لــــشَخصٍ مُــــرهَـــقٍ.

أرهقتنا الحياة بما يكفي، وأتعبتنا الوجوه التي ظنناها أمانًا، والوعود التي صدّقناها، والقلوب التي منحناها ثقتنا ثم خذلتنا. أصبحنا نعيش في زمنٍ تكثر فيه الوجوه وتقلّ فيه القلوب الصادقة، زمنٍ يعلّم الإنسان كيف يخفي ألمه خلف ابتسامة، وكيف يمضي رغم كل ما انكسر بداخله. وما أقسى أن يضطر المرء إلى التظاهر بالقوة، بينما كل ما يتمناه هو بعض السلام في حياةٍ لم تعد تهدأ. لكن يبقى في القلب يقينٌ بأن الله لا يترك عبدًا لجأ إليه، وأن ما ضاقت به الدنيا سعةٌ عند الله، وأن بعد كل عسرٍ يسرًا، فالحمد لله على ما مضى، والحمد لله على ما هو آتٍ، والحمد لله دائمًا وأبدًا.

راجع نفسك... راجع نفسك قبل ما تحاسب غيرك وقبل ما تزعل من حد اسأل نفسك هو أنا عمري ما زعلت حد؟ قبل ما تحكم على نية إنسان افتكر إنك مش عارف اللي في قلبه وقبل ما تتكلم عن عيوب الناس بص لنفسك كويس يمكن فيك عيوب هما ساكتين عنها وبيستروا عليك مش كل مرة تكون أنت المظلوم ومش كل مرة يكون غيرك هو الغلطان ساعات بنكون إحنا السبب بس غرورنا بيمنعنا نعترف وساعات بنجرح ناس بكلام بننساه بعد دقايق وهما يفضلوا شايلينه في قلبهم سنين راجع نفسك في صلاتك وفي كلامك وفي معاملتك للناس راجع قلبك وشوف فيه إيه محتاج يتصلح ومتستناش الدنيا تعلمك الدرس بالطريقة الصعبة عشان تفهم خليك شجاع كفاية إنك تعترف بغلطك وتصلحه قبل ما يفوت الأوان فكلنا بنغلط وكلنا محتاجين نراجع نفسنا وربنا وحده أعلم بالقلوب والنيات اللهم أصلح قلوبنا واهدنا لأحسن الأخلاق والأعمال.

في هدوء الفجر هناك قلوب لا يعلم وجعها إلا الله وأرواح تتظاهر بالقوة وفي داخلها ألف حكاية من التعب فيا رب إن ضاقت بنا الدنيا فأنت أوسع من كل ضيق وإن عجزت ألسنتنا عن الدعاء فأنت تعلم ما تخفيه قلوبنا اللهم جبرًا لكل قلب أنهكته الحياة وفرحًا يمحو مرارة الأيام واجعل لنا من كل ضيق مخرجًا ومن كل هم فرجًا ومن كل دعاء نصيبًا.

السلام النفسي.. إنك توصل لمرحلة تبقى فيها مش محتاج تثبت لحد إنك كويس ولا تبرر لكل الناس تصرفاتك ولا تدخل في كل نقاش عشان تثبت إنك صح. تبقى عارف إن مش كل حاجة تستاهل زعلك وإن مش كل شخص يستاهل طاقتك وإن ساعات كتير راحة بالك أهم من إنك تكسب موقف أو تكسب شخص. السلام النفسي إنك تنام وإنت مش شايل في قلبك من حد وإنك تبطل تفكر في كلام اتقال ومواقف خلصت وحاجات مكنتش في إيدك من الأساس. إنك تتقبل إن مش كل الناس هتفهمك وإن مش كل اللي بتحبهم هيكملوا معاك وإن مش كل حاجة نفسك فيها هتحصل في وقت ما إنت عايز. كبر دماغك عن اللي يستاهل التجاهل وقرّب من اللي وجوده بيطمنك وابعد عن أي حاجة بتسرق منك نفسك. مش أنانية إنك تختار راحتك ومش ضعف إنك تبعد ومش قسوة إنك تحط حدود. إنت مش مطالب تفضل طول الوقت بتحارب عشان تحافظ على كل حاجة حواليك وتنسى نفسك في النص. خلي قلبك خفيف وروحك هادية وسيب اللي مش بإيدك على ربنا. في الآخر هتكتشف إن أجمل إحساس في الدنيا مش إن كل حاجة تبقى زي ما إنت عايز.. لكن إنك تبقى راضي حتى لو مش كل حاجة ماشية زي ما كنت بتتمنى.

صباح الخير يا رفاق الروح صباحٌ جديد يمنحنا الله فيه فرصة أخرى لنبدأ من جديد ونُصلح ما أفسدته الأيام ونطمئن أن ما كتبه الله لنا سيأتينا في وقته المناسب ابدأ يومك بقلبٍ راضٍ ونفسٍ مطمئنة ولا تحمل همَّ الغد فربُّ الأمس لم يتركك وربُّ اليوم لن ينساك اللهم اجعل هذا الصباح جبرًا للخواطر وراحةً للقلوب وتيسيرًا لكل عسير واستجابةً لكل دعاء خبأناه في صدورنا صباحكم طمأنينة من الله لا تنتهي 🤍.

حين يطلع الفجر لا يعلم بثقل قلبك إلا الله ولا يرى دموعك التي أخفيتها عن الجميع إلا هو فلا تيأس إن ضاقت بك الدنيا ولا تحزن إن تأخر جبرك فربّ الفجر الذي يُبدّد ظلام الليل قادرٌ على أن يُبدّد ظلام قلبك أحسن الظن بالله فربما يحمل لك الفجر القادم ما انتظرته طويلًا.

🌿 فجر الجمعة | لعلها ساعة جبر في فجر يوم الجمعة 🤍 سيب همومك على باب ربنا وادخل صلّي وقلبك مطمّن احكيله عن كل حاجة وجعاك وعن كل دعوة فضلت تكررها وماتحققتش لسه وعن كل ليلة نمت فيها وإنت شايل فوق طاقتك ومحدش حاسس بيك احكيله عن خوفك من بكرة وعن تعبك اللي بتخبيه ورا ضحكتك وعن أمنية نفسك تتحقق حتى لو كل الأسباب بتقول إنها بعيدة ربنا اللي سمع دعاءك في عز ضعفك قادر يجبر خاطرك جبر ينسيك مرارة الأيام دي كلها متستقلش بدعوة في فجر الجمعة يمكن تكون سبب في فرحة استنيتها سنين ويمكن تكون بداية لنهاية وجع طول معاك صلّوا على النبي ﷺ واستغفروا ربنا كتير وادعوا لنفسكم ولأهلكم ولكل قلب تعبان إن ربنا يطبطب عليه اللهم في فجر الجمعة اجبر خواطرنا جبرًا يليق بكرمك وبدّل خوفنا أمانًا وحزننا فرحًا وتعبنا راحة وارزقنا من حيث لا نحتسب اللهم لا تدع لنا في هذا اليوم ذنبًا إلا غفرته ولا همًا إلا فرّجته ولا مريضًا إلا شفيته ولا دعاءً إلا أجبته ولا خاطرًا مكسورًا إلا جبرته يا أرحم الراحمين 🤍.

في الوقت اللي كل الناس نايمة فيه... في حد لسه صاحي وقلبه شايل كتير شايل خوف من بكرة وتعب من امبارح وحاجات نفسه يحكيها بس مش لاقي كلام يقولها بس افتكر حاجة واحدة... ربنا شايف تعبك شايف دموعك اللي محدش شافها وشايف محاولاتك اللي يمكن حتى أنت مش مقدّرها يمكن أنت شايف إنك اتأخرت وإن الطريق بقى طويل وإن مفيش حاجة بتتغير لكن ربنا قادر يغير كل ده في لحظة فـ اهدى... صلي الفجر وارفع إيدك وقول: يارب أنا تعبت بس لسه واثق فيك يارب اجبر قلبي ويسر طريقي واكتبلي من الخير أكتر مما أتمنى نام وقلبك مطمن... اللي بيدبر أمرك في عز ضعفك مش هيسيبك في عز احتياجك.

تعبت... عارف إنك تعبت وإنك بقيت مش عارف تكمل من كتر اللي شوفته وإنك كل يوم بتقول لنفسك خلاص مش قادر بس استنى شوية... مش كل حاجة اتأخرت معناها إنها مش هتحصل ومش كل باب اتقفل معناه إن مفيش باب تاني هيتفتح يمكن الحل لسه في الطريق يمكن ربنا بيرتب لك حاجة أحسن من اللي كنت بتتمناها ويمكن كل التعب ده كان بيجهزك للراحة اللي مستنيها فـ متستسلمش دلوقتي تعبت... آه بس هتتحل وهتعدي وهتضحك من قلبك تاني وهييجي يوم تبص لكل اللي حصل وتقول الحمد لله إني صبرت ربنا يهون عليك كل حاجة مخبيها في قلبك ويبدل تعبك راحة وخوفك أمان وحيرتك طمأنينة فإني قريب...

فجرك بداية جديدة... يمكن تكون داخل تنام وإنت شايل هموم كتير حاسس إنك تعبت وإن الطريق طول وإنك مش قادر تكمل بس افتكر إن ربنا شايف تعبك كله شايف كل مرة حاولت فيها وكل مرة وقعت وقومت وكل دعوة دعيتها وإنت محدش سامعك غيره ﴿ فَإِنَّ مَعَ الْعُسْرِ يُسْرًا ۝ إِنَّ مَعَ الْعُسْرِ يُسْرًا ﴾ [الشرح: 5-6] فماتستسلمش دلوقتي يمكن الفرج أقرب مما تتخيل ويمكن اللي إنت شايفه نهاية يكون بداية لحاجة أجمل بكتير قوم صلّي الفجر وادعي من قلبك وابدأ يومك وأنت متأكد إن ربنا مش هيسيبك ربنا يطمن قلبك ويجبر خاطرك ويكتبلك في يومك ده فرحة تنسيك كل تعب فات 🤍 صبحكم الله بالخير والرضا.