️Warbaahinta Islaamiga ah ee Al-Furqaan

Madaxweynaha Eratariya ayaa ka Dagay Dalka Masar, Xilli ay Soo Laba Kaclaysay Xiisadda Gobalka Tigrayga ee Waqooyiga Itoobiya.

Maleeshiyaadka Taabacsan Lafta-gareen Hogaamiyihii laga eryaday beydhabo ee ku Sugan Duleedka Baydhabo ayaa Sheegay, in Lagu Soo Weeraray Diyaaradaha Dowladda Turkiga.

Maleeshiyaadka Taabacsan Lafta-gareen ee ku Sugan Duleedka Baydhabo ayaa Sheegay, in Lagu Soo Weeraray Diyaaradaha Dowladda Turkiga. Xasan Cabdi Maxamed afhayeenka Lafta-gareen oo ku sugan duleedka Baydhabo ee gobalka Baay ayaa sheegay, inay soo weerareen diyaaradaha aan duuliyaha laheen ee dowladda Turkiga oo uu sheegay, inay soo adeegsatay Dowladda Fedaraalka. Waxa uu tilmaamay, in duqeyntaasi aysan waxba ku gaarin balse lala maagaana dhibaato weyn, isagoona cambaareeyay Turkiga oo uu ku tilmaamay, mid ku milmay siyaasadda Dowladda Fedaraalka kana garabsiinayo duulaannada ay ku qaadayso maamul gobaleedyadeeda. Sidaba uu tilmaamay afhayeenka Lafta-gareen diyaaradaha Turkiga ayaa kaalin weyn ka qaatay duulaankii ay xukuumaddda Xasan Sheekh ku qabsatay magaalada Baydhabo.

Hogaamiya Maamulka la Baxay Puntland ayaa Garoowe Dib ugu Soo Laabtay Kadib Safar Qaatay Labo Todobaad oo uu Dalka Dibaddiisa ugu Maqnaa. Siciid Cabdullaahi Deni Hogaamiyaha maamulka la baxay Puntland ayaa dib ugu soo laabtay magaalada Garoowe, kadib safarro qarsoodi oo uu ku tagay dalalka Itoobiya iyo Imaaraadka Carabta. Deni ma shaacinin bixitaankiisa iyo soo laabashadiisaba , iyadoo la tilmaamay, in qaab dhuumaalaysi uu ku tagay dalalkaas. Hogaamiyaha maamulka la baxay Puntland ayaa dalka ka dhoofay 26-kii bishii Mey ee ina dhaaftay waxa uuna dalka ka maqnaa muddo ku dhow labo todobaad oo la sheegay, inuu inta badan ku sugnaa Imaaraatka Carabta oo kamid ah dalalka xiriirka dhow la leh maamulkiisa. Saciid Deni wax faahfaahin ah kama bixin safarka qarsoodiga ah ee uu kaga yimid dalka isku tagga Imaaraadka Carabta. Dhawr jeer oo hore ayuu Siciid Deni sidaan oo kale safarro qarsoodi ah ugu tagay dalalka Itoobiya iyo Imaaraatka Carabta oo si weyn fargelin ugu haya arrimaha Soomaaliya.

Hogaamiyaha maamulka la baxay Somaliland ayaa la Sheegay, inuu Booqanayo Magaalada Qudus ee ay Yahuudda Xoogga ku Haysato. Sida uu ku waramaya wargeyska Yahuudda ee Yedioth Ahronoth Cabdiraxmaan Maxamed Cabdillaahi (Cirro) hogaamiyaha maamulka la baxay Soomaliland ayaa lagu wadaa inuu toddobaadka soo socda booqasho rasmi ah ku tago dhulka ay Yahuudda xogga ku haysato ee Falastiin, gaar ahaan magaalada Qudus oo uu aqoonsaday caasimadda Yahuudda. Wargeyska Yahuudda ayaa sheegay, in Cirro uu ka qeybgalayo xaflad si rasmi ah loogu daahfurayo Safaaradda uu maamulka Hargeysa ka furtay magaalada barakaysan ee Al-Qudus ee ku hoos jirta gumaysiga Sahaayinada. Sida uu qoray wargeyska Yahuudda ee Yedioth Ahronoth Cabdiraxmaan Cirro ayaa kulamo la qaadan doono madaxda Kayaanka Sahayinada, sida ra’isul wasaaraha Yahuudda iyo madaxweynahooda. Ma jira wax war rasmi ah oo kasoo baxay maamullada Yahuudda iyo Somaliland oo ku aadan socdaalka la filayo inuu Cirro ku tago magaalada Qudus.

