Tibbiyot va farmatsevtika hodimlari Malaka Toifa olish tibtoifa tib toifa

Hurmatli tibbiyot va farmatsevtika xodimlari!   Ma’lumki, Tibbiyot va farmatsevtika xodimlarining malakasini baholash markazida malakani baholash jarayonlari to‘liq raqamlashtirilgan tizim orqali o‘tkazib kelinmoqda. Bunda inson omili minimallashtirilgan, ochiq va shaffof tarzda amalga oshiriladi. Afsuski, ayrim firibgar shaxslar test va og‘zaki sinovlardan o‘tayotgan talabgorlarga telefon qilib yoki telegram orqali, “pul to‘lasangiz, test va og‘zaki imtihondan o‘tkazib beramiz” kabi yolg‘on va soxta takliflar bilan chiqmoqda. Firibgarlar Sizning ishonchingizga to‘liq kirib olish uchun o‘zlarini go‘yoki, Markaz xodimi deb tanishtirgan holda hatto Markaz hududiga va binosi ichiga kirib chiqayotganligini namoyish qilish kabi xatti-harakatlarni qilayotganliklari ham bizga ma’lum. Bunday firibgarlarning noqonuniy va yolg‘on takliflarga uchib, aldanib qolmang. Imtihondan o‘tishda faqat o‘z bilim va tajribangizga suyaning. Bundan tashqari, telegram botlarga joylashtirilgan ommalashib ketgan test savollari va belgilangan javoblar xaqqoniyligiga ishonib qolmaslikni so‘raymiz. Markaz rasmiy ravishda ma’lum qiladiki, yolg‘on imtihon jarayonida hech qanday qo‘shimcha to‘lovlar talab qilinmaydi. Agar bu borada kimdir Sizdan pul talab qilsa, telefon orqali imtihondan o‘tkazishni va’da bersa tezkor ravishda markazning quyidagi  (71) 202-03-31 raqamli “Ishonch telefoni”ga  qo‘ng‘iroq qilishingizni va holat yuzasidan ma’lumot berishingizni so‘raymiz. Shu tariqa, Siz nafaqat o‘zingizni, balki butun soha xodimlarini firibgarlardan himoya qilishga yordam bergan bo‘lasiz. Murojaat etuvchining shaxsiy ma’lumotlari to‘liq sir saqlanadi. Har qanday yangilik va muhim ma’lumotlarni faqat Markazning rasmiy sayti, Telegram kanali va boshqa ijtimoiy tarmoqlardagi rasmiy sahifalari orqali olishingizni so‘raymiz.