الـدّكـتـور فـي الـثـانـويـة الـعـامـة

الكثافة طردي مع العدد الذري يبقا اكبر عناصر السلسلة في الكثافة ده الخارصين يبقا جلفنة المعادن النحاس ده اكبر عناصر انتقالي في السلسلة في الكثافة عشان الخارصين مش هيكون غير انتقالي مش هيكون معانا لكن في السؤال قالك اكبر العناصر وسكت محددش انتقالي والا غير انتقالي يبقا الخارصين ✅

ولو مش عارف مين اكبر واحد ومين اقل التجميعة اهي كنت منزلها قبل كده👆

جبتلك تجميعة حلوة اوي هتفيدك👇 1️⃣اكبر عناصر السلسلة الانتقالية الاولي حجما هو Sc ♡♡♡♡♡♡♡♡♡♡♡♡♡♡ 2️⃣اقل عناصر السلسلة الانتقالية الاولي حجما هوNi ♡♡♡♡♡♡♡♡♡♡♡♡♡♡ 3️⃣اكبر عناصر السلسلة الانتقالية الاولي في درجة الانصهار هوCr ♡♡♡♡♡♡♡♡♡♡♡♡♡♡♡ 4️⃣اقل عناصر السلسلة الانتقالية الاولي في درجة الانصهار هوCu ♡♡♡♡♡♡♡♡♡♡♡♡♡♡♡♡♡♡ 5️⃣اكبر عناصر السلسلة الانتقالية الاولي في درجة الغليان هوSc ♡♡♡♡♡♡♡♡♡♡♡♡♡♡♡♡♡ 6️⃣اقل عناصر السلسلة الانتقالية الاولي في درجة الغليان هو Mn ♡♡♡♡♡♡♡♡♡♡♡♡♡♡♡♡ 7️⃣اكبر عناصر السلسلة الانتقالية الاولي في النشاط الكيميائي هو Sc ♡♡♡♡♡♡♡♡♡♡♡♡♡♡♡♡ 8️⃣اقل عناصر السلسلة الانتقالية في النشاط الكيميائي هوCu ♡♡♡♡♡♡♡♡♡♡♡♡♡♡♡♡ 9️⃣اكبر عناصر السلسلة في العزم المغناطيسي في الحالة لذرية هوCr ♡♡♡♡♡♡♡♡♡♡♡♡♡♡♡ 🔟اقل عناصر السلسلة الانتقالية في حالة التاكسد هو

اعلي كتلة ذرية ده النحاس اعلي درجة انصهار ده الكروم التشابه اي درجة النشاط ❌ النحاس محدود النشاط لكن الكروم متوسط عدد الكترونات المستوي الرئيسي التالت❌ المستوي الرئيسي التالت بيضم اي مستوي قبله 3 (3S, 3p, 3d) تجمع الكترونات التلات مستويات دول يقولك الرئيسي التالت فيه كام وطالما الكروم والنحاس مختلفين في الكترونات 3dهيبقوا مختلفين في الكترونات المستوي الࢪئيسي التالت هتلاقي الكروم (2+6+5)=13الكترون النحاس(2+6+10)=18الكترون الخواص الكيميائية❌ طبعا ايختلفوا لان دي في مجموعة وده في مجموعة تانية خالص وظهر الاختلاف ده في استخدامات كل واحد الكترونات المستوي الرئيسي الاخير ✅ (الرئيسي الاخير اللي هوا الرئيسي الرابع يعني اي حرف قدامه4)مفيش غير 4S وفعلا في الاتنين فيها الكترون واحد بس ففعلا قد بعض

اللي بيغير الكتلة عشان الشوائب اللي بتطلع دي عملتين التركيز ودي فيزيائية التحميص ودي كيميائية في السؤال بيقول عملية فيزيائية يبقا تركيز مش تحميص التكسير والتلبيد دول مش بيغيروا الكتلة دوي بيخلوا الكبير حتت صغيرة وبعدين الحتت صغيرة تبقا كبيرة تاني لكن الكتلة هي نفسها