Madaxweynaha Eratariya ayaa ka Dagay Dalka Masar, Xilli ay Soo Laba Kaclaysay Xiisadda Gobalka Tigrayga ee Waqooyiga Itoobiya. Isaias Afwerki Madaxweynaha Dowladda Eratariya ayaa shalay galinkii danbe gaaray magaalada Al-Qaahira ee caasimadda dalka Masar, halkaas oo uu ku joogi doono booqasho dhawr maalin qaadan doonto, sida laga soo xigtay masuuliyiinta xukuumadda Asmara. Wasiirka Warfaafinta ee dowladda Eratariya ninka lagu magacaabo Yemane Gebremeske ayaa sheegay, in Isaias Afwerki uu kulamo muhiim ah oo lagu gorfaynayo arimo xasaasi ah uu la qaadan doono dhigiisa Masar Cabdulfataax As-Siisi. Safarka uu madaxweynaha Eratariya ku tagay Masar ayaa lagu wadaa inuu qaato muddo llaa iyo saddax bari ah, sida uu ka shanqariyay Wasiirka Warfaafinta ee xukuumadda Asmara.

Xildhibaan ayaa sheegay in dowlado shisheeye ay gadaal ka riixayaan muddo kororsiga Xasan Sheekh.

Muslimiinta Ku Nool Gobolka Tigreega ee Dalka Itoobiya ayaa Tacadiyo Kala Kulmaya Kooxaha Kiristanka ah ee Ku Nool Gobalkaas.

Ciidamada Itoobiya ayaa Dad Rayid ah ku Dilay Dhulka Soomaali Galbeed ee Gumaysigooda ku Jira.

Xasan Sheekh ayaa la Taliye Sare ka Dhigtay, Mid Kamid ah Siyaasiyiinta ku Faana in uu Soomaaliya kusoo Dhaweeyay Xabashida Itoobiya.

Dhageyso: Taxane- Halyeeyadii Badar.[235] Warbaahinta Islaamiga ah ee Al-Furqaan waxay idiin soo gudbineysaa taxane aan ugu magac darnay Halyeeyadii Bader, taas oo uu Sheekh Cabdul Ilaah Abuu Khaalid kaga waramayo, siirada iyo mawaaqifta tarbawiga ah ee saxaabiyiintii Badriyiinta ahaa ee ka qeyb galay macrakadii Yowmul Furqaan

Mukhtaar Rooboow ayaa lagu eedeeyay inuu lunsaday lacag kabadan 1 Milyan oo doolar, xili xujaaydii Soomaaliyeed ee sanadkan xajineysay la galiyay xaalad aad u murugo badan.

Halkee islamarayaan Dawlada Fadaraalka iyo Mucaaradkeeda oo dhawaan dagaal kuwada galay magaalada caasimada ah ee Muqdisho.

Culimada iiyo Odayaasha Wajeer oo qeylo dhaan xooggan ka muujiyay Kaniisado ku yaalla magaalada oo la geeyo caruurta Soomaaliyeed.

Shariif Sheekh Axmad oo beeniyay hubkii ay dhawaan Soobandhigtay Dawlada Fadaraalka ee ay sheegtay iney ka qabsatay Mucaaradka,

Xubinta Wararka Caalamka oo ku baxda Barnaamijka Dhuuxa Wareysiyada ee idaacadda Islaamiga ah ee Al-Furqaan, waxaa lagu soo gudbiyaa wararkii ugu dambeeyay ee daafaha Caalamka.