­­­­­­­­­­­­­­­­­­­­­­­­

‏من يلوم اللي خذيتيه من دنيا الضياع ‏لين صار فـ قربك يْعيش واختارك قِدر ‏ومن يضيق بْه الصدر وانتي عيونك وساع ‏ياخذ مْن عيونك الواسعه وسعة صدر ‏والشجاع اللي يقولون فـ الهيّه شجاع ‏قدم رمشك يرفع ايديه وسلاحّه حدر ‏والبدر لا طل في حضرتك زاد الشعاع ‏فوقنا بدرٍ يشعشع وفي وجهك بدر

على الله يوم حطيت الليالي بين ضرس وناب وهقيتك وأنت علمٍ كم لي أودّيه وأجيبه؟  مضى وجهٍ قديم وضحكِ إن ضلّ الزمان وتاب أعرف إنّي لو تميل المساعي عنك حاضي به  حزين إنّي بعد قلب تساقى علمك ولا شاب تشوف إنّه جفاف وهو يشوفك من مشاريبه  تعب حتى يدور لك عذر مع كثرة الأسباب ترى ما هو عدوك يوم عينك ما تهلي به  يعرف الفقد والليل الطويل ونظرة الكذاب مثل ما هو يعرف إنك هوى داره وتغريبه  تسربل لك جيوش ولا توقّى قبل لا يرتاب نطح صدر الجموع وهبّ ذكره واهتوى غيبه  لقى في نظرتك علم ولقى في ما لقاه غياب وقلط صدره حقوق العتاب وُجت معازيبه 

تسامحت مع نفسي وهون علي دعاي خصوصاً دعاي اللي دعيته وأنا ساجد غمرني شعور من الرضا للزمان الجاي ولا صار عندي خوف من عضة الناجد اثر من عطاه الله نزاهة ضمير ورأي يغيب الغياب اللي يخليه متواجد لا تشره علي يوم ابتسم في وجيه عداي محبيني أكثر من معاديني .. بـ واجد

أسافر من محطات الخيال لـ وقفة التفكير ‏واغني باللحون اللي صداها يطرب اسماعي ‏جناحي ذكرياتي والسما فكره و أحب أطير ‏كرهت الواقع الي يحبس افكاري في قاعي ‏كثر ما كنت أخاف المفارق صرت أشوفه خير ‏مثل ما كنت أخاف البحر .. قبل اطلق شراعّي .

أشوفك حظ، يرسم لي نهار بْـ غيمة وشمسين ‏وأشوف الناس عمرٍ من ظلام، وقربهم حوبة ‏من يحبّك؟ يحبّ الناس، والأيام، والروتين ‏ومن يكره وْجودك؟ ربي مْنجّيه بـ إعجوبة ‏خفيفة جيّتك، مثل إبتسامة عابرة وإثنين ‏تمادوا بالصدف، حتى تمادوا بالنظر نوبة

والله انك من محبة شاعرك منتي يتيمه امتلكتي قلبه وصرتي دواه من الوجاعي لايهمك شي مادام انك بقلبي مقيمه عن هوا غيرك بعد حبيتك اعلنت امتناعي يا صباح الخير يا نفحه شبابي يا نسيمه كيف وانا باهتمامك مغتني وامري مطاعي ماتعرفين النفاق وما تعرفين النميمه تربية حرٍ تكانه طول عمره في الرفاعي مستحيل ابقى عظيم الا بدعمك ياعظيمه وانتي اعظم من وقف خلفي وكنزي واقتناعي كل ماخاطرك ضاق ارعاك بالعين الرحيمه في سبيل ارضاك يظهر قرص ضو الشمس واعي في وجودك منتصر والانتصار الله يديمه كل ماتاهت بي بحور الظلام انتي شراعي السعاده في وجودك معي دايم مستديمه الله يحفظك من الحساد وفمي الافاعي

‏مألوفك العادي من الحب و الريب عيني تشوفه مثل شوف العجايب شيدت دارك بالضلوع المحاديب وسريت لك من نبض قلبي ركايب غيرك تراحيبي لزوله مواجيب ولا انت حاضر مرحبا بك وغايب يا نعمة أيامي ويا حكمة الغيب ‏يا ألطف مقاديري وأحب الحبايب ‏غيرك خذا معزة القلب بالطيب ‏الا أنت ماخذ القلب مني غصايب ‏من دون ليه أرهى حشاي التراحيب ‏ضيفك قلبي والمحبة وهايب ‏يحبك اللي حب فيك العذاريب ‏من دون ما يعرف لحبك سبايب

