أكثر مخاوف الإنسان مرور العمُر في الضيّاع
ومافيه طريق واضح يدلّه وقيل في ذلك :
« أخاف العمر يسرقني وأنا عشت العمر طوّاف
ما بين الأمّس والذكرى وأعدائي وأصحابي
وأشوف الليل يغتال النهار بـ ظلمته وأخاف
تصاحبني الظروف الظالمة وتصاحب أبوابي »
سلام الله على ظلم الفراق وقسوة الأيام
عسى ربي يسهل لك طريقك وتحيا وتدوم
رح ووجهك بياضه من بياض الصبح ماينلام
وأنا من مدّة أيدين البخت يرضيني المقسوم
وش بيدي وقف حظ الفقير وماتت الأحلام
على حباً من أول يوم وفراقٍ من أول يوم
ان كان لك في هواي شفوف
مليان صدري عليك عتاب
وان كان عينك ماهي بتشوف
صدقي فلا تصدق الأحباب
وان كان تبغى الوصال صدوف
سافر ولا تشرح الاسباب
من تالي اشوف منك عزوف
ومعها بعد ماتحسب حساب
تقول انا من سلايل محتمين الدخيل
مسعدني انها تحدّاني ب جدّانها
منطوقها ما يقول الا الكلام الجميل
ولو خانها لسانها صح اللّٰه لسانها
جميلة الوجه سوت ف المحاني جميل
من يوم صارت تشوف القلب بستانها
شحَت بروق أسمك وجفت مرابيك
وأجتاحني عقب الزعل ما تهيّا
أعرفك وأجهل مابقى من مشاهيك
و أقول يـ كل المشاوير هيّا
عذِب المحيا لو تباعد حراويك
أنسج لك دروب السفر في يديّا
قلبٍ تعلق في هواك ومساريك
حاولت فيه يحب غيرك وعيّا .
