لــــشَخصٍ مُــــرهَـــقٍ.

يا عباديَ الذين أسرفوا على أنفسهم ﴿قُلْ يَا عِبَادِيَ الَّذِينَ أَسْرَفُوا عَلَى أَنْفُسِهِمْ لَا تَقْنَطُوا مِنْ رَحْمَةِ اللَّهِ ۚ إِنَّ اللَّهَ يَغْفِرُ الذُّنُوبَ جَمِيعًا ۚ إِنَّهُ هُوَ الْغَفُورُ الرَّحِيمُ﴾ [الزمر: 53] يمكن تكون وقعت كتير… يمكن عملت ذنوب أنت نفسك مش قادر تسامح نفسك عليها… يمكن عدى عليك وقت حسيت فيه إنك بعيد أوي عن ربنا، وإن مفيش رجوع بعد كل اللي حصل. بس ربنا سبحانه وتعالى مقالش: يا عبادي الذين لم يخطئوا… قال: ﴿الَّذِينَ أَسْرَفُوا عَلَى أَنْفُسِهِمْ﴾. يعني حتى لو أسرفت، حتى لو أخطأت، حتى لو ضيّعت وقت طويل… لسه الباب مفتوح. 🤍 ربنا بيناديك بنفسه: ﴿لَا تَقْنَطُوا مِنْ رَحْمَةِ اللَّهِ﴾ فمتخليش الشيطان يقنعك إنك خلاص مفيش أمل. ومتقولش: أنا مذنب أوي على المغفرة. فالله سبحانه وتعالى يقول: ﴿إِنَّ اللَّهَ يَغْفِرُ الذُّنُوبَ جَمِيعًا﴾ ارجع… ولو بخطوة. صلّي… ولو بعد انقطاع. استغفر… ولو بعد ألف ذنب. وابدأ من جديد… مهما كان اللي فات. اللي بينك وبين ربنا مش بيتقاس بعدد مرات سقوطك، لكن بقدرتك إنك كل ما تقع… ترجع له. 🤍 اللهم لا تجعل ذنوبنا سببًا في بُعدنا عنك، واجعلها سببًا في انكسارنا بين يديك، وتوبتنا إليك، وقربنا منك. 🤲🏻 فلا تيأس… ما دام قلبك لسه بيقول: يا رب، فالباب لسه مفتوح. 🤍

صـبـاح الخير..🤍 صباح الخير لكل شخص ... حاسس إن الطريق طويل، وإن قلبه شال أكتر مما يحتمل... 🌿 بس افتكر إن التعب مش نهاية الطريق، والضيق مش آخر الحكاية. يمكن أنت شايف يومك مليان هموم، لكن ربنا شايف الصورة كاملة، وعنده من الجبر والرحمة ما لا يخطر على بالك. 🤍 ﴿ فَإِنَّ مَعَ الْعُسْرِ يُسْرًا ۝ إِنَّ مَعَ الْعُسْرِ يُسْرًا ﴾ [الشرح: 5-6] مش قال بعد العسر يسر... قال مَعَ العسر يسر. يعني حتى وإنت في عز التعب، فيه لطف من ربنا بيحيطك، حتى لو لسه مش شايفه. ولو حسيت إنك مش قادر تكمل، افتكر: ﴿ لَا تَقْنَطُوا مِن رَّحْمَةِ اللَّهِ ﴾ [الزمر: 53] لسه فيه بكرة. لسه فيه فرصة تبدأ من جديد. لسه فيه دعوة ممكن ربنا يستجيبها. ولسه فيه أبواب هتتفتح بعد ما افتكرت إنها اتقفلت للأبد. 🌱 متستصغرش خطوة صغيرة بتاخدها وإنت مُرهَق... أحيانًا أعظم الانتصارات تبدأ بمجرد إنك تقول: "هحاول مرة كمان." ﴿ وَمَن يَتَوَكَّلْ عَلَى اللَّهِ فَهُوَ حَسْبُهُ ﴾ [الطلاق: 3] فـ ابدأ يومك بهدوء... صلِّ، ادعُ، خُد نفس، واعمل اللي تقدر عليه. وسيّب الباقي على ربنا. يمكن النهارده يكون اليوم اللي كنت مستنيه من زمان... فمتسمحش لتعب إمبارح يسرق منك أمل النهارده. صباحك أمل، ويقين، وجبر، وبداية جديدة.

