گڕوگاڵی پاش ئێوارە

-نەجیب مەحفووز-

-شێرکۆ بێکەس-

⭕️سەید عەلی ساڵحی، لەدایک بووی ساڵی ١٣٤٤ی هەتاوییە لە ناو جەرگەی هۆزی بەختیاری لە داوێنی زاگرۆس. ⭕️یەکەمین شیعرەکانی لە ساڵی ١٣٥٠ لە ڕادیۆ ئابادان و ئاواز(ئەهواز) بڵاو بوونەتەوە. لە ساڵی ١٣٥٣ لەگەڵ کۆمەڵێک لە هاوڕێکانی ڕەوتی (شیعری ناب)ـیان ڕێکخست کە مەبەستیان داهێنانێک لە شیعری سپی بوو. دواتر لەم ڕەوتە هاتە دەرەوە لەبەر ئەوەی پێی وا بوو کە ئەم ڕەوتە ناتوانێ بە جوانی لە شیعرەکانی بدوێ. لە ساڵی ١٣٦٣ ڕەوتی «شیعری وتار»(گفتار)ی بنیات نا کە کاریگەرییەکی زۆری لەسەر شیعری نوێی فارسی هەبوو. لە هەفتاکان دوو کۆمەڵە شیعری بە دەنگی خەسرەوی شەکیبایی بڵاو بوونەوە کە لە کۆمەڵگای ئەدەبی فارسی و ئێران دەنگێکی زۆری دایەوە و ئێستاش لە ناو خەڵکدا ئەبیسرێ. ⭕️شیعرەکانی بۆ زمانەکانی کوردی، عەرەبی، ئینگلیسی، ئاڵمانی، فەڕەنسی، ئەرمەنی و ڕووسی وەرگێڕدراون. وەرگێڕانی دوو دیوانی بە کوردی بوو بە هۆی ئاشنایی و هاوڕێیەتی لەگەڵ شێرکۆ بێکەس، لەتیف هەڵمەت و ڕەفیق سابیر. ⭕️وێڕای شیعری بەرز و داهێنانە قورسەکانی، چالاکیی ئەدەبیی بەردەوام و هەوڵ و کۆششی وای کرد ناوی بچێتە پاڵی ئەحمەدی شاملوو، فڕوخی فەڕوخزاد، سۆهرابی سپەهری و هتد. ⭕️ئەو لە وتووێژێکدا ئەڵێ ئەگەرچی بە فارسی ئەنووسم بەڵام خۆم بە شاعیرێکی کورد ئەزانم.

🔳 هاوڕێی نەبینراو بەڵام زێدە ئازیزم، شاعیری گەورە، بەڕێز لەتیف هەڵمەت! سڵاوتان ئەکەم و بۆ ڕۆح و ڕەوانی گەورە و کەلام و شێعری شایستە و بەرزتان ڕێزێکی زۆرم هەیە. ساڵانێکە لە ڕێگای وەرگێڕانەوە لەگەڵ شێعری تۆفانی، لەتیف و بەهێزی ئێوە ئاشناییم هەیە. ئێوە، بێکەس، پەشێو، [ڕەفیق]سابیر، یەکەمین شاعیرانێک بوون لەگەڵ قسە و شێعرتان-لە نۆزدە ساڵی ڕابردوو تا ئێستا- ئاشنا بووم، لەگەڵ ئەوەی کە کوردی نازانم، بەڵام لەو ڕۆژگارە دوورە، کە بۆ یەکەمجار ناوی ئێوەم بیست، پرسیم ئاخۆ واتای «هەڵمەت» هەر ئەو (هێرش) و پەلامارە لەناکاوە نییە؟ هاوڕێی کوردم -بەڕۆژ ئاکرەیی کە خەڵکی سلێمانییە و ئێستا لە سوئید نیشتەجێیە- وتی: «بەڵێ!» وە لە زاراوەی بەختیاری و خێڵی ئێمەدا بە پەلامار و هێرش «هەڵمەت» ئێژن. وە ئیتر بۆ تێگەیشتن و دۆزینەوەی شێعری ئێوە ڕۆشتم بە هەموو ڕێیەک دا. بە وتەی کەسانێکی زۆر، من توانیومە دیمەنێکی ڕوون لە بارودۆخی شێعری ئیمڕۆی کورد بۆ کۆمەڵگای ئەدەبیی ئێران بکێشم. زۆر پێش هاتووە کە شێعرێک لە ئێوەم دەست کەوتبێ- بە زمانی کوردی- و شەوان و ڕێگایەکی دوورم پێوابێ تا بگەم بە هاوڕێیەکی کورد. شێعری ئێوەم ئەدا بە دەستیەوە و هەر لە دەمی دەر ئەموت: زووکە! ڕاستەوخۆ وەریبگێڕەوە بۆم، ئەمەوێ بزانم هەڵمەت چی وتووە. لەم سی ساڵەی ڕابردوودا کە بەردەوام لە شێعردا کارم کردووە، لانیکەم لە نێوان هەر مللەت و گەلێکدا کە لەم زەوییە ئەژین، چەن شاعیرێکم ناسیوە.لە مغولستان و چێچێن بگرە هەتا زیمباوە و تا نیکاراگۆئە و دورگەی تێرینیداد ، بەڵام شێعری ئێوە و شێرکۆ و گەورەکان و شاعیرانی تری کورد بۆ من شتێکی ترە. لە ئێراندا کەمتر کەسێک هەیە وەکوو من سەردانی هەموو سووچەکانی ئەم جیهانەی -بۆ دۆزینەوەی شێعری نایاب و بێوێنە- کردبێ. لە وتووێژێکدا وتوومە کە شێعری کوردستان شێعری جیهانییە. لەتیف هەڵمەتی ئازیز، ببوورە کە بە پێنووسی سوور بۆت ئەنووسم، پێنووسەکانی ترم تەواو بوونە. هاوڕێیانی کورد هاتبوون بۆ ئێران(تاران)، وتیان لەتیف هەڵمەتیش ئەبینن، وتم چەن دێڕێک بنووسم بۆ لەتیف کە زۆر شاعیرە و بەتوانایە و مرۆڤێکی زۆر گەورەیە! پەیوەندیم لەگەڵ شێعری ئێوەدا وایە کە ئەڵێی هەزار ساڵە ئەتانناسم. لە «ئەو» کە بۆ یەکەمین جار شێعری ئێوەی خوێندەوە بۆم تا هەتایە مەمنوونم. لەگەڵ ڕێز و خۆشەویستیی زۆر: هاوڕێی ئێوە: سەید عەلی ساڵحی

-ئالان ڕەحمانی-