ً

‏ ‏«مشيت على شانك كل ممنوع ‏مدري جنون الحب وإلا شجاعة»

‏قبلة الله على وجهٍ يسد وينوب ‏عن أمهار الجزيره و أزين أفراسها ‏ تلبس الجاذبيه والغنج لبس ثوب ‏وصيت أهلها عباةٍ تستر لباسها ‏كل عرقٍ جذبها نخبوي ومحسوب ‏فخمةٍ بالجمال و فخمه بساسها ‏غيدٍ أخاف من شدة ترفها تذوب ‏لا طواها الحنين وطال هوجاسها

‏أنا اللي كنت أحبك ضعف واليوم بثمان أضعاف ‏معاك الحب و لذّات الهوى ماهيب محدوده

‏« مادريت ان جرحي بيبطي يدوّر عن ضماد ‏لين رحت و صار قلبي من هوى الخلّان ؟ خالي »

‏سجد قلبي على رمل الضلوع و هزَّه التنهيد ‏و أنا في جوفي خيام الندم و الخوف منصوبه ‏يا ربَّ أفهق هلاكي و المنايا و الدروب بعيد ‏ما دام المودماني للتراب تقوده دروبه ‏يا غيَّاث الضوامي و الثمام وجرهديِّ البيد ‏أعذني من جهنم و الحشر و الموت و كُروبه ‏أنا ماني بـ لا مُشرك و لا فاسق و لا عربيد ‏أنا إللي لا عصى و أخطأ تجهَّم و أقلقه ثوبه ‏و أنا إللي يرتجف مثل إرتجاف الخايف الرعديد ‏ليا شاف القبور الضيقات و حسَّ بـ ذنوبه ‏أنا عبدك ولد عبدك وجدَّاني أهل التوحيد ‏خطاياي أخجلتني يا الله الغفران و التوبه ‏أنا الإنسان حمَّال النقايض و الكمد و الكيد ‏غريق الطين و اللَّذات من راسه لـ عرقوبه ‏أنا عبدك يا ربِّي و أنت تفعل ما تشاء و تريد ‏سألتك يا الله العفو العظيم و هيِّن دروبه

‏أنا اللي شفت في وجهك طهارة قلب ما ينعاف ‏و معك ما زادت احْزاني "معك يا خفّة دموعي" ‏فداك الشعر والشاعر وقافٍ ما عليه خْلاف ‏و فداك القلب يوم انّه لدربك صار متبوعي ‏اشوف بعينك اليمنى بلادٍ .. ممتلي بـ إنصاف ‏و اشوفك بين طيّات القصيد و لمة ربوعي

‏"ومن هالليلة الليلة ومن بكرة ومن بعدين ‏ومن ليل الحنين وشوقه وباقي أسلحته"

‏"أحنّك من دموع التفرقه والحزن بعد البين ‏ومن صمت الوداع، وعبرةٍ فالحلق جَرّحتْه"

"رافعني الله عن سخافات جيلي"

"‏وش عزا اليائس إلا عزلته و إنطواءه؟"

‏عداك الملام وشرهة الولف يا نزّاح ‏عن دياري اللي مانت بأول خسايرها ‏تبعت السراب إلين سلّمك للمرواح ‏ولدّيت ! وعيوني .. تزوّر عبـايرها ‏قنعت وتركتك للزمن والزمن فضّاح ‏على مهله أسرار المخاليق يظهرها ‏بقى لك معي ذكرى ليا غمّض المرتاح ‏تمشط بقايا كبدي بروس اظافرها

‏"فمان الشوق والذكرى واماني لمّة احباب ‏فمان الله وخذ حبك معاد الصدر يتسعه"

‏جادلٍ ماهيب كامل وأقرب للكمال ‏ماخذه من كل طرقا تعلّت كل جيل ‏فتنةٍ ربي عطاها مع الزين الدلال ‏وهيبة حضور الأكابر وسيف إبن الطويل ‏في نظرها ما يُسمى بـ ساحات القتال ‏ يوم هازت وإلمحتني بـ مريوشٍ كحيل ‏بنت شيخٍ ما يغبّى .. ومنشودة خوال ‏طامحٍ من جملة الخلق والمطمع جزيل

«ودي أحضنك من قو الغلا لين أموت أنتٍ رحمة .. وأنا أدوّر حسن خاتمة»

‏«سلام الله وصلى الله على نبينا المرسول ‏شفيع الخلق في يومٍ يشيب الرأس من هوله»

‏«شيلني من جمع الأسامي وحط أسمي لحاله ‏والله ما يقدر يقول اللي بقوله فيك .. غيري»