والآخرةُ خيرٌ وأبقى 🤍🌿 في وقت بنجري فيه ورا الدنيا بكل طاقتنا وبنحزن على حاجات راحت وبنخاف من حاجات لسه مجتش وبنفتكر إن سعادتنا كلها متعلقة بدرجات أو فلوس أو نجاح أو شخص أو أمنية... افتكر الآية دي: ﴿وَالْآخِرَةُ خَيْرٌ وَأَبْقَىٰ﴾ 🤍 خيرٌ من كل حاجة نفسك فيها ومجتش خيرٌ من كل فرحة كانت قصيرة وانتهت خيرٌ من كل نجاح فرحت بيه وبعدها خفت تخسره وخيرٌ من كل شيء منعته عنك الدنيا وأنت مش فاهم ليه وأبقى... لأن الدنيا مهما طالت فهي مؤقتة والآخرة لا نهاية لها. فلو الدنيا ضاقت عليك متفتكرش إن ربنا ناسيك ولو دعوة اتأخرت متفتكرش إنها اترفضت ولو حاجة نفسك فيها ماحصلتش متفتكرش إن الخير كله كان فيها. يمكن ربنا بيأخر عنك حاجة عشان يديك أحسن منها ويمكن بيمنع عنك طريق عشان يحميك ويمكن بيختبر صبرك عشان يرفعك ويمكن كل اللي أنت شايفه دلوقتي خسارة هي في الحقيقة بداية لخير كبير أنت لسه مش شايفه. اشتغل لدنياك واسعَ في مستقبلك ذاكر وتعب وحارب عشان حلمك لكن متخليش الدنيا تبقى أكبر حاجة في قلبك. لأن مهما وصلت ومهما امتلكت ومهما حققت هتفضل الحقيقة ثابتة: والآخرة خيرٌ وأبقى. 🤍 فاطمّن... اللي عند ربنا أعظم واللي جاي بإذن الله أجمل ورحمة ربنا أوسع من كل خوف جواك. اللهم لا تجعل الدنيا أكبر همنا ولا مبلغ علمنا واجعل الآخرة خيرًا لنا وأبقى 🤲🏻🌿

🌿 من ترك شيئًا لله عوّضه الله خيرًا منه أحيانًا بنكون متعلقين بحاجة جدًا بشخص أو مكان أو حلم أو طريق بنحبّه وبنفضل نسأل نفسنا ليه لازم أسيبها وأنا لسه عايزها؟ لكن لما تسيب حاجة لوجه الله وأنت قادر تتمسك بيها وأنت نفسك فيها وأنت مش عارف ربنا هيعوضك بإيه فأنت كده اخترت رضا الله على رغبتك وافتكر دايمًا إن عوض ربنا مش شرط يكون بنفس الشيء اللي فقدته ممكن يعوضك براحة في قلبك أو بطريق أفضل أو بشخص أصدق أو بفرصة أجمل أو يرزقك شيئًا لم يكن في حساباتك أصلًا قال ﷺ: «إنك لن تدع شيئًا لله عز وجل إلا بدلك الله به ما هو خير لك منه» فلو اضطريت يومًا تقول يا رب أنا هسيبها عشانك فسيبها وأنت مطمّن ومتبصش وراك كتير لأن اللي عند ربنا أعظم واللي تركته لله مش ضياع ده محفوظ عند ربنا ثق في عوض الله… فما تركت شيئًا لله إلا وكان الله أكرم من أن يتركك بدونه 🤍🌿