عايز حديد من اكسالات حديد تمسك الاكسالات تعملها انحلال حراري بمعزل عن الهواء يديك👇 FeO تمسكه تعمله اكسده يديك👇 Fe2O3 تمسكه تعمله اختزال عند اكتر من700درجة يديك👇 Fe يبقا انحلال حراري ثم اكسدة ثم اختزال واحد تاني ايشغل دماغه هيقولك طيب ما انا ممكت اختزل الFeOعند اكتر من 700 ويدينيFeعلي طول انحلال اكسالات بمعزل عن الهواء👇 Feo اختزال عند اكتر من 700 👇 Fe اكسدة👇 Fe3O4 انت كده عملت اي يا صديقي هوا عايز حديد مش اكسيد حديد مغناطيسي يبقا الترتيب الصحيح انحلال حراري ثم اكسدة ثم اختزال

99٪ منكم راح اختار لاشي مما سبق باعتبار ان العنصر ده سكانديوم وده انتقالي في الدورة الرابعة يصديقي العزيز اللي بيدخل في المصابيح دي السكانديوم والزئبق لانه من اسمها مصابيح ابخرة الزئبق وهوا في السؤال قالك عنصر وسكت محددش فيحتمل السكانديوم والزئبق وعشان تعرف دقة السؤال قالك قد يعبر بيقولك قد يعني في احتمالية انها تكون اكتر من حاجة طبعا الزئبق تحت تحت الخارصين في نفس المجموعة واحنا عارفين المجموعة دي غير انتقالية والزئبق بيقع في السلسلة الانتقالية التالته يعني الدورة الرابعة يبقا عنصر غير انتقالي يقع في الدورة السادسة بفكرك الخارصين والكادميوم والزئبق دول بتوع2Bعناصر غير انتقالية عشان ال dفيها 10تام الامتلاء والSفيها 2 وشرط العنصر عشان يكون انتقالي لازم متكونش كل المستويات الفرعية تامة الامتلاء

السبيكة المستخدمة في مقاومة الاحماض 👇 (Ni+حديد صلب) والحديد الصلب عبارة عن حديد وكربون) جينا لنقطة الكربون لافلز يبقا هي الصح لانها لا تتكون من فلزين اللي هما حديد ونيكل بس لان عليهم لافلز تالت الكربون السبيكة المستخدمة في طايرات الميج❌ لان دي سكانديوم والومنيوم وفعلا دول فلزين فقط هوا بيقول لا تتكون من فلزين فقط السبيكة المستخدمة في صناعة عبوات المشروبات الغازية❌ لان دي منجنيز والومنيوم والاتنين فعلا فلزين

اللي يزعل ان 90٪من الناس عملتها السيمنتيت السيمنتيت رمزها Fe3C عبارة عن حديد وكربون(طيب بالله عليك الكربون فلز) الكربون ده لا فلز ده بتاع ابتدائي عارف ان الكربون لافلز مش فلز في السؤال بيقولك فلزين يبقا الديورالومين عشان فيها النحاس مع الالومنيوم (الالومنيوم تكافؤه +3 والنحاس +1)هتبدل التكافؤ هيطلع A3B يبقا الاجابة 👇 الديورالومين

اول عنصر غير انتقالي في الدورة الرابعة البوتاسيوم وشرحتهالك فوق👆 اوعي تقول الخارصين ده انت كده بتتكلم عن السلسلة مش الدورة كاملة وطبعا البوتاسيوم ده تبع المجموعة 1Aاللي هي الفلزات النشطة زي الصوديوم شديدة النشاط الكيميائي اذن الاجابة👇 شديد النشاط الكيميائي ☑️

