Sinksar tube(ስንክሳር)

🔴 ኦርቶዶክስ ኖት ❓️            🌹🌹🌹          🌹🌹🌹🌹        🌹🌹🌹🌹🌹    🌹🌹🌹🌹🌹🌹    🌹🌹🌹🌹🌹🌹    🌹🌹🌹🌹🌹🌹       🌹🌹🌹🌹🌹          🌿🌹🌹🌿               🌿🌿                  🌿                                            🌿               🌿🌿                  🌿           🌿🌿🌿                 🌿      🌿🌿🌿🌿                🌿    🌿🌿🌿🌿               🌿 🌿🌿🌿🌿                🌿 🌿🌿🌿                  🌿                   🌿                    🌿                     🌿                     🌿                   🌿                🔴የአበባውን ምስል አንድ ጊዜ በመጫን ጠቃሚ ነገር ይመልከቱ አንድ ጊዜ ብቻ ይንኩት፡፡❤

🔴የጽጌን ጾም ከሌሎች አጽዋማት ልዩ የሚያደርገው ምንድን ነው⁉️ 🔴ጽጌ ማለት ምን ማለት ነው⁉️ 🔴ጽጌ ጻም የፈቃድ ጻም ናት⁉️ 🔴የሚጾምባት ምክንያት ⁉️ 🎬Orthodox Question 👇🏽 https://t.me/+4spyK-uT0MkyZmZk

⁉️ የማንን መንፈሳዊ ትምህርት ማግኘት ይፈልጋሉ?👇 ┏━━━━━━━━━━━━━━┓ 1⃣ የቅዱስ ዮሐንስ አፈወርቅ ┗━━━━━━━━━━━━━━┛ ┏━━━━━━━━━━━━━━┓ 2⃣ የአባ ጊዮርጊስ ዘጋስጫ ┗━━━━━━━━━━━━━━┛ ┏━━━━━━━━━━━━━━┓ 3⃣ የብጹህ አቡነ ሽኖዳ ሳልሳዊ ┗━━━━━━━━━━━━━━┛ ┏━━━━━━━━━━━━━━┓ 4⃣ የቅዱስ እንጦስ ትምህርቶች ┗━━━━━━━━━━━━━━┛ ┏━━━━━━━━━━━━━━┓ 5⃣ የቅዱስ ኤፍሬም ትምህርቶች ┗━━━━━━━━━━━━━━┛ ┏━━━━━━━━━━━━━━┓ 6⃣ የአባ ሕርያቆስ ትምህርቶች ┗━━━━━━━━━━━━━━┛ የሁሉንም አባቶች ትምህርት ይፈልጋሉ❓️ --------------------------------------------------

0922255259 for order

መስከረም 30- ከዘጠኙ ቅዱሳን አንዱ የኾኑት የደብረ መደራ ቤተ መስቀል አቡነ ገሪማ ዓመታዊ መታሰቢያ በዓላቸው ነው። ረድኤት በረከታቸው ይደርብንና በዛሬዋ ዕለት እንደነሄኖክና ኤልያስ የተሰወሩት አቡነ ገሪማ ያደረጉት ታላቅ ተአምር ይህ ነው፡- ‹‹አቡ ገሪማ በመሰወሪያው ቤቱ ሣለ መልአኩ ቅዱስ ገብርኤል ቀለምና መጻፊያ የመቃብዕርና መላእክት ያዘጋጁለት የፍየል ብራና ይዞ ወደ እርሱ መጣና ሰጠው፡፡ አቡነ ገሪማም እነዚህን የጽሕፈት መሣሪያዎችን ተቀብሎ መደራ በምትባል ቤተ መስቀል ደብሩ አጠገብ ወጥቶ በዓለት ላይ ተቀመጠ፡፡ የወልደ እግዚአብሔር የወንጌል ቃልን መጻፍ ሳይጀምር ድንቅ ተአምርን የሚሠራ አባታችን ገሪማ ነጋሢ ያንጊዜ ምራቁን በዓለቱ ላይ እንትፍ አለ፡፡ ያም የአፉ ምራቅ ለፍጥረት ሁሉ ሕሙማንን የሚፈውስ የሕይወት ውኃ ሆነ፤ እስከ ዓለም ፍጻሜ ድረስ ለፍጥረት ሁሉ ምልክትና አብነትም ሆነ፣ እስከ አሁንም ድረስ አለ፡፡ መላእክት ቀለምና ብራና ካዘጋጁለት በኋላ መላእክት እየተራዱት ግንቦት 17 ቀን በነግህ ጊዜ የመለኮት ወንጌል ይጽፍ ጀመር፡፡ ጌታችን ኢየሱስ ክርስቶስም ከእርሱ ጋር ነበር፡፡ ድንቅ ተአምርን የሚሠራ አባታችን ገሪማ ነጋሢ አራቱ ወንጌልን ሲጽፍ ‹መግደላዊት ማርያም በእሑድ ሰንበት ወደ መቃብር ደረሰች› ከሚለው የዮሐንስ ወንጌል ደረሰ፡፡ የመለኮት ወንጌልንም በመጻፍ ላይ ሣለ የ12ቱ ሰዓተ መዓልት ምግብና ደረሰ፣ የፀሐይም መግቢያ በደረሰ ጊዜ አባታችን ብፁዕ ገሪማ ፀሐይ እንድትቆም እንዳትንቀሳቀስ ተነሥቶ ጸለየ፡፡ መስፍኑ ኢያሱ በገባዖን ለዕብራውያን ርስትን ባካፈለ ጊዜ ፀሐይን እንዳቆመ የሐዲስ ኪዳን ኢያሱ አቡነ ገሪማም እንዲሁ ጽሕፈቱን እስኪፈጽም ድረስ በእግዚአብሔር ኃይል በጸሎቱ ፀሐይን አቆመ፡፡ ከዚኽም በኋላ የቀረውን ጽፎ የአራቱ ወንጌላትንም መጽሐፍ በወይራ ዛፍ ሥር በዐለት ላይ ተቀምጦ በአንድ ቀን ጨረሰ፡፡ ጽሕፈቱንም በፈጸመ ጊዜ ፀሐይ ገባ፡፡ እርሱም እግዚአብሔርን አመሰገነው፡፡ ቅዱስ ያሬድም ከንጉሡ ከገብረ መስቀል ጋር ወደ አባታችን ገሪማ ነጋሢ ዘንድ መጥተው ከእርሱ ቡራኬን ተቀበሉ፡፡ ቅዱስ ያሬድም የመሠወሪያውን ቅድስት ቦታ መደራን በተመለከተና ከአባታች እጅ በተባረከ ጊዜ ‹‹በልዑል ቃል የመለኮት ወንጌልን አስተማርህ፣ የእውነት ምስክርም ሆንህ፣ ስለዚህም ተአምርን የምትሠራ ገሪማ ብለን ጠራንህ›› እያለ ዘመረ፡፡ ዳግመኛም ‹‹አባ ገሪማ ጸሎትህ ትባርከን፣ ሰውነታችን ዛሬ በአንተ ፊት ትክበር፣ አባ ገሪማ ጸሎትህ ትባርከን›› እያለ እስከመጨረሻው ዘመረ፡፡›› (ምንጭ፡- አዱዋ የሚገኘው ገዳማቸው ያሳተመው ቅዱስ ገድላቸው ገጽ 136-142) የአቡነ ገሪማ ነጋሢ ረድኤት በረከታቸው ይደርብን፣ በጸሎታቸው ይማረን፡፡ ✞ ✞ ✞ ከላይ በገድላቸው ላይ የተጻፈውን እንዳነበብነው ዛፎችና ድንጋዮች ጽድቃቸውን በመግለጥ ‹‹ገሪማ ገረምከኒ›› እያሉ አፍ አውጥተው በሰው አንበት ያመሰገኗቸው እጅግ ተአምረኛው ጻድቅ አቡነ ገሪማ ከተስዓቱ ቅዱሳን አንዱ ሲሆኑ ቅዱስ ወንጌልን ጽፈው እስከሚጨርሱ ድረስ ፀሐይን እንደ ኢያሱ ቀጥ አድርገው አቁመዋታል፡፡ ቅዱስ ወንጌልንም የጻፉበትን ብዕራቸውን ከመሬት ቢወረውሩት ጸድቆ በቅሎ ለምልሞ ትልቅ ዛፍ ሆኗል፡፡ ይህ በአቡነ ገሪማ በግእዝ ቋንቋ የተጻፈውና 1600 ዓመት ያስቆጠረው ቅዱስ ወንጌል ሙሉውን ወንጌል የያዘ ብቸኛው ጥንታዊ መጽሐፍ ነው፡፡ ገዳማት የዕውቀት ምንጭም ናቸው፣ ሀገራችን የራስዋ የሆነ ሥነ ጽሑፍ፣ እንዲኖራት፣ ከክርስትና እምነት ጋር የክርስትናን ቅዱሳት መጻሕፍት በራሳችን ቋንቋ እንድናነብ ያደረጉትም በገዳማት የነበሩ ቅዱሳን ሊቃውንት አባቶች ናቸው፡፡ ስለዚህ የኢትዮጵያ ጥንታዊ ቋንቋ ግእዝ መጽሐፍ ቅዱስ ከተተረጎመባቸው ጥንታውያን ቋንቋዎች አንዱ ሊሆን በቅቷል፡፡ ለዚህም ምስክሩ በቅርቡ በመላው ዓለም ዜናው የተሰማው በአቡነ ገሪማ በግእዝ ቋንቋ የተጻፈው ወንጌል ነው፡፡ ይኽ በእሳቸው የእጅ ጽሑፍ የተጻፈው የግእዝ ወንጌል የኦክስፎርድ ዩኒቨርስቲ ከፍተኛ ዓለም አቀፍ ተመራማሪዎችን ጨምሮ በተደረገው ምርምር በአክሱም ዘመን ከአምስተኛው እስከ ስድስተኛው ክፍለ ዘመን የተጻፈ መሆኑ ተረጋግጧል፡፡ በዚህም የሀገራንን የሥነ ጽሑፍ ታሪክ ቅድምና ከማረጋገጡ ባሻገር ገዳማትና ገዳማውያን ቅዱሳን አባቶች ያበረከቱትን አስተዎጽኦ ለማስረዳት ችሏል፡፡ በድጋሚ የጻድቁ ረድኤት በረከታቸው ይደርብን፣ ✞ ✞ ✞ ረድኤት በረከታቸው ይደርብንና ዳግመኛም አቡነ ገሪማ ነጋሢ ያደረጉት ታላቅ ተአምር ይኽ ነው፡- ‹‹አቡ ገሪማ ጥንድ በሬዎችን ጠምዶ ተልሞ ያርስ ጀመረ፣ 44 ትልሞችንም ተለመ፡፡ መልአኩ ቅዱስ ገብርኤል ከሰማይ አምጥቶ የሰጠውንም የስንዴ ዘር በዚያ እርሻ ላይ ዘራው፡፡ ያንጊዜም ዕለቱን በነግህ (በጠዋት) ፈጥኖ በቀለ፣ በ6 ሰዓትም እሸት ሆነ፤ በ7 ሰዓትም ጎምር ሆኖ ለመታጨድ ደረሰ፤ ዳግመኛም ዕለቱን በ8 ሰዓት አጨዱት፡፡ ያንጊዜም ከግራር ዛፍ ላይ አወጡት፡፡ ቅዱስ አባታችን ገሪማም የግራሩን ዛፍ እንደ እህል አውድማ አደረገው፡፡ በሬዎችን በግራር ዛፍ ላይ አውጥቶ ስንዴውን በላዩ አበራየ (ወቃ)፡፡ የስንዴውንም ምርት ወደ አቁማዳው ጨመረው፡፡ ስንዴውንም ከቀኑ በዘጠኝ ሰዓት ለእግዚአብሔር መሥዋዕት አድርጎ አቀረበ፡፡ የስንዴውም ምርት በእንቅብ መሥፈሪያ 77 መሥፈሪያ ሆነ፡፡ ለቁርባን መሥዋዕት ካዘጋጀው በቀር ስንዴውን ወስዶ ለድኆች ሰጠው፡፡ ይህም ታላቅ ተአምር የተደረገው በ536 ዓ.ም መጋቢት 20 ቀን በዕለት ሐሙስ ነው፡፡›› (ገድለ አቡነ ገሪማ ገጽ 134-136) የአቡነ ገሪማ ረድኤት በረከታቸው ይደርብን፣ በጸሎታቸው ይማረን! ✞ ✞ ✞ የደብረ መደራው አባታችን ገሪማ የከበረ ምራቃቸውን ከትልቅ ጠፍጣፋ ድንጋይ ላይ እንትፍ ቢሉት ከድንጋዩ ላይ ጠበል ሆኖ ፈልቋል፡፡ ጠበሉ አሁንም ድረስ ዕውራንን እያበራና ብዙ አስገራሚ ፈውሶችን እየሰጠ ይገኛል፡፡ ትግራይ አዱዋ ባለው በገዳማቸው ውስጥ የሚገኘው አስደናቂው የአቡነ ይስሐቅ/ገሪማ ጠበል የሚፈልቀው ከጠፍጣፋ ድንጋይ ላይ ነው፡፡ የበለጠ የሚያስገርመው ደግሞ ጸበሉ ከድንጋዩ ላይ በግልጽ እየታየ የሚፈልቀው በጠራራ ፀሐይ ብቻ መሆኑ ነው፡፡ ጠበሉ ከቀኑ ከ6፡00 ጀምሮ እስከ 9፡00 ባለው ጊዜ ብቻ ነው የሚፈልቀው፡፡ ጻድቁ በዚኽች ዕለት ሰኔ 17 ቀን ሞትን ሳያዩ እንደነሄኖክና ኤልያስ የተሰወሩበት ዕለት ነው። የአቡነ ገሪማ ረድኤት በረከታቸው ይደርብን፣ በጸሎታቸው ይማረን!

Dm for order

በሀገራችን ኢትዮጵያ ለቅድስት አርሴማ ጽላት የተቀረጸላትና ቤተ መቅደስ የታነጸላት እርሷ ገና በእናቷ ማኅፀን ሳትፀነስ በመንፈስ ቅዱስ ታውቆ መሆኑ በእጅጉ ይደንቃል! ገና በእናቷ ማኅፀን ሳትፀነስ የቅድስት አርሴማን ጽላት ያሠሩላትና ቤተ መቅደስ ያነጹላት በግብፅ 40 ዘመን ነግው ሳለ ንግሥናቸውን ትተው ወደ ኢትዮጵያ መተው 16 ፍልፍል ቤተ መቅደሶችን የሠሩት የድባጋው አቡነ ሙሴ ናቸው፡፡ ይህም ሰማዕቷ እንደ ነቢዩ ኤርሚያስ አስቀድማ የተመረጠች መሆኑን ያሳያል፡፡ አርመን ኤችሚዚን የሚገኘውና ቅድስት አርሴማ በመጀመሪያ የተቀበረችበት መካነ መቃብሯ የነበረበት ቦታ። ቅድስት አርሴማ (Saint Hripsime) በ290 ዓ.ም በአርመን በሰማዕትነት ካረፈች በኋላ ይኽ የመጀመሪያው ቤተ ክርስቲያን በስሟ የተሠራውም አርመን ኤችሚዚን ውስጥ በ395 ዓም ነው፡፡ ነገር ግን እግዚአብሔር ባወቀና በፈቀደ የቅድስት አርሴማ የከበረ ዐፅሟ በሀገራችን በግሸን ደብረ ከርቤ እንደሚገኝ አባቶች ይናገራሉ፣ መጽሐፈ ጤፉትም ላይ ተጽፏል። ግሸን ማርያም ላይ በክብር ተቀምጦ ከሚገኘው ከጌታችን ቅዱስ መስቀል በተጨማሪ የበርካታ ቅዱሳን ዐፅሞችም ይገኛሉ፤ ከእነዚኽም ውስጥ፡- የእመቤታችን እናት የቅድስት ሐና ዐፅም፣ የሐዋርያው የቅዱስ በርተሎሜዎስ ዐፅም፣ የቅዱስ ጊዮርጊስ ዘልዳ ዐፅም፣ የቅዱስ ገላውዴዎስ ዐፅም፣ የሊቃነ ጳጳሳቱ የሳዊሮስና የዲዮስቆሮስ ዐፅም፣ ሔሮድስ በቤተልሔም ያስፈጃቸው ሕፃናት ዐፅም፣ የጌታችን ወንድም የቅዱስ ያዕቆብ ዐፅም፣ የቀዳሜ ሰማዕት የቅዱስ እስጢፋኖስ ዐፅም፣ የሐዋርያው የቅዱስ በርናባስ ዐፅም፣ የመጥምቀ መለኮት የቅዱስ ዮሐንስ ራስ፣ የሰማዕቷ የቅድስት አርሴማ ዐፅም እና ሌሎችም ይገኙበታል፡፡ ከቅዱስ መስቀሉ በተጨማሪ ጌታችን በዕለተ ዐርብ በራሱ ላይ የደፋው አክሊለ ሶክ፣ ለብሶት የነበረው ቀይ ልብስ፣ ከሮም የመጣው ከለሜዳው፣ ሐሞት የጠጣበት ሰፍነግ (ጽዋ) ፣ የታሠረበት ገመድና የተገረፈበት ጅራፍ፣ ቅዱስ ዮሐንስ የሣለው ኩርዓተ ርእሱ ሥዕል በግሸን ይገኛሉ። ይኽንንም የጌታችን ቅዱስ መስቀል ወደ ሀገራችን ቅድስት ኢትዮጵያ እንዴት እንደመጣ በዝርዝር የምታስረዳው ‹‹መጽሐፈ ጤፉት›› ላይ በገጽ 60፣ 127፣ 137 እና 141 ላይ በግልጽ ተጽፎ እናገኘዋለን። ቅድስት ሀገራችን ኢትዮጵያ የእግዚአብሔር የምሥጢር ሀገር ናት የሚባለው በብዙ ምክንያት ነው። በኢትዮጵያና በመላው ዓለም ብዙ አብያተ ክርስቲያናት በስሟ እየታነጹ ከክርስቶስ አምላኳ በተቀበለችው አማናዊ ቃል ኪዳንም ብዙ ሕሙማን እየተፈወሱ በረከቷን እያገኘን እንገኛለን፡፡ ታቦቷ በኢትዮጵያ በብዛት፤ በደቡብ አፍሪካ በረስተንበርግ፤ በዱባይ እና በአውሮፓ ስኮትላንድ ግላስኮ፤ በሰሜን አሜሪካ ቨርጂንያ መካነ ሰማዕት የቅድስት አርሴማ ቤተ ክርስቲያን ይገኛል። ቅድስት አርሴማን መሰገኗት የኢትዮጵያ ኦርቶዶክስ ተዋሕዶ ቤተ ክርስቲያን ቀደምት ሊቃውንት ውስጥ ሊቁ አርከ ሥሉስ እና አባ ጊዮርጊስ ዘጋሥጫ የሚጠቀሱ ሲኾኑ፦ ሊቁ አርከ ሥሉስም ይኽነን የቅድስት አርሴማ ተጋድሎ ሲመሰክር፡- “በጾታ ኅሩያን ዕደው እንዘ ተኀብሪ ጾታ፤ እንበለ ትፍርሂ ምንተ ብልኀተ ኲያንው ወሰይፍ ልሳነ መንታ፤ ዘፈጸምኪ ስምዐ በእንተ ኢየሱስ ንጉሠ ኤፍራታ፤ ሰላም ለኪ አርሴማ ምስለ እምኪ አጋታ፤ ወለደናግል ሰላም ምስሌኪ ዘሞታ።” (በተመረጡ ወንዶች ወገንነት ተባብረሽ ኹለት አፍ ያለው ሰይፍንና የጦሮችን ስለትን ምንም ሳትፈሪ የኤፍራታ ንጉሥ ስለሚኾን ስለ ኢየሱስ ምስክርነት የፈጸምሽ አርሴማ ከእናትሽ ከአጋታ ጋር ሰላምታ ለአንቺ ይገባል፤ ካንቺ ጋር የሞቱ ለኾኑ ደናግል ሰላምታ ይገባል) በማለት በኅብረት አመስግኗቸዋል፡፡ ታላቁ ሊቅ አባ ጊዮርጊስ ዘጋሥጫም በተአምኆ ቅዱሳን ታላቅ መጽሐፉ ላይ፦ “ሰላም ለአርሴማ ቅድስት ከመ በቀልት ዘይመስል ቆማ፤ ወዘከለላ ዘመንፈስ ግርማ፤ ዘፈጸመት ገድላ በጻማ፤ ወበመንግሥተ ሰማይ ዐቢይ ስማ።”፡ (ገድሏን በሥቃይ የፈጸመች፤ የመንፈስ ግርማ የጋረዳትና ቊመቷ እንደ ዘንባባ የሚመስል ለምትኾን ለቅድስት አርሴማ ሰላምታ ይገባል፤ በመንግሥተ ሰማይም ስሟ ታላቅ ነው) በማለት ያወድሳታል። እንኳን ለእናታችን ለሰማዕቷ ለቅድስት አርሴማ ዓመታዊ የዕረፍቷ በዓል በሰላም አደረሰን፣ አደረሳችሁ!!!

💠የንስሐ ◇የሽብሻቦ ◇ወረብ ◇የቅዱሳን እንዲሁም የመላእክት መዝሙር የምትፈልጉ ከሆነ አሁኑኑ JOIN  በሉት  ይሄ ቻናል ምርጥ ምርጥ መዝሙሮችን በጥራትና በፍጥነት ያሳያል። 𝐉𝐨𝐢𝐧👇👇👇 https://t.me/addlist/sZA2UFcsVPplMjI0

0922366770-for order

††† በስመ አብ ወወልድ ወመንፈስ ቅዱስ አሐዱ አምላክ አሜን! ††† ††† መስከረም 28 ††† ††† ቅዱሳን አባዲርና እህቱ ኢራኢ ††† ††† በ3ኛው መቶ ክ/ዘመን የሮም መንግስት ዓለምን የሚያስተዳድረው በሁለት ከተሞች: ማለትም በራሷ በሮምና በአንጾኪያ ነበር:: የወቅቱ ንጉሥ ኑማርያኖስ ሲሆን የቤተ መንግስቱ ልዑላንና የጦር አለቆች ቅዱሳኑ:- ፋሲለደስ: ገላውዴዎስ: ፊቅጦር: መቃርስ: አባዲር: ቴዎድሮስ (ሦስቱም): አውሳብዮስ: ዮስጦስ: አቦሊ: ሌሎቹም ነበሩ:: ሴቶቹ ደግሞ ቅዱሳቱ:- ማርታ: ሶፍያ: ኢራኢ: ታኡክልያ: ሌሎቹም ነበሩ:: ለእነዚህ ሁሉ የበላይ ደግሞ ቅዱስ ፋሲለደስ ነበር:: ወቅቱ ከፋርስ: ከቁዝና ከበርበር ጦርነት የሚበዛበት ነበርና ባጋጣሚ ንጉሡ ኑማርያኖስ በሰልፍ መካከል ተመትቶ ወደቀ / ሞተ:: የሮም መንግስትም ባዶ ሆነች:: ዙፋኑን መያዝ ለቅዱስ ፋሲለደስም ሆነ ለሌሎቹ ቅዱሳን ቀላል ነበር:: ግን እነሱ ዝም ብለው ጠላትን ለመዋጋት ወጡ:: በዘመኑ ደግሞ በግብጽ የፍየል እረኛ የነበረና ከልጅነቱ ሰይጣን የሚያናግረው አንድ አግሪዻዳ የሚሉት ጉልበተኛ ሰው ነበር:: ንጉሡ ከወለዳቸው ልጆች ሁለቱ ሴቶች ክፉዎች ነበሩና ትንሿ አግሪዻዳን ማንም በሌለበት አንግሣ ጠበቀቻቸው:: ስሙንም ዲዮቅልጢያኖስ አለችው:: በቤተ ክርስቲያን ታሪክ ከሰይጣን ቀጥሎ እንደዚህ የከፋ ስም የለም:: የዓለም ክርስቲያኖችን የጨፈጨፈ ሰው ነው:: ትልቋ ደግሞ የትንሿን አይታ መክስምያኖስ የሚባል አውሬ አግብታ አነገሠችው:: ዓለምም በእነዚህ ጨካኝ ሰዎች እጅ ወደቀች:: ሠራዊቱ ሁሉ በሚሊየን ይቆጠራሉ:: የተደረገውን ሲያዩ ተበሳጩ:: ይህንን የተመለከተው ቅዱሱ ፋሲለደስ ግን ልዑላኑንና አለቆችን ሰብስቦ:- "ይህ ዓለም ከነ ክብሩ ጠፊ ነው:: ስለዚህ የተሻለውን የክርስቶስን መንግስት እንምረጥ" አላቸው:: ሁሉም እንደ አንድ ልብ መካሪ ደስ ተሰኝተው ምድራዊ ክብራቸውን ሊተው ወሰኑ:: ቀጥለውም በአንድ ቤት ተሰብስበው ይጾሙ: ይጸልዩ ገቡ:: ወደ ውጪ የሚወጡት ለምጽዋት ብቻ ነበር:: ቅዱሳኑ አባዲርና ኢራኢም ከእነዚህ መካከል በመሆናቸው ተጋድሏቸውን ቀጠሉ:: በተለይ ቅዱስ አባዲር በሌሊት በመካነ ጸሎቱ ሲጸልይ ያድርና በቀን ነዳያንን ይጐበኛል:: አመሻሽ ላይ ደግሞ ልብሱን ለውጦ ወደ እሥር ቤት ይሔዳል:: እሱ የአንጾኪያ ሠራዊት አለቃ: ኃያል የጦር መሪ ነውና ሁሉ ይወደውና ያከብረው ነበር:: በዚህም ምክንያት የእሥር ቤት ዘበኞች ምንም ከዲዮቅልጢያኖስ ከባድ ትዕዛዝ ቢኖርባቸውም ለቅዱሱ ግን ይከፍቱለት ነበር:: እርሱም ወደ እሥር ቤት ገብቶ ቁስላቸውን ጠርጐ: እግራቸውን አጥቦ: ለረሃባቸው መደገፊያ የሚሆን ማዕድም አጉርሷቸው ይወጣ ነበር:: በእንዲህ ያለ ግብር ሳለ ስለ ክርስቶስ የሚሰዋበት ጊዜ ደረሰ:: አንድ ቀን በመካነ ጸሎቱ ለምስጋና ሲተጋ ክብር ይግባውና መድኃኒታችን ኢየሱስ ክርስቶስ ተገለጠለት:: "ስምህን ለዘለዓለም አከብረዋለሁ:: በሰማያዊት ርስቴም አነግሥሃለሁና ከእህትህ ኢራኢ ጋር ወደ ምድረ ግብጽ ወርዳችሁ መስክሩ" ብሎት: ለእሷም በተመሳሳይ "ወንድምሽ የሚያዝሽን ሥሪ" ብሏት መድኃኒታችን ዐረገ:: ከዚያች ቀን ጀምሮ ቅዱስ አባዲርና እህቱ ኢራኢ ወደ ግብጽ የሚወርዱበትን መንገድ ይፈልጉ ነበር:: እናታቸው ግን (የቅዱስ ፋሲለደስ እህት ናት) ነገሩን ስትሰማ አለቀሰችባቸው:: "ልጆቼ አትሙቱብኝ: ዲዮቅልጢያኖስንም አትናገሩት" ስትል አማለቻቸው:: ከጥቂት ቀናት በኋላም ቅዱሱ ከእህቱ ጋር ከሶርያ ጠፍቶ ግብጽ ገቡ:: በዚያ ግን ፈተና ገጠመው:: በየመንገዱ የሚያየው ሕዝቡና ሠራዊት ሁሉ "ጌታችን አባዲር" እያለ ይሰግድለት ገባ:: ቀደም ሲል እንዳልነው እርሱ ኃያል የጦር መሪ: የሠራዊቱም አለቃ ነውና:: ቅዱሱ ግን ወደ ክርስቶስ ሊሔድ ናፍቋልና ሠራዊቱን እና ሕዝቡን:- "የሚገርማችሁ ሁሉም ሰው እንዲህ ይለኛል:: ግን'ኮ እኔ አንድ ተራ ምስኪን ክርስቲያን እንጂ የምትሉት ሰው አይደለሁም" ብሎ አታለላቸው:: ቀጥሎ በክርስትናው ተከሶ ከእህቱ ጋር ለፍርድ ቀረበና ስቃይ ታዘዘባቸው:: ለሰው ዐይን የሚከብዱ ብዙ ስቃዮችን ካሳለፉ በኋላም ሞት ተፈረደባቸው:: ነገር ግን አንገታቸው ከመሰየፉ በፊት መኮንኑ አርያኖስ ትክ ብሎ ሲያየው ተጠራጥሮ "ማንነትህን እንድትነግረኝ በአምላክህ አምየሃለሁ" አለው:: ቅዱስ አባዲርም መልሶ "አንተም ማንነቴን ካወቅክ በኋላ እኔን መግደል እንዳትተው ማልልኝ" አለው:: ማለለትም "እኔ አባዲር ነኝ" አለው:: በዚያች ቅጽበት አርያኖስ ከመደንገጡ የተነሳ መሬት ጠበበችው:: በፊቱ ተደፍቶ "ወዮልኝ! ጌታየን አባዲርን ያሰቃየሁ" እያለ አለቀሰ:: ነገር ግን ምሏልና በ300 ዓ/ም አካባቢ እያዘነ በዚህች ቀን ቅዱስ አባዲርንና እህቱን ኢራኢን አሰይፏቸዋል:: ††† ቅድስት ሶስና ††† ††† ይህች እናት የነበረችው ቅ.ል.ክርስቶስ በ500 ዓመት አካባቢ ነው:: እሥራኤላውያን በናቡከደነጾር ተማርከው ፋርስ ባቢሎን ወርደው ሳሉ: የኬልቅዩስ ልጅ: የደጉ ኢዮአቄም ሚስት የሆነች እናት ናት:: ቅድስት ሶስና በስደት ሃገር እግዚአብሔርን የምታመልክ: ለባሏ የምትታመን: ለቤተሰቦቿም ኩራት የሆነች ወጣት: በዚያውም ላይ እጅግ የምታምር ነበረች:: በዘመኑ ሕግን እናውቃለን የሚሉ 2 ረበናት ግን ከቅድስናዋ ሊያጐድሏት ይሹ ነበርና: አልሳካላችሁ ቢላቸው በሃሰት ከሰው በወገኖቿ ፊት ሞትን አስፈረዱባት:: በፍርድ ፊት ቁማ ሳለ እርሷ በፍጹም እንባ ወደ ፈጣሪዋ ትጸልይ ነበርና እግዚአብሔር ፍርዱን ላከ:: ሊገድሏት ሲወስዷት የኋላው ነቢዩ ቅዱስ ዳንኤል ያን ጊዜ ብላቴና ነበርና "እኔ ከዚህች የተባረከች ሴት ደም ንጹሕ ነኝ" ሲል ጮኸ:: ይህንን የሰሙ ዳኞችም የፍርድ ዙፋኑን ለቀቁለት:: ሁለቱን ረበናት ለየብቻቸው አድርጐ ዝሙትን ስትሠራ በየት ቦታ ላይ እንዳዩዋት ጠየቃቸው:: ጌታ ሲፈርድባቸው አንዱ በኮክ: ሌላኛው በሮማን ዛፍ ሥር አለ:: በዚህ ጊዜ ሕዝቡ እነዚህን ሃሰተኛ ረበናት (መምሕራን) ስለ እርሷ ፈንታ ወግረው ገደሏቸው:: ቅድስት ሶስና ግን ባለ ዘመኗ ሁሉ ፈጣሪዋን አገልግላ በዚህች ቀን ዐርፋለች:: ††† አምላከ ቅዱሳን ከክፉ ሰዎች ምክር: ከአጋንንትም ሴራ በቸርነቱ ይጠብቀን:: የወዳጆቹንም ጸጋ ክብራቸውን ያድለን:: ††† መስከረም 28 ቀን የሚከበሩ ዓመታዊ የቅዱሳን በዓላት 1.ቅዱስ አባዲር ሰማዕት 2.ቅድስት ኢራኢ እህቱ 3.ቅድስት ሶስና እናታችን 4.ቅዱስ ሉቃስ መነኮስ 5.ቅዱስ ዻውፍርና =>ወርኀዊ በዓላት 1.አማኑኤል ቸር አምላካችን 2.ቅዱሳን አበው (አብርሃም: ይስሐቅና ያዕቆብ) 3.ቅዱስ እንድራኒቆስና ሚስቱ ቅድስት አትናስያ 4.ቅድስት ዓመተ ክክርስቶስ 5.ቅዱስ ቴዎድሮስ ሮማዊ (ሰማዕት) ††† "ሶስናም ቃሏን አሰምታ ጮኸች:- 'ዘላለም ጸንተህ የምትኖር: የተሠወረውን የምታውቅ: የሚደረገውን ሁሉ ሳይደረግ የምታውቅ ፈጣሪ ሆይ! በሐሰት እንደ ጣሉኝ አንተታውቃለህ:: እነዚህ መመሕራንም ክፉ ነገርን ባደረጉብኝ ገንዘብ: የሠራሁት ኃጢአት ሳይኖር እነሆ እሞታለሁ' አለች:: እግዚአብሔርም ቃሏን ሰማት::" ††† (ሶስና. ፩፥፵፩) ††† ወስብሐት ለእግዚአብሔር †††

🔴የጽጌን ጾም ከሌሎች አጽዋማት ልዩ የሚያደርገው ምንድን ነው⁉️ 🔴ጽጌ ማለት ምን ማለት ነው⁉️ 🔴ጽጌ ጻም የፈቃድ ጻም ናት⁉️ 🔴የሚፆምባት ምክንያት ⁉️ 🎬Orthodox Question 👇🏽 https://t.me/+4spyK-uT0MkyZmZk

††† እንኳን ለእመቤታችን ቅድስት ድንግል ማርያም እና ለቅዱስ ዮሐንስ መጥምቅ ዓመታዊ በዓል በሰላም አደረሳችሁ፤ አደረሰን። ††† ††† በስመ አብ ወወልድ ወመንፈስ ቅዱስ አሐዱ አምላክ አሜን! ††† ††† ተአምረ ማርያም ††† ††† ተአምር ማለት "ድንቅ: ምልክት: ከተፈጥሮ ሥርዓት ውጪ የሆነ ክዋኔ: በሰብአዊ አቅም ሊሠራ የማይችል ተግባር (ድርጊት)" ነው:: ተአምራት ከባለቤቱ ከጌታችን ሲሆኑ የባሕርዩ ናቸው:: ከቅዱሳኑ ሲሆኑ ደግሞ የጸጋ እንላቸዋለን:: ቅዱስ መጽሐፍ ላይ በእግዚአብሔር ወዳጆች የተሠሩ ተአምራት እጅግ ብዙ ናቸው:: ነገር ግን:- *ተአምራት ከአጋንንትም ሊሆኑ እንደሚችሉ መረዳት:: *ሁሌ ምልክትን (ተአምርን) አለመፈለግ:: *መመርመርና ማስተዋል ከአንድ ክርስቲያን ይጠበቃል:: *ቅዱስ ዮሐንስ አፈ ወርቅ በድርሳኑ እንደ ነገረን ተአምር መሥራት ከሲዖል እሳት አያድንም:: ጌታም በዚህ ነገር ተባብሮበታል:: (ማቴ. 7:22, 12:39) ከጌታችን እግዚአብሔር ቀጥሎ የድንግል ማርያምን ያህል ተአምራትን የሠራ አይገኝም:: እንዲያው ሌላውን ትተን በእያንዳንዳችን ሕይወት ላይ እንኳ ብዙ ድንቅ ነገሮችን አድርጋለችና ምስክሮቹ እኛው ራሳችን ነን:: የእመቤታችን ተአምር የተጀመረው ገና ከፍጥረተ ዓለም ነው:: በእርግጥ ይህንን ለመረዳት ሠፊ አዕምሮና አስተዋይ ልቡናን ይጠይቃል:: ድንግል ማርያም ማለት የእግዚአብሔር የቸርነቱ ግምጃ ቤት: የጸጋው ደጅ ናት:: እርሱ ይህንን መርጦ ወዷልና:: እመ ብርሃን ተጸንሳ ከተወለደች በኋላ ደግሞ እጅግ ብዙ ኃይልን ታደርግ ነበር:: በዚህ ዕለት ከ2007 ዓመታት በፊት ያደረገችው ተአምር ደግሞ ድንቅ ነው:: አጐቷ /ጠባቂዋ/ አገልጋዩዋ አረጋዊ ቅዱስ ዮሴፍ ከቤተ መቅደስ ተቀብሎ ካመጣት በኋላ እርሱ እንጨትን ይጠርብ ነበር:: ዘመኑ ዘመነ ዐጸባ (የችግር ዘመን) በመሆኑ ለሥራ ጉዳይ ወደ ሩቅ ሃገር ሒዶ የተመለሰው ከወራት በኋላ ነው:: ዮሐንስ የሚሉት ፈላስፋ ባልንጀራ ነበረውና ሽማግሌው ዮሴፍ ልብ ያላለውን ነገር ነገረው:: "ይህች ብላቴና ጸንሳለችና መርምራት" ብሎ ሔደ:: ቅዱስ ዮሴፍ ግን ደነገጠ:: "እኔ እንዲህ ያለ ነገር እንኳን በገቢር (በሥራ) በሃሳብም አላውቅባት" ብሎት ወደ ቤት ገባ:: ቀጥሎም እመቤታችንን "ልጄ ሆይ! ከማን ጸነስሽ" አላት:: "እመንፈስ ቅዱስ" አለችው:: ግራ ገባው: ምሥጢርም ተሠወረበት:: "እንዴት አንዲት ሴት ያለ ወንድ ዘር ልትጸንስ ትችላለች?" ብሎ ያወጣ: ያወርድ: ይጨነቅም ገባ:: የእኛ እመቤት ግን እንደ ጨነቀው ባወቀች ጊዜ ጠርታ ወደ ውጪ ይዛው ወጣች:: ከረዥም ጊዜ በፊት ጠርቦ የጣለውን እንጨት አንስታ ተከለችውና ጸለየችበት:: በደቂቃም የአረጋዊው ዐይን እያየ ያ ደረቅ እንጨት ለምልሞ: አብቦ አፈራ:: ቅዱስ ዮሴፍ በጣም ደነገጠ:: "አባቴ ተመልከት እስኪ! ይህንን ማን አደረገ?" አለችው:: "ልጄና እመቤቴ! እግዚአብሔር ነው" አላት:: እርሷም "በማሕጸኔ ያለውም ኢሳይያስ ትንቢትን የተናገረለት አምላክ ነውና ሁሉን ይችላል" አለችው:: አረጋዊውም ቅዱስ ኤራቅሊስ በሃይማኖተ አበው እንደ ነገረን "ሰገደ ላቲ" ወደ ምድር ወድቆ በፊቷ ሰገደ:: ††† ቅዱስ ዮሐንስ መጥምቅ ††† ††† ቅዱስ ወንጌል ላይ ከእመቤታችን ቀጥሎ የዘካርያስን ቤተሰብ ያህል ክብሩ የተገለጠለት ፍጡር ይኖራል ብሎ መናገሩ ይከብዳል:: ቅዱስ ሉቃስ የጀመረው በዚህ ቅዱስ ቤተሰብ ነውና መንፈስ ቅዱስ እንዲህ ሲል አጽፎታል:: "ዘካርያስ ካህኑና ቅድስት ኤልሳቤጥ በሰውና በእግዚአብሔር ፊት ያለ ነቀፋ የሚኖሩ ጻድቃን ነበሩ" ይላቸዋል:: (ሉቃ. 1:6) የሰውን እንተወውና በእግዚአብሔር ፊት ያለ ነቀፋ መኖር ምን ይረቅ? ለዚህ አንክሮ (አድናቆት) ይገባል! እሊህ ቅዱሳን ባልና ሚስት ግን መካኖች በመሆናቸው ልጅ ሳይወልዱ ዘመናቸው አልፎ ነበር:: እንደ ቤተ ክርስቲያን ትውፊት ዕድሜአቸው የኤልሳቤጥ 90 የዘካርያስ ደግሞ 100 ደርሶ ነበር:: ፍጹም መታገሳቸውን የተመለከተ ጌታ ግን በስተ እርጅናቸው ከሰው ሁሉ በላይ የሆነ: ትንቢት ለብቻው የተነገረለት (ኢሳ. 40:3, ሚል. 3:1) ታላቅ ነቢይን ይሰጣቸው ዘንድ መልአከ ብሥራት ቅዱስ ገብርኤልን ላከላቸው:: ቅዱስ ዘካርያስ ሰው ነውና ከደስታ ብዛት በመከራከሩ ድዳ ሆነ:: ቅድስቲቷ ግን መስከረም 26 ቀን ታላቁን ሰው ጸንሳ ለ6 ወራት ራሷን ሠወረች:: በ6ኛው ወር የፍጥረት ሁሉ ጌታ በተጸነሰ ጊዜ የአርያም ንግሥት ድንግል እመቤታችን ደጋ ደጋውን ወደ ኤልሳቤጥ መጣች:: ሁለቱ ቅዱሳት የእህትማማች ልጆች ናቸው:: የአምላክ እናቱ ስትደርስና "ሰላም" ስትላቸው መንፈስ ቅዱስ በእናትና ልጅ ወርዶ ኤልሳቤጥ በምስጋና: ዮሐንስ ደግሞ ገና በማሕጸን ሳለ በደስታ ዘለለ (ሰገደ):: ከዚህ በኋላ ሰኔ 30 ተወልዶ: አባቱ ዘካርያስ "ዮሐንስ" ሲለው አንደበቱ ተፈትቶለታል:: ††† የእመቤታችን ልመናዋ: ክብሯ: የልጇ የወዳጇም ቸርነት በእውነት ከሁላችን ጋር ይሁን:: የመጥምቁንም በረከት ያብዛልን:: ††† መስከረም 26 ቀን የሚከበሩ ዓመታዊ የቅዱሳን በዓላት 1.ቅድስት ድንግል ማርያም 2.ቅዱስ ዮሴፍ አረጋዊ 3.ቅዱስ ዮሐንስ መጥምቅ (ጽንሰቱ) 4.ቅዱሳን ዘካርያስና ኤልሳቤጥ 5.ቅዱስ አቦሊ ሰማዕት (ፍልሠቱ) ††† ወርሐዊ በዓላት 1.ቅዱስ ቶማስ ሐዋርያ 2.አቡነ ሐብተ ማርያም ጻድቅ 3.አቡነ ኢየሱስ ሞዐ ዘሐይቅ 4.ቅዱሳን ሰማዕታተ ናግራን 5.ቅዱስ አቡነ ሰላማ ከሣቴ ብርሃን ††† "ኤልሳቤጥም የማርያምን ሰላምታ በሰማች ጊዜ ጽንሱ በማሕጸኗ ውስጥ ዘለለ:: በኤልሳቤጥም መንፈስ ቅዱስ ሞላባት:: በታላቅ ድምጽም ጮኻ እንዲህ አለች:- 'አንቺ ከሴቶች መካከል የተባረክሽ ነሽ: የማሕጸንሽም ፍሬ የተባረከ ነው:: የጌታየ እናት ወደ እኔ ትመጣ ዘንድ እንዴት ይሆንልኛል? . . . ከጌታ የተነገረላት ቃል ይፈጸማልና ያመነች ብጽዕት ናት::" ††† (ሉቃ. ፩፥፵፩) ††† ወስብሐት ለእግዚአብሔር †††

✝ጾመ ጽጌን ለምትጾሙ ታላላቆቼ : እህቶቼና ወንድሞቼ . . . ❀እንኩዋን አደረሳችሁ! ❀በውስጥ መስመር ጥቂቶቻችሁ ጾሙ መቼ እንደሚገባ ጠይቃችሁኛል። #ጾመ_ጽጌ ሁሌም ቢሆን የሚገባው መስከረም 26 ነውና ሊቀየር አይችልም። ❀ስለዚህ ከነገ (መስከረም 26) ጀምሮ ጾመ ጽጌ ትገባለች። ❀ላደለው፥ አቅሙም ላለው ይህንን ጾም መጾም ታላቅ ክብርና ፍቅር ነው። ❀የማንጾምም ብንሆን በሚቀጥሉት 40 ቀናት ተድላ ደስታ ባናበዛ ጥሩ ነው። ❀ጊዜው የፈጣሪ ስደትና የድንግልም መከራዋ የሚታሰብበት ነውና ማዘን ይገባል። ❀ነገር ግን በእነዚህ 40 ቀናት ሠርግን ጨምሮ ተድላ ሥጋን አብዝቶ መከወን ከአሳዳጁ ሔሮድስ ጋር መወገን ነውና እናስብበት። ❀በተለይ ሠርግ ማድረጉ ይከብዳል። ❀ግን ጾሙ የፈቃድ ነውና የሚጾመው በትህትናና በፍቅር ሊያደርገው ይገባል። ❀አድሏችሁ የምትጾሙ ወገኖቼም በጸሎታችሁ አስቡን❀ ☞ሁላችንንም በድንግል ፍቅር ከልሎ ለዚሁ ማዕረግ ያብቃን:: አሜን:: (ዲያቆን ዮርዳኖስ አበበ)