سولفي أنتي أفصح من نطق حرف ضاد ‏لو كلامك خطأ .. جمالك يصحّحه ‏مقتنع في جميع آرائك من الوداد ‏لو تقولين طار الطير دون أجنحة ‏ولا تقولين أنا ماعاد عندي عتاد ‏عينك وجيدك وخصرك ماهيب أسلحة؟

لقيت لي حاجه قبل سن الثلاثين مافيه احد بالكون مثلي لقاها مخلوق ماظنه تكون من الطين يمكن سحابه عابره طاح ماها خلت ثلاث ارباع صدري بساتين محد وصل في داخلي مستواها ماقارنك بالحور وانتي تعرفين حتى قصيدي يبتهج لانصاها حبيبتي انتي هنا لا تخافين شفتي ضلوعي والله انك وراها

يا بنت لا يضحك عليكِ هرج المحبين بعض الغلا كذبة وراها ندامة لا تنزلين رأس أبوك لأجل درب مهين ما يستحق من بنت أجواد ملامة اللي يبيك يطق باب أهلك باليمين ولا يرضى لك درب نهايته ندامة ترا الكرامة ما تليق إلا بالعفيفين واللي يصونك بالحلال صوني مقامه

تساوا الزمن فيني وانا راكي على مركاي ‏فلا حالي ايامي ابيه ولا ابي عقبها مُره ‏اشوف الخلل واضح والبلا رايح جاي ‏واشوف الغبي دايم للعنى يعاود الكره ‏واجامل وابتسم واسمع صغير الناي ‏ولاني بتبع جرة المقفي ولا ادور الجرة ‏تساومني على وجودي والا على ممشاي ‏انا واحد لو تصيبه رمية البندق ماهي تضره ‏تراني هادي وطيب واحافظ على مرباي ‏ولكن من رماني بطلقه رميته مية مره .

يا حلمي المستحيل ، وفكري الساهي ما فيه حاجة ورى الأيام ، مخلوفه إلا من تحجّم ، المغرور ، والراهي وتشدّ بالقصيد ، وتفتن حروفه تقول : شفت القمر واحد من أشباهي وأقول : خليه عنك ، وخلي وصوفه أنتي جمال الحياة ، الفارق ، الناهي أشوفه " وكني أول مره أشوفه "

ولو تلمسين الغيم زادت رقّته رقّه ولو تضحكين النور من مبسك بيّن ولو تزهمين الريح جات الريح منطلقه كن الهبايب تباشر عودك اللّين لا تطلبين القلب وأنتِ حل لك سرقه شوفي غرامك بـ وجهي فعله مبيّن مدري من الورد ولا العطر منخلقه بس الأكيد إن جمالك ماهو بـ هيّن

عسى الله يعوض بالأجر فايض الإحساس من يعيش زهرة عمره ولكن مشيب صدوف الليالي تمتحن كل طيب راس ما حس بمعاناة الكفو واحدٍ خيب وأنا فوق ماني منحرم لذة الأوناس لو أقرأ خبر عن شخص عديته قريب معي قلب متعبني ويحزن لحزن الناس ولا يذبح الطيب سوا قلبه الطيب

جعل من خلّاك بـ البال حيّ ‏يخليك بجنته متوسد الراحة

أشوفك سحابٍ في مجيّه حيًّا وأمطار وأشوفك مجي القوم والحرب والسلّه وأشوفكِ نهارٍ ماتوارى عِن الأنظارِ يا عنّك إنّي أفضل شموسَه على ظِلَّه تعال إن بدأ لك في دروبي ضحى وديار هذا الصدر مرتع؛ وأنت خابره وتدله معي وجه علم، وليلٍ أدلم وضيقة ثار وأنا لا لمحتك يسري القلب عن غله خذ اول شبابي عمر لاشحت الاعمار وإذا كان مايكفي؛ فداك العمرَّ كله .