صباح الخير... صباح الخير للي صحوا النهارده ونفسهم مش راضية تقوم معاهم للي جواهم كلام كتير ومفيش فيهم طاقة يحكوه للي شايفين اليوم تقيل ومش عارفين هيعدّي إزاي وللي بقالهم فترة بيحاولوا يطمنوا نفسهم ومش عارفين يمكن النهارده مش أحسن يوم ويمكن نفسيتك فعلًا مش بخير ويمكن مفيش حاجة واضحة قدامك تخليك متفائل بس افتكر إنك مش مطالب تعرف بكرة هيحصل فيه إيه أنت بس مطالب تثق في اللي بيدبر كل حاجة ممكن تكون شايف الدنيا كلها مقفلة وربنا يكون بيجهزلك باب من مكان عمرك ما فكرت فيه ممكن تكون فاكر إن التأخير حرمان وهو في الحقيقة حماية وممكن تكون بتقول ليه أنا وربنا بيقولك اصبر عشان لسه الخير جاي فاطمّن... مش كل حاجة بتوجعك معناها إنها نهايتك ومش كل حاجة اتأخرت معناها إنها مش مكتوبة ليك ﴿وَعَلَى اللَّهِ فَتَوَكَّلُوا إِن كُنتُم مُّؤْمِنِينَ﴾ ابدأ يومك حتى لو من غير شغف حتى لو بقلب تقيل حتى لو مش قادر تبقى إيجابي بس ابدأه بيقين واحد بس إن ربنا أرحم بيك من كل مخاوفك وإن اللي جاي بإذن الله أحن وأجمل مما تتخيل .. صباح الطمأنينة رغم كل شيء 💔.

ساعة استجابة ... اللهم في ساعة الاستجابة من يوم الجمعة اجبر خواطرنا واغفر ذنوبنا وارزقنا من حيث لا نحتسب واكتب لنا فرحًا ينسينا كل ما أحزننا اللهم استجب دعاءنا وحقق لنا ما نتمنى إن كان خيرًا لنا 🤍. آمين يا رب العالمين

🌿 مُستحبات يوم الجمعة 🌿 🕌 الاغتسال والتطيب ولبس أحسن الثياب 📖 قراءة سورة الكهف من ليلة الجمعة أو خلال يوم الجمعة 🤍 الإكثار من الصلاة على النبي ﷺ اللهم صلِّ وسلم وبارك على نبينا محمد ﷺ 🤲 الإكثار من الدعاء وخاصةً تحري ساعة الإجابة يوم الجمعة 🌱 الإكثار من الذكر والاستغفار: سبحان الله .. الحمد لله.. الله أكبر.. لا إله إلا الله.. 🕌 التبكير إلى صلاة الجمعة والحرص على الإنصات للخطبة وعدم الانشغال عنها 💚 الإكثار من الصدقة وأعمال الخير ولو بالقليل، فرب عمل صغير تعظمه النية 🌸 اللهم اجعل يوم الجمعة نورًا لقلوبنا ومغفرةً لذنوبنا وفرجًا لهمومنا واكتب لنا فيه من الخير ما نتمنى وزيادة 🤍 جمعة مباركة 🌿

صَـبَـاحُ الـخَـيـر 🤍.. النهارده الجمعة .. يوم جميل نبدأه بالصلاة على النبي ﷺ ونكثر فيه من الدعاء والاستغفار. اللهم في يوم الجمعة اجعل لنا نصيبًا من كل خير.. واكتب لنا راحةً تسكن قلوبنا وفرحةً تُنسيـنا كل تعب .. ومتنسوش سورة الكهف والصلاة على النبي ﷺ والدعاء لكل شخص محتاج دعوة حلوة من قلبكم .. جمعة مباركة عليكم جميعًا وربنا يجعل يومكم مليان راحة وطمأنينة وخير وفرحة من حيث لا تحتسبون 🤍.

https://t.me/kkkkiBOT?start=LT0wk1

اتــكــلّـــمـــوا 🤍..

🔒 هذه همسة سرية لاول شخص يقوم بروئيتها