𝑺𝒊𝒎𝒑𝒍𝒆 𝑪𝒐𝒓𝒏𝒆𝒓 || رُكن بسيط
Kanalga Telegram’da o‘tish
بِـسـم الـلَّـه نَبـدأ بِـ صَـلاة عَـلَى النَّبـي ﷺ 𝑊𝑒𝑙𝑐𝑜𝑚𝑒 𝑡𝑜 𝑚𝑦 𝑐𝑜𝑟𝑛𝑒𝑟 🫂↻" هنا البساطة عنوان، والهدوء رفيقك دائما ♡゙ المــالكــ : @H1Ma21 بوت التواصل : @H1Ma2188BOT بوت القصص: @S1tory_botbot
Ko'proq ko'rsatishMamlakat belgilanmaganToif belgilanmagan
417
Obunachilar
-324 soatlar
-87 kun
-4230 kun
Postlar arxiv
بسم الله الرحمن الرحيم
تعالوا نتكلم في الموضوع بالبلدي خالص. مبدئيًا... الشتيمة حرااام، سواء بقى اللي بتشتمه متقبل ده أو لا. يعني أما تقعد إنت وصاحبك تشتموا في بعض تحت مسمى "الهزار"... ده حرام. ومش روشنه خالص والله بتبقي تقيلل ع القلب كدا وانت كل كلامك شتيمه نيجي بقى اللي بيقعدوا يشتموا بالأم والأب، ويرموا الناس بقذف المحصنات، ويطعنوا في الأعراض... ودي من الكبائر عند ربنا، ومش حاجة تتقال في الهزار ولا تتاخد بخفة. لا ومنشكح أوي، وواقف يضحك، وأمه بتتشتم، أو بيشتم أم غيره... إنت عاقل ياسطا؟! بشتايم فيها اهانه لأمه واحيانا لشرفها ومبتسم ويرد بنفس الشتيمه وعاادي موضوع مستفززززز لا ويجي صنف تاني يقولك: "هو بيشتم ولسانه زفر... بس قلبه أبيض." يعني إيييي؟! لو قلبك طيب... جوارحك كلها هيبقى ليها نصيب من الطيبة، وأولها لسانك. سيدنا النبي ﷺ قال: «ألا وإن في الجسد مضغةً إذا صلحت صلح الجسد كله، وإذا فسدت فسد الجسد كله، ألا وهي القلب.» يعني لو القلب صلح بجد... هتلاقي لسانك بيطلع كلام طيب، مش شتايم وقلة أدب. وربنا سبحانه وتعالى قال: ﴿مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ﴾. كل كلمة بتطلع من لسانك مكتوبة عليك... فراجع نفسك قبل ما تتعود على ذنب يمكن إنت مستهون بيه، وهو عند الله عظيم.
انا في مشوار بس هخلصه وهرجع اتكلم بأستفاضه عن الموضوع عشان في حاجات كتير مستفزةةة
سب الدين كفر ولا يعذر فيه بالجهل
يعني اي حد بيسب الدين ف الشارع كافر
وده كلام جمهور العلماء
💌 وصلتك رسالة جديدة
⏱ وقت الرسالة: 2026/07/14 - 07:05:03 PM
----
الشتايم بقت جزء من الكلام اليومي ولسان ناس كتير بقى متعود عليها لدرجة إنهم مبقوش يحسوا ب خطورتها
والأفظع من كده إن الموضوع مبقاش مقتصر على الشباب بس لا بقى في بنات كمان بيتكلموا بنفس الألفاظ ويمكن أسوأ وكأن ده بقى شيء عادي ودي في حد ذاتها كارثة لأن البذاءة عمرها ما كانت روشنه ولا انهم جامدين سواء صدرت من ولد أو بنت.
واللي يخوف أكتر إن بعض الناس وقت الغضب بيوصلوا لسبّ الدين من غير ما يدركوا إن دي مش مجرد شتيمة سبّ دين الإسلام أو الاستهزاء بيه كفر
لسانك نعمة فمتخليهوش سبب هلاكك قبل ما تنطق بأي كلمة اسأل نفسك هل أقدر أقابل ربنا بالكلمة دي
----
- تبرع لإستمرار عمل بوت صارحني 🎁
هحاول أوضح على قد ما اقدر وجهة نظري او رأيي وكد ف اتمنى بجد انكم تفهموني ...
سب الدين مش قوة ولا روشنة ولا دليل إنك حر بالعكس، دي علامة ضعف ضعف في التحكم في اللسان، وضعف في معرفة قيمة الكلمة.
اللسان ده ممكن يبني وممكن يهد و ممكن بكلمة تدخل الجنة، وبكلمة تانية تضيع كل حاجة النبي ﷺ قال: "وهل يُكَبُّ الناسُ في النارِ على وجوهِهم إلا حصائدُ ألسنتِهم". يعني أكتر حاجة بتوقع الناس في النار هي كلامهم.
سب الدين خط أحمر، لأنه مش إساءة لشخص... دي إساءة للخالق اللي خلقك ورزقك وسترك مين فينا يستحمل حد يشتم أمه؟ طب وربك اللي أحن عليك من أمك؟
الكلمة اللي بتقولها دي ببلاش؟ لأ، "مَا يَلْفِظُ مِن قَوْلٍ إِلَّا لَدَيْهِ رَقِيبٌ عَتِيدٌ" كل حرف محسوب عليك.
طب استفدت إيه لما شتمت؟ الغضب راح؟ الكرامة رجعت؟ ولا حسيت بعدها بضيق وذنب أكبر؟
جرب تبدل الكلمة دي بكلمة تانية بدل ما تشتم، قول "يا ساتر يا رب"، "حسبي الله"، "أستغفر الله" هتلاقي قلبك هدي، وربنا رضي عنك.
وربنا والله غفور مهما عملت، بابه مفتوح بس الشرط إنك إنت اللي تقر تبطل القرار في إيدك إنت.
ابدأ من دلوقتي امسح الشتيمة دي من دماغك مش عشان حد، عشان آخرتك عشان لما تقف قدامه يوم القيامة، تقابله بلسان نضيف وقلب أبيض.
"رُبَّ كَلِمَةٍ يَقُولُهَا الْعَبْدُ لَا يُلْقِي لَهَا بَالًا يَهْوِي بِهَا فِي النَّارِ سَبْعِينَ خَرِيفًا"
أتمنى اكون عرفت اوصل الرساله بطريقه صح .
لو حد حابب يقول حاجه يتفضل وهبقي انزلها وهبقي اتكلم انا باليل إن شاءالله