العنصر الوحيد اللي عنده5مستويات فرعية تامة الامتلاء الكروم فقط ليه توزيع الكروم:- 1S2,2S2,2P6,3S2,3P6,4s1,3d5 التام الامتلاء (1S, 2S, 2P, 3S, 3P) خمس بس لكن4Sده شايل واحد بس مش تام الامتلاء وكذلك ال3dفيه خمسة بس ده نصف ممتلي النحاس غلط يا شباب تعالوا نوزعه 1S2,2S2,2P6,3S2,3P6,4s1,3d10 هتلاقي المستويات تامة الامتلاء التام الامتلاء 1S,2S,2p,3S,3p,3d)) سته مش خمسة عشان هنضيف ال3dمعانا لان دي تامة الامتلاء في النحاس عشان فيها 10 لكن في السؤال بيقولك 5مستويات فقط تامة الامتلاء يبقا ده الكروم بس وعلي فكرة هوا لوحيد في السلسلة اللي كده اقل عناصر السلسلة كثافة❌ ده المفروض السكانديوم هو الاقل لان الكثافة طردي مع العدد الذري محدود النشاط❌ يراجل عيب عليك لان الكروم متوسط النشاط مش محدود(المحدود ده النحاس) يبقا أ، ج غلط شاذ في التوزيع☑️ يبقا الاجابة شاذ في التوزيع☑️🤝

دي الدورة الرابعة كلها اهي كل العناصر اللي عامل عليهاhighlight دي غير انتقالية عدهم هتلاقيهم 9

عدد العناصر غير الانتقالية في الدورة الرابعة 9 عناصر (لان الدورة الرابعة بتبدا من عنصر البوتاسيوم وبعده الكالسيوم وبعده السكانديوم وهكذا لحد الكريبتون افتح الجدول الدوري وانت اتفهم هتلاقي اتنين غير انتقالي في الفئةS, والخارصين في الفئةd, و6عناصر في الفئةP) عايزين حاجة بقا يكون عدد الالكترونات في3dيكونوا 9الكترونات عشان بيقولك يساوي الاختيار الاول: عنصر السكانديوم ❌عشان عنده الكترون واحد بس في 3d الاختيار التالت: الايون الاحادي للنحاس❌ عشان كده هيكون في 10الكترونات في 3d الاختيار الاخير: الايون الثلاثي للحديد❌ عشان لما توزع هيكون فيه 5الكترونات في3d الاختيار التاني: الايون الثنائي للنحاس ☑️لما توزع اتعرف ان النحاس عنده 9الكترونات في 3d في الايون الثنائي فكده هي دي الصح اغلبية الناس تحسب عدد العناصر غير الانتقالية واحد بس الخارصين ده غلط انت كده حسبت السلسلة الانتقالية الاولي بس لكن هوا بيقولك الدورة الرابعة ودي بتمتد من البوتاسيوم لحد اخر الدورة هتلاقيهم9عناصر

ده السكانديوم بس الخارصين والكادميوم دول عندهم حالة تاكسد وحيدة برضو بس دول عناصر غير انتقالية في السؤال بيقول عناصر انتقالية اذن الاجابة👇 السكانديوم

هنزل الاجابات دلوقتي والدرجات بعد العصر ان شاء الله

هيتم اعلان نتيجة اختبار الكيمياء بعد صلاة العصر ان شاء الله (اعلي درجة لحد الان 28 من31)واقل درجة (10من 31)في سؤال كل الطلبة غلطت فيه مع انه سهل ومباشر بس مشكلتكم في عدم التركيز

🍃في صباح يوم جديد بتتوكل علي الله وتمسك كتابك وتعمل اللي عليك وتبذل قصاري جهدك ، بتقرب خطوة نحو حُلمك ، بل وبتاخد كمان حسنات علي سعيك يعني سبحان الله وبحمده كسبت حسنة السعي ومجهادة النفس وكمان بتقرب من حلمك 🥺 جاهد نفسك إبدأ يوم بركعتين ضحي و وِرد قرآنك💓 قال تعالي: «والذين چاهدوا فينا لنهدينهم سُبلنا » 🖤

عادي يعني 150K مش كلام

بهزر يا جدعان حد يعرف الغي الاوردر ازاي؟

الامتحان خلص كده مش استلم تاني النتايج ان شاء الله اتكون بكرة العصر هنزلكم الدرجات والتلاته الاوائل وتكريمهم❤ عشان لسه الطلاب كتير ما شاء الله ولسه تجميع درجات وترتيب وتجهيز ملف بالدرجات موضوع كبير 🖤