Movies World

အိန္ဒိယနိုင်ငံရဲ့ ပြည်နယ်တစ်ခုမှာ နွားနို့ရောင်းတဲ့သူတစ်ယောက် နေ့ချင်းညချင်း ချမ်းသာသွားအောင် ဖန်ဆင်းပေးခဲ့တဲ့ " ကြေးဖလားတစ်လုံး " ...။ ဒီ ကြေးဖလားက ထူးခြားတယ်...။ သူ့ထဲ ဘာပစ္စည်းထည့်ထည့် ထည့်လိုက်တဲ့အရာကို တိုးပွားလာအောင် ပြုလုပ်ပေးနိုင်တယ်။ ဒီလို တိုးပွားလာခြင်းတွေနဲ့ပဲ နွားနို့ရောင်းသမားလည်း သူဌေးကြီးတစ်ယောက်ဖြစ်လာခဲ့တော့တယ်...။ တစ်ရက် ... သူဌေးမရှိတုန်း သူခိုးနှစ်ယောက် သူ့အိမ်ကို ဝင်ခိုးတော့ ဘာမှမတွေ့ဘဲ သော့ခတ်ကာ သေချာသိမ်းဆည်းထားတဲ့ ကြေးဖလားကိုတွေ့တော့ တန်ဖိုးတော့ ရှိမယ်အထင်နဲ့ သူခိုးနှစ်ယောက်လည်း ကြေးဖလားကို ပိုက်... သူဌေးလူယုံတွေလက်က ပြေးရင်းလွှားရင်း ကြေးဖလားလည်း မြစ်ထဲကျပြီး ဆုံးဆုံးပျောက်ခဲ့တာကြာပြီ...။ မာရှာနဲ့ အက်ရှာတို့ နှစ်ယောက် ပျောက်ဆုံးသွားတဲ့ ကြေးဖလားရဲ့ သတင်းရပြီးနောက် ကြေးဖလားကို ပိုင်ဆိုင်ဖို့ ဘယ်လိုတွေ တပတ်ရိုက်ပြီး... ဘယ်လိုအခက်အခဲတွေကြုံတွေ့ရမလဲ....? အက်ရှင်ဟာသများဖြင့် ကြည့်ရှုသူမပျင်းရလေအောင် ရိုက်ကူးတင်ဆက်ထားတဲ့ ဒီဇာတ်ကားလေးကို ခံစားကြည့်ရအောင်....