلينا موضوعًا كاملًا على الأقل، ونستعملوه كوسيلة للتعلم، مشي شرط نكونو كملنا كامل البرنامج قبل ما نحل الموضوع. 🇬🇧 الإنجليزية - نفس الفكرة تقريبًا: نكونو وصلنا إلى جزء كبير من الوحدة الأولى، حوالي نصفها على الأقل. - نحفظو رصيد معتبر من المصطلحات والمفردات. - نتعلمو أساسيات كتابة فقرة ونطبقو عليها. - والهدف النهائي خلال الشهر: حل موضوع كامل، باش نتعلمو من الموضوع ونكتشفو كيفاش تتطبق الدروس في الأسئلة. 🧠 الفلسفة هذا الشهر ما نحبوش نشتتو رواحنا في عدة مقالات. مقالة واحدة فقط، بصح تتقرا مليح مليح. بالنسبة للشعبة العلمية، المقالة المبرمجة هي مقالة العلم والفلسفة. الهدف: - نفهمو الإشكالية مليح. - نفهمو كيفاش تمشي المقالة. - نتعلمو المنهجية. - نفهمو طريقة المقارنة والجدل حسب المطلوب. - نعرفو كيفاش نبنيو المقالة ونستعملو الحجج والأمثلة. والأهم: ❌ ما نروحوش نحفظو صفحات من المعطيات اللي عطاهالنا الأستاذ وإحنا ما فهمناش أصلًا كيفاش نحل المقالة. هذا الشهر المنهجية أولًا، ثم المعارف والمعطيات. 📚 اللغة العربية - نكونو تقدمنا في الوحدة/المحور الأول. - ونكونو حلينا موضوعًا كاملًا على الأقل، باش نتعلمو من التطبيق وما نبقاوش نستناو حتى نكملو البرنامج كامل. --- 🎯 الخلاصة في 31 أكتوبر نحب طالبة العلوم التجريبية تكون وصلت تقريبًا إلى: 🧬 علوم: الوحدة 1 كاملة + بداية الوحدة 2 📐 رياضيات: الدوال العددية كاملة + تمارين كثيرة ⚡ فيزياء: جزء كبير من الوحدة 1 + حوالي 10 تمارين 📜 تاريخ: الدرس 1 محفوظ 🌍 جغرافيا: الدرس 1 محفوظ 🕌 شريعة: حوالي درسين محفوظين 🇫🇷 فرنسية: جزء كبير من الوحدة 1 + مصطلحات + فقرة + موضوع كامل 🇬🇧 إنجليزية: جزء كبير من الوحدة 1 + مصطلحات + فقرة + موضوع كامل 🧠 فلسفة: مقالة العلم والفلسفة مفهومة + المنهجيات متثبتة 📚 عربية: تقدم في الوحدة الأولى + موضوع كامل

البنات توضيح الكتبة راهي بزاف اضغطوا على السهم الصغير وشكرا 🤗

نجو لوين لازم تكونو في كل مادة لكل الشعب ❤️‍🔥🫰🏻 متحمسين ؟

ما نكملش زعفت 